終於用乏味、難明既方法講完香港歷史(2)

本身小弟打算用有趣、淺白既方法去講下香港歷史

原Post:
https://lihkg.com/thread/546368/page/1

點知最後寫完出嚟發覺都仲係好有進步空間，所以第二個Post 既Topic 都係謙虛少少

多得諸位巴絲不離不棄，無諗過個Post 講香港史都可以有過千正評兼且有推爆既一日，真係滾動過搵到一個肯捱麥記既女朋友

之前個post 走馬看花咁講咗香港發生過既大事同主要機構成立經過
依個Post 會繼續講未完既部分

另外小弟有其他已完結既學術Post，得閒都可以睇下:

[考古]講 下 香 港 既 歷 史 建 築
https://lihkg.com/thread/479680/page/1

[法證]由零開始講解，中學程度都會睇得明
https://lihkg.com/thread/446822/page/1

留名！

開新Post 衰衰地都要有一篇文

63. 殺局改組 - 康文署、食環署成立

先講下香港潔淨局係喺1883年4月成立，當時成立係為咗解決大量中國苦力湧港、居住環境擠迫所造成既公共衛生問題，要起返足夠既廁所同排污系統。1888年5月31日，為咗鼓勵社區參與公共市政，有交差餉既人都有資格選出其中兩名潔淨局成員，成為香港開埠第一次選舉

1935年3月1日，潔淨局改組成為市政局，增加咗非官守成員既人數，進一步鼓勵更多行業專才參與

去到1953年，市政局既職能由公共衛生延伸到房屋方面，為咗喺管治上更加貼地，民選議員陸續增加到1956年既8席，增加咗民主成分

1974年因應新界新市鎮既發展，區域市政局成立並且管豁新界既市政事務

1983年市政局進一步民主化，原本有選舉都係小圈子，而家就擴大到年滿21歲既成人都有資格選出一半既議席；而去到1995年彭定康大玩政改，規定市政區同區域市政局全部議席都由直選產生，違反咗中方希望有一定委任議員既意願，所以殺局基本上係無可避免

回歸之後，特區政府借住禽流感事件乘機削去兩區喺公共環境衛生方面既權力，並且以避免資源重疊作為理由殺局。當時立法局裏面無論係民主黨、民建聯定係自由黨，以致係區域市政局主席劉皇發都表明反對

政府方面認為而家分由兩個市政局去管理相同既事務係浪費公帑之餘，更加會因為職權分散而影響行政效率。之後再喺中央既協調之下，立法會都係以4票之差通過殺局，取而代之係康文署同食環處負責返兩局既市政事務，而區議會並無承繼任何實際市政權力，繼續都只係無實權既地方諮詢機構

Lm support

愛歴史之人瑞在此留名 樓主好有心

幫推

lm support

Lm

恭喜

新po留名

開新Post 衰衰地都要有一篇文

63. 殺局改組 - 康文署、食環署成立

...

政府方面認為而家分由兩個市政局去管理相同既事務係浪費公帑之餘，更加會因為職權分散而影響行政效率。之後再喺中央既協調之下，立法會都係以4票之差通過殺局，取而代之係康文署同食環處負責返兩局既市政事務，而區議會並無承繼任何實際市政權力，繼續都只係無實權既地方諮詢機構

所以而家食環先至咁仆街
btw唔係食環署咩

sor 打錯字

標題係啱嫁

btw 如果管治班底係無足夠既民意授權同制衡，任何制度同架構都只會出產你所講果類人

64. 推行高官問責制

所謂行政主導，即係話政府高層係由公務員話事同制定政策，喺特區成立既初期就係咁。當時除咗律政司司長梁愛詩之外，所有既司長同局長都係公務員出身。公務員其實即係打份工，理論上唔係衰刑事既話係做錯野都唔炒得，無一個所謂政治承擔既責任

美國行緊果套就叫做政治主導，即係政府最高層都唔係公務員，而係由總統任命既人，大多係相同政黨既人士，任期會隨住總統任期一齊結束，中間衰咗亦都要有政治承擔甚至下台

中共果邊本身一直都係好反對香港行美國果套，唔想破壞行政主導既基礎。可惜喺回歸之後發生既事件令到香港人對特區施政信心盡失:
1997-1998 禽流感瞞報事件
1998新機場啟用大混亂事件
2000居屋短樁事件
2000年八萬五已不存在風波

喺現行既框架下，再爆多幾多鑊都好，公務員都只係打份工，令到社會輿論開始要求問責制

中央方面對於政治主導既概念都開始軟化，原因在於過往其他政策局長都係under政務司司長既公務員，有一個問題係會聽政務司(陳方安生)講隨時多過聽特首（董建華）講，形成分庭抗禮。1999年陳方安生正值花甲之年需要退休，正好就係諗下點樣改變既好時機，令到特首可以集權，更加重要既係咁做為董建華連任鋪路

1999年6月28日，董建華委任醫管局既行政總裁楊永強出任衛生福利局局長，成為咗回歸後第一個唔係公務員，以合約制外聘既政策局長。香港發展出自己果套既高官問責制度，既唔會好似英國咁由議員出任主要官員，又唔會好似美國咁每屆換哂差唔多所有主要官員

喺香港既問責制度下，大致有以下既改變:
1. 司、局長唔再係公務員，任期跟返委任佢既特首
2. 特首有權委任任何佢屬意既人選出任司局長，有關人士唔再一定係公務員出身
3. 公務員體制之中原有既局長職級改稱為常任秘書長，自此常秘成為香港最高級既公務員
4. 原本既公務員變身問責官員之後，當作退休處理長糧同福利

高官問責制原意係好，不過好衰唔衰，喺制度實施一年之內發生兩件大事，嚴重打擊新班子既民望同問責制既形像:

1. 2003年3月財爺梁錦松喺財政預算案之中大幅調高汽車首次登記稅，不過傳媒就挖到佢喺一個月之前買咗部凌志房車。梁錦松捐返個差額雙倍畀福幼，可惜了唔到事

董伯伯認為佢只係無心之失，無須下台

2. 2003年3月起香港受到SARS衝擊，楊永強局長被指刻意隱瞞疫情，並且未能採取有效措施導致疫症喺淘大爆發

董伯伯唔單止唔炒楊局長，仲委任佢做非典專家委員會主席

由此可見，喺司局級官員做唔到野、做錯野既情況下，董伯伯都無按照問責制既精神炒咗相關官員，反而仲喺言行上維護佢地，令到高官問責制喺當時名存實亡

記得當時楊永強有個廣告左cut右cut再接先出到街最後仲要播咗幾次就收起咗

唔太明

當年喺電台大大聲話沙士冇社區爆發

好似SARS嗰時播，拍到pat屎咁