[垃圾文筆日記]帶住心臟踩去西藏

冇，平時都冇踩，運動都少做

8月31號 (Day 41)

Today target

祿豐縣->南華縣


今日一起身，老闆娘就整左幾碗麵比我地食。

臨走之前仲不停叮囑我地要小心。

本身我地已經走左，點知DaDa想老闆娘簽個名係佢架單車到，我地又翻去

之後再走，踩踩下想睇下個速度，一睇，我屌，留左個碼表係房到，又要再翻去拎，做左低b仔，係咁比佢地笑。







一路上都有好正既風景



準備進入黑雲區

雲南好特別既地方，就係天氣問題，比人稱雲南十八怪其中之一。

落雨可以係極細局部性，依加落雨，轉個彎就可能已經冇落。

入左黑雲區都冇5分鐘，就開始落雨

即刻著d防水衣，落左5分鐘就停雨，個太陽仲要好鬼勁，又要除翻衫。







靚到都唔知講咩好


3條友食左120蚊，個回鍋肉真係世界級

住都係每人53蚊，三人房，正。


https://www.youtube.com/watch?v=1e4FxuaqrNo&feature=youtu.be

9月1號 (Day 42)

Today target

南華縣->雲南驛鎮


本來去係海拔2000米既祥雲县，不過夜得制就近小小去雲南驛鎮。

我地都係海拔1800米既南華县，就咁睇好似好輕鬆，咁諗就大錯特錯。

因為係要上一座海拔2500米既大山，因為咁菠蘿痛，所以輕腳慢慢上。


其實成段路都係整緊，所以都幾難行。

就係呢段路，令我地進退兩難
個工程應該係鋪沙再整路
前面部機fing黎fing去，停左十五分鐘等佢
最後忍唔住上壆推過去


最佳組合


最高點，海拔2500


DaDa食個柑，話：好撚多汁。
啊達話：有"柑"汁，未聽講咩。
笑撚到我仆街






正到呢



Bad luck


個插頭係我張床上面乜野玩法


呢粒糖來源就係傻系達買野人地冇五毫字比佢，就比左五粒糖佢，佢只能無奈接受
笑撚到仆街。



https://youtu.be/Ochpe7itCoM

樓主加油
想繼續睇落去

9月2號 (Day 43)

Today target

雲南驛鎮->大理


今日終於去大理，已經同佢地講好係大理休息一日。

本身諗住七點起身，最後我就轆到八點先起身，佢地就慢慢黎，最後十一點搞好哂啲野
食埋飯都十二點。


正


準備上山



山腰




山頂


瘦到

上左座海拔2500米既大山，風景真係冇得彈。

我地仲撞到一個係大理黎既家庭，我地都傾左陣計，佢地好明確話比我地知，大理古城係正過麗江古城好多。

上完山，就已經係30公里落斜，所以其實都唔多算辛苦。

今日決定左同佢地分開住，因為我想住城區，佢地想住大理古城入面。

跟住就出事啦，一係酒店好貴，一係就冇電梯，搵左成粒鐘，都冇個啱，最後都係搵左間一般般住算。

https://youtu.be/78_ROqcLliY

lm

十卜

Live咗
有人一齊上一齊分享真係開心好多
樓主快啲出文

文呢！！！！！

第一次live

支持

9月3號 (Day 44)

Today no target

今日休息一天

城區比我既感覺麻麻地，所以我一起身就踩單車去古城搵佢地。

同麗江唔同，大理古城同市區係有一段距離。


古城

順便揀左間青旅住，只係20蚊，八人房，但係應有盡有，除左個廁所細小小。

放低哂啲野就去搵佢地食咩Chinese hamburger，其實就係啲包。

大理古城係有好多租電動車既地方，所以我地都一人一部，租一部電動車都唔算貴，只係35蚊日。


DaDa，第一次揸。


青旅有隻貓，任摸唔嬲












洱海，我諗海天一色就真係呢種。


大理古城


啊達話黎到緊係要啤啤佢


步行街


M記都整到古色古香



城門

打呢個旅記既時候就已經去左麗江古城，但係根本同大理古城冇得比，大理古城比人一種好休閒好舒服既感覺。

有好多cafe同酒吧，駐唱歌手都係自彈自唱，相當有feel。

夜既翻青旅，係香港有個朋友唔開心，就係青旅出面啲巷仔傾下電話，唔小心嘈到人，比人用純正既廣東話問候，如果你係連登仔，係到同你講聲唔好意思嘈到你。


9月4號 (Day 45)

Today target

大理->松桂鎮



靜靜雞做準備，唔好嘈到人。

本身DaDa前一晚whatapps我話聽日九點出發，咁我緊係晨早起身準備啦。
我就等呀等，見佢都冇whatapps我，就知道賴野，又訓緊，冇計又要繼續等
等到十點，終於whatapps我話啊達仲訓緊，唔好出黎住，心諗wtf。
最後等到十一點半先一齊食早餐。




都係上下斜又落下斜


雲南真係好多風力發電

DaDa踩到一半既時候，話自己好唔舒服，但係差小小，就諗住搞掂埋佢，到左松佳鎮，DaDa已經想暈低咁制，我地就拿拿聲搵賓館比佢休息，搵到間可以100蚊就開到一間二人同單人房，真係抵到爛，但係世事就唔會咁易比你成功，原來呢間賓館係唔可以比香港人住，我地首先要去左派出所到登記先得，搞左一輪，DaDa先要得休息。

https://www.youtube.com/watch?v=0Sedmbf0qsc&feature=youtu.be

9月5號 (Day 46)

Today target

松桂鎮->麗江


因為琴日DaDa病左，所以佢好早食左藥就訓，結果今日係完全好翻，精神到可以今晚打老虎。


炒落渠



正


我屌呀

雲南既十八怪最濕鳩就係「這邊下雨那邊曬」踩到一半，個頭頂就有舊大到仆街既黑雲，根據之前經驗，快過舊雲就實冇死，點知都係走唔甩，係一開波就勁大雨，即刻同佢地停車著防水衫，同整個防水袋。

但係我屌，愈落愈勁。

最過份佢竟然落雹，係咁打落啲手指到，痛到叫出黎，一開始以為啲雨勁到咁，睇真啲原來係雹，仲要條路冇地方比我地避。

我地三條友都係到大笑，問個天：係咪要搞死我地呀。


睇到都笑鳩左


最慘踩多5分鐘佢竟然出太陽，真係比佢玩到傻左。


介紹翻，古色古香KFC。

麗江古城，一堆club，鬥嘈咁既款，同大理比差係差幾條街



小巷


好重商業味

https://www.youtube.com/watch?v=u_ujIAS3mLI

Live

live

十卜 加油
btw好想睇下樓主全部既裝備 例如眼睛等等

有無落club食女先

好似冇哂已經

冇，我唔玩呢啲

9月6號 (Day 47)

Today no target

今日係麗江到休息，係古城周圍行下，不過講真晏晝行，係好feel好多，啲club真係拉低哂質素
一直以黎我都想搵係木牌刻字既鋪頭，今日終於比我搵到，佢有好多現成同可以自己揀黎刻，我就揀左「人定勝天」，喻意自己排除萬難到達西藏。


高處睇古城，其實麗江古城係好撚大，我試過係入面盪失路。

同佢地一路行上古城上面，搵左個cafe坐係到吹下水。

之後就行下古城












行完之後就去食野，之後就出事了，屌。

我食左小小之後就覺得個肚好撚唔舒服，好脹，諗住係肚痛姐，就走左去柯屎，點知柯唔到之如仲愈黎愈痛，再睇個肚真係脹左好多。

搞唔掂就走左去人民醫院睇，睇完佢就話佢都唔知咩事，要抽血，照x光同做超聲波，當堂呆左，有冇咁嚴重。

好彩醫院到冇乜人，唔係既話，真係可能要等十年先走得，照完X光之後，等緊報告既時候就上左去抽血，佢地就話抽血唔洗驚架，係支針粗左啲架姐，我就話:屌，咪同打針差唔多，一見到佢支針，立即講左句:哇屌呀，個護士趁我個意志力衰弱個下就一野吉左入黎，本身我就刀槍不入，不過個護士幾快手，都唔單聲就吉入黎。

照超聲波既時候，佢地就開始黎料啦，到底係男定女呢，笑到仆街，個護士係到心諗呢幾條友係到搞緊乜。

搞唒啲野就翻去個醫生到比報告佢睇，當佢一睇到份X光就問我，係咪好多日冇去大，我就答佢有啦，點知佢一語驚人，講左句:，你便秘喎，笑撚到佢地仆街，我就勁無奈睇住佢地笑。

回想翻應該係飲水太少，本身我係一個飲幾多水既人，但係你踩單車就少左好多機會飲水，同會出好多汗，加上我夜晚係飲好少水，導致左呢個慘劇既發生。

睇完醫生之後，因為我踩單車出黎，啊達就幫我踩部單車翻去，好撚感謝你。

大家唔想好似我咁ON99，就記得食多啲蔬菜同飲多啲水，因為我要安心養胎，所以聽日就跟唔到團去玉龍雪山，只有佢地兩個人去，我就要後日先去到。

ching好勇同好有恆心，好佩服。
好羨慕你一路都遇到好人，可能細城市，村入邊啲人比較真。我好多時中港兩邊走去到大城市比人撩都唔多理人 驚俾人捉去角落打劫
btw.真心佩服，一見個topic 即入追黎睇

9月7號 (Day 48)

Today no target

由於我要係青旅休息，所以冇同地去到玉龍雪山，其實我係朝早已經好翻好多，係可以上到山既狀態，不過跟住去都冇用，因為導遊冇買到我既飛。

結果今日可以訓到自然醒，咁就去寄啲野翻香港，有啲鮮花餅同夏天衫，大約都有7KG，因為麗江只有幾個地方可以寄野去香港，咁就去中國郵政到寄啦，佢有兩個PLAN比你揀，一係快同慢，我諗應該係空運同海運，我淨係問左海運幾錢，但係竟然要200蚊，仲要兩個月先到，姐係我翻到香港仲未到，之後先醒起寄到深圳會平好多，就搵個可以收件既地址，用空運120蚊搞掂。

咁啱有個朋友睇到我SNAPCHAT，PO左張相係係X牛骨上刻左”人定勝天”，佢又想整個，搞左幾輪就刻”屌你老母”，仲刻左個"百忍成金"比另一個朋友。


刻既途中就睇下其他現成既，見到個”上善若水”比呢幾個字吸引左，因為睇小說既時候唔明，所以就GOOGLE睇下咩意思，原來係好有意思。


水:
避高趨下是一種謙遜
奔流到海是一種追求
剛柔相濟是一種能力
海納百川是一種大度
滴水穿石是一種毅力
洗滌污淖是一種奉獻
Copy from internet


翻去個陣真係好靚

翻去個陣，DaDa同啊達就同我講佢地聽日就走，因為佢地要趕行程，佢地之後有野做，其實我一直都諗緊會唔會係麗江留低玩幾日，因為仲有盧沽湖未去，我就打算去埋，但係佢地就唔得閒，所以佢地決定先行出發。