Today target
八宿縣->然烏鎮
今日又要上達安久拉山，93km有70km都係上斜，所以今日一開波就係咁上。
可能琴日炒完車，個前刹好似壞壞地成日磨到塊碟，就會有幾尖既聲，整左幾次都幾唔掂。
DaDa就話我部車唔掂，立即激發我鬥志，我同心跳號唔可以比人睇死。
係咁轟落個腳踏到，個心好似就爆，膝頭又勁痛。
上山得番14km，原本估計要七點先到山頂，立即飲左罐redblue，好似食左禁藥咁，踩得勁快，仲追過左前面兩個唔識既人，六點就到左山頂。
其實唔難
唔識果兩個人率先出發，我地緊隨其後。
我地落斜左十分鐘後已經追到個四眼單車友，我過左佢之後，諗住減慢速度等埋佢地，點知個四眼boy，過我既時候望住我笑撚住點頭，勁串，我地三條友即刻開盡turbo抽車追佢，過左佢冇耐就入左條隧道，係用黎擋住飛石，但係個地都爛哂，所以我係咁刹車，前面有一塊爛地，咁就諗住轉左，點知啊達突然大叫睇車，原來係條四眼boy用極快既速度係我勁近飛過，只係差小小就收皮。
我諗比佢撞到既話，九成要入廠修理一下。
踩單車姐，唔洗搵命搏呀嘛大哥。
