[垃圾文筆日記]帶住心臟踩去西藏

支持

巴打事前準備左幾耐？

有諗法係出發前一年，實際準備左三個星期，大多數都係等淘寶。

洗唔洗練定體能定本身有運動開

我自己本身就乜都冇做冇練，其實之前都有講過，其實去到西藏之前都只係訓練。
當然如果你本身有做開運動既話可以直接係成都或者麗江出發。

樓主其實我都想試下踩過去
可唔可以tg 交流下

https://t.me/neferK

10月6號 (Day 77)

萬眾期待既珠峰，我來了

Day2:日喀則->珠峰大本營

今日既行程就係直轟去珠峰大本營
我地離開左日喀則就好快到沙漠地區，到處都係沙石，我地行個條路叫嘎定線，震到成個人飛起，分分鐘勁過過山車。




正



有架車太靠邊，掉左落去搞到大塞車。





導遊有停底比我地玩下沙


竟然有人捉到動物，唔係好知係咩黎。


買左飛就繼續上，唔好以為好快到，仲有成兩個鐘。





呢個觀景台係可以見到五座八千米以上既山峰。




好快就到珠峰大本營

導遊同我地講上珠峰大本營有四樣野可以租，重要性由高至低
1. 鋼瓶氧氣，$600
2. 睡袋，$100
3. 大衣，$100
4. 包腳既圍裙，有啲似蘇格蘭個種，$100

氧氣係高山係好重要，一般人如果係包車由成都或者麗江去拉薩都會經過幾座五千米大山，珠峰大本營都係五千二，令到好多人忽略左額外氧氣既重要性，因為係要訓一晚，睡眠會放慢人既呼吸，加重缺氧，就會有高反。

利申：乜事都冇

因為我遲落車，第二個導遊上去同我地導遊講。
導遊2：你地就只有兩瓶氧，夠唔夠呀。
導遊1：冇計，佢地唔買。
導遊2：琴日先有個外國人死左。

之後問人先知道得38歲，所以係高山訓教係危險，不過又唔洗咁擔心，一般人都只係訓下又醒下，頭好痛，所以600蚊就睇你買唔買呢個保險。

話咁快就到左大本營，導遊好快就安排左帳篷比團友，唔係全部一齊，有啲人分開。



右手邊條柱就係用黎傳啲熱力去個帳篷到



帳篷入面就係咁既環境

帳篷有火爐係用羊糞燒，係唔臭既，夜晚就燒完，仲有飯食，不過就貴啲。

睡袋既作用就只係乾淨同小小保暖作用，因為我地係住帳篷入面，被鋪枕頭都係唔會洗，所以好鬼污糟，我有租到。

大衣圍裙個啲其實就唔太需要，因為你通常都帶夠衫去，比個親身例子，我就著左一件u記extreme heatech衫，加件T，再加件羽絨，著左一條u記extreme heatech褲，加件棉褲，就搞掂，我仲可以夜晚出去影相。


日落中的珠峰，日照金山，變左日照一忽(遲左到，日落已經差唔多冇)



呢個高度聽講係新度既岩線，之前係度雪線。

加左15蚊食左個蛋炒飯，同五磅甜茶同人share。

之後就同啲人傾下計，帳篷既主人係藏民，原來佢地啲衫係同黎珠峰既人換，用佛珠之類既野，唔怪得個個人都有羽絨。

個醫生同我講，長年係高原住既人係唔可以去太低既地方，會氧中毒，同埋本來就會短壽，因為佢地個心臟特別大。

一開始帳篷由導遊定，點知原來未定實，係由四個政府部門定每個帳篷住既人數，搞到11點先有得出去。





天公不做美，因為月光太勁，乜野銀河都睇唔到，好想死。

影唔到就死死氣翻去帳篷訓教

個帳篷入面本身已經冇乜氧，有條撚樣訓唔到又起身食煙，屌你，本身有高反仲食煙，係咪想反死你呀，搞到其他人訓唔到，不過我都係聽人講，因為我訓到成隻豬咁。

第一頁追到呢到，樓主好勇好勁，睇完覺得好滿足！自己一個冇咁既勇氣去做！
好叻呀樓主

想問珠峰係唔係有好多支國旗插曬係到？

追咗咁耐終於到咗拉薩
好滾動

雖然得十幾廿頁，已經係今年見過最高質嘅post

冇留意，好似冇

多謝巴打，but呢年先過左三個月

冇，大佬上面先啱啱寫完去左珠峰大本營

追到live, 感覺樓主由一開始既小毒撚，變成左一個好外向既人

其實都冇話變得好勁，不過好過之前

留翻啲遺憾咪下次可以再去

10月8號 (Day 79)

Day4:日喀則->拉薩

導遊無啦啦同我地講，前面就係天葬既地方。


天葬地點

西藏葬法就有四種，天葬，水葬，土葬，塔葬。

天葬係相當高級，有功績先可以天葬。

水葬係中毒，生病，因為禿鷹食左就有問題。

土葬，做壞事多既人，喻意打入十八層地獄。

塔葬係最高級，活佛先有，班禪大師同達賴喇嘛。

之前係可以睇天葬既過程，不過依加唔比睇，除左有熟人，因為有人睇完拍左片放上網，話天葬好殘忍。

不過我就覺得咁先似天道輪回既一環，人類食左咁多動物，死後就回饋翻大自然，正正就係一個圈，係好特別既文化。

有興趣可以上網搵下，應該會有片睇。

之後導遊帶左我地去shopping，不過唔係強制性，有興趣就買。

雖然話係去shopping，不過其實係去左一條小村到。




藏民既屋企

入面係唔比影相，因為有佛堂係入面。

之後就參觀藏民屋企，其實姐係啲購物點，不過會講下啲文化風俗。

男人叫扎西，女人叫卓瑪

如果女人嫁去一個男人屋企到，就會佢啲兄弟一齊share。

如果巴打嫁去人地屋企就爽爽了，如果冇聽錯既話。

之後就開始sell野，係銀器黎，不過同一般銀唔同，因為佢係有加藏藥入去，令到啲銀對人體更好。

咁先發現啲團友都係有米仔，有個大財主，買左七千幾蚊野，好似個個都有買野，本來我都想買，因為好似對身體幾好，但係諗一諗，不如做運動咪仲對身體好，就冇買到。


團友a，就係因為佢令我打消買銀器既念頭。

佢由出發病到完，一開始就高反，之後就肚屙，真係擔心佢既生活

人地sell緊銀器，佢一知道對身體好就即刻話買，心諗你不如做多啲運動啦。



峽谷，不過香格里拉個峽谷冇得比。


風景

之後就去左個手信市場，專賣牦牛肉干，導遊同我地講，入去係咁食就得架啦，唔洗比錢。

入面又係唔比影相，我就係咁試食，好彩啊達同DaDa冇黎，如果唔係我覺得佢地會考慮取消試食。


我拎起一包睇下幾錢89蚊，心諗，真係想食我隻車，之後先知，如果本地人去係有五折，好彩冇買，大財主又買左八百幾蚊。

之後導遊就載到我地去布達拉宮就解散，大家都知道呢次導遊做埋呢轉就唔做，就翻鄉下，都捉住佢影相。

其實我都覺得佢唔錯，至少佢今次冇hea做，完滿咁完全佢既最後一次，前幾日佢單獨咁車我去第二間酒店，我都有問下佢點解唔繼續做落去，佢就話做埋做埋都唔夠洗，遊客又少左，導遊又多左，不如翻鄉下好過啦。


我諗，佢睇到既布達拉宮同我睇到既係唔同。

翻到去青旅，原來DaDa仲等緊我食飯，我心諗你又唔講，我食左咁多牦牛肉，點再食，不過都陪佢出下去食，講下去珠峰既搞笑野。

唔小心禁左回覆，所以跳左一日

10月7號 (Day 78)

Day3:大本營->嘉措拉山->日喀則


夜晚影，上次冇放上黎。

一教訓天光爽，一起身就汁好野準備去影日照金山





得小小，導遊話日落就先係全座山


背面

因為時間唔夠，所以要趕翻去搭車，點知有人遲左成45分鐘，導遊係咁屌。


經過係珠峰大本營附近既絨毛寺，係世界上最就既寺廟。

之後原路折返，姐係又經過條震到變智障既嘎定線。




上次既觀景台，天氣好到不得了，睇哂五座八千米峰，可以做wallpaper。

下面呢part可能有啲悶




去左參觀扎什倫布寺，係一個佛教既寺堂，唔好以為佢好細，其實好鬼大。

以下都係我講述導遊既介紹，因為太多資料，可能有啲已經唔記得。

入面大約有八百個喇嘛住係到同上堂，佢地係以寺養寺既方式去經營，因為喇嘛係免費住係寺堂，寺堂入面有住宿，有醫院，有收取門票，去賺錢，大約就係咁。


喇嘛屋企都係一色一樣，白色代表觀音菩薩，黑色代表金剛菩薩，紅色屋頂代表文書菩薩。



五百年既燈心樹，西藏獨有植物。


第一站係彌勒殿，入面係唔比影相。

西藏既佛教冇咁多規矩，例如唔可以踩門檻，樓梯一定要左上右落。


Copy from internet

佛像高26.2米，係全世界最大既銅製佛像，由110個工匠，用4年打造，原本係可以上去睇，但係因為呢個大殿已經好舊。

全世界最大既石製佛像就係四川既樂山大佛

入去就順時針咁參拜


下一站，十世班禪大師既塔葬之地，釋頌南捷。

先同大家講下，班禪大師係乜。

信徒認為
班禪大師係阿彌陀佛的化身
達賴喇嘛係觀音菩薩的化身
都係活佛，只有活佛先可以塔葬


而呢個靈塔足足用左黄金614公斤，白银275公斤，係用得最多黃金既靈塔
十世班禪大師既肉身都用金練包住。







周圍風景


曲康吉，係四世班禪大師既靈塔。

係最豪華既靈塔，原因係用左大量既寶石。

第五六七八九世班禪大師既靈塔都係冇左，好似係因為文化大革命既時候破壞左。

咁點解四世既又冇事呢?
聽聞當時信徒將食物都堆滿靈塔，等啲人入到黎以為係倉庫



錯欽大殿

係喇嘛上堂既地方，入面可以同時容納到2000人


小朋友喇嘛




別有一番風味

翻酒店之後就約左團友出黎食野


串串香

有機會就會去

10月9號 (Day 80)

DaDa今日一早就要坐飛機翻香港，起身送佢走之後就繼續訓，自然醒真係好爽，寫左幾張post card就去左光明甜茶館，有事冇事都要黎嘆下。



舒服

坐低飲左幾杯之後就同隔黎個唔識既呀叔傾下計，原來佢都去左珠峰，不過佢係由東面入去，要徒步，一般人去大本營係由北面去。

佢沿途既相我都有睇，確實幾靚，呢條線叫珠峰東坡，佢行入去仲要搵牦牛幫手搬野，呢條線都係有好多人一齊行，仲有固定既check point，同我地踩單車一樣，要趕路，大叔足足行左六日。

呀叔走左之後，坐多半個鐘，又撞都係呀叔，不過係之前珠峰團既，同佢吹左陣水，佢就問我去邊，我話冇地方去，問我去唔去小昭寺。


呀叔幫我比埋錢，拒絕唔到。




小昭寺


經輪








內部


認真的大叔


好多經幡

睇完之後就行左去大昭寺睇，但係大昭寺附近全部都係商店，成條商店街咁。

行左陣，就撞到個醫生同護士，世界都唔大，拉薩仲細。

之後見到條圍巾，60蚊，正想比錢既時候，個醫生喝住我，話你比左錢，我點樣講價。

又真係比佢講到40蚊，幾鬼勁。


之後就去左間書店睇耐左就叫佢地走先。




幾文青feel


大昭寺的周邊

翻到去又得翻自己一個，膽粗粗就去問人地借張身份證去網吧打機，去網吧一定要有張大陸身份證，香港人又係玩唔到。

點知又肯借比我，再問隔黎條友借LoL ac搞掂，又可以做毒撚。


李星大哥，大陸叫盲僧，好撚肉酸。

10月10號 (Day 81)

今日既任務就係寄走架單車同個後尾包。

一起身踩去超市到買個保溫杯，為左可以成日都飲到熱既甜茶，諗起都爽，但係原來我買既甜茶粉真係冇得比，好鬼難飲。

之後先去寄單車，拉薩係有好多地方都寄到單車，價錢通常都係150左右，我就揀左飛登，因為大家都有個登字，點會係呢個原因呀，因為佢係專業打包單車。

之後就搭車翻去，竟然見到前面有勁多濃煙。




聽講係餃子館著火

本身影左好多相，之後有兩條差佬走埋捉住我住手，心諗住做乜鳩，gay架。

原來話唔比影相，屌你老味咪直接講，最多咪走行遠啲再影過，動手動腳你話幾唔君子呢。

最好笑佢好似以為我會唔願意del相，自行打開我部手機，發現開唔到，我就施施然同佢講，我黎啦，佢都呆左，心諗咁合作都有既，最後我都行遠啲再影。

最屌既係，我見到有條友又係影相，個公安走埋去捉住佢要佢del相，怇竟然唔del仲甩開公安隻手，結果佢就咁走左，公安冇理佢，相比之下，真係我真係唔係好掂。

聽日就係最後一日出文，聽日我就會寫離開拉薩坐火車，多謝大家一路g持