[垃圾文筆日記]帶住心臟踩去西藏

我有買薯伯伯本書

可唔可以講多啲薯伯伯果度既事

同埋拉薩

垃圾丹尼爾都有人致敬

好正

我一開始都諗住自己係一個人上路，但係其實好多人都會比好多支持你促成呢樣野。

遲啲可以整個外傳，講下薯伯伯

真，不過我都幾欣賞佢

Live完 樓主好勁 真心佩服

本身1230要瞓，唔小心㩒咗入嚟就追曬了，又要遲起身啦聽朝
佩服樓主呀！不過你真係要小心，見到你今次旅程有好多次都係大步檻過，但touchwood人生唔會永遠咁樣，你以後做咩都唔好咁魯莽啦，好危險㗎
恭喜你達成目標！

留名支持

睇好多遊記，好多人搭火車入去都頂唔順高原反應。踩幾十日單車入去真係好勁。

一次過追晒 好佩服
希望日後都有機會嘗試


利申 廢j唔多識踩單車

人不輕狂枉少年

只不過係因為踩單車可以慢慢上，所以先可以慢慢習慣

踩單車呢味野最緊要都係試架姐

10月3號 (Day 74)

Today no target

今日終於可以訓到自然醒，由於琴晚住既平措青旅太貴，雖然真係唔錯，我地真係負擔唔到，所以起身之後就去搵地方住，搵左一大輪先搵到間平野，又係個香港人當外國人個原因。


之後就走左去拉薩必到既光明甜茶館，試下佢咩料。

每個人都會去扲隻杯，係枱放低一蚊跟機，之後就會有人收走你個一蚊挑你機，其實係幫你倒一杯甜茶，然後大家一齊坐低吹下水，咁又一日，相當寫意，好似香港既cafe，但係唔洗控制自己既聲量，環境雖然冇咁舒服，只有一個硬板凳，但係就比左個機會融入本地人，不過佢個薯條真係唔錯，當地叫炸土豆。


一蚊跟機


加左啲辣粉之後又幾野味，西藏版SHAKESHAKE薯條。


環境

食完之後就同啊達同DaDa分開左，佢地去搵點整邊防證(去珠峰大本營需要)，我就去搵點樣寄單車翻香港，其實寄翻去都幾平，只係160蚊，包20kg，一開始以為要500以上，真係唔知頭唔知路。


之後去埋天上西藏郵局買明信片


拉薩真美麗

之後搵翻啊達同DaDa食晚飯，點知撞到佢地既兩個朋友，仲係香港人，原來我同佢地分開左既時候，佢地去左風轉咖啡館，識左Leo同Vincent。

大家仲要係同一間餐廳相遇，佢地已經等左好耐，我地就遲黎一齊上岸，5個人一齊食飯，係異地撞到香港人都係好興奮，就連我平時咁小野講，都傾得好開心，知道左我想join團去珠峰，都比左好多意見我，仲請我地食飯，真係大大的感謝。

10月4號 (Day 75)

Today no target

雖然話放假，但係其實都有好多野要做，好似啊達同DaDa想要去布達拉宮就今日一早就要去布達拉宮門口預定聽日既飛，所以話都唔係咁輕鬆，之後佢地仲要去搵點樣做邊防證，搞左兩日，因為濕鳩大，個人邊防證整唔到。

而我朝早做緊乜，就緊係攤係張床到，不過當佢地翻黎，我就出去報珠峰團同寫哂所以既明信卡，周圍走黎走去問價，終於比我搵到間又平又好評價既團。

聽講每個黎到布達拉宮都會摺張50蚊影相，我都唔執輸。



影左幾張係呢張最好，其實唔易。






真係唔錯，講緊我啲技術。

今日竟然有人知道啊達去荷蘭就強塞400蚊比佢，原來果個人好耐之前都有踩過去西藏，知道踩單車有幾辛苦，希望呢小小錢可以幫到啊達，真係人間有愛。

因為聽日就要去珠峰，我翻黎之後啊達已經踩緊去珠峰，DaDa就見一日之後就會飛翻香港，遲啲再翻黎，所以今日係最後一日同佢地食中秋晚餐。


揀左間西餐廳


鋸扒

食完之後我地仲去搵月餅食，邊個話去到西藏唔洗應節。



先去supermarket買月餅，再去kfc食雞

聽日就要分開，雖然分離係屢見不鮮，但係都係習慣唔到，點都有依依不捨既感覺湧上心頭。

你就係呀康！

Live

想問樓主 上珠峰要搞咩野證？
過多幾個月想組團踩單車去西藏
曾經環過台灣

我八月都會去滇藏線,不過只係搭順風車上,無你地咁勇

邊防證，遲啲會詳細講到

都好呀，西藏風景一絕