[垃圾文筆日記]帶住心臟踩去西藏

唔係住呢間，但係梅里雪山真係冇得輸

巴打你好犀利呀！
留名支持

留名

上個月去住覺色有遇到呢個香港人

支持

支持你

7月31號(Day 10)

Today no target

因為琴日踩完隻手仲痛，我就諗可能唔關個seat事，可能係個手把問題，今日又想去單車鋪問下係咩問題，經過住宿問題，所以我就一早就換左間賓館，仲專登問可唔可以用洗衣機，因為手痛，仲要手洗衫真係折磨。

好好彩比我搵到一間，我仲好抵死講價，佢又肯平啲比我，有冷氣80蚊講到70蚊，個下好有滿足感，唔怪得之啲人咁鐘意講價。


間房

之後去單車鋪問點樣手腕先會唔痛，佢就話蝴蝶把就最好，但係佢冇，話要去到大行先有，但係佢有牛角，話用住先再唔掂就去大行買蝴蝶把，仲叫我去買個護腕會好啲。


呢種就係蝴蝶把

其實我都算半個港孩，手腕痛都冇諗過去買護腕就知道自己有幾失敗，真係有左個牛角同護腕之後就隻手腕就好左好多，冇再痛，又或者已經習慣左。


牛角

之後翻到去，就同老板娘傾計，可能因為一個人踩單車真係太悶，所以同咩人都咁好傾，仲有個大叔係到，就一齊傾，傾到就快食飯時候，個老板娘竟然叫我一齊食飯，仲有佢個孫同佢朋友都係到，你話幾咁尷尬真係，不過窮都冇辦法，唯有黐餐，出左黎咁耐終於有住家飯食，好感動，唔洗再食出面啲快餐。


就係呢位好好人既老板娘


柒月

8月1號(Day 11)

Today target

羅定市->雲浮市


今日出發一開始都幾好，又有落斜又有平路，但係突然就有一個大山，其實又唔算好大，但係當時係我上既第一座山。


望落係好斜，自己上既時候就係好鬼斜。

都上唔夠十分鐘，就頂唔順，一黎天氣熱又斜，二黎係冇動力，就開始推車，推下又踩下，成日比啲假希望你，諗住轉個靚彎就到，點知仲要係咁上，屌!

天氣太熱，飲水飲得好快，兩支水差唔多已經冇哂，自己又抵死，諗住去到兩支水搞掂，去到中途再買水飲，平時我會有兩支水加支1.5L既大水。

就係呢個咁危急既關頭!

竟然比我見到個地盤，冇辦法，就膽粗粗去問水可唔可以比啲水我，已經做好比人拒絕既準備，點知佢地勁熱情，唔只比水我，仲叫我去佢地休息涼下冷氣，仲叫我去食飯，因為佢地啱啱食完飯，仲有啲餸，我就緊係唔客氣啦。


正

雖然係餸頭餸尾，但係人地係可以唔比你食，好鬼感動，差啲馬尿都流出黎，有呢啲特別既經歷，好似打左支強心針咁，之後既路愈踩愈順。


有人係架電單車到帶住幾隻鵝

咁我問佢買黎做乜，我一開始仲諗住佢買黎食，點知佢講係放係屋企個池塘到養，有野走黎走去靚啲。


一路上都有好多奇形怪狀既山，幾特別

踩到賴哂屎先到羅定，問左好多間都好貴，兜兜轉轉，最後住左間㚖臭地既賓館。

突然有隻曱甴爬左入我個馬鞍袋到，搞到要倒哂啲野出黎再打死佢，好彩係爬入去工具果邊。

真係屌哂你全家，嚇鳩死。

https://www.youtube.com/watch?v=ciw-fJI2qsA

8月2號(Day 12)

Today target

羅定市->岑溪市


今日終於衝出廣東，我諗一開始好多人都冇諗過我會出到廣東，但係我依加一步一步咁向住目標進發。


不了 要翻工


一路上都係咁樣，所以好多靚既風景都破壞哂。


第一次見到牛


食翻個廣西燒味飯，所以味道都幾差，不過都係十幾蚊。


落山既時候無啦啦落大雨 唉 濕撚晒，唉 唔撚驚

但係過左一陣就已經冇雨，最慘就係呢種，又整濕你，等一陣要冇雨，著完衫，過冇耐又要除翻哂啲衫。

https://youtu.be/IhK9K_coTdQ

支持巴打
我希望係要返工之前都可以踩入西藏
The Secret Life of Walter Mitty 句quote 真係好正

如果有機會既話真係可以試下，十分支持
我都好鐘意呢套戲

支持

8月3號(Day 13)

Today target

岑溪市->容縣


其實我成日都偷懶，今日太遲起身，所以就去近啲既地方。

一路都係上勁斜既坡，再落斜，又上又落。


睇相可能feel唔到有幾斜

推左幾次車，我認我垃圾。


啲山好宏偉

踩到七點幾，終於到左容縣，其實縣級都算係一個幾大既城市，基本上應有盡有。


綉江大橋

係容縣，我住左一間世界級性價比最高既酒店。


點解我淨係影個廁所？ 因為個廁所都值98蚊呢個價。

當然我好小住酒店，不過我都覺得好唔錯。

https://www.youtube.com/watch?v=fqRsIzcwxnI

8月4號

Today no target

我啲衫因為住酒店既前一日未洗，所以已經有兩日既衫 ，又咁好彩琴日洗完之後上頂樓晾衫，夜晚就落雨。


搞到要住多一日，等啲衫乾，如果唔係踩完之後就冇乾淨衫換。

收翻啲衫入房再扲冷氣吹住，好彩第二日都乾到。

我只係帶左三套衫，一開始既諗法係身上著住一套，踩完之後再換一衫，如果個日冇洗衫既話，再踩完都仲有一套可以換，不過就要一次過洗兩套衫。

我基本上係冇出過酒店，因為大陸好多APPS可以叫外賣，方便左我呢啲咁頹廢既人。

諗住開電視睇戲，但係點知又要比錢，結果都係乖乖地玩下手機算

8月5號(Day 15)

Today target

容縣->興業縣



一起身食左個幾好食既炒面


我踩到呢隻爛路既時候，我個背囊震到飛左落地下，全部都是泥，每一個都行過都望我呢條傻仔。


中午就食翻個特色快餐，我見幾多人都去食，我就跟埋入去，快餐黎講都幾好食。

順帶一提，大陸既所有汽水都係賣3蚊，搞到我成日都心思思想飲。



雅江水鄉聽聞係個景點黎，不過大陸呢啲景點冇一千個都有九百個。


無啦啦落大雨，走左去巴士站到避一避。

最後都好成功到達。


夜晚的貓

https://www.youtube.com/watch?v=ySMP4gH4JNo

lm

去到廣西都仲有人識講廣東話，不過過左南寧就好似冇聽過。

好好睇 lm
巴打好勇

最勁都係試過環台
表示支持!

我都想試下踩去 但無人陪
啲朋友都我唔好自己去 話好危險

請問師兄帶左幾多錢去。

我每日都追緊post架 好欣賞樓主呀