[垃圾文筆日記]帶住心臟踩去西藏

8月22號 (Day 32)

Today target

田林縣->沙梨鄉


琴日撞到兩個香港人啊達同DaDa，令到我一早就好興奮，好期待出發，今日一早就約左佢地係佢大路等，一齊食左個早餐就出發。


終於組到車隊

今日又係好辛苦，上上落落，琴日仲同佢地講互相鞭策，我叫佢地早起身，佢地就帶住我踩遠啲，但係上斜真係好想推車，佢地就係咁講，唔好推呀，推左就輸架啦，搞到我係咁頂硬上。

今日踩踩下既時候，突然又出現左一個單車友，佢同我地一樣上哂行李，佢就係馬哥，馬哥係由珠海黎，人如其名，真係牛高馬大，踩得好鬼快，當我地上斜個陣，佢係咁同啊達傾計，搞到佢踹哂氣，其實佢算幾熱情，就咁樣我就多左個roommate。


車手馬哥


今日真係熱到仆街，保守估計應該有36度

好辛苦先跟到啊達同DaDa，但係一諗到佢地行李又重過我，佢地都多兩個袋，DaDa所有行李應該有30KG，我就只有10KG，所以差好遠，但係佢地速度都係咁快。



點解可以咁撚靚個景


完?

上完斜落翻斜之後，舊州鎮食左野之後出發，問老板仲有幾耐先到，佢竟然話連續上26公里就應該到架啦，我地既心情都好沉重，仲諗住完成上完。

結果我地踩到成個天黑哂先到山頂，真係攰到賴屎，之後仲要落4公里先到，所以我地都開哂燈先繼續出發，安全第一，一路都剎住車咁落。


山上的風景

到左賓館，馬哥已經等左我地成半個鐘，我地沖完涼食個抄麵就訓教，成個人散左。

https://www.youtube.com/watch?v=s_nd_-r1b-w

8月23號 (Day 33)

Today target

沙梨鄉-->安龍縣


今日準備要挑戰地獄30公里連續上斜，一開始睇丹尼爾既文已經知道今日係好撚辛苦，所以為左唔洗又踩夜車，我地朝早七點鐘就起身，九點半出發挑戰30公里上斜。

點知今日一開波就6公里上斜，體力已經用得七七八八，馬哥就比我地一人一條蕉，補一補體力，如果冇馬哥既補給，真係搞唔掂。


６公里山頂


水力發電站


唔差架


開始黎料

落完斜就黎到萬眾矚目既30公里上斜，我好記得當時既時速就只有5km/h，真係慢過隻龜，當時我踩左兩三公里，就已經好鬼辛苦，要停低休息，真係每幾公里就休息一下，第一次踩到咁辛苦，加上天氣又熱又侷。






一路上山既光景

最好笑既係下面就高速公路有便利店，但係我地國道冇，之後啊達就話，單車唔係車呀，唔係人呀，踩左十幾公里之後，真係頂唔順，踩下又推下車，雖然好廢，但係有陣時真係勉強唔到，對不起，我繼續推車。

車隊其他成員都係冇推過車，慚愧。


好有FEEL




搵酒店，搵左間主題酒店，不得了。

啊康

應該有

呢個Post係幾易Live

飛佛ed

8月24號 (Day 34)

Today target

安龍縣->興義市


朝早一起身就食左個勁好食既清真牛肉米線，真係戰鬥力加50%。

啊達副眼鏡唔見左，原來趺左係琴日仆街好多青苔個位，仲要成晚都冇人汁，係污糟左啲，重點係唔洗再買翻副。

雖然路程短左，但係瘋狂落狗屎，所以我件風嬲係搞唔掂，望住啊達同dada先知道自己真係準備不足，結果點，又係凍到成隻狗仔咁，打冷震。


仲有車炒左


大雨得制，避下先，其實係糞池隔黎。

除左落雨之外，其實條路都幾輕鬆，但係又大風又大雨，直接將難度上升左唔小，不過無驚無險又一日。




終於到左城市邊，竟然係一個旅遊區，係橋中間可以睇到瀑布，真係好壯觀，咁大既瀑布真係第一次睇。


嘆為觀止

之後入城搵酒店既時候，盪失左路，搞到帶左大家行大斜坡，仲要去到先知酒店冇房已經，之後就淋住雨去搵第二間，搞到幾咁唔好意思。


酒店影落去

最後夜晚食左個烏江片片魚火鍋，雖然我就唔係幾鐘意食魚，但係我都覺得唔錯，性價比好高，4條友食，100蚊夠飽真係冇得輸，啊達同馬哥仲飲埋酒，真係勇士唔怕死。

https://www.youtube.com/watch?v=xEuri9sE0ho

Live

之後會講到 不過好後

推

pish

8月25號 (Day 35)

Today target

興義市->羅平縣


今日係一個開心之日，又係一個痛苦之日。

今日一早就比馬哥叫醒左，馬哥真係好早起身，之後都會叫醒我，之後就會開始汁野，再去隔黎房叫啊達同DaDa，出發，點知佢地今日竟然仲未起身，我同馬哥就落去食個自助早餐。

就出發既時候，先發現部車有啲卡碟，姐係個剎車磨到個碟片，搞到要去單車鋪整，再出發，麻煩到大家，真係唔好意思。


我咁個大都未試過咁大支野，聽聞係煙槍黎。


山頂

今日又係落雨，但係著哂防水衫轉個彎又停雨，究竟個天玩緊乜。


終於到雲南，只係差一個省。

上完個斜就黎料，世界級爛路，順帶一提，馬哥已經拋左我地十條街，佢已經係終點等緊我地。


大約就係爛到呢個程度，如果想知更多可以睇片。

世界級爛路加雨水會發生咩事，就係水氹，有啲水氹可以係成條路咁大，所以我係邊邊到踩到過去，而啊達就係邊到推過去，因為佢地行李重，好難慢慢踩到保持到平衡。

突然有一下失平衡叉左隻腳落泥水氹到，從此我就再冇下限，個大水氹我直行直過，照踩過去，乜鳩都唔洗理，去到最後仲有個大佬淤泥斜坡等緊我地，好鬼難上，好辛苦先搵到條冇咁爛咁路線上到。

幾經辛苦先去到羅平，雖然今日好頹，但係呢個經驗真係好特別，出黎就係要乜都試下，所以真係幾過癮，你話幾可有機會踩單車過泥氹。

https://youtu.be/d-e1gZhkzFo

8月26號 (Day 36)

Today target

羅平縣->師宗縣



呢個係原本既目標，因為我地起身遲左加上好多野都未乾，所以我地用左好多時間先出發，最後決定我們去近啲既師宗。

今日既天氣真係冇得頂，有太陽又唔熱，有陣陣涼風吹住，真係一啲都唔辛苦，當然有近左既原因，但係如果keep住係呢個天氣我覺得可以達到原本既目標，但係連酒店都訂左就冇辦法。


呢個坡竟然咁危險



個天氣好到呢

發生左件趣事，休息既時候，突然聽到馬叫，我仲係到諗邊個咁屌，係馬路騎馬咁囂張，點知原來有架車載住隻馬。

我一直黎既時候都話想剪頭髮，見今日咁多時間，我就走左去剪，剪完之後有條女就推薦我做個咩方案，話會令到個頭立體啲，我又係抱住乜鳩都要試下既心態去做，愈做愈唔對路，佢用啲野係咁卷住我啲頭髮，心諗咁似電髮，結果做完之後，屌你老母真係電髮，盛為你199蚊。



before

After，By 啊達

當堂成個人呆左5秒

溫馨提示，就算要試野都要了解清楚先好試，唔係就會中伏，翻到去比佢地見到係咁笑鳩我，話我鳩毛頭，不過都好既，大家笑下。

又到左每日一次既洗衫環節


先解釋下個洗衣機，係有兩個窿，一個係洗衫一個係脫水。

翻到去見到DaDa係到洗緊，咁就等佢洗完啦，見佢洗完就叫佢收左佢去脫水啦。

佢就話:點解啲衫咁乾既，咁我又冇理佢，放唒啲衫係洗衫個窿到，但係等左陣見佢都唔出水，我就好奇問DaDa:你岩岩有冇加水入去洗，我屌佢，佢究竟話:下，乜要放架咩

笑到我仆街，我笑鳩佢話:乜依加興放洗衣粉乾洗呀。

最屌既係洗完之後仲要自己過水，沖走啲泡，啲水勁凍。

不過呢啲係比較舊式既洗衣機，我地呢一輩人真係應該未見過。


https://youtu.be/_Do21EeNPcw

8月27號 (Day 37)

Today target

師宗縣->宜良縣


因為今日踩109km，但係我係未試過踩多過90km，所以呢個係一個大挑戰對我黎講。
我地6點半就已經起身搞到7點半就食飯出發，我地先會上到2100海拔再落翻1450海拔，所以後半段都係頗為輕鬆。




幾正

我們食完飯之後就繼續上路，行左一條係咁落斜既爽路，但係踩踩下發現唔對路，個路牌係咁寫住去陸良，再睇番地圖先知我地3條友行錯路，原來已經踩左7公里錯路，要翻去姐係白白踩左14km，不過人生就係咁，點會事事順利，太順利就唔夠挑戰性啦，係咪先。

踩到半路又有突發野，條村路塞車塞到行唔到，好彩我地呢啲單車boy好似涉黎涉去先走到。


個𡃁仔嚇到嘴都o埋

行行到見到個牌寫住人蔘果之鄉，佢地就買左幾個黎試下，我就見都未見過，我抱住出到黎乜都要試下既心態試左個，好清甜，好多水，不過我唔太鐘意食，所以淨係食左一個就算。

最後馬哥係等左我地1個半鐘


宜良最出名就係烤鴨，所以就走左去試下，又唔錯喎，個皮真係好野味。

https://youtu.be/osLshnVArlw

出現了

乾洗果度笑死我 真係未見過要自己加水
都幾快到雲南 樓主係咪一行四人一齊踩到西藏？

主題房正到

馬哥真係好撚勁

Hi 阿康

得翻3個

俾馬哥拋棄

留名