-----------------------------------------------
但個個Supernova Remnants都唔差唔多樣，我地點分佢地係Type I定TypeII?
唔知大家有冇諗下呢個諗下呢個問題呢？
天文學家分辦Supernova就係靠住 同光譜Spectrum啦。
事實上，好多既天文研究都係唔會望到好靚既圖，只會對住light curve同spectrum。
光變曲線 Light Curve
用黎記錄一個事件，光度(Y軸)係時間上(X軸)既變化。
大家可以見到，Type I 同 Type II係有小小唔同架。Type II係會有一段好穩定而且光亮既階段。
第一張圖其實畫得唔係太好，因為Type II平穩既階段，光度應該都係好慢咁下降的。
第二張圖d幅度又有怪怪地咁，所以大家混合黎幻想下。
唔知大家學識左超新星既原理，又解唔解釋到呢？
突然變光既階段
Supernova ，爆發，就會有好多能量釋放出黎，所以會突然變光。
Type II因為係恆星快速收縮後，物質於中子星表面反彈所造成既能量爆炸，
而Type II係因為白矮星質量提升，以致物質脫離白矮星。
所以我地見到，Type II比Type I 既突然變光，黎得快，黎得光。
能量劇據既釋放後，恆星再無後續既反應。
所以恆星依賴先前爆發時既高溫繼續發出強光，能量高速消耗而快速變暗。
穩定且光既階段，Type II Only
光線當中既能量，黎自之前高溫製造出黎既重元素 [b]放射radioactive decay[/b]。實際反應就係半衰期~6日既 56Ni變56Co。
而因為Type I冇Type II咁高溫，所以我地只會見到Type II有呢個decay。
慢慢變暗既階段
光線當中既能量，黎自之前高溫製造出黎既重元素 [b]放射radioactive decay[/b]。實際反應就係~80日既 56Co變56Fe。
光譜Spectrum
簡單黎講，每一個帶熱既物體，>-273度Ｃ／０度Ｋ，都會發出黑體幅射。
光譜就係將光線拆返開，就好似彩虹咁，將陽光拆開各種既顏色。
而光譜，就科學Ｄ，記錄低每一個波長(X軸)，有幾光(Y軸)。亦都記錄除左可見光以外既波長。
而上圖入面一Ｄ急插既線(姐係代表暗左)，我地叫做 吸收譜線Absorption Line。
係因為有Ｄ元素會吸取特定波長既線，以至個個波長會暗左。
例如上面既Na，就太約吸收左~5900 Å既光。
而分Type I 同Type II Supernova既方法，就係睇下佢地橙色線個個位置，有冇Hydrogen-absorption line。
因為Type I係由白矮星引起，先前唔知有冇講清楚，就係要引起Type I Supernova，白矮星入面，需要主要由碳 Carbon同氧 Oxygen組成。
咁既情況下，佢基本上係冇氫 Hydrogen既。
所以我地會見到Type I冇Hydrogen-absorption line，而Type II 就有。
, 咁又點解釋個大氣層會擴大
