[多圖][天文] 淺談超新星

淋完衫 · 2017-11-30T14:24:08+08:00

上個POST反應麻麻，但無阻我繼續推廣天文知識～上篇：［淺談］觀測天文學 https://lihkg.com/thread/477662/page/1 -------------------------------------------------------------------- 星空中，最殘暴、視覺上最有趣既景象，莫過於超新星殘骸 Supernova remnant 。顧名思義，超新星殘骸就係巨大恆星爆炸後既殘餘物。唔講咁多，即刻駁咀睇圖。利申：下面係由多支望遠鏡既合併圖像。蟹狀星雲 Crab Nebula 位於金牛座ζ星（天關）東北面，距離我地6500光年。係天關客星係1054年爆發後既殘餘物，而古中國、阿拉伯都有詳細記錄。因為佢極為光亮，早係1731年就被約翰·貝維斯 John Bevis 觀測到。西梅茲147 Simeis 147 雖然圖片睇落好細，但佢跨越左金牛座和御夫座，直徑足足有約150光年！因為繁複既絲狀結構，又被稱為義大利麵星雲 Spaghetti Nebula 。因為佢太暗既關係，我地要去到1952年先第一次觀測到。海牛星雲 Manatee Nebula W50 墨綠色部分，就係極為暗既海牛星雲W50。海牛係一種大型食草哺乳動物。每日要用８個鐘食海藻，其餘的時間都係海入面。而W50就好似一隻休息緊將鳍狀前肢放係肚上既海牛咁。天鵝座環 Cygnus Loop 位於天鵝座。當中可見既部分我地叫做面紗星雲 Veil Nebula ，以長而薄既結構命名。 LMC N49 位於距離我地16萬光年既大麥哲倫星系 Large Magellanic Cloud。配以紫紅色，就猶如星空中既鬼火。 G299.2-2.9 位於南天的蒼蠅座方向1萬6千光年既星空，係置於星空中既魔戒。 SNR 0509-67.5 位於16萬光年外既劍魚座。望落就好似吹波波時既氣泡咁。如果淨係用哈伯太空望遠鏡就係咁。蜘蛛星雲 Tarantula Nebula 冇錯，就係好亂。 G350.1-0.3 一支平躺既黃玫瑰。 <img src="https://scontent-sea1-1.cdninstagram.com/t51.2885-15/s480x480/e35/21909387_166508420598355_5572164856137646080_n.jpg?ig_cache_key=MTYxMDIyNzY0MTk1OTY5NjY0Mg%3D%3D.2" data-thumbnail-src="https://i.lih.kg/thumbnail?u=https%3A%2F%2Fscontent-sea1-1.cdninstagram.com%2Ft51.2885-15%2Fs480x480%2Fe35%2F21909387_166508420598355_5572164856137646080_n.jpg%3Fig_cache_key%3DMTYxMDIyNzY0MTk1OTY5NjY0Mg%253D%253D.2&h=5b569e60&s={SIZE}" /> -------------------------------------------------------------------- 下一篇就會講下超新星殘骸同超新星姐係咩。