咁我覺得套劇入面嘅劇情係刻意離經叛道嘅 令我地唔洗一定用我地嘅價值觀去判斷個劇情合唔合理。姐係好老土個啲: 咩係「正常」,咩係唔「正常」?兩個主角嘅價值觀反映哂佢地本身兩個人嘅人生入面所受到嘅創傷 童年嘅經歷同家庭背景都本身無得由佢地控制同選擇 我地個個人都一樣 分別只係我地可以選擇點樣去回應依個「荒謬」嘅世界。劇入面就刻意去誇張依樣嘢 同好多cult 片一樣 劇情安排上刻意安排啲反社會嘅角色 去反思個制度同當代價值觀 (同埋 反思 唔代表要推倒 有機會係點樣去完善佢 唔透過戲劇去反思 唔通等出事 先係新聞到反思咩?
所以又唔洗太反感
好中意Netflix 就係依個原因
套 Okja好好睇) 例如八仙飯店,Falling down。個老豆都話 "To live in a deranged world, one being crazy is the one who acted sanely" 劇情安排個兩個差婆就係代表我地一般人嘅價值觀同想法 去判別咩係啱咩係錯 。例如 偷入人地間屋 點知原來個屋主係變態 之後又殺埋個屋主, 去偷油入 以為個職員會報警 點知個職員自己都對份工好厭倦而幫個主角拖。當然我地一般人唔會咁做 但又有邊個可以判斷 到底循規蹈矩係「好」定試圖反抗「荒謬」先係「好」?btw 我覺得個故仔唔係想講個男女主角段愛情 係純粹去link佢地兩個埋一齊 去完成個故事姐
咁唔甜蜜都正常嘅
同埋 個故事 一啲都唔峰迴路轉 好合理嘅推進
兩條友奶咗嘢 之後比人捉到 如果最後有咩事 證明無殺過人 或啲察佬無捉到佢地 就真係峰迴路轉
最後男主跑走個到 好有飛越瘋人院最尾個到 "at least I tried"個feel
估唔到一套電視劇都拍到咁
利申鳩up