要求高好正常，政府推地鐵成為香港主要交通，市民對佢嘅依賴度非常高
再者不斷縮減其他路面交通逼啲人去搭地鐵eg 我住南區，南港島綫一開，平時三個字一班嘅巴士變晒半個鐘、8個字，甚至直接cut咗條線
咁，呢個情況地鐵壞，市民可以點？如果未入車廂，都可以出返去等8個字，係車廂呢？
我自己搭過多倫多 巴黎 里昂 紐約 倫敦 日本地鐵（講地鐵好啦，講跨省跨城市嘅Jr 不如你等多一年先開post講高鐵）
真心香港鐵路嘅管理做得好好，效率就比唔上日本㗎啦（班次等等嘅資訊超級準確），但比歐美真係好好多
但睇返依賴性嘅問題，like多倫多得閒就weekend兩日close嚟維修，但wfc？打把其他交通工具
試下香港weekend 維修？
所以地鐵維修員下下深夜維修我尊敬，地鐵收皮都係辛苦前線員工。
只係上面嘅高層有咩事都可以繼續袋袋平安，搞下地產又賺一筆，先賺錢後公眾先係香港比其他國家嘅地鐵系統更失敗嘅一環
同意你講香港太依賴MTR,停一日都不堪設想
但係效率我唔覺得比唔上日本,POST頭我都有講JR出發時間真係好準,但係MTR班次密到你根本唔需要知幾點開,幾分鐘就一班,兩個唔同系統我覺得MTR係優勝d
另外你話MTR搞到好多地方CUT其他路面交通,點解會入晒MTR數
其他路面交通都係利字行頭,賺得少削減班次係正常,但係關MTR咩事,唔屌巴士小巴?如果你話政府冇詳細計劃過就真既
你搭JR 中央線 山手線 東京metro 都唔洗睇時間表啦
(唔出都心範圍的話），人地都係一個鐘開到27-30班車
你出近郊先要留意返列車種別，因為部分車會飛站
唔似mtr 咁一定係站站停
東京地鐵係好,班次頻密同香港差唔多
但係你可以睇埋POST頭,我分較唔係淨係得依d野
另外,繁忙時間東京大阪地鐵要塞人上車,MTR明顯處理得較好
如果係九巴線我都好鍾意搭，但城巴新巴根本夾埋政府一齊屈客去地鐵，寫住三個字一班都可以半個鐘都擺係度唔開車，有時上一班例如搭三開咗，下一班車竟然可以搭四走，但本身搭半個班就冇咗
有冇source睇下?
