突擊家訪20次均不在家 小提琴導師遭房委會收樓後申司法覆核 7.16開庭處理許可申請 房委會答應本案有結果前不會收回單位

如果日日都係凌晨返屋企 看更應該特別有印象

做左20次家訪都叫懶同埋唔係淨係serve 佢一個，如果有兩三家咁樣玩野都做死人啦

佢應該想講，你合作應下機，
幫手扮下野都唔會浪費心機攪你，

你完全當人透明，即係逼人到期，又夠晒料，唔想做你都唔得。

其實真大家都打份工。你識做既話蒲下頭點會收你。係要搞串個party

係囉，其實佢係識做做返一次蒲頭已經冇咁大件事
不過啲公屋撚係咁，當整間屋係自己覺得間屋係我嘅你憑咩嚟撐我

但而家會唔會因為要跑數
所以睇緊左好多？

呢個係司法覆核嚟㗎，唔係普通民事訴訟，亦都唔係刑事，佢有高門檻㗎大佬，一般唔使係法庭出庭作証，而家條女就係告房署打合理性，認為佢決定係唔合理

下面係我搵到其中一個相對詳盡嘅報道，喺呢度睇唔到房署有幾合理，房屋署嘅理由係3個月內18次突擊家訪覆蓋嘅時間係星期1-6，早7到晚9，條女就話佢返工同照顧屋企人所以早出晚歸，同埋話房屋署有 14 次突擊家訪係工作日嘅白天時間，3 次係晚上 8 至 9 時，1 次係星期六早上。冇考慮個人作息時間，亦都冇係未能完成預約家訪後，重新安排家訪，條女認為，每人都有自己嘅作息時間，小組用抽查時候唔係單位做為證據，只能證明佢係「偶發性抽查時間」唔係單位，認為小組冇考慮佢實質作息時間（14次係正常返工時間，3次晚8-9，1次係星期六，明顯覆蓋非返工時間比例好低喎，佢呢18次突擊家訪時間同大部份香港人返工時間明顯重複）

房署話水電用量低，但係報道冇講條女到底係一開始住就咁低，一直都係維持咁低，定係嗰幾個月特別低，報道亦都冇數字去講到底係幾低。條女就話水務署證明佢個水錶壞嘅，房屋署係用咗錯誤嘅數據，咁條女就話佢唔煮嘢食，所以冇用雪櫃，屋企亦都冇電視，同埋都幾肯定佢冇用冷氣啦，加上佢用嘅係節能感應燈同太陽能燈膽，加埋早出晚歸所以用電好低。（我假設條女用電好低，低到好似林超英咁，如果房屋署純粹用好低水電量做理由，假如林超英係個住客，應該一早畀人收咗間屋）

房署話佢喺唔同區域嘅便利店交租（呢個係房屋署咁多個解釋入面我覺得最唔合理，我都唔知係咩理據，喺第二度嘅便利店交租就代表唔係間屋住？既然房屋署如果覺得喺第二度嘅便利店交租有問題，咁不如取消咗跨區便利店交租啦），條女就質疑房署冇規定租客要係承租單位區域交租，條女話自己係自由工作者 ，喺唔同區域工作，所以交租咪就係揀就腳

房署話佢冇每日清理信箱，但係報道冇講佢隔咗幾耐先清一次。有報道話條女2024年8月22日黃昏取信時，發現房屋署一封兩日前嘅信，表示將於8月22日進行預約家訪，但係條女當時唔係屋企。（我純粹根據報道去假設條女兩日清一次，咁樣就好唔合理？）

而家條女呢就要求法庭頒令，房署「預約家訪」應係雙方協定時間，非單方面預約，「突擊家訪」時段應該係星期一到日、24小時，同埋取消用唔同地點繳交租金作為濫用公屋的佐證，指控房署未有進一步全面調查，係冇入屋家訪前就強行收回單位，係行政失當

https://thewitnesshk.com/被指家訪時沒應門等屬濫用公屋收回單位-住戶提司/

建議咁樣做，慳返好多錢，又唔使搞咩家訪，有晒出入時間

叫條女出示八達通記錄證明佢每晚都有返去，唔係又話只用現金呀

擺明唔係嗰度住
有咩好拗

https://news.rthk.hk/rthk/ch/component/k2/1771406-20240920.htm

我啱啱搵到單長期唔喺度打贏咗

返大陸唔駛出境？

間屋唔係你
就麻煩守吓規矩
就係咁簡單

咁你都要講清楚規矩先得

見到你正負評有啲意外
因為我都同你差唔多，可能1-2星期先拎一次
原來有一半人係認為要日日拎

呢單反駁證據強好多
你有晒證明俾錢裝修，又真係Covid搞到停工

相比起條女話照顧外甥，連外甥住邊都唔講得，當人on9咩真係

我唔係住公屋嘅，仲要我個信箱喺我屋企門口，我屋企仲有菲傭姐姐，我都成個禮拜先收一次。我同屋企人都有預先叫姐姐幫手睇信箱，姐姐都會唔記得收。不過我老婆仲離譜，我同佢講話可能有信叫佢去打開個信箱望一望，我老婆係走去打開個信箱見到有信都唔肯攞，係要儲埋一大堆先肯攞

房委會叫左 條女都唔交？

根本就好簡單可以知道，
真係住嗰棟樓同唔係住，
看更一定知

有d係後門入會近d
所以好少行正門

其實我都唔明房署肯定有CCTV 㗎嘛，房署佢攞CCTV出嚟證明佢冇返屋企咪得囉，好過而家佢攞啲咩所謂嘅證據全部都係靠估

大堂冇 CCTV 咩？ Check cam 咪得

問題係好難靠CCTV證明一個人冇返過屋企
每日都有24小時 前後門的cctv
點睇得哂咁多

冇話唔得㗎，係佢哋懶啫

講經咩，如果佢真係住個單位，咁有力既證據點會唔拎出黎