《我鍾意同妳鬥氣，其實只係因為…》
葉開葉開
475 回覆
93 Like
8 Dislike
七十三
一個國際賽期大多數會有兩場比賽，而響亞洲盃外圍賽呢啲分組賽，就多數會係一場主場比賽、一場作客比賽。今個國際賽期都唔例外，我哋踢完主場對日本隊既比賽，第二日下晝就即刻要馬不停蹄咁趕去搭飛機去越南既河內，希望可以抓緊時間早啲到達當地去備戰應付呢隊東南亞既勁旅。
我原本以為我尋晚可以瞓返覺好既，點知無意見到葉佩儀同我果段片，我就係咁狂loop狂loop，仲要響度係咁J啲懷疑葉佩儀係我女朋友既留言，結果瞓返落床既時候我又一次思潮起伏，最後瞓著覺既時候已經係四點幾。
「才仔，你攰喇。」我出門之前媽咪憐惜咁同我講︰「去到越南果面冇媽咪煲啲湯水飲，都唔知你點算好。」
「得架喇媽咪，我識照顧自己。我唔響香港幾日，妳有咩事記得搵舅父幫手啊。」我諗我個樣都真係幾攰，媽咪睇得出其實我唔係好意外。
因為…
連去到機場之後，我啲港隊隊友睇得出我個樣幾殘、幾冇精神。
「其實你呢排做乜嘢啊？」熊輝問我︰「呢幾日見親你都黑眼圈，對眼袋又大，你做賊黎啊？」
「係，我係田伯光，踩花大盜！」我諗起金Ｏ武俠小說入面其中一個角色淫賊田伯光。
「哦，就係果個勝利女神啊？」熊輝取笑我。
我微微一征，估唔到熊輝咁快都知，心入面有種酸溜溜既感覺，但面上不動聲色，笑嘻嘻道︰「果個係男人黎，唔啱我！」
「你唔係成日扮基佬咩？」熊輝笑問。
「係，我係港足基佬！」我扮咗個淫笑樣出黎，扮要撲過去熊輝度︰「而家就要向香港第一鋼門伸出魔爪！」
熊輝笑住推開我︰「屌！你個痴線佬！」
*
我哋搞完登機手續，又同傳媒朋友傾咗幾句，同fans簽完名合照之後就入禁區等登機，到咗河內既時候已經係黃昏，不過教練海靈頓都照樣要求我哋把握時間響練習場做咗一課簡單既操練熟習環境，之後先拉大隊返酒店食晚餐，之後再返房休息。
以前港青有門禁既時候，我哋鍾意偷偷地出去，但係而家大港腳解咗禁時，我哋反而各自響房休息，偶而真係有需要，先會去其他隊友既房吹水或者做其他嘢。
今次我分配到同楊舒達一間房，佢係中堅，同我一樣係流Ｏ青年軍出身，不過而家就效力緊大球會東Ｏ（果陣仲未係青春班）。
夜晚我哋響房百無聊瀨，條友就坐咗響床上面同佢女朋友傾視像電話…其實呢個人既樣貌奇醜無比，估唔到竟然都會有女朋友…仲要唔止拍過一次拖…
都係十幾年前既事黎囉，佢比佢既初戀女朋友單方面話分手，果陣時佢要生要死，嚴重影響到球場上面既表現，比隊友怒屌，屌到佢差啲放棄咗足球，而家回望返當時既情景真係恍如隔世…
失戀既滋味…應該話真正絕望失戀既滋味…我而家都終於體驗得到…
而家見到楊舒達可以從傷痛之中走返出黎，其實係咪證明咗，只要屌那媽頂硬上，撐過咗最難捱既果段時間，咁樣一齊都會好起黎？
…
我又諗起葉佩儀既好姐妹、我既另一位交情算唔錯既女性朋友譚梓淇…
…
佢同余正熙分咗手都差唔多十年，余正熙連婚都結埋，佢又真真正正咁放低咗余正熙未？
所以…究竟失戀…要幾多時間先可以走得出果種痛苦？
我一諗起葉佩儀就黎結婚就心都痛埋…
我…會唔會都好似譚梓淇咁，好似永遠都走唔出傷痛？
*
終於，經過重重波折之後，余正熙同譚梓淇響中四既時候終於叫做修成正果，果陣仲未明白乜嘢係「愛」、「鍾意」既我，仲以為自己「鍾意」緊譚梓淇既我，都非常之咁替佢哋兩個高興。
我同葉佩儀響旁邊睇住佢哋兩個都不知幾著急…好咯，而家總算係開始咗拍拖。
轉折點大概係因為余正熙響轉會去日本之前既最後一刻因為受咗傷而冇去到，而譚梓淇呢段時間就成日陪響余正熙身邊，令到佢哋兩個之間最後既一道隔閡都打破埋，成為咗學校之中公認既模範情侶。
余正熙未必知道自己響學校有幾出名，不過佢哋拍拖呢件事正式曝光之後，意外地都唔算太大迴響，最大既原因我覺得係因為佢哋之間close到，除咗我哋幾個佢哋身邊既好朋友之外，真係個個都以為佢哋一路都拍緊拖。
果段時間，我諗佢哋都過得好開心，雖然余正熙成日都黑埋塊面，但因為佢根本就係個咁既人，所以我都不以為然，不過而家諗返起，對住自己女朋友，係咪個表情都應該開朗返少少？話唔定果陣佢哋已經埋下咗分手既伏線。
（待續）
一個國際賽期大多數會有兩場比賽，而響亞洲盃外圍賽呢啲分組賽，就多數會係一場主場比賽、一場作客比賽。今個國際賽期都唔例外，我哋踢完主場對日本隊既比賽，第二日下晝就即刻要馬不停蹄咁趕去搭飛機去越南既河內，希望可以抓緊時間早啲到達當地去備戰應付呢隊東南亞既勁旅。
我原本以為我尋晚可以瞓返覺好既，點知無意見到葉佩儀同我果段片，我就係咁狂loop狂loop，仲要響度係咁J啲懷疑葉佩儀係我女朋友既留言，結果瞓返落床既時候我又一次思潮起伏，最後瞓著覺既時候已經係四點幾。
「才仔，你攰喇。」我出門之前媽咪憐惜咁同我講︰「去到越南果面冇媽咪煲啲湯水飲，都唔知你點算好。」
「得架喇媽咪，我識照顧自己。我唔響香港幾日，妳有咩事記得搵舅父幫手啊。」我諗我個樣都真係幾攰，媽咪睇得出其實我唔係好意外。
因為…
連去到機場之後，我啲港隊隊友睇得出我個樣幾殘、幾冇精神。
「其實你呢排做乜嘢啊？」熊輝問我︰「呢幾日見親你都黑眼圈，對眼袋又大，你做賊黎啊？」
「係，我係田伯光，踩花大盜！」我諗起金Ｏ武俠小說入面其中一個角色淫賊田伯光。
「哦，就係果個勝利女神啊？」熊輝取笑我。
我微微一征，估唔到熊輝咁快都知，心入面有種酸溜溜既感覺，但面上不動聲色，笑嘻嘻道︰「果個係男人黎，唔啱我！」
「你唔係成日扮基佬咩？」熊輝笑問。
「係，我係港足基佬！」我扮咗個淫笑樣出黎，扮要撲過去熊輝度︰「而家就要向香港第一鋼門伸出魔爪！」
熊輝笑住推開我︰「屌！你個痴線佬！」
*
我哋搞完登機手續，又同傳媒朋友傾咗幾句，同fans簽完名合照之後就入禁區等登機，到咗河內既時候已經係黃昏，不過教練海靈頓都照樣要求我哋把握時間響練習場做咗一課簡單既操練熟習環境，之後先拉大隊返酒店食晚餐，之後再返房休息。
以前港青有門禁既時候，我哋鍾意偷偷地出去，但係而家大港腳解咗禁時，我哋反而各自響房休息，偶而真係有需要，先會去其他隊友既房吹水或者做其他嘢。
今次我分配到同楊舒達一間房，佢係中堅，同我一樣係流Ｏ青年軍出身，不過而家就效力緊大球會東Ｏ（果陣仲未係青春班）。
夜晚我哋響房百無聊瀨，條友就坐咗響床上面同佢女朋友傾視像電話…其實呢個人既樣貌奇醜無比，估唔到竟然都會有女朋友…仲要唔止拍過一次拖…
都係十幾年前既事黎囉，佢比佢既初戀女朋友單方面話分手，果陣時佢要生要死，嚴重影響到球場上面既表現，比隊友怒屌，屌到佢差啲放棄咗足球，而家回望返當時既情景真係恍如隔世…
失戀既滋味…應該話真正絕望失戀既滋味…我而家都終於體驗得到…
而家見到楊舒達可以從傷痛之中走返出黎，其實係咪證明咗，只要屌那媽頂硬上，撐過咗最難捱既果段時間，咁樣一齊都會好起黎？
…
我又諗起葉佩儀既好姐妹、我既另一位交情算唔錯既女性朋友譚梓淇…
…
佢同余正熙分咗手都差唔多十年，余正熙連婚都結埋，佢又真真正正咁放低咗余正熙未？
所以…究竟失戀…要幾多時間先可以走得出果種痛苦？
我一諗起葉佩儀就黎結婚就心都痛埋…
我…會唔會都好似譚梓淇咁，好似永遠都走唔出傷痛？
*
終於，經過重重波折之後，余正熙同譚梓淇響中四既時候終於叫做修成正果，果陣仲未明白乜嘢係「愛」、「鍾意」既我，仲以為自己「鍾意」緊譚梓淇既我，都非常之咁替佢哋兩個高興。
我同葉佩儀響旁邊睇住佢哋兩個都不知幾著急…好咯，而家總算係開始咗拍拖。
轉折點大概係因為余正熙響轉會去日本之前既最後一刻因為受咗傷而冇去到，而譚梓淇呢段時間就成日陪響余正熙身邊，令到佢哋兩個之間最後既一道隔閡都打破埋，成為咗學校之中公認既模範情侶。
余正熙未必知道自己響學校有幾出名，不過佢哋拍拖呢件事正式曝光之後，意外地都唔算太大迴響，最大既原因我覺得係因為佢哋之間close到，除咗我哋幾個佢哋身邊既好朋友之外，真係個個都以為佢哋一路都拍緊拖。
果段時間，我諗佢哋都過得好開心，雖然余正熙成日都黑埋塊面，但因為佢根本就係個咁既人，所以我都不以為然，不過而家諗返起，對住自己女朋友，係咪個表情都應該開朗返少少？話唔定果陣佢哋已經埋下咗分手既伏線。
（待續）
睇嚟大家都估到必哥咩事
同八婆儀互動條片可以J一世，或者係唯有咁樣J一世
珍
一世最珍貴回憶
一世最珍貴回憶
拎黎恥笑下佢
七十四
開心既日子過得特別快，余正熙同譚梓淇既分手係突如其來既。
我唔肯定葉佩儀果邊有冇事先察覺到啲乜嘢異樣，但係我呢邊就冇。余正熙一向都係黑口黑面，再加上佢受咗傷而冇得去日本試腳，仲有其他關於足球上面既打擊，雖然佢都好明顯響譚梓淇既鼓勵之下重新站起來，但其實佢都撐得好辛苦，所以塊面有時甚至比起平時更黑更燶都係一件好正常既事，我冇太過放響自己心上。
中四考完試某日放學之後，余正熙提出話想譚梓淇兩個二人世界咁去行吓，我哋當然冇異議亦都見怪不怪，而譚梓淇響跟余正熙走既時候，仲係笑得好甜蜜。
由於考完試既關係，果一日我哋只係需要返半日學，我、葉佩儀同鄭海欣食完嘢之後就各散東西，我返屋企換咗件衫就走咗去屋邨球場搵班騎呢大叔踢波，一口氣踢到五點左右先返觀眾席休息。呢個時候我先得閒拎起個電話睇，然後我發覺有幾個未接來電同埋幾條新短訊，都係葉佩儀打黎或者send黎既。
我打返比葉佩儀，一接通唔夠一秒佢就向我急問︰「阿必，余正熙響唔響你身邊啊？」
我真係莫名其妙，反問︰「妳要搵余正熙唔係應該搵淇淇咩？竟然問返我轉頭？妳有眼見食飯之前淇淇同埋球星一齊走架喎？」
「係既話我就唔駛問你喇！」
我聽得出葉佩儀既語氣好急、好凝重，覺得有啲唔對路，問︰「發生咩事啊？」
「個死人余正熙同淇淇分咗手啊！」葉佩儀道。
我簡直係唔相信自己聽到既嘢，反問多佢一次︰「妳講咩話？」
「你個好兄弟余正熙同淇淇分手啊！」葉佩儀把聲好嬲，好似有少少將譚梓淇同余正熙所分手既怒氣遷怒於我咁。
「唔會吓嘛？」我難以置信地問︰「佢哋晏晝仲好地地架喎？」
但係我知葉佩儀係唔會拎呢啲嘢黎開玩笑既，而且佢語氣咁嬲，一啲都唔似扮出黎。
「唔會？係淇淇親口同我講架！佢而家響我身邊喊緊！」葉佩儀怒道。
「妳哋響邊度？我即刻黎！」
*
我急急忙忙咁同班騎呢大叔道別，話有緊要事要做，另一方面就一路行一路打比余正熙。
係咪有啲乜嘢誤會啊？
呢對SYK中學既模範情侶，竟然會失驚無神講分手？你講我都唔信喇！
一定係有啲咩誤會既！
電話駁通咗，但就一直長響冇人聽…
仆你個臭街余正熙，快撚啲聽電話喇好唔好！
雖然唔知點解你唔聽電話，但響葉佩儀話你同譚梓淇分手既呢個時間點先黎搵唔你到，有冇咁巧合啊？
屌，快啲聽喇！
越唔敢、唔肯聽，咁咪即係證明你身有屎囉！
我唔想咁諗啊，我希望呢個只係一個誤會啊…我曾經話自己暗戀過譚梓淇，但我呢一刻發覺我內心，其實係好希望余正熙同譚梓淇一齊開開心心，做一對金童玉女架…
屋邨球場距離譚梓淇屋企唔算太遠，搭巴士都係四、五個站左右就到，到站落車之後我keep住打電話，但預料之內都係唔通，我可以做既就只係一路繼續打電話，一邊加快腳步去搵葉佩儀佢哋。佢哋幾個其實就響譚梓淇屋企樓下平台，好易搵，我離遠已經望到佢哋。譚梓淇就坐咗響平台入面其中一張長凳上面，葉佩儀同埋鄭海欣擋住咗譚梓淇，我睇佢唔到，淨係見到葉、鄭兩個女仔係咁對住佢講嘢、好似安慰緊佢咁。
我加快速度小跑過去，咗響葉佩儀同埋鄭海欣後面停低，終於響佢哋頭頂望落去見到譚梓淇。
…
呢個根本就唔係我認識既譚梓淇。
我從來未見過有人可以喊得咁淒涼，更加唔好話果個人係陽光女孩，淨係識對人歡笑既譚梓淇。
我見到呢個情景，都唔知點安慰佢好，葉佩儀擰轉頭望一望我，我輕輕搖一搖頭，示意我都搵唔到余正熙，佢微微點頭表示明白，然後又擰返轉頭繼續安慰譚梓淇。我唔知我可以幫手做到啲乜，唯有默默企響度，當係陪呢三條女。
譚梓淇喊得好犀利冇抬起過頭，根本就唔知道我黎咗，直至我都忍唔住開聲︰「淇淇…唔好…唔好喊喇…可能係有啲咩誤會啫…」
我把口係咁講，但係單憑譚梓淇而家喊得咁淒涼都知，呢個根本唔係啲乜嘢誤會。
（待續）
開心既日子過得特別快，余正熙同譚梓淇既分手係突如其來既。
我唔肯定葉佩儀果邊有冇事先察覺到啲乜嘢異樣，但係我呢邊就冇。余正熙一向都係黑口黑面，再加上佢受咗傷而冇得去日本試腳，仲有其他關於足球上面既打擊，雖然佢都好明顯響譚梓淇既鼓勵之下重新站起來，但其實佢都撐得好辛苦，所以塊面有時甚至比起平時更黑更燶都係一件好正常既事，我冇太過放響自己心上。
中四考完試某日放學之後，余正熙提出話想譚梓淇兩個二人世界咁去行吓，我哋當然冇異議亦都見怪不怪，而譚梓淇響跟余正熙走既時候，仲係笑得好甜蜜。
由於考完試既關係，果一日我哋只係需要返半日學，我、葉佩儀同鄭海欣食完嘢之後就各散東西，我返屋企換咗件衫就走咗去屋邨球場搵班騎呢大叔踢波，一口氣踢到五點左右先返觀眾席休息。呢個時候我先得閒拎起個電話睇，然後我發覺有幾個未接來電同埋幾條新短訊，都係葉佩儀打黎或者send黎既。
我打返比葉佩儀，一接通唔夠一秒佢就向我急問︰「阿必，余正熙響唔響你身邊啊？」
我真係莫名其妙，反問︰「妳要搵余正熙唔係應該搵淇淇咩？竟然問返我轉頭？妳有眼見食飯之前淇淇同埋球星一齊走架喎？」
「係既話我就唔駛問你喇！」
我聽得出葉佩儀既語氣好急、好凝重，覺得有啲唔對路，問︰「發生咩事啊？」
「個死人余正熙同淇淇分咗手啊！」葉佩儀道。
我簡直係唔相信自己聽到既嘢，反問多佢一次︰「妳講咩話？」
「你個好兄弟余正熙同淇淇分手啊！」葉佩儀把聲好嬲，好似有少少將譚梓淇同余正熙所分手既怒氣遷怒於我咁。
「唔會吓嘛？」我難以置信地問︰「佢哋晏晝仲好地地架喎？」
但係我知葉佩儀係唔會拎呢啲嘢黎開玩笑既，而且佢語氣咁嬲，一啲都唔似扮出黎。
「唔會？係淇淇親口同我講架！佢而家響我身邊喊緊！」葉佩儀怒道。
「妳哋響邊度？我即刻黎！」
*
我急急忙忙咁同班騎呢大叔道別，話有緊要事要做，另一方面就一路行一路打比余正熙。
係咪有啲乜嘢誤會啊？
呢對SYK中學既模範情侶，竟然會失驚無神講分手？你講我都唔信喇！
一定係有啲咩誤會既！
電話駁通咗，但就一直長響冇人聽…
仆你個臭街余正熙，快撚啲聽電話喇好唔好！
雖然唔知點解你唔聽電話，但響葉佩儀話你同譚梓淇分手既呢個時間點先黎搵唔你到，有冇咁巧合啊？
屌，快啲聽喇！
越唔敢、唔肯聽，咁咪即係證明你身有屎囉！
我唔想咁諗啊，我希望呢個只係一個誤會啊…我曾經話自己暗戀過譚梓淇，但我呢一刻發覺我內心，其實係好希望余正熙同譚梓淇一齊開開心心，做一對金童玉女架…
屋邨球場距離譚梓淇屋企唔算太遠，搭巴士都係四、五個站左右就到，到站落車之後我keep住打電話，但預料之內都係唔通，我可以做既就只係一路繼續打電話，一邊加快腳步去搵葉佩儀佢哋。佢哋幾個其實就響譚梓淇屋企樓下平台，好易搵，我離遠已經望到佢哋。譚梓淇就坐咗響平台入面其中一張長凳上面，葉佩儀同埋鄭海欣擋住咗譚梓淇，我睇佢唔到，淨係見到葉、鄭兩個女仔係咁對住佢講嘢、好似安慰緊佢咁。
我加快速度小跑過去，咗響葉佩儀同埋鄭海欣後面停低，終於響佢哋頭頂望落去見到譚梓淇。
…
呢個根本就唔係我認識既譚梓淇。
我從來未見過有人可以喊得咁淒涼，更加唔好話果個人係陽光女孩，淨係識對人歡笑既譚梓淇。
我見到呢個情景，都唔知點安慰佢好，葉佩儀擰轉頭望一望我，我輕輕搖一搖頭，示意我都搵唔到余正熙，佢微微點頭表示明白，然後又擰返轉頭繼續安慰譚梓淇。我唔知我可以幫手做到啲乜，唯有默默企響度，當係陪呢三條女。
譚梓淇喊得好犀利冇抬起過頭，根本就唔知道我黎咗，直至我都忍唔住開聲︰「淇淇…唔好…唔好喊喇…可能係有啲咩誤會啫…」
我把口係咁講，但係單憑譚梓淇而家喊得咁淒涼都知，呢個根本唔係啲乜嘢誤會。
（待續）
快BACKUP
已經唔記得咗當年熙哥背棄淇淇後去咗邊
咪認清秋兒先係佢真愛，淇淇只係乘虛而入嘅仆街，所以去搵秋兒
七十五
我講呢句自己都唔信既說話之後，葉佩儀向我望咗一望，皺晒眉頭咁，好似係想叫我唔好亂講嘢咁。
正當我仲諗緊我都係諗住幫手安慰幾句啫，做乜叫我收聲啊既時候，譚梓淇霍地抬起頭望住我，雖然聲量唔大，但係就好激動咁問我︰「阿必！你係咪搵到熙熙喇？係咪搵到喇？係咪佢同你講係只係誤會黎啊？」
唔怪得葉佩儀會咁樣望住我喇…
「冇…我…我搵唔到佢…」我無力地道。
見到譚梓淇而家咁既樣，就算我平時係厚面皮唔醜亂講嘢到比人叫我做白卡必，我都諗唔到可以胡扯啲乜嘢可以引開譚梓淇既注意力…
「點算…熙熙…熙熙佢去咗邊…」譚梓淇又喊過。
葉佩儀用責怪既眼神望咗我一眼，向譚梓淇道︰「淇淇，唔好再理呢個人喇，佢都變咗心，要分手既咪由得佢分囉！」
變心？分手？
究竟係乜嘢一回事？
余正熙變心？冇可能架喎！
我想幫余正熙辯解，但睇到譚梓淇而家喊到咁，葉佩儀講既嘢唔會假；我亦都想問清楚件事發生既始末，但心知肚明呢個唔係一個應該問既時機，於是我唯有將所有疑問吞落肚，再睇下之後乜嘢情況先算。
「唔好啊…」譚梓淇淒涼地道︰「我唔想同佢分手啊…」又喊起上黎。
而家既譚梓淇真係哀怨到令人不忍睹…
葉佩儀算係識講嘢安慰人既女仔，但佢講既嘢完全冇用，譚梓淇仲係喊到收唔到聲，啲眼淚多到我都驚佢會喊到脫水…
「不如…我再上去熙熙屋企搵佢喇…」譚梓淇嗚咽地道。
「妳啱啱去過，都冇人！而且就算比妳上到去又真係搵到佢，咁又點呢？」葉佩儀理性但殘忍地分析︰「妳覺得佢會肯收返分手既決定而同妳復合咩？」
「唔試下點知喎…」
「妳醒下喇淇淇…妳咁樣只係會丟多一次假架咋…」
「我唔介意丟假…我淨係要熙熙咋…」
「唉，淇淇，妳唔好咁喇…余正熙個人，妳而家睇清楚喇？妳都仲係要中個頭埋去？」
我同鄭海欣響旁邊，睇住葉佩儀拼命咁想勸服譚梓淇，同時又要安慰佢，希望佢唔好再喊，好似都幫唔到咩手咁…睇到平時陽光燦爛既譚梓淇變到而家咁，作為佢既好朋友真係好心痛…
葉佩儀好動氣係咁鬧余正熙，今次我諗真係第一次，我都想加埋把口入黎一齊鬧。
球星你究竟發生咗咩事啊…你究竟做咗啲乜嘢，令到陽光女神譚梓淇會變到而家咁樣啊？
呢段時間我有keep住得閒就打一次比余正熙，但係條仆街仔真係冇聽電話，而佢越係過得咁耐都唔聽電話，就越顯得佢係有問題。
*
果晚，我、葉佩儀同埋鄭海欣三個就連晚飯都冇食陪住譚梓淇，不過其實都係做唔到啲乜，淨係眼睜睜咁望住譚梓淇喊到好傷心。
葉佩儀同譚爸爸媽媽比較熟少少，所以就由佢開口，打比譚爸譚媽解釋返咩事。最後我哋成十點幾送譚梓淇返屋企既時候，都係葉佩儀一個送佢上去，我同鄭海欣都只係響樓下等。
呢個都係葉佩儀提議既，佢覺得太多人上去，會令到譚梓淇更加唔好受，所以就由作為佢最好朋友、又同佢父母最熟既葉佩儀做呢份工作，咁就最啱嘞。
葉佩儀返落黎之後，鄭海欣仲係好似忍者咁冇出聲，但我就急不及待地問︰「淇淇佢點啊？」
「都係咁…」葉佩儀嘆咗口氣︰「件事發生得太突然，真係估唔到。」
我忍唔住又拎起手機打多次比余正熙，但冇人聽，唯有照send個短訊比佢。
葉佩儀冷笑一聲，道︰「冇用架，你個好兄弟如果係肯聽電話既，一早就聽咗喇，點會到而家都仲未聽啊？連短訊都冇覆過一條啊！」
「呢條仆街仔…」
「你睇你個好兄弟做咗啲咩好事？」葉佩儀好嬲咁講。
其實絕對唔怪得葉佩儀咁嬲架喎，余正熙傷咗佢個好姐妹，仲要一聲交待都冇玩失踪，唔好話葉佩儀啊，就連我都嬲啊！
「佢…真係不可原諒！」
葉佩儀望住我，嘆咗啖氣，道︰「其實你都唔係佢，我知你係企響淇淇果面。」
我梗係企響譚梓淇果面喇。
「大家都肚餓喇，不如去食啲嘢先喇，好唔好？」葉佩儀問我同埋隱咗形既鄭海欣問。
「好，不過咁夜，都係得返廿四小時麥記仲開緊。」我道。
「冇所謂，我好肚餓，是旦搵啲嘢食就得。」葉佩儀講完之後又好擔心咁望一望身後面譚梓淇住緊既果棟大廈︰「希望淇淇佢食得落嘢…」
「放心，世伯同伯母佢哋會好好睇住佢架喇。」我安慰葉佩儀道︰「我哋好好食嘢先，如果我哋呢個時候都冧咗，就冇人可以幫到淇淇架喇。」
葉佩儀感激地望咗我一眼，然後就一齊去咗附近既果間廿四小時老麥。
（待續）
我講呢句自己都唔信既說話之後，葉佩儀向我望咗一望，皺晒眉頭咁，好似係想叫我唔好亂講嘢咁。
正當我仲諗緊我都係諗住幫手安慰幾句啫，做乜叫我收聲啊既時候，譚梓淇霍地抬起頭望住我，雖然聲量唔大，但係就好激動咁問我︰「阿必！你係咪搵到熙熙喇？係咪搵到喇？係咪佢同你講係只係誤會黎啊？」
唔怪得葉佩儀會咁樣望住我喇…
「冇…我…我搵唔到佢…」我無力地道。
見到譚梓淇而家咁既樣，就算我平時係厚面皮唔醜亂講嘢到比人叫我做白卡必，我都諗唔到可以胡扯啲乜嘢可以引開譚梓淇既注意力…
「點算…熙熙…熙熙佢去咗邊…」譚梓淇又喊過。
葉佩儀用責怪既眼神望咗我一眼，向譚梓淇道︰「淇淇，唔好再理呢個人喇，佢都變咗心，要分手既咪由得佢分囉！」
變心？分手？
究竟係乜嘢一回事？
余正熙變心？冇可能架喎！
我想幫余正熙辯解，但睇到譚梓淇而家喊到咁，葉佩儀講既嘢唔會假；我亦都想問清楚件事發生既始末，但心知肚明呢個唔係一個應該問既時機，於是我唯有將所有疑問吞落肚，再睇下之後乜嘢情況先算。
「唔好啊…」譚梓淇淒涼地道︰「我唔想同佢分手啊…」又喊起上黎。
而家既譚梓淇真係哀怨到令人不忍睹…
葉佩儀算係識講嘢安慰人既女仔，但佢講既嘢完全冇用，譚梓淇仲係喊到收唔到聲，啲眼淚多到我都驚佢會喊到脫水…
「不如…我再上去熙熙屋企搵佢喇…」譚梓淇嗚咽地道。
「妳啱啱去過，都冇人！而且就算比妳上到去又真係搵到佢，咁又點呢？」葉佩儀理性但殘忍地分析︰「妳覺得佢會肯收返分手既決定而同妳復合咩？」
「唔試下點知喎…」
「妳醒下喇淇淇…妳咁樣只係會丟多一次假架咋…」
「我唔介意丟假…我淨係要熙熙咋…」
「唉，淇淇，妳唔好咁喇…余正熙個人，妳而家睇清楚喇？妳都仲係要中個頭埋去？」
我同鄭海欣響旁邊，睇住葉佩儀拼命咁想勸服譚梓淇，同時又要安慰佢，希望佢唔好再喊，好似都幫唔到咩手咁…睇到平時陽光燦爛既譚梓淇變到而家咁，作為佢既好朋友真係好心痛…
葉佩儀好動氣係咁鬧余正熙，今次我諗真係第一次，我都想加埋把口入黎一齊鬧。
球星你究竟發生咗咩事啊…你究竟做咗啲乜嘢，令到陽光女神譚梓淇會變到而家咁樣啊？
呢段時間我有keep住得閒就打一次比余正熙，但係條仆街仔真係冇聽電話，而佢越係過得咁耐都唔聽電話，就越顯得佢係有問題。
*
果晚，我、葉佩儀同埋鄭海欣三個就連晚飯都冇食陪住譚梓淇，不過其實都係做唔到啲乜，淨係眼睜睜咁望住譚梓淇喊到好傷心。
葉佩儀同譚爸爸媽媽比較熟少少，所以就由佢開口，打比譚爸譚媽解釋返咩事。最後我哋成十點幾送譚梓淇返屋企既時候，都係葉佩儀一個送佢上去，我同鄭海欣都只係響樓下等。
呢個都係葉佩儀提議既，佢覺得太多人上去，會令到譚梓淇更加唔好受，所以就由作為佢最好朋友、又同佢父母最熟既葉佩儀做呢份工作，咁就最啱嘞。
葉佩儀返落黎之後，鄭海欣仲係好似忍者咁冇出聲，但我就急不及待地問︰「淇淇佢點啊？」
「都係咁…」葉佩儀嘆咗口氣︰「件事發生得太突然，真係估唔到。」
我忍唔住又拎起手機打多次比余正熙，但冇人聽，唯有照send個短訊比佢。
葉佩儀冷笑一聲，道︰「冇用架，你個好兄弟如果係肯聽電話既，一早就聽咗喇，點會到而家都仲未聽啊？連短訊都冇覆過一條啊！」
「呢條仆街仔…」
「你睇你個好兄弟做咗啲咩好事？」葉佩儀好嬲咁講。
其實絕對唔怪得葉佩儀咁嬲架喎，余正熙傷咗佢個好姐妹，仲要一聲交待都冇玩失踪，唔好話葉佩儀啊，就連我都嬲啊！
「佢…真係不可原諒！」
葉佩儀望住我，嘆咗啖氣，道︰「其實你都唔係佢，我知你係企響淇淇果面。」
我梗係企響譚梓淇果面喇。
「大家都肚餓喇，不如去食啲嘢先喇，好唔好？」葉佩儀問我同埋隱咗形既鄭海欣問。
「好，不過咁夜，都係得返廿四小時麥記仲開緊。」我道。
「冇所謂，我好肚餓，是旦搵啲嘢食就得。」葉佩儀講完之後又好擔心咁望一望身後面譚梓淇住緊既果棟大廈︰「希望淇淇佢食得落嘢…」
「放心，世伯同伯母佢哋會好好睇住佢架喇。」我安慰葉佩儀道︰「我哋好好食嘢先，如果我哋呢個時候都冧咗，就冇人可以幫到淇淇架喇。」
葉佩儀感激地望咗我一眼，然後就一齊去咗附近既果間廿四小時老麥。
（待續）
鍾意一個單身嘅人有乜錯
海欣仲係好似忍者咁冇出聲
從來都無出過聲
從來都無出過聲
唔好意思樓豬，我真係忍唔住想同你講，你 penana 篇 miss 故 #170 將 miss lam 同 miss leung 撈到亂哂係想點
仲有 #179... 將馬 sir 同 謝 sir 撈亂咗
咦唔好意思，即刻上去望望，sorry
呃，係既，果度啲稱呼係有啲亂…因為阿邦喺心入面一個叫佢Miss Lam一個叫Miss Leung…
應該有一、兩句？
錯咗鍾意咗個賤人
想知點解咁都fd到
一定係陽光女神出手先
但到最後反而係同八婆儀更加FRD
但到最後反而係同八婆儀更加FRD
佢只係傷害到自己，無傷過害其它人
忍者欣同八婆儀fd嘅咩？
淇淇係無辜的
反而熙哥條撚樣不停傷害唔同人
講真如果熙哥故繼續落去嘅話，佢遲早傷害埋秋兒
反而熙哥條撚樣不停傷害唔同人
講真如果熙哥故繼續落去嘅話，佢遲早傷害埋秋兒