《我鍾意同妳鬥氣，其實只係因為…》
葉開葉開
457 回覆
91 Like
7 Dislike
五十三
香港大球場既球員出場通道，紅衫紅褲既香港隊同埋藍衫白褲既日本隊兩隊既正選球員排咗成兩行，準備出場。
「喂，阿必，你冇乜嘢吖嘛？咁大個眼袋既？」我既隊友楊舒達排響我面前問。
企我後尾既熊輝聽到楊舒達咁問，佢答嗲問我︰「嘩你又瞓得唔好定又唔夠瞓啊？」
「我fit到漏油啊！」我打起精神，原地跳咗兩下，笑道︰「我裝咗兩個迷你水袋入去隻眼度吖嘛，咁咪有咁大個眼袋囉，哈哈！」
「屌你痴撚線！」熊輝拍咗我個頭一下。
呢個時候，企我哋隔離條隊，有個日本仔走埋黎，長曲髪，帶住條頭帶，留咗成面鬍鬚，著住五號波衫，我認得佢，係效力緊鹿島鹿角既日本國家隊中堅田中聖人。
有留意J League同亞洲足球既人，一定識佢。
其實我唔係第一次見佢，甚至可以話係老對手黎，香港同日本唔係處於同一個足球水平，但咁啱響年少踢港青既時候，我有幾次既對手真係日本，果陣佢係日本青年軍既隊長。
唔知我係咪同佢有緣，響奧運足球外圍賽，代表香港U23既時候，我哋又係同日本U23同組，而呢個田中聖人又響隊中，而佢唔知點解好似特別認得我，走埋黎同我打完招呼之後，仲打探起余正熙既消息起黎。
或者係因為當年東亞少盃，余正熙就算對住日本隊既表現都實在係太過出色，令佢留下咗非常深刻既印象啩，佢好似好期待再次同余正熙交手咁。
唔係講笑，果陣余正熙既腳下功夫，甚至係可以玩到呢個而家日本隊現役中堅好似小丑咁係咁出醜，話唔定佢其實一直搵機會想報返當日既一箭之仇咁。
所以當我同佢講余正熙冇再踢波（應該話係職業足球先啱），佢表現出咗一副難以置信同埋好婉惜既表情，最後果場比賽我哋好似比日本U23炒咗四粒。
佢又走過黎做乜鳩？
「（日文）希望可以同你哋黎一場精彩既比賽喇。」田中聖人道。
「Why you think me know Japanese？」我忍唔住問。
「Good game good game！Play！」田中聖人道。
「哦！Good good good！」我用我既爛英文回答。
「（日文）好可惜當年你哋既七號（余正熙）已經唔響度…」我唔知田中聖人講乜嘢，但佢講呢句嘢既時候係望住我哋而家既七號球員陳韋拿既。
…
我好似感覺到佢想講咩了。
余正熙當年就係著七號既。
「好喇！我哋出場喇！」呢個時候我哋既隊長老大哥王洋由後面走到最前，跟住球證尾，而田中聖人向我笑一笑，然後都行返埋日本隊既行列。
呼…
要出場喇。
＊
通過球員通道，我哋兩隊分成兩行跟住球證，響FIFA fair play既音樂伴奏下行入球場。
唔知係咪呢幾日失戀，心情好似有啲沉重，連帶埋踏出球場既每一腳步都好沉重添。
踏入咗球場既草地之後，我向四周圍望一望，比起啱啱響球場熱身既時候多咗一倍人有多，畢竟係香港隊既比賽，入場人數比起港超聯真係多好多，我諗應該過萬人都有，球迷區更加係一片紅海，掛晒banner咁，好好氣氛。
…
葉佩儀…妳響邊啊？妳同石生有入黎睇我既比賽架，係唔係啊？
*
上半場只係去到28分鐘，我哋已經失咗兩球…
「嗄…嗄…」我喘氣喘得好勁，好似好攰咁…而雙腳就好似裝咗石咁，今日我無論係盤扭，定係傳波都失晒準…
我有努力咁跑、努力咁去防守，但係今日對腳…好似唔係屬於我咁…
我哋對住既係日本隊，亞洲一線水平既日本隊…世界盃既常客日本隊…
唔加把勁，跑多幾步，彌補唔到實力上面既差距啊…
「必！」我既中場拍檔王洋隊長截咗個波之後快速傳咗個波比我…
好…
我要搵位比波反擊！
但當我一拎波轉身仲搵緊邊個隊友有空位既時候，就有股好大既力量將我撞低咗…
咇！
球證吹罰既同時，全場都響起咗噓聲…
「嗚…」找抬起頭一望，原來係田中聖人，佢趁我擰波轉身之前果下，用佢既身體，用純粹既力量將我撞跌。
「（日文）枉我仲期待你會有乜嘢進步，乜冇咗個七號，你哋就只係咁弱架咋咩？」田中聖人一路講，一路向後退。
我唔駛知佢講乜，已經感覺到佢係睇我哋唔起！
我唔忿氣！
「啊！啊！啊！」我連埋本身因為失戀既沉重情緒一齊爆發起黎，用力咁打落草地上面大叫起黎…
「必，起身，繼續比賽。」王洋走過黎將我拉起身︰「唔好比佢影響到，我哋信你，你都應該要相信自己。」
（待續）
香港大球場既球員出場通道，紅衫紅褲既香港隊同埋藍衫白褲既日本隊兩隊既正選球員排咗成兩行，準備出場。
「喂，阿必，你冇乜嘢吖嘛？咁大個眼袋既？」我既隊友楊舒達排響我面前問。
企我後尾既熊輝聽到楊舒達咁問，佢答嗲問我︰「嘩你又瞓得唔好定又唔夠瞓啊？」
「我fit到漏油啊！」我打起精神，原地跳咗兩下，笑道︰「我裝咗兩個迷你水袋入去隻眼度吖嘛，咁咪有咁大個眼袋囉，哈哈！」
「屌你痴撚線！」熊輝拍咗我個頭一下。
呢個時候，企我哋隔離條隊，有個日本仔走埋黎，長曲髪，帶住條頭帶，留咗成面鬍鬚，著住五號波衫，我認得佢，係效力緊鹿島鹿角既日本國家隊中堅田中聖人。
有留意J League同亞洲足球既人，一定識佢。
其實我唔係第一次見佢，甚至可以話係老對手黎，香港同日本唔係處於同一個足球水平，但咁啱響年少踢港青既時候，我有幾次既對手真係日本，果陣佢係日本青年軍既隊長。
唔知我係咪同佢有緣，響奧運足球外圍賽，代表香港U23既時候，我哋又係同日本U23同組，而呢個田中聖人又響隊中，而佢唔知點解好似特別認得我，走埋黎同我打完招呼之後，仲打探起余正熙既消息起黎。
或者係因為當年東亞少盃，余正熙就算對住日本隊既表現都實在係太過出色，令佢留下咗非常深刻既印象啩，佢好似好期待再次同余正熙交手咁。
唔係講笑，果陣余正熙既腳下功夫，甚至係可以玩到呢個而家日本隊現役中堅好似小丑咁係咁出醜，話唔定佢其實一直搵機會想報返當日既一箭之仇咁。
所以當我同佢講余正熙冇再踢波（應該話係職業足球先啱），佢表現出咗一副難以置信同埋好婉惜既表情，最後果場比賽我哋好似比日本U23炒咗四粒。
佢又走過黎做乜鳩？
「（日文）希望可以同你哋黎一場精彩既比賽喇。」田中聖人道。
「Why you think me know Japanese？」我忍唔住問。
「Good game good game！Play！」田中聖人道。
「哦！Good good good！」我用我既爛英文回答。
「（日文）好可惜當年你哋既七號（余正熙）已經唔響度…」我唔知田中聖人講乜嘢，但佢講呢句嘢既時候係望住我哋而家既七號球員陳韋拿既。
…
我好似感覺到佢想講咩了。
余正熙當年就係著七號既。
「好喇！我哋出場喇！」呢個時候我哋既隊長老大哥王洋由後面走到最前，跟住球證尾，而田中聖人向我笑一笑，然後都行返埋日本隊既行列。
呼…
要出場喇。
＊
通過球員通道，我哋兩隊分成兩行跟住球證，響FIFA fair play既音樂伴奏下行入球場。
唔知係咪呢幾日失戀，心情好似有啲沉重，連帶埋踏出球場既每一腳步都好沉重添。
踏入咗球場既草地之後，我向四周圍望一望，比起啱啱響球場熱身既時候多咗一倍人有多，畢竟係香港隊既比賽，入場人數比起港超聯真係多好多，我諗應該過萬人都有，球迷區更加係一片紅海，掛晒banner咁，好好氣氛。
…
葉佩儀…妳響邊啊？妳同石生有入黎睇我既比賽架，係唔係啊？
*
上半場只係去到28分鐘，我哋已經失咗兩球…
「嗄…嗄…」我喘氣喘得好勁，好似好攰咁…而雙腳就好似裝咗石咁，今日我無論係盤扭，定係傳波都失晒準…
我有努力咁跑、努力咁去防守，但係今日對腳…好似唔係屬於我咁…
我哋對住既係日本隊，亞洲一線水平既日本隊…世界盃既常客日本隊…
唔加把勁，跑多幾步，彌補唔到實力上面既差距啊…
「必！」我既中場拍檔王洋隊長截咗個波之後快速傳咗個波比我…
好…
我要搵位比波反擊！
但當我一拎波轉身仲搵緊邊個隊友有空位既時候，就有股好大既力量將我撞低咗…
咇！
球證吹罰既同時，全場都響起咗噓聲…
「嗚…」找抬起頭一望，原來係田中聖人，佢趁我擰波轉身之前果下，用佢既身體，用純粹既力量將我撞跌。
「（日文）枉我仲期待你會有乜嘢進步，乜冇咗個七號，你哋就只係咁弱架咋咩？」田中聖人一路講，一路向後退。
我唔駛知佢講乜，已經感覺到佢係睇我哋唔起！
我唔忿氣！
「啊！啊！啊！」我連埋本身因為失戀既沉重情緒一齊爆發起黎，用力咁打落草地上面大叫起黎…
「必，起身，繼續比賽。」王洋走過黎將我拉起身︰「唔好比佢影響到，我哋信你，你都應該要相信自己。」
（待續）
眼線交流
睇嚟又係八婆儀出場嘅時刻了
有聲
講完俾八婆儀一把車左落街，又去飲悶酒
講完俾八婆儀一把車左落街，又去飲悶酒
頂，呢個正喎
五十四
有時足球比賽就係咁，當你落到場比賽既時候，你就會發現果日既比賽唔係屬於你既。
外國波話齋︰It's just not your day，就係咁既一回事，好似你響球場上面做既每一個決定，傳既每一腳波都係錯咁。
唔止我，成隊香港隊都係，雖然我哋好落力防守，然後伺機反擊，但係都係好難抵擋住日本既攻勢，就連反擊既機會都寥寥可數，不過好彩既係，我哋雖然失咗兩球，但總算暫時仲頂得住呢兩球。
我明白我哋同日本係有實力上面既差距，但個差距唔應該係咁大。
…
「We are Hong Kong！」看台上依舊傳來支持者既打氣聲，我響打氣聲中，響前傳咗個直線高波，點知比日本隊截到又再攻過…
嘖！
「We are Hong Kong！」
我跑過去防守，但始終慢咗一拍，比對手有機會傳咗個直線入禁區，好彩門將熊輝及時出迎封窄個位，令日本既九號急住起腳射斜。
「We are Hong Kong！」
我響打氣聲入面接應住中堅隊友入籍兵艾斯奧既傳波，轉身見到梵高以高速推進…我係咪應該放個長傳比佢打反擊？我…我今日既狀態又做唔做得到？
響對住日本隊呢種級數既亞洲強隊，你係連一剎那間猶豫既時間都唔會有，響我仲未諗好放唔放個長傳既時候，佢哋既防守中場已經殺到，我逼住只可以將個波橫傳比隊長王洋。
「唉…屌！」看台上屌聲一片，好明顯係婉惜我錯過咗一次絕佳既反擊機會，連梵高都向地下揮拳再向我既方向攤手，以示不滿。
「We are Hong Kong！」不過觀眾好快又再為我哋打氣，響佢哋既支持下，另一個中堅楊舒達成功將傳入黎既高波頂走，再由我加一腳踢上前解圍。嘖…呢球我其實係咪可以唔好咁急，控定先再傳，保住個控球權先？
咁樣亂踢我哋反擊唔到架…
「We are Hong Kong！We are Hong Kong！We are Hong Kong！」雖然支持者不斷落力打氣，但係我哋根本改變唔到被圍攻既事實。
我…
其實心知肚明…
今日港隊發揮得唔好，同我呢個中場核心表現失準有絕對既關係。
你將一部機器既核心拎走咗，佢梗係function唔到喇，足球都一樣。
唔可以…
我唔可以比葉佩儀結婚呢件事、我失戀既心情影響到我響球場上面既表現！
我係職業球員黎，我要盡快調整自己既心情先得！
我響場上不停咁跑、跑、跑，但有啲嘢，唔係你肯跑就得。更何況我而家雙腳好似裝咗鉛咁，跑得好辛苦好吃力…
咇！咇！咇！
好唔容易，終於捱到半場完，總算保住只係落後兩球既差距返去更衣室。
「We are Hong Kong！」「香港加油！」「香港！啪啪啪！香港！」
球迷既打氣聲冇弱過，但係我哋今日既表現，真係有啲愧對呢啲永不間斷同我哋打氣既球迷…
唉，而且今日都算幾狼狽，比葉佩儀見到真係認真肉酸…
唔知佢坐咗響球場既邊一個角落呢？
我同啲隊友dup低頭向著球員通道行過去…大家都冇晒心機…
下半場…下半場一定要調整，一定要！
唔好再比自己既心情影響到喇，踢到咁比葉佩儀見到真係好肉酸啊…
唉…
但係…我對腳…果對平時靈巧自如既腳，今日真係好重…
就連行返球衣室既呢一小段路都係…每一步都好沉重…
「死人必！」
咦？
呢把聲…
繞樑我既心大半生，我唔會聽錯既…
我即刻抬起頭四圍望！
「呢邊啊！死人必！」
我停咗落黎，繼續搜尋呢把聲音既主人。
「喂，你聾咗啊？死人必！」
終於搵到佢。
呢把聲音既主人…葉佩儀。
佢唔知點樣艱辛地擠到去靠近球員通道既觀眾席既最前面，向住我大聲怒喝，亦都唔理其他人既側目。
得佢一個，石生唔響佢身邊。
我小跑咁跑到去佢面前︰「八婆儀。」
「你食懵咗啊？踢到咁差既！」葉佩儀怒道︰「你下半場再踢到咁，你返出黎既時候我扭甩你隻手臂啊！」
「哼！妳識唔識波架？呢啲叫留前鬥後啊！」我裝模作樣地道︰「我留力下半場咋嘛！妳睇住黎吖！下半場，我哋入返佢三球啊！」
「你記得自己講過啲乜嘢啊！」葉佩儀大嗌道︰「你哋入唔返三球，我真係擰甩你隻手啊！」
「睇住黎喇！」我神氣地道。
「一定要！」
最初附近既觀眾以為葉佩儀係屌我，都對佢投以唔太友善既眼神，但係聽完我同佢既對話之後，好明顯知道我哋係認識既，而且見到葉佩儀真係激起到我既精神狀態，響我講話要入返日本隊三球之後，登時全部起哄！
「We are Hong Kong！」
「林必才！啪啪啪！林必才！啪啪啪！」
我提起精神，再向葉佩儀同其他支持者揮揮手，然後走返入球員通道，返入更衣室，去聽取教練海靈頓有關下半場戰術既指示。
（待續）
有時足球比賽就係咁，當你落到場比賽既時候，你就會發現果日既比賽唔係屬於你既。
外國波話齋︰It's just not your day，就係咁既一回事，好似你響球場上面做既每一個決定，傳既每一腳波都係錯咁。
唔止我，成隊香港隊都係，雖然我哋好落力防守，然後伺機反擊，但係都係好難抵擋住日本既攻勢，就連反擊既機會都寥寥可數，不過好彩既係，我哋雖然失咗兩球，但總算暫時仲頂得住呢兩球。
我明白我哋同日本係有實力上面既差距，但個差距唔應該係咁大。
…
「We are Hong Kong！」看台上依舊傳來支持者既打氣聲，我響打氣聲中，響前傳咗個直線高波，點知比日本隊截到又再攻過…
嘖！
「We are Hong Kong！」
我跑過去防守，但始終慢咗一拍，比對手有機會傳咗個直線入禁區，好彩門將熊輝及時出迎封窄個位，令日本既九號急住起腳射斜。
「We are Hong Kong！」
我響打氣聲入面接應住中堅隊友入籍兵艾斯奧既傳波，轉身見到梵高以高速推進…我係咪應該放個長傳比佢打反擊？我…我今日既狀態又做唔做得到？
響對住日本隊呢種級數既亞洲強隊，你係連一剎那間猶豫既時間都唔會有，響我仲未諗好放唔放個長傳既時候，佢哋既防守中場已經殺到，我逼住只可以將個波橫傳比隊長王洋。
「唉…屌！」看台上屌聲一片，好明顯係婉惜我錯過咗一次絕佳既反擊機會，連梵高都向地下揮拳再向我既方向攤手，以示不滿。
「We are Hong Kong！」不過觀眾好快又再為我哋打氣，響佢哋既支持下，另一個中堅楊舒達成功將傳入黎既高波頂走，再由我加一腳踢上前解圍。嘖…呢球我其實係咪可以唔好咁急，控定先再傳，保住個控球權先？
咁樣亂踢我哋反擊唔到架…
「We are Hong Kong！We are Hong Kong！We are Hong Kong！」雖然支持者不斷落力打氣，但係我哋根本改變唔到被圍攻既事實。
我…
其實心知肚明…
今日港隊發揮得唔好，同我呢個中場核心表現失準有絕對既關係。
你將一部機器既核心拎走咗，佢梗係function唔到喇，足球都一樣。
唔可以…
我唔可以比葉佩儀結婚呢件事、我失戀既心情影響到我響球場上面既表現！
我係職業球員黎，我要盡快調整自己既心情先得！
我響場上不停咁跑、跑、跑，但有啲嘢，唔係你肯跑就得。更何況我而家雙腳好似裝咗鉛咁，跑得好辛苦好吃力…
咇！咇！咇！
好唔容易，終於捱到半場完，總算保住只係落後兩球既差距返去更衣室。
「We are Hong Kong！」「香港加油！」「香港！啪啪啪！香港！」
球迷既打氣聲冇弱過，但係我哋今日既表現，真係有啲愧對呢啲永不間斷同我哋打氣既球迷…
唉，而且今日都算幾狼狽，比葉佩儀見到真係認真肉酸…
唔知佢坐咗響球場既邊一個角落呢？
我同啲隊友dup低頭向著球員通道行過去…大家都冇晒心機…
下半場…下半場一定要調整，一定要！
唔好再比自己既心情影響到喇，踢到咁比葉佩儀見到真係好肉酸啊…
唉…
但係…我對腳…果對平時靈巧自如既腳，今日真係好重…
就連行返球衣室既呢一小段路都係…每一步都好沉重…
「死人必！」
咦？
呢把聲…
繞樑我既心大半生，我唔會聽錯既…
我即刻抬起頭四圍望！
「呢邊啊！死人必！」
我停咗落黎，繼續搜尋呢把聲音既主人。
「喂，你聾咗啊？死人必！」
終於搵到佢。
呢把聲音既主人…葉佩儀。
佢唔知點樣艱辛地擠到去靠近球員通道既觀眾席既最前面，向住我大聲怒喝，亦都唔理其他人既側目。
得佢一個，石生唔響佢身邊。
我小跑咁跑到去佢面前︰「八婆儀。」
「你食懵咗啊？踢到咁差既！」葉佩儀怒道︰「你下半場再踢到咁，你返出黎既時候我扭甩你隻手臂啊！」
「哼！妳識唔識波架？呢啲叫留前鬥後啊！」我裝模作樣地道︰「我留力下半場咋嘛！妳睇住黎吖！下半場，我哋入返佢三球啊！」
「你記得自己講過啲乜嘢啊！」葉佩儀大嗌道︰「你哋入唔返三球，我真係擰甩你隻手啊！」
「睇住黎喇！」我神氣地道。
「一定要！」
最初附近既觀眾以為葉佩儀係屌我，都對佢投以唔太友善既眼神，但係聽完我同佢既對話之後，好明顯知道我哋係認識既，而且見到葉佩儀真係激起到我既精神狀態，響我講話要入返日本隊三球之後，登時全部起哄！
「We are Hong Kong！」
「林必才！啪啪啪！林必才！啪啪啪！」
我提起精神，再向葉佩儀同其他支持者揮揮手，然後走返入球員通道，返入更衣室，去聽取教練海靈頓有關下半場戰術既指示。
（待續）
ass hole
八婆儀出現嘅時機幾時都咁完美
推
但呢個真心正睇下有冇機會放入個故
睇下有冇機會放入個故五十五
其實我有少少擔心，半場既時候海靈頓教練會因為我上半場既表現咁差而將我換走，不過好彩講完戰術、上半場既分析完，team talk完之後佢都係用返原班人馬繼續出戰。
我哋踢得絕對唔係好，不過可能對手係日本，本身實力上面同我哋都有一定既差距，海靈頓教練都唔算太苛責我哋，但就要求我哋下半場既防守要再硬淨少少。而對住我，佢既指示係︰「放開去踢，個人唔好咁崩緊，咁樣一啲都唔似你。」
我知道架喇，下半場我一定會踢得好啲，如果唔係點兌現我啱啱向葉佩儀佢所作出既承諾啊！
「三球！我哋要追返三球！」我響臨行出更衣室之前，向住大家鳩叫。
係，三球好似係一個遙不可及既距離，但邊個話我哋一定做唔到架？
響正式踏入球場之前，我雙手用力咁拍一拍自己塊面，響腦海入面再諗返一次葉佩儀啱啱同我打氣既樣…
…
林必才，醒神啊！
*
下半場我對腳好似輕鬆咗好多咁。
「必！」王洋將個波傳比我，我眼尾見到梵高鳩跑緊，諗都唔駛諗就即刻轉方向長傳比佢。
佢走位既位置，響我既眼中其實唔算太理想，但我用長傳既落點引導返佢應該走去邊，而佢都改變咗個跑步軌跡，但可惜起步果下錯咗位，慢咗可能只係一秒，但就比田中聖人捕到個位，先一步解圍。
普通人可能睇唔出有咩分別，但職業球員或者高水平既球迷就會睇得出呢一秒可以改變到好多嘢。
唔係話梵高唔好，以香港既水平黎講，呢下走位已經好唔錯，只係日本隊係亞洲一級勁旅，啲足球意識、戰術水平真係高，防守企位都真係靚，所以比佢哋守到都無可厚非。如果余正熙冇退役…憑佢既悟性，我覺得呢球佢一定可以走到個靚位，等我一腳劏穿日本條防線啫。
「噢！！！」全場發出婉惜既聲音，大家都睇得出呢下反擊其實幾有威脅。
「必，呢下唔錯！」王洋響遠處向我豎起大拇指。
我都向佢舉隻拇指回應。
*
下半場意外地我哋既表現同上半場判若兩隊。當然喇，你話真係壓住日本隊黎打就冇可能架喇，但係比起上半場一面倒既形勢，下半場我哋憑住反擊造成唔少既威脅，可惜既係日本隊既防線響亞洲都係數一數二，踢咗二十分鐘，我哋有幾次反擊既射門，都係爭咗果少少。
「We are Hong Kong！」
「香港！啪啪啪！香港！」
我哋下半場脫胎換骨既表現，當然令到支持者情緒高漲，令到本來已經落力為我哋打氣既球迷，嗌得更加竭斯底里。
而當中點解香港可以響下半場踢得咁好既原因，其實係因為我呢個核心突然回復返狀態，所以攻守轉換既時候變得好有效率。上半場我哋防守既時候，往往一解圍，或者因為我轉守為攻既時候做得唔好，好輕易就比日本隊截到，再次組織新一波既攻勢，令到我哋疲於奔命，體力消耗都唔少。
但係而家當我回復狀態既時候，串連中場既功夫就做得好好多，當有威脅既反擊多咗既時候，日本隊既防線都唔敢壓得太上，反正佢哋已經領先緊兩球，都唔同我哋急。
時間一分一秒咁過去，如果維持呢個比數完場，對住日本輸兩球其實唔係差，但我諗在場既隊友加埋海靈頓教練都冇諗過要輸，所以下半場中段，教練一次過換咗三個攻擊球員入場（當時仲係限換三個），希望收復失地。
講堅，其實我諗全隊人既體力都已經消耗得七七八八，我哋始終連體能都係及唔上呢支亞洲一線勁旅，隨住時間既推移，形勢又一次慢慢地傾向返日本隊果邊。
時間無多，我哋港隊都冇放棄，咬緊牙關去搶去攻。
我唔知其他隊友係點，我見除咗新換入黎果三個隊友之外，佢哋步頭都重咗唔少，而為咗唔好令場上港隊太過失勢，我就繼續唔識攰咁奔跑，用活力，但實際上我其實雙腳都已經攰到不得了，靠打咗雞血支撐落去…
乜嘢係我既雞血？
半場既時候，葉佩儀對我既鼓勵就係雞血。
我唔想輸。
我想贏。
我想兌現自己既諾言，連入三球反勝。
冇錯，我應承咗葉佩儀，我要贏波架嘛！！
衝啊！上啊！
（待續）
其實我有少少擔心，半場既時候海靈頓教練會因為我上半場既表現咁差而將我換走，不過好彩講完戰術、上半場既分析完，team talk完之後佢都係用返原班人馬繼續出戰。
我哋踢得絕對唔係好，不過可能對手係日本，本身實力上面同我哋都有一定既差距，海靈頓教練都唔算太苛責我哋，但就要求我哋下半場既防守要再硬淨少少。而對住我，佢既指示係︰「放開去踢，個人唔好咁崩緊，咁樣一啲都唔似你。」
我知道架喇，下半場我一定會踢得好啲，如果唔係點兌現我啱啱向葉佩儀佢所作出既承諾啊！
「三球！我哋要追返三球！」我響臨行出更衣室之前，向住大家鳩叫。
係，三球好似係一個遙不可及既距離，但邊個話我哋一定做唔到架？
響正式踏入球場之前，我雙手用力咁拍一拍自己塊面，響腦海入面再諗返一次葉佩儀啱啱同我打氣既樣…
…
林必才，醒神啊！
*
下半場我對腳好似輕鬆咗好多咁。
「必！」王洋將個波傳比我，我眼尾見到梵高鳩跑緊，諗都唔駛諗就即刻轉方向長傳比佢。
佢走位既位置，響我既眼中其實唔算太理想，但我用長傳既落點引導返佢應該走去邊，而佢都改變咗個跑步軌跡，但可惜起步果下錯咗位，慢咗可能只係一秒，但就比田中聖人捕到個位，先一步解圍。
普通人可能睇唔出有咩分別，但職業球員或者高水平既球迷就會睇得出呢一秒可以改變到好多嘢。
唔係話梵高唔好，以香港既水平黎講，呢下走位已經好唔錯，只係日本隊係亞洲一級勁旅，啲足球意識、戰術水平真係高，防守企位都真係靚，所以比佢哋守到都無可厚非。如果余正熙冇退役…憑佢既悟性，我覺得呢球佢一定可以走到個靚位，等我一腳劏穿日本條防線啫。
「噢！！！」全場發出婉惜既聲音，大家都睇得出呢下反擊其實幾有威脅。
「必，呢下唔錯！」王洋響遠處向我豎起大拇指。
我都向佢舉隻拇指回應。
*
下半場意外地我哋既表現同上半場判若兩隊。當然喇，你話真係壓住日本隊黎打就冇可能架喇，但係比起上半場一面倒既形勢，下半場我哋憑住反擊造成唔少既威脅，可惜既係日本隊既防線響亞洲都係數一數二，踢咗二十分鐘，我哋有幾次反擊既射門，都係爭咗果少少。
「We are Hong Kong！」
「香港！啪啪啪！香港！」
我哋下半場脫胎換骨既表現，當然令到支持者情緒高漲，令到本來已經落力為我哋打氣既球迷，嗌得更加竭斯底里。
而當中點解香港可以響下半場踢得咁好既原因，其實係因為我呢個核心突然回復返狀態，所以攻守轉換既時候變得好有效率。上半場我哋防守既時候，往往一解圍，或者因為我轉守為攻既時候做得唔好，好輕易就比日本隊截到，再次組織新一波既攻勢，令到我哋疲於奔命，體力消耗都唔少。
但係而家當我回復狀態既時候，串連中場既功夫就做得好好多，當有威脅既反擊多咗既時候，日本隊既防線都唔敢壓得太上，反正佢哋已經領先緊兩球，都唔同我哋急。
時間一分一秒咁過去，如果維持呢個比數完場，對住日本輸兩球其實唔係差，但我諗在場既隊友加埋海靈頓教練都冇諗過要輸，所以下半場中段，教練一次過換咗三個攻擊球員入場（當時仲係限換三個），希望收復失地。
講堅，其實我諗全隊人既體力都已經消耗得七七八八，我哋始終連體能都係及唔上呢支亞洲一線勁旅，隨住時間既推移，形勢又一次慢慢地傾向返日本隊果邊。
時間無多，我哋港隊都冇放棄，咬緊牙關去搶去攻。
我唔知其他隊友係點，我見除咗新換入黎果三個隊友之外，佢哋步頭都重咗唔少，而為咗唔好令場上港隊太過失勢，我就繼續唔識攰咁奔跑，用活力，但實際上我其實雙腳都已經攰到不得了，靠打咗雞血支撐落去…
乜嘢係我既雞血？
半場既時候，葉佩儀對我既鼓勵就係雞血。
我唔想輸。
我想贏。
我想兌現自己既諾言，連入三球反勝。
冇錯，我應承咗葉佩儀，我要贏波架嘛！！
衝啊！上啊！
（待續）
射佢老母！
五十六
臨完場前五分鐘，我一個長傳搵到仲係鳩跑得好快既梵高，佢響堆入禁區之前比田中聖人及時回防剷中，結果響禁區頂我哋獲得一個罰球機會。
「必，交比你喇。」隊長王洋將個波交比我︰「好好地處理呢球，我對你有信心。」
陳韋拿走入禁區前都拍一拍我膊頭，道︰「我哋會入禁區，如果你決定斬入黎既，我會好好咁接應。」
「嗯。」
我拎起個波，擺好響禁區頂既草地上面，退後幾步準備助跑去處理呢球罰球。
日本既門將川田源三好緊張咁指揮佢既隊友組成人牆，因為呢球波響正射程範圍入面，我唔知佢哋有冇對我哋做足功課，如果有既話，佢實知道響港超甚至國際賽入面，都射入過唔少呢啲罰球。
球證走埋人牆度，確咗佢哋離球夠晒十碼之後，就吹咗哨子，示意我可以隨時開波。
呼！
我合埋眼深吸一口氣，再靜心聆聽球場入面既打氣聲。
我相信，葉佩儀既聲音，一定在其中！
我打開眼，望住龍門既右上角…係呢度！
我起跑、起腳、個波穿過人牆上方、飄過龍門右上角…
個軌跡好靚…
但川田源三都不愧為亞洲一級門將，佢響我起腳、一見到個波既軌跡既時候，佢已經有反應，當個波越過人牆既時候，佢個人已經飛撲起黎…
…
要入啊…要入啊…要入啊…
我個波響香港既水平黎講，已經算係好有角度，但相對地就犧牲咗力度…
川田源三飛身就黎要掂到個波…
…
…
…
全場爆出一陣熱烈既歡呼聲…
冇錯，雖然川田源三飛到盡，但係個波既角度真係太過刁鑽，最後都係響川田源三隻左手頂飛過，直接飛入右上角死角…
就如我預想既軌道一般。
我振臂一呼，大聲向龍門前面既隊友大聲叫道︰「執波啊！場波未完，仲有兩球！」
陳韋拿即刻衝入龍門網入面執返起個波出黎，然後快步跑去中圈，仲幫日本隊擺定個波，等佢哋可以快啲開波。
成個香港大球場既氣氛因為呢一球波突然間唔同晒，除咗觀眾因為我哋追返一球而興奮兼更落力打氣，我哋一班球員都一樣好似食咗春藥咁，本來體力都用得七七八八既大家，都強行咬埋最後一啖氣，拼埋落去，所以出乎所有人意料之外，響比賽最後呢幾分鐘，我哋竟然㩒住日本隊黎攻，而我響一次又一次既攻勢入面，亦都好明顯係扮演核心，為其他進攻球員送上源源不絕既彈藥…
「下半場補時四分鐘。」香港大球場既廣播說道。
時間無多喇…
但係…我哋依然係攻唔入…我個心好心急，但真係冇用…
…
今次我響進攻路線右面拎到個波，然後見到高大既陳韋拿走緊去後柱位，我見個勢一腳斬個波埋去，真係恰到好處，陳韋拿一頭頂埋去，比川田源三飛身救出底線。
「哇！」全場響一陣婉息聲。
我心知時間真係越黎越少，已經進入補時階段，球證隨時都可能吹雞完場，所以全速走埋角球旗，準備開埋呢個角球。
連門將熊輝都上埋黎日本隊既禁區爭頂。
最後一擊喇…就算真係反超前唔到，都希望可以追成平手吖。
我將個波擺定，深呼吸咗一下，然後再諗下葉佩儀對我既鼓勵…
一定要入！
我起步將個波斬入禁區，混亂之中熊輝跳起，然後mark住佢既日本後衛都一齊跳起，但其實熊輝係唔到位既，不過佢既起跳引開咗其中一個日本既防守球員，而伏兵後面既高大中鋒陳韋拿瞄準住個波既來勢起跳…
入啊！！
但係呢個時候田中聖人都同一時間起跳，壓住陳韋拿，完全唔比佢有個輕鬆既空間去頂呢球波。
田中聖人不愧係亞洲一級中堅，佢冇比熊輝呢下走位迷惑，同陳韋拿係差唔多同一時間起跳…
頂入佢啊！陳韋拿！
啪！
雖然比亞洲頂級中堅力壓，但係陳韋拿都可以頂得中個波，而個波飛過去既方向都非常唔錯…
由於太近同埋陳韋拿都頂得好勁吓，川田源三都毫無反應，就咁企響原地，連救波既動作都黎唔切做…
入啊…要入啊！！
（待續）
臨完場前五分鐘，我一個長傳搵到仲係鳩跑得好快既梵高，佢響堆入禁區之前比田中聖人及時回防剷中，結果響禁區頂我哋獲得一個罰球機會。
「必，交比你喇。」隊長王洋將個波交比我︰「好好地處理呢球，我對你有信心。」
陳韋拿走入禁區前都拍一拍我膊頭，道︰「我哋會入禁區，如果你決定斬入黎既，我會好好咁接應。」
「嗯。」
我拎起個波，擺好響禁區頂既草地上面，退後幾步準備助跑去處理呢球罰球。
日本既門將川田源三好緊張咁指揮佢既隊友組成人牆，因為呢球波響正射程範圍入面，我唔知佢哋有冇對我哋做足功課，如果有既話，佢實知道響港超甚至國際賽入面，都射入過唔少呢啲罰球。
球證走埋人牆度，確咗佢哋離球夠晒十碼之後，就吹咗哨子，示意我可以隨時開波。
呼！
我合埋眼深吸一口氣，再靜心聆聽球場入面既打氣聲。
我相信，葉佩儀既聲音，一定在其中！
我打開眼，望住龍門既右上角…係呢度！
我起跑、起腳、個波穿過人牆上方、飄過龍門右上角…
個軌跡好靚…
但川田源三都不愧為亞洲一級門將，佢響我起腳、一見到個波既軌跡既時候，佢已經有反應，當個波越過人牆既時候，佢個人已經飛撲起黎…
…
要入啊…要入啊…要入啊…
我個波響香港既水平黎講，已經算係好有角度，但相對地就犧牲咗力度…
川田源三飛身就黎要掂到個波…
…
…
…
全場爆出一陣熱烈既歡呼聲…
冇錯，雖然川田源三飛到盡，但係個波既角度真係太過刁鑽，最後都係響川田源三隻左手頂飛過，直接飛入右上角死角…
就如我預想既軌道一般。
我振臂一呼，大聲向龍門前面既隊友大聲叫道︰「執波啊！場波未完，仲有兩球！」
陳韋拿即刻衝入龍門網入面執返起個波出黎，然後快步跑去中圈，仲幫日本隊擺定個波，等佢哋可以快啲開波。
成個香港大球場既氣氛因為呢一球波突然間唔同晒，除咗觀眾因為我哋追返一球而興奮兼更落力打氣，我哋一班球員都一樣好似食咗春藥咁，本來體力都用得七七八八既大家，都強行咬埋最後一啖氣，拼埋落去，所以出乎所有人意料之外，響比賽最後呢幾分鐘，我哋竟然㩒住日本隊黎攻，而我響一次又一次既攻勢入面，亦都好明顯係扮演核心，為其他進攻球員送上源源不絕既彈藥…
「下半場補時四分鐘。」香港大球場既廣播說道。
時間無多喇…
但係…我哋依然係攻唔入…我個心好心急，但真係冇用…
…
今次我響進攻路線右面拎到個波，然後見到高大既陳韋拿走緊去後柱位，我見個勢一腳斬個波埋去，真係恰到好處，陳韋拿一頭頂埋去，比川田源三飛身救出底線。
「哇！」全場響一陣婉息聲。
我心知時間真係越黎越少，已經進入補時階段，球證隨時都可能吹雞完場，所以全速走埋角球旗，準備開埋呢個角球。
連門將熊輝都上埋黎日本隊既禁區爭頂。
最後一擊喇…就算真係反超前唔到，都希望可以追成平手吖。
我將個波擺定，深呼吸咗一下，然後再諗下葉佩儀對我既鼓勵…
一定要入！
我起步將個波斬入禁區，混亂之中熊輝跳起，然後mark住佢既日本後衛都一齊跳起，但其實熊輝係唔到位既，不過佢既起跳引開咗其中一個日本既防守球員，而伏兵後面既高大中鋒陳韋拿瞄準住個波既來勢起跳…
入啊！！
但係呢個時候田中聖人都同一時間起跳，壓住陳韋拿，完全唔比佢有個輕鬆既空間去頂呢球波。
田中聖人不愧係亞洲一級中堅，佢冇比熊輝呢下走位迷惑，同陳韋拿係差唔多同一時間起跳…
頂入佢啊！陳韋拿！
啪！
雖然比亞洲頂級中堅力壓，但係陳韋拿都可以頂得中個波，而個波飛過去既方向都非常唔錯…
由於太近同埋陳韋拿都頂得好勁吓，川田源三都毫無反應，就咁企響原地，連救波既動作都黎唔切做…
入啊…要入啊！！
（待續）
好緊刺激
好刺激！
入呀！
入呀！
睇嚟今晚要失更了…
冇文
一次過補返兩篇
五十七
嘭！
陳韋拿呢下咁急勁既頭鎚中咗楣彈出！
「噢！」全場既觀眾都發出一絲嘆氣聲…
不過仲未完架！
雖然我響角球旗果面趕唔切過去，但禁區入面仲有成班隊友響度搏命！
梵高衝埋去個波彈出黎既落點加一腳，但係個波又再一次省中日本隊既後衛，彈彈下又彈咗去禁區頂，咁啱響王洋伏兵響禁區頂一腳抽埋去，結果個波僅僅越楣而出…
…
同時，都意味住我哋既最後一擊係失敗既…
果然，當川田源三大腳開出龍門球既時候，球證都吹雞完場難，雖然下半場我哋香港隊既形勢突然改善咗唔少，但終究都係以一比二落敗…
我成個人大字型咁攤咗響草地上面…
其實對住亞洲一級球隊日本都只係輸一比二，呢個戰果對於唔少球迷、傳媒黎講已經收貨，但輸咗就係輸咗，我諗我既隊友同埋海靈頓教練都一定唔會甘心…
我仲要兌現唔到同葉佩儀所許下反勝三比二既承諾…
唔好話將「我愛妳」三個字講出口，我連兌現一個承諾都做唔到…
唉…突然間覺得個世界好灰、個天空好灰…
如果，我哋上半場就已經可以踢到下半場咁就好嘞…
唉，最衰都係我踢到pat屎咁…
唉，最衰都余正熙個衰仔退役…
唉，最衰都係…
「（日文）咁先係當年我認識既林必才黎架嘛。」突然有一把聲音講埋啲我聽唔明既日文。
係田中聖人。
「Oh oh you you！田中先生！」我用埋啲九唔搭八既英文應佢︰「You come here！Why y y y？」
「You play good 2 too today very good！same same before long long ago」屌你，日本人啲英文仲難聽過我、難聽過球會啲巴西幫外援…
佢係咪想講我今日踢得幾好，令佢諗返起亞少盃外圍賽同東亞少盃時候既我哋啊？
「yes yes yes，屌！」
田中聖人伸手拉我起身，道︰「（日文）呢場先係我期待既比賽，就算響日本，好似你踢波咁有視野既球員都唔多，如果可以同你做到隊友，我諗真係唔錯。」
「yes yes yes，屌！」
我唔識日文，你講乜春啊…不如你都係講返啲難聽到飛起既英文算喇，至少我都估到下你Up乜勁…
「（日文）話唔定呢一日，好快就會來臨！」佢將自己件波衫除咗落黎，同我交換。
「yes yes yes，屌！」既然我都唔知佢up乜勁，我唯有亂鳩咁重覆又重覆自己句狗屎英文，實行同佢鳩鬥鳩，然後一路除咗自己件波衫落黎遞比佢…
「（日文）再見…或者，真係會好快再見。」田中聖人對住我露出個意味深長既微笑，搞到我有啲打冷震…
佢啱啱呢句，唔係話想要同我搞基吓嘛？
雖然我成日扮基搞gag啫，但我唔係真係基架！
搞到我毛管都棟埋！
打發咗個日本仔走之後，隊長王洋走埋黎，道︰「我哋去同fans道謝喇！」
都啱…
佢哋成場波都為我哋不停地落力打氣，一定要向佢哋道謝，而呢個都係我哋香港隊既傳統黎，響完場之後，向仲留響度既球迷致意。
「We are Hong Kong！We are Hong Kong！」
我致謝既時候望向觀眾席，嘗試找尋葉佩儀既身影，但係搵黎搵去都搵唔到…
唉，不過我都愧對於佢啊…
*
完場之後，響更衣室聽咗海靈頓教練既賽後檢討，仲比海靈頓捉咗去記者會，搞到我最後成十一點幾先同另外幾個隊友一齊走。
因為唔係客場比賽既關係，我哋係唔需要強制集合埋一齊走。
唉，我都而家先得閒拎部電話出黎，想睇下葉佩儀有冇send message比我，話我兌現唔到承諾要將我斬手斬腳…
…
…
…
咦？
職球員通道外面，仲有少量既球迷響度等我，而其中街燈影照住既其中一個身影…
咁似…
咁似…
「死人必！」果個身影向住我大叫。
係葉佩儀！
我一路行過去，一邊同其他球迷拍下手hi下five，最後終於行到佢面前…同埋石生面前。
梗係喇，葉佩儀…當然係應該由佢既未婚夫陪伴喇！
「阿必，踢得好啊。」石生向我微笑有禮地道。
「哼！唔係我半場鬧醒佢，佢下半場邊會踢得咁好啊！」葉佩儀神氣地道。
其實我心入面諗果句，好乜鬼吖，都贏唔到…
（待續）
嘭！
陳韋拿呢下咁急勁既頭鎚中咗楣彈出！
「噢！」全場既觀眾都發出一絲嘆氣聲…
不過仲未完架！
雖然我響角球旗果面趕唔切過去，但禁區入面仲有成班隊友響度搏命！
梵高衝埋去個波彈出黎既落點加一腳，但係個波又再一次省中日本隊既後衛，彈彈下又彈咗去禁區頂，咁啱響王洋伏兵響禁區頂一腳抽埋去，結果個波僅僅越楣而出…
…
同時，都意味住我哋既最後一擊係失敗既…
果然，當川田源三大腳開出龍門球既時候，球證都吹雞完場難，雖然下半場我哋香港隊既形勢突然改善咗唔少，但終究都係以一比二落敗…
我成個人大字型咁攤咗響草地上面…
其實對住亞洲一級球隊日本都只係輸一比二，呢個戰果對於唔少球迷、傳媒黎講已經收貨，但輸咗就係輸咗，我諗我既隊友同埋海靈頓教練都一定唔會甘心…
我仲要兌現唔到同葉佩儀所許下反勝三比二既承諾…
唔好話將「我愛妳」三個字講出口，我連兌現一個承諾都做唔到…
唉…突然間覺得個世界好灰、個天空好灰…
如果，我哋上半場就已經可以踢到下半場咁就好嘞…
唉，最衰都係我踢到pat屎咁…
唉，最衰都余正熙個衰仔退役…
唉，最衰都係…
「（日文）咁先係當年我認識既林必才黎架嘛。」突然有一把聲音講埋啲我聽唔明既日文。
係田中聖人。
「Oh oh you you！田中先生！」我用埋啲九唔搭八既英文應佢︰「You come here！Why y y y？」
「You play good 2 too today very good！same same before long long ago」屌你，日本人啲英文仲難聽過我、難聽過球會啲巴西幫外援…
佢係咪想講我今日踢得幾好，令佢諗返起亞少盃外圍賽同東亞少盃時候既我哋啊？
「yes yes yes，屌！」
田中聖人伸手拉我起身，道︰「（日文）呢場先係我期待既比賽，就算響日本，好似你踢波咁有視野既球員都唔多，如果可以同你做到隊友，我諗真係唔錯。」
「yes yes yes，屌！」
我唔識日文，你講乜春啊…不如你都係講返啲難聽到飛起既英文算喇，至少我都估到下你Up乜勁…
「（日文）話唔定呢一日，好快就會來臨！」佢將自己件波衫除咗落黎，同我交換。
「yes yes yes，屌！」既然我都唔知佢up乜勁，我唯有亂鳩咁重覆又重覆自己句狗屎英文，實行同佢鳩鬥鳩，然後一路除咗自己件波衫落黎遞比佢…
「（日文）再見…或者，真係會好快再見。」田中聖人對住我露出個意味深長既微笑，搞到我有啲打冷震…
佢啱啱呢句，唔係話想要同我搞基吓嘛？
雖然我成日扮基搞gag啫，但我唔係真係基架！
搞到我毛管都棟埋！
打發咗個日本仔走之後，隊長王洋走埋黎，道︰「我哋去同fans道謝喇！」
都啱…
佢哋成場波都為我哋不停地落力打氣，一定要向佢哋道謝，而呢個都係我哋香港隊既傳統黎，響完場之後，向仲留響度既球迷致意。
「We are Hong Kong！We are Hong Kong！」
我致謝既時候望向觀眾席，嘗試找尋葉佩儀既身影，但係搵黎搵去都搵唔到…
唉，不過我都愧對於佢啊…
*
完場之後，響更衣室聽咗海靈頓教練既賽後檢討，仲比海靈頓捉咗去記者會，搞到我最後成十一點幾先同另外幾個隊友一齊走。
因為唔係客場比賽既關係，我哋係唔需要強制集合埋一齊走。
唉，我都而家先得閒拎部電話出黎，想睇下葉佩儀有冇send message比我，話我兌現唔到承諾要將我斬手斬腳…
…
…
…
咦？
職球員通道外面，仲有少量既球迷響度等我，而其中街燈影照住既其中一個身影…
咁似…
咁似…
「死人必！」果個身影向住我大叫。
係葉佩儀！
我一路行過去，一邊同其他球迷拍下手hi下five，最後終於行到佢面前…同埋石生面前。
梗係喇，葉佩儀…當然係應該由佢既未婚夫陪伴喇！
「阿必，踢得好啊。」石生向我微笑有禮地道。
「哼！唔係我半場鬧醒佢，佢下半場邊會踢得咁好啊！」葉佩儀神氣地道。
其實我心入面諗果句，好乜鬼吖，都贏唔到…
（待續）
五十八
我諗係咁諗，但講梗係唔會咁講，所以我講既係︰「好彩個球證吹雞吹得早，補多幾分鐘，真係數到佢阿媽都唔認得啊！」
隔離果幾個球迷偷聽到我咁講嘢笑咗出黎。
順帶一提，同我一齊行出黎果幾個隊友同球迷簽完名或者自拍完之後，就拍拍我膊頭同我道別。
「係啊，係啊。」葉佩儀都係要窒一窒我︰「又應承我話要下半場入三球，而家入得一球咋！」
「都話係因為個球證吹早咗幾分鐘，如果唔係我炒佢老母閪啊！」
葉佩儀大大力咁拍咗我個頭一下，怒道︰「又講粗口！」
隔離個球迷見到葉佩儀向我動粗真係嚇咗一跳，我諗響一個外人黎睇葉佩儀呢下真係夠晒暴力，其實呢種相處方式其實只係我同葉佩儀之間既日常（我單方面被虐）…我哋由中學時期已經開始已經係咁相處…
石生呢個時候又做和事佬，佢微笑道︰「儀，阿必佢啱啱都好落力咁踢，可以同日本隊踢到咁，到最後只係輸一球，都叫做非常唔錯架喇。」
「嗱，石生呢啲就叫識貨嘞！」我拍拍石生既膊頭。
「老公，你真係唔駛對呢條友咁好！呢條友真係死剩把口！」葉佩儀抱怨咗一下。
老公…老公…
呢兩個字真係兜心口咁打咗我一鎚咁啊…
唉。
不過我面上表情不改，道︰「哎呀哎呀，都未結婚就叫人老公，真係聽我到起晒雞皮！」然後我轉向石生道︰「石生你唔好介意，我份人係咁直，我都好期待你哋真係結咗婚之後八婆儀真係響婚禮上面叫你做老公果一刻！」
成熟既男人當然有風度，石生只係微笑道︰「冇事冇事，我羡慕你哋咁好感情就真。」
唉，又係呢句，我羡慕你有得娶呢個男人婆做老婆就真喇。
呢個時候突然間有一陣電話鈴聲響起，石生拎咗部電話出黎，然後向我哋微笑道︰「Excuse me，失陪一陣。」之後就行開咗。
「我諗有大客又或者係高層搵佢。」葉佩儀聳聳肩，無奈地道。
「石生成日都係咁？」我問。
「係啊。」葉佩儀道︰「咁冇計架喎，佢係公司高層，如果有大客或者上司搵佢，佢冇得唔聽電話…」
「食得鹹魚抵得渴，咁妳嫁個有米既阿叔，係咁架喇，唔係佢邊有錢養妳啊？」我道，雙眼望住行埋咗一邊傾電話既石生，心入面真係好難受…唉，葉佩儀真係要嫁比呢個有米中坑…
「喂，你個死人必，唔好講到我係因為恨錢先嫁比石生喇好唔好！」或者係因為隔離有幾個球迷偷聽到我哋既對話，帶住啲好奇既眼神望下石生又望下葉佩儀，所以葉佩儀佢急住澄清道︰「講到我成個拜金女咁！」
「嗱嗱嗱，我冇咁講啊，係妳自己講架咋！」我笑道。
其實講堅，啲球迷識我都唔識葉佩儀喇，就算真係比人誤會咗，佢驚乜嘢吖！
「你明知我都唔係咁既人！」葉佩儀道。
我都話我當年有份推葉佩儀去石生度，我當然知道其實葉佩儀最初係有啲抗拒要接受一個中坑做男朋友喇。
唉，其實我推佢埋去果陣，真係冇諗過佢哋兩個會行到結婚呢步，我係以為葉佩儀就算接受石生，但係會一樣會踏入分手無限loop一途上面，估唔到最後佢哋真係修成正果…
諗起真係惆悵…
當然我係唔會比葉佩儀睇得穿我諗咩，於是我笑道︰「所以我咪話我冇咁講，係你自己講架咋！」
「唉，唔好再講石生嘞，你點啊？」葉佩儀問︰「我見你響場上面跑到就快虛脫咁，你O唔OK啊？」
「妳真係唔好睇少我，我出晒名對腳係鐵打既，跑極都唔會攰！」先至奇！我其實啱啱行樓梯既時候，隻腳都抽抽地筋，我而家最想既就係攤響屋企張床度休息兼大覺瞓！
今日跑到就黎死咁，我諗終於都有覺好瞓喇啩…
「你啊…由細個識你開始已經係咁，剩係得把口…」葉佩儀嘆咗口氣，道︰「今晚早啲休息，用啲按摩膏捽下隻腳喇。」
如果我返到屋企，係妳幫我捽下腳就好喇…
…
哈，諗起個八婆仔幫我捽腳既情景，都真係幾搞笑。
呢個時候石生行返過黎，向葉佩儀道︰「阿儀，唔好意思，美國果邊有個客出咗少少問題，我要返office準備少少嘢，再同佢開視像會議。」
哦？
石生竟然到咗呢個鐘數都要返office開OT？
（待續）
我諗係咁諗，但講梗係唔會咁講，所以我講既係︰「好彩個球證吹雞吹得早，補多幾分鐘，真係數到佢阿媽都唔認得啊！」
隔離果幾個球迷偷聽到我咁講嘢笑咗出黎。
順帶一提，同我一齊行出黎果幾個隊友同球迷簽完名或者自拍完之後，就拍拍我膊頭同我道別。
「係啊，係啊。」葉佩儀都係要窒一窒我︰「又應承我話要下半場入三球，而家入得一球咋！」
「都話係因為個球證吹早咗幾分鐘，如果唔係我炒佢老母閪啊！」
葉佩儀大大力咁拍咗我個頭一下，怒道︰「又講粗口！」
隔離個球迷見到葉佩儀向我動粗真係嚇咗一跳，我諗響一個外人黎睇葉佩儀呢下真係夠晒暴力，其實呢種相處方式其實只係我同葉佩儀之間既日常（我單方面被虐）…我哋由中學時期已經開始已經係咁相處…
石生呢個時候又做和事佬，佢微笑道︰「儀，阿必佢啱啱都好落力咁踢，可以同日本隊踢到咁，到最後只係輸一球，都叫做非常唔錯架喇。」
「嗱，石生呢啲就叫識貨嘞！」我拍拍石生既膊頭。
「老公，你真係唔駛對呢條友咁好！呢條友真係死剩把口！」葉佩儀抱怨咗一下。
老公…老公…
呢兩個字真係兜心口咁打咗我一鎚咁啊…
唉。
不過我面上表情不改，道︰「哎呀哎呀，都未結婚就叫人老公，真係聽我到起晒雞皮！」然後我轉向石生道︰「石生你唔好介意，我份人係咁直，我都好期待你哋真係結咗婚之後八婆儀真係響婚禮上面叫你做老公果一刻！」
成熟既男人當然有風度，石生只係微笑道︰「冇事冇事，我羡慕你哋咁好感情就真。」
唉，又係呢句，我羡慕你有得娶呢個男人婆做老婆就真喇。
呢個時候突然間有一陣電話鈴聲響起，石生拎咗部電話出黎，然後向我哋微笑道︰「Excuse me，失陪一陣。」之後就行開咗。
「我諗有大客又或者係高層搵佢。」葉佩儀聳聳肩，無奈地道。
「石生成日都係咁？」我問。
「係啊。」葉佩儀道︰「咁冇計架喎，佢係公司高層，如果有大客或者上司搵佢，佢冇得唔聽電話…」
「食得鹹魚抵得渴，咁妳嫁個有米既阿叔，係咁架喇，唔係佢邊有錢養妳啊？」我道，雙眼望住行埋咗一邊傾電話既石生，心入面真係好難受…唉，葉佩儀真係要嫁比呢個有米中坑…
「喂，你個死人必，唔好講到我係因為恨錢先嫁比石生喇好唔好！」或者係因為隔離有幾個球迷偷聽到我哋既對話，帶住啲好奇既眼神望下石生又望下葉佩儀，所以葉佩儀佢急住澄清道︰「講到我成個拜金女咁！」
「嗱嗱嗱，我冇咁講啊，係妳自己講架咋！」我笑道。
其實講堅，啲球迷識我都唔識葉佩儀喇，就算真係比人誤會咗，佢驚乜嘢吖！
「你明知我都唔係咁既人！」葉佩儀道。
我都話我當年有份推葉佩儀去石生度，我當然知道其實葉佩儀最初係有啲抗拒要接受一個中坑做男朋友喇。
唉，其實我推佢埋去果陣，真係冇諗過佢哋兩個會行到結婚呢步，我係以為葉佩儀就算接受石生，但係會一樣會踏入分手無限loop一途上面，估唔到最後佢哋真係修成正果…
諗起真係惆悵…
當然我係唔會比葉佩儀睇得穿我諗咩，於是我笑道︰「所以我咪話我冇咁講，係你自己講架咋！」
「唉，唔好再講石生嘞，你點啊？」葉佩儀問︰「我見你響場上面跑到就快虛脫咁，你O唔OK啊？」
「妳真係唔好睇少我，我出晒名對腳係鐵打既，跑極都唔會攰！」先至奇！我其實啱啱行樓梯既時候，隻腳都抽抽地筋，我而家最想既就係攤響屋企張床度休息兼大覺瞓！
今日跑到就黎死咁，我諗終於都有覺好瞓喇啩…
「你啊…由細個識你開始已經係咁，剩係得把口…」葉佩儀嘆咗口氣，道︰「今晚早啲休息，用啲按摩膏捽下隻腳喇。」
如果我返到屋企，係妳幫我捽下腳就好喇…
…
哈，諗起個八婆仔幫我捽腳既情景，都真係幾搞笑。
呢個時候石生行返過黎，向葉佩儀道︰「阿儀，唔好意思，美國果邊有個客出咗少少問題，我要返office準備少少嘢，再同佢開視像會議。」
哦？
石生竟然到咗呢個鐘數都要返office開OT？
（待續）