聽講啲女仔特別鍾意打鐘意嘅男仔
一個遮醜，二個乘機掂下個男仔
《我鍾意同妳鬥氣，其實只係因為…》
葉開葉開
284 回覆
82 Like
6 Dislike
我第一次聽，長知識了
有關係？
八婆儀唔知係咪咁呢
二十四
我諗真正令我同葉佩儀成為好朋友既，係之後發生既呢件事…
唔知大家中學既時候有冇試過舉行一啲以班為單位既，通常都係由學校搞既班際壁報設計比賽？
即係果啲分乜鬼嘢初級組（中一至中三）、高級組（中四至中七）果啲呢？
我哋學校就有嘞。
呢啲咁既無聊嘢，本來就唔係好關我哋事，因為正常人都唔會走黎搵我同余正熙幫手。
不過葉佩儀就係咁唔正常。
身為班會財務既佢，自自然就要自動自覺參加呢啲咁既班際壁報設計比賽喇，但其實中一既班會，好多人都係貪得意舉手出黎選，都真係要做嘢既時候，啲人都會唔見晒。
我哋班就係咁樣既情況。
佢哋放學開咗幾次會，但次次都唔齊人，全勤出席既就係得葉佩儀同埋班會主席歐鈞賢，其他人都係鍾意就黎下，唔鍾意就唔出現。
點解我會知？
因為某個星期六葉佩儀去買壁報版設計要用既材料既時候，佢捉埋我去係咁講講講…呻呻呻…
「點解我要出黎…」我擺出一副悲慘既表情問。
「你係咪男仔黎架！」葉佩儀向我反下白眼，道︰「係咪幫下女仔手拎嘢都唔得啊？」
「妳自己咪男仔囉…」
啪！
我手臂中咗一記如來神掌，痛到飛起…
「對唔住，我錯…我錯…」
葉佩儀一副得戚樣…
「仲大力過啲大隻佬啊！」
「！！！」
唔駛問，我梗係食多記如來神掌喇…
買完嘢之後我問︰「咁而家要搬去邊啊？」
「學校囉！我問咗史sir拎課室鎖匙架喇！」葉佩儀理所當然地道。
「下？咁妳要我幫妳拎到返學校？」我嚇咗一跳。
葉佩儀沒好氣地反問︰「唔係你以為要拎去邊啊？」
「我以為拎去妳屋企咋…」
「你就想啊，我仲要返去課室整壁報啊！」葉佩儀道。
「妳唔叫班會啲朋友仔幫手…」係要搵我黎搞既…
「講起我就扯火喇…」葉佩儀一講，就關家姐上身咁，係咁講講講講講、數數數數數、呻呻呻呻呻，鬧到佢啲班會同學仔一文不值。
簡單黎講，就係一半話有嘢做唔得閒，一半就話會黎幫手，不過就要遲少少，唯一一個有心搞既班會主席歐鈞賢，就因為要補習所以要遲到，由於葉佩儀係班會財政，啲錢響晒佢手上，理所當然地，買材料整壁報既重任就落咗響佢身上嘞。
…
…
…
咁其實關我乜嘢事？
我照直問，比葉佩儀兜嘢拍落頭頂，道︰「你係我唯一一個男仔朋友，出黎幫手拎少少嘢係咪唔得啊？」
乜余正熙唔係妳朋友咩！
…
又好似真係唔係…
「得得得，我做乜都得，只要妳唔好再打我…」我話都未講完，頭頂又中咗一掌…
*
「喂，真係冇人既？」我幫葉佩儀搬晒所有嘢上課室之後，發覺成個課室都係得我同葉佩儀兩個…
「妖，咪同你講咗，歐鈞賢最快都要一個鐘之後先到囉！」葉佩儀唔耐煩咁答我。
「哦，好，咁我而家放低啲嘢走得喇？」我放低晒啲嘢準備走人。
「喂，你係咪男仔黎架，留低我一個女仔響度都唔幫手？」葉佩儀向我反咗一反白眼。
「咦？女仔？」我裝模作樣咁四圍望，問︰「響邊度啊？邊度啊？」
「食屎喇你個死人頭！」我好少聽女仔叫人食屎，葉佩儀真係第一個。
「嘩，妳叫人食屎咁粗魯架！點知妳係咪真係女仔黎啫！」
葉佩儀凶神惡殺咁向住我凌空揮咗一拳，問︰「咁你係咪男仔黎架？」
我好似蠟筆Ｏ新咁，用兩隻大脾夾實何B仔（漫畫係咁叫，即係條J），扭扭擰擰地道︰「唔係啊，人哋係女仔黎既～～～」
葉佩儀頂唔順扮咗個作嘔既動作。
不過我都係得把口，最後咪一樣死死氣咁幫佢手剪剪貼貼？
我整整下既時候，有多口問葉佩儀一句，點解唔搵譚梓淇黎幫手，原來譚梓淇加入咗學校既排球隊，今日要友誼賽要打，所以黎唔到幫手，譚梓淇自己都唔係幾好意思。
講起黎，好似遲啲都會有男子足球隊既選拔，我點都要拉余正熙去試下架嘞！以我睇社際足球比賽既經驗黎睇，呢間學校包括埋啲高form，應該冇人夠我哋兩兄弟咁勁，我哋兩個要入選足球校隊，應該係一啲問題都冇。
余正熙就威喇，唔知咩原因（好似係有高form響屋邨球場同佢比過賽，知佢好勁，所以就招咗佢入黃社社隊…唉，我都係同余正熙響屋邨球場一隊，點解冇人搵我踢...），中一就有得踢社際，仲要場場都好似救世主咁幫黃社入晒啲波，我都好想踢啊。
（待續）
我諗真正令我同葉佩儀成為好朋友既，係之後發生既呢件事…
唔知大家中學既時候有冇試過舉行一啲以班為單位既，通常都係由學校搞既班際壁報設計比賽？
即係果啲分乜鬼嘢初級組（中一至中三）、高級組（中四至中七）果啲呢？
我哋學校就有嘞。
呢啲咁既無聊嘢，本來就唔係好關我哋事，因為正常人都唔會走黎搵我同余正熙幫手。
不過葉佩儀就係咁唔正常。
身為班會財務既佢，自自然就要自動自覺參加呢啲咁既班際壁報設計比賽喇，但其實中一既班會，好多人都係貪得意舉手出黎選，都真係要做嘢既時候，啲人都會唔見晒。
我哋班就係咁樣既情況。
佢哋放學開咗幾次會，但次次都唔齊人，全勤出席既就係得葉佩儀同埋班會主席歐鈞賢，其他人都係鍾意就黎下，唔鍾意就唔出現。
點解我會知？
因為某個星期六葉佩儀去買壁報版設計要用既材料既時候，佢捉埋我去係咁講講講…呻呻呻…
「點解我要出黎…」我擺出一副悲慘既表情問。
「你係咪男仔黎架！」葉佩儀向我反下白眼，道︰「係咪幫下女仔手拎嘢都唔得啊？」
「妳自己咪男仔囉…」
啪！
我手臂中咗一記如來神掌，痛到飛起…
「對唔住，我錯…我錯…」
葉佩儀一副得戚樣…
「仲大力過啲大隻佬啊！」
「！！！」
唔駛問，我梗係食多記如來神掌喇…
買完嘢之後我問︰「咁而家要搬去邊啊？」
「學校囉！我問咗史sir拎課室鎖匙架喇！」葉佩儀理所當然地道。
「下？咁妳要我幫妳拎到返學校？」我嚇咗一跳。
葉佩儀沒好氣地反問︰「唔係你以為要拎去邊啊？」
「我以為拎去妳屋企咋…」
「你就想啊，我仲要返去課室整壁報啊！」葉佩儀道。
「妳唔叫班會啲朋友仔幫手…」係要搵我黎搞既…
「講起我就扯火喇…」葉佩儀一講，就關家姐上身咁，係咁講講講講講、數數數數數、呻呻呻呻呻，鬧到佢啲班會同學仔一文不值。
簡單黎講，就係一半話有嘢做唔得閒，一半就話會黎幫手，不過就要遲少少，唯一一個有心搞既班會主席歐鈞賢，就因為要補習所以要遲到，由於葉佩儀係班會財政，啲錢響晒佢手上，理所當然地，買材料整壁報既重任就落咗響佢身上嘞。
…
…
…
咁其實關我乜嘢事？
我照直問，比葉佩儀兜嘢拍落頭頂，道︰「你係我唯一一個男仔朋友，出黎幫手拎少少嘢係咪唔得啊？」
乜余正熙唔係妳朋友咩！
…
又好似真係唔係…
「得得得，我做乜都得，只要妳唔好再打我…」我話都未講完，頭頂又中咗一掌…
*
「喂，真係冇人既？」我幫葉佩儀搬晒所有嘢上課室之後，發覺成個課室都係得我同葉佩儀兩個…
「妖，咪同你講咗，歐鈞賢最快都要一個鐘之後先到囉！」葉佩儀唔耐煩咁答我。
「哦，好，咁我而家放低啲嘢走得喇？」我放低晒啲嘢準備走人。
「喂，你係咪男仔黎架，留低我一個女仔響度都唔幫手？」葉佩儀向我反咗一反白眼。
「咦？女仔？」我裝模作樣咁四圍望，問︰「響邊度啊？邊度啊？」
「食屎喇你個死人頭！」我好少聽女仔叫人食屎，葉佩儀真係第一個。
「嘩，妳叫人食屎咁粗魯架！點知妳係咪真係女仔黎啫！」
葉佩儀凶神惡殺咁向住我凌空揮咗一拳，問︰「咁你係咪男仔黎架？」
我好似蠟筆Ｏ新咁，用兩隻大脾夾實何B仔（漫畫係咁叫，即係條J），扭扭擰擰地道︰「唔係啊，人哋係女仔黎既～～～」
葉佩儀頂唔順扮咗個作嘔既動作。
不過我都係得把口，最後咪一樣死死氣咁幫佢手剪剪貼貼？
我整整下既時候，有多口問葉佩儀一句，點解唔搵譚梓淇黎幫手，原來譚梓淇加入咗學校既排球隊，今日要友誼賽要打，所以黎唔到幫手，譚梓淇自己都唔係幾好意思。
講起黎，好似遲啲都會有男子足球隊既選拔，我點都要拉余正熙去試下架嘞！以我睇社際足球比賽既經驗黎睇，呢間學校包括埋啲高form，應該冇人夠我哋兩兄弟咁勁，我哋兩個要入選足球校隊，應該係一啲問題都冇。
余正熙就威喇，唔知咩原因（好似係有高form響屋邨球場同佢比過賽，知佢好勁，所以就招咗佢入黃社社隊…唉，我都係同余正熙響屋邨球場一隊，點解冇人搵我踢...），中一就有得踢社際，仲要場場都好似救世主咁幫黃社入晒啲波，我都好想踢啊。
（待續）
「妳自己咪男仔囉…」
啪！
我手臂中咗一記如來神掌，痛到飛起…
八婆儀打人嘅節奏真係無得頂
唔使儲氣直接車落去
係咪一直只打白咭必唔打其它仔呢？
啪！
我手臂中咗一記如來神掌，痛到飛起…
八婆儀打人嘅節奏真係無得頂
唔使儲氣直接車落去
係咪一直只打白咭必唔打其它仔呢？
冇。嗰個時代未興呢樣嘢!
睇到後面真心睇唔落去
你自己唔夠膽去都算，都無理由推俾個朋友
推俾朋友都算，之後仲要推俾個唔識嘅？
其實條友係咪有ntr 辟？
你自己唔夠膽去都算，都無理由推俾個朋友
推俾朋友都算，之後仲要推俾個唔識嘅？
其實條友係咪有ntr 辟？
我記得冇見過佢話打其他仔
似了
個故好青春呀
打者愛也
繼續推
二十五
「歐鈞賢話佢今日黎唔到…」葉佩儀放低咗啱啱接聽完既手提電話，嘆咗口氣。
「嘩，妳啲班會之友，認真夠朋友。」我恥笑佢道︰「妳又話歐鈞賢有心做既？連佢都唔黎喎。」
「佢真係有事黎唔到啊。」葉佩儀道︰「佢話佢婆婆啱啱入咗醫院。」
「好嚴重架？佢婆婆死咗咩？」
「喂！」
我不屑地道︰「又會咁啱要做嘢既時候入醫院既？」
「你唔好咁話人喇，可能人哋婆婆真係有事呢？」葉佩儀又嘆多啖氣。
「係係係，最好真係有事，而唔係特登搵個藉口唔返黎做嘢喇。」我哈哈大笑。
「喂啊，你唔好咁黑心喇！你都唔想人哋婆婆有事架？」葉佩儀道。
唉，算數，都無謂響呢度爭論落去，我轉變話題，問道︰「係喎，妳唔係話仲有其他人架咩？佢哋幾時黎？」
「電話都冇個，我諗佢哋唔會黎架喇。」葉佩儀無奈地道︰「更何況，除咗歐鈞賢之外，其他人我本身都唔預佢哋會黎幫手既。」
「嘩，唔係吓嘛？佢哋真係諗住推晒比妳一個人做？」我問。
都幾過份喎，選班會既時候就舉手要做黎攞威，真係做嘢既時候就鬼影都冇隻。
「啱啱歐鈞賢打黎既時候有叫我唔好做住，話等埋大家先一齊做…」葉佩儀答道。
「哦，咁咪啱囉！」我即刻拎起啲壁報設計材料，道︰「我幫妳塞晒入個書櫃入面，等妳遲啲真係整壁報版既時候先拎出黎用喇！」
「喂，唔駛啊。」葉佩儀道︰「我諗住而家都做少少啊！」
「唔係吓嘛？妳咁都仲幫佢哋手？」我諗起返學校途中聽葉佩儀係咁呻，對班會班友都應該好不滿，而家歐鈞賢放埋佢飛機，比我就應該會嬲到震，仲邊會諗自己一個人做埋佢啊？
葉佩儀無奈地道︰「咁我都問史sir拎咗課室鎖匙咯，唔通真係拎啲嘢返黎放低就走咩，咁我都唔駛特登返黎喇…星期一返到黎史sir見到個壁報板乜都冇，都唔知點同佢交待，而且下個星期就係比賽deadline，再唔做都唔知黎唔黎得切。」
「史sir咁hea，分分鐘佢行入班房都唔會睇得出有咩分別啊？」史sir出名hea，葉佩儀駛乜同佢咁認真？
「咁樣唔好既…」葉佩儀冇再講啲乜，響佢自己個袋入面拎咗張應該係之前佢哋開會畫落既草圖出黎，然後行後幾步望下、對比下我哋既壁報，好似諗緊點樣裁剪啲材料先至合適。
啊，葉佩儀真係開始做嘢。
我後尾先諗到，班會班冚家剷其實係咪睇準妳咁有責任心會幫手，所以全部先至會消失唔見晒，然後由得妳自己一個做啊？反正估啱葉佩儀會留低佢哋就唔駛做，估錯又唔會蝕底既。
不得不說，由中一識佢既時候開始，葉佩儀就係一個好有責任心既人，既然佢身為班會既幹事，佢就覺得自己有責任去做好個壁報設計比賽。
我響旁邊望咗葉佩儀一陣，道︰「葉大小姐，我都幫妳搬完嘢，睇黎我都係時候告辭，我哋後會有期！」
「唔準走啊！」本來響度比劃緊壁報既葉佩儀擰轉頭望住我。
「我要去踢波啊！」星期六我冇嘢做就會自動自覺去屋邨球場，同余正熙仲有班騎呢阿叔一齊踢波。
「你唔係掉低我一個響度咁冇良心吓嘛！」
喂，冇良心既好似係妳班會入面班人，唔係我喎！
「咁妳又想點啊？」我無奈地問。
「幫下手喇，仲問！」吖，呢個葉佩儀，講到真係老馮咁，我先至唔理佢啊！
*
…
…
…
「喂，呢度，你要剪得圓少少先得架！起晒角點得架！」葉佩儀響我身邊指指點點。
「妖，再嘈妳自己剪返啊！」
「少少嘢都捱唔到，點得啊？叫你剪得圓滑少少啫！駛唔駛咁大聲話返我轉頭！」
「咁都大聲？妳響圖書館出世架？」
「快啲剪喇！嘈！」
…
冇錯，我而家留咗響課室同葉佩儀一齊搞塊死人壁報板…
唉，講堅，我都係得把口啫，唔通真係忍心留低葉佩儀一個女仔響課室整壁報咩？
最好就梗係勸掂葉佩儀同我一齊返歸喇，但既然佢真係咁有責任心要整壁報，咁我咪唯有一齊幫吓少少手囉，咁唔通唔幫咩？
所以，最後咪變咗而家咁樣囉。
「喂，駛唔駛我幫妳釘啊？」我問準備爬上lockers既葉佩儀。
我哋班房既壁報板前面係一排兩層既細lockers，壁報板有啲高既位置，如果唔爬上排lockers既話根本掂唔到個位。
不過又咁講，就算冇lockers都唔會掂到果個位架喇，有呢排lockers做梯，好過搬張凳黎爬上去果啲位釘壁報吖。
「唔駛喇，我自己搞得掂。」唔知係咪啱啱見識過我啲手作仔功夫，驚我啲手工唔好，定葉佩儀真係咁有責任心，佢堅持要自己爬上去。
「是旦妳喇。」
葉佩儀真係自己郁手郁腳爬上去，不過佢今日係著牛仔褲，都唔驚會走光。
而且坦白講，佢走光都冇嘢睇喇，你會唔會對一個男仔走光有興趣吖？
（待續）
「歐鈞賢話佢今日黎唔到…」葉佩儀放低咗啱啱接聽完既手提電話，嘆咗口氣。
「嘩，妳啲班會之友，認真夠朋友。」我恥笑佢道︰「妳又話歐鈞賢有心做既？連佢都唔黎喎。」
「佢真係有事黎唔到啊。」葉佩儀道︰「佢話佢婆婆啱啱入咗醫院。」
「好嚴重架？佢婆婆死咗咩？」
「喂！」
我不屑地道︰「又會咁啱要做嘢既時候入醫院既？」
「你唔好咁話人喇，可能人哋婆婆真係有事呢？」葉佩儀又嘆多啖氣。
「係係係，最好真係有事，而唔係特登搵個藉口唔返黎做嘢喇。」我哈哈大笑。
「喂啊，你唔好咁黑心喇！你都唔想人哋婆婆有事架？」葉佩儀道。
唉，算數，都無謂響呢度爭論落去，我轉變話題，問道︰「係喎，妳唔係話仲有其他人架咩？佢哋幾時黎？」
「電話都冇個，我諗佢哋唔會黎架喇。」葉佩儀無奈地道︰「更何況，除咗歐鈞賢之外，其他人我本身都唔預佢哋會黎幫手既。」
「嘩，唔係吓嘛？佢哋真係諗住推晒比妳一個人做？」我問。
都幾過份喎，選班會既時候就舉手要做黎攞威，真係做嘢既時候就鬼影都冇隻。
「啱啱歐鈞賢打黎既時候有叫我唔好做住，話等埋大家先一齊做…」葉佩儀答道。
「哦，咁咪啱囉！」我即刻拎起啲壁報設計材料，道︰「我幫妳塞晒入個書櫃入面，等妳遲啲真係整壁報版既時候先拎出黎用喇！」
「喂，唔駛啊。」葉佩儀道︰「我諗住而家都做少少啊！」
「唔係吓嘛？妳咁都仲幫佢哋手？」我諗起返學校途中聽葉佩儀係咁呻，對班會班友都應該好不滿，而家歐鈞賢放埋佢飛機，比我就應該會嬲到震，仲邊會諗自己一個人做埋佢啊？
葉佩儀無奈地道︰「咁我都問史sir拎咗課室鎖匙咯，唔通真係拎啲嘢返黎放低就走咩，咁我都唔駛特登返黎喇…星期一返到黎史sir見到個壁報板乜都冇，都唔知點同佢交待，而且下個星期就係比賽deadline，再唔做都唔知黎唔黎得切。」
「史sir咁hea，分分鐘佢行入班房都唔會睇得出有咩分別啊？」史sir出名hea，葉佩儀駛乜同佢咁認真？
「咁樣唔好既…」葉佩儀冇再講啲乜，響佢自己個袋入面拎咗張應該係之前佢哋開會畫落既草圖出黎，然後行後幾步望下、對比下我哋既壁報，好似諗緊點樣裁剪啲材料先至合適。
啊，葉佩儀真係開始做嘢。
我後尾先諗到，班會班冚家剷其實係咪睇準妳咁有責任心會幫手，所以全部先至會消失唔見晒，然後由得妳自己一個做啊？反正估啱葉佩儀會留低佢哋就唔駛做，估錯又唔會蝕底既。
不得不說，由中一識佢既時候開始，葉佩儀就係一個好有責任心既人，既然佢身為班會既幹事，佢就覺得自己有責任去做好個壁報設計比賽。
我響旁邊望咗葉佩儀一陣，道︰「葉大小姐，我都幫妳搬完嘢，睇黎我都係時候告辭，我哋後會有期！」
「唔準走啊！」本來響度比劃緊壁報既葉佩儀擰轉頭望住我。
「我要去踢波啊！」星期六我冇嘢做就會自動自覺去屋邨球場，同余正熙仲有班騎呢阿叔一齊踢波。
「你唔係掉低我一個響度咁冇良心吓嘛！」
喂，冇良心既好似係妳班會入面班人，唔係我喎！
「咁妳又想點啊？」我無奈地問。
「幫下手喇，仲問！」吖，呢個葉佩儀，講到真係老馮咁，我先至唔理佢啊！
*
…
…
…
「喂，呢度，你要剪得圓少少先得架！起晒角點得架！」葉佩儀響我身邊指指點點。
「妖，再嘈妳自己剪返啊！」
「少少嘢都捱唔到，點得啊？叫你剪得圓滑少少啫！駛唔駛咁大聲話返我轉頭！」
「咁都大聲？妳響圖書館出世架？」
「快啲剪喇！嘈！」
…
冇錯，我而家留咗響課室同葉佩儀一齊搞塊死人壁報板…
唉，講堅，我都係得把口啫，唔通真係忍心留低葉佩儀一個女仔響課室整壁報咩？
最好就梗係勸掂葉佩儀同我一齊返歸喇，但既然佢真係咁有責任心要整壁報，咁我咪唯有一齊幫吓少少手囉，咁唔通唔幫咩？
所以，最後咪變咗而家咁樣囉。
「喂，駛唔駛我幫妳釘啊？」我問準備爬上lockers既葉佩儀。
我哋班房既壁報板前面係一排兩層既細lockers，壁報板有啲高既位置，如果唔爬上排lockers既話根本掂唔到個位。
不過又咁講，就算冇lockers都唔會掂到果個位架喇，有呢排lockers做梯，好過搬張凳黎爬上去果啲位釘壁報吖。
「唔駛喇，我自己搞得掂。」唔知係咪啱啱見識過我啲手作仔功夫，驚我啲手工唔好，定葉佩儀真係咁有責任心，佢堅持要自己爬上去。
「是旦妳喇。」
葉佩儀真係自己郁手郁腳爬上去，不過佢今日係著牛仔褲，都唔驚會走光。
而且坦白講，佢走光都冇嘢睇喇，你會唔會對一個男仔走光有興趣吖？
（待續）
以為有甜野睇
話時話，呢個故好大可能走甜
話時話，呢個故好大可能走甜
圖書館出世呢個好笑
你即係話阿必係處男啫！
亥時出世
二十六
「嘩，妳真係好輕易就爬咗上去喎！」我向葉佩儀舉起隻大拇指，道︰「真係話妳唔係男仔都冇人信！」
「妖，咁多廢話，幫我遞果幾張顏色紙過黎喇！」葉佩儀指住我身後張學生枱上面既果堆材料，好似發號司令咁。
嘖嘖嘖，同我特別friend既人好似特別冇禮貌，余正熙係咁，葉佩儀又係咁。
不過我係冇乜所謂喇，係friend既，老馮咁幫下佢哋手都係舉手之勞啫！
我將啲顏色紙拎起再遞過去，然後望住葉佩儀響度釘壁報板。
…
「噗。」我突然間笑咗一聲。
「你又笑乜啊？」專心釘緊壁報板既葉佩儀問。
響課室咁安靜既空間，我既笑聲好難唔被發現。
「我響後面見到妳個屎忽扭下扭下咁，我覺得好似啲猩猩乸響度跳舞咁，哈哈。」我笑完一聲，忍唔住又笑多幾聲。
葉佩儀企響lockers上面但又唔夠高，要拮高腳用釘書機，佢拮高釘嘢既時候，佢個蘿友真係會郁黎郁去，真係好鬼死搞笑。
葉佩儀大怒，佢即刻擰轉身指住我大鬧︰「吖，你個死人…哇！」
唔知係咪因為葉佩儀太激動，轉身過黎鬧我果陣太大動作，所以竟然「咖啡杯都企不穩」，成個向下扑落黎。
說時遲那時快，我既運動神經響呢個時候大派用場，雙手伸出黎接住跌落黎既葉佩儀，然後成個人比佢跌落黎既衝擊力搞到成個人都跌坐響地上面。
不過…葉佩儀總算冇事。
「你…冇事吖嘛？」葉佩儀第一個反應竟然係問候返我。
「有事啊。」我扮咗個慘樣出黎。
葉佩儀即刻企返起身，又急又關心咁問︰「邊度有事啊？」
佢起身果下我已經即刻笑返︰「而家冇事喇，我啱啱比隻大猩猩壓住好重郁唔到咋嘛！」
「妖，死人頭！仲玩！」葉佩儀嬲爆爆咁講。
我掙扎住企返起身，拍一拍自己，道︰「放心，我冇事，冇事！」
「我都未鬧你啊，仲響度講笑…」葉佩儀既臉上表情我都講唔出究竟係嬲定係擔心，不過語氣就好惡︰「最衰都係你啊！無端端話人好似啲猩猩乸響度跳舞…」
「咁真係好似吖嘛！」我又捽一捽自己條腰骨，確保一下自己有冇事。
葉佩儀本來想作勢打我，不過見到我個狼狽樣，就硬生生咁收咗手。
「哎呀，幾驚比妳打啊！」我扮到好驚咁。
「唔打你喇…」
「哦，少見喎！以為妳又要李小龍上身添！」我講完之後扮咗個李小龍pose，大聲嗌咗句︰「我妻！」
「痴線佬！」葉佩儀講完之後就執返跌咗響地下既釘書機同埋啲顏色紙。
嘩，諗起黎，啱啱接住葉佩儀果下，真係好彩冇比個釘書機整親。
我擺完個李小龍pose之後順勢一個箭步搶咗葉佩儀手上面既材料同釘書機。
我都未等葉佩儀出聲，就已經搶住開口︰「都係等我黎幫妳喇，廢事妳一陣又跌落黎，我唔係咁有信心，每一次都可以接實妳架。」然後我都唔等葉佩儀答應，就主動代替佢上去釘壁報。
「哼，唔係你話我猩猩乸扭屎忽，我先唔會咁樣跌落黎啊！」我爬咗上去lockers，葉佩儀先反應過黎。
「係喇，係喇，猩猩乸，點樣釘啊？」
「唔係咁釘啊！你識唔識架！」
「咁釘吖嘛，唔係咩？」
「另一個位啊，右少少、右少少！」
...
*
其實葉佩儀設計咗個草圖，加上兩個人裁裁剪剪，呢個壁報實際上都唔係咁難搞，我哋用咗幾個鐘就搞得掂。
「喂，妳又話只係整少少，而家整晒全部嘢喇喎！咁班友唔駛做喇！」我望住完成品，帶啲怨氣地道。
「唔緊要喇，至少史sir星期一返黎都會睇到我哋既製成品吖！」葉佩儀答。
又咁諗？其實妳熟唔熟史sir架？條hea友會留意到先至怪啊！
「係係係，佢一定留意到喇！到時記住響佢面前讚美下我幾句啊！」我無奈地道。
葉佩儀冇答我，只係雙手抱胸望住副壁報板，然後好勉強咁講︰「哼，勉強收貨喇！」
「多謝比面啊！」我摸下個肚，道︰「好肚餓啊，呢餐妳走唔甩喇？」
「喂！」
「咩事啊？」我望住葉佩儀。
「頭先…唔該晒你啊。」葉佩儀用好快既語速對住我講。
「請食飯啊！本來話搬嘢過黎架咋嘛！點知變到要我做埋成個壁報！」我答︰「明明我就唔係班會既一份子！」
「唔係啊…」葉佩儀有啲唔係幾好意思咁講︰「唔該你啱啱接住我啊…」
見到佢有啲唔係幾好意思既樣，我好似呢一刻先發覺原來佢係女仔咁…
「少…少意思啫，哈哈！」頂，搞到我都有啲唔好意思起黎…
（待續）
「嘩，妳真係好輕易就爬咗上去喎！」我向葉佩儀舉起隻大拇指，道︰「真係話妳唔係男仔都冇人信！」
「妖，咁多廢話，幫我遞果幾張顏色紙過黎喇！」葉佩儀指住我身後張學生枱上面既果堆材料，好似發號司令咁。
嘖嘖嘖，同我特別friend既人好似特別冇禮貌，余正熙係咁，葉佩儀又係咁。
不過我係冇乜所謂喇，係friend既，老馮咁幫下佢哋手都係舉手之勞啫！
我將啲顏色紙拎起再遞過去，然後望住葉佩儀響度釘壁報板。
…
「噗。」我突然間笑咗一聲。
「你又笑乜啊？」專心釘緊壁報板既葉佩儀問。
響課室咁安靜既空間，我既笑聲好難唔被發現。
「我響後面見到妳個屎忽扭下扭下咁，我覺得好似啲猩猩乸響度跳舞咁，哈哈。」我笑完一聲，忍唔住又笑多幾聲。
葉佩儀企響lockers上面但又唔夠高，要拮高腳用釘書機，佢拮高釘嘢既時候，佢個蘿友真係會郁黎郁去，真係好鬼死搞笑。
葉佩儀大怒，佢即刻擰轉身指住我大鬧︰「吖，你個死人…哇！」
唔知係咪因為葉佩儀太激動，轉身過黎鬧我果陣太大動作，所以竟然「咖啡杯都企不穩」，成個向下扑落黎。
說時遲那時快，我既運動神經響呢個時候大派用場，雙手伸出黎接住跌落黎既葉佩儀，然後成個人比佢跌落黎既衝擊力搞到成個人都跌坐響地上面。
不過…葉佩儀總算冇事。
「你…冇事吖嘛？」葉佩儀第一個反應竟然係問候返我。
「有事啊。」我扮咗個慘樣出黎。
葉佩儀即刻企返起身，又急又關心咁問︰「邊度有事啊？」
佢起身果下我已經即刻笑返︰「而家冇事喇，我啱啱比隻大猩猩壓住好重郁唔到咋嘛！」
「妖，死人頭！仲玩！」葉佩儀嬲爆爆咁講。
我掙扎住企返起身，拍一拍自己，道︰「放心，我冇事，冇事！」
「我都未鬧你啊，仲響度講笑…」葉佩儀既臉上表情我都講唔出究竟係嬲定係擔心，不過語氣就好惡︰「最衰都係你啊！無端端話人好似啲猩猩乸響度跳舞…」
「咁真係好似吖嘛！」我又捽一捽自己條腰骨，確保一下自己有冇事。
葉佩儀本來想作勢打我，不過見到我個狼狽樣，就硬生生咁收咗手。
「哎呀，幾驚比妳打啊！」我扮到好驚咁。
「唔打你喇…」
「哦，少見喎！以為妳又要李小龍上身添！」我講完之後扮咗個李小龍pose，大聲嗌咗句︰「我妻！」
「痴線佬！」葉佩儀講完之後就執返跌咗響地下既釘書機同埋啲顏色紙。
嘩，諗起黎，啱啱接住葉佩儀果下，真係好彩冇比個釘書機整親。
我擺完個李小龍pose之後順勢一個箭步搶咗葉佩儀手上面既材料同釘書機。
我都未等葉佩儀出聲，就已經搶住開口︰「都係等我黎幫妳喇，廢事妳一陣又跌落黎，我唔係咁有信心，每一次都可以接實妳架。」然後我都唔等葉佩儀答應，就主動代替佢上去釘壁報。
「哼，唔係你話我猩猩乸扭屎忽，我先唔會咁樣跌落黎啊！」我爬咗上去lockers，葉佩儀先反應過黎。
「係喇，係喇，猩猩乸，點樣釘啊？」
「唔係咁釘啊！你識唔識架！」
「咁釘吖嘛，唔係咩？」
「另一個位啊，右少少、右少少！」
...
*
其實葉佩儀設計咗個草圖，加上兩個人裁裁剪剪，呢個壁報實際上都唔係咁難搞，我哋用咗幾個鐘就搞得掂。
「喂，妳又話只係整少少，而家整晒全部嘢喇喎！咁班友唔駛做喇！」我望住完成品，帶啲怨氣地道。
「唔緊要喇，至少史sir星期一返黎都會睇到我哋既製成品吖！」葉佩儀答。
又咁諗？其實妳熟唔熟史sir架？條hea友會留意到先至怪啊！
「係係係，佢一定留意到喇！到時記住響佢面前讚美下我幾句啊！」我無奈地道。
葉佩儀冇答我，只係雙手抱胸望住副壁報板，然後好勉強咁講︰「哼，勉強收貨喇！」
「多謝比面啊！」我摸下個肚，道︰「好肚餓啊，呢餐妳走唔甩喇？」
「喂！」
「咩事啊？」我望住葉佩儀。
「頭先…唔該晒你啊。」葉佩儀用好快既語速對住我講。
「請食飯啊！本來話搬嘢過黎架咋嘛！點知變到要我做埋成個壁報！」我答︰「明明我就唔係班會既一份子！」
「唔係啊…」葉佩儀有啲唔係幾好意思咁講︰「唔該你啱啱接住我啊…」
見到佢有啲唔係幾好意思既樣，我好似呢一刻先發覺原來佢係女仔咁…
「少…少意思啫，哈哈！」頂，搞到我都有啲唔好意思起黎…
（待續）
我諗八婆儀會鍾意必哥都係由依一次開始
咁嘅處境又好難唔心動嘅，除非必哥真係好樣衰
咁嘅處境又好難唔心動嘅，除非必哥真係好樣衰
勁sweet呀
而且八婆儀呢下由傲轉嬌真係好正
而且八婆儀呢下由傲轉嬌真係好正
二十七
一把大叫既女人聲將我從回憶中叫返出黎。
「才仔！起身喇！」係媽咪推開我既房門叫我起身。
啊，頂，成晚響度回憶緊同葉佩儀既中學回憶，搞到自己完全瞓唔著失眼添！
「得喇，媽！」我由床上走返落床，聞一聞自己既身，好大陣酒味，本來想懶少少唔去沖涼，但諗諗下一陣比教練見到我副咁既死樣，搞到聽日場波冇得出場都唔知點算好，所以是旦拎咗啲底衫褲就走去廁所沖涼。
講起因為紀律欠佳比教練罰內部停賽，我響港青時代試過一次，果陣係東亞少盃決賽週去日本比賽既時候，同賈加華去搵一個中學靚女師姐（佢咁啱又去日本旅行，咁啱又住同一間酒店）玩，結果比時任港青教練劉sir查房時發現我哋兩個唔見咗人，爭啲要執包袱返香港。
而家既港隊教練海靈頓，都係崇尚紀律既教練黎，當然我哋而家已經係成年人，大家啲私生活佢都管唔到咁多，更加唔會響作客賽事既時候踢房，不過如果你真係太離鋪既，就算你幾好波都好，佢都係唔會揀你入隊，就好似而家效力緊傑Ｏ既賈加華，最近就因為紀律問題，三番四次練波遲大到，而落選咗今次比賽既大名單。
條友真係夜夜笙歌唔知醒起身練波，但我唔係吖嘛，我只係尋晚因為失戀飲多咗一次咁多，如果比教練聞到啲酒除當咗我同賈加華係同一類人就唔係幾好。
不過佢真係太過份既，最離譜果次試過操練最後五分鐘先施施然咁出現，唔比人踢出球隊就有鬼。
網上有球迷屌海靈頓連賈加華都唔揀係唔識用人，但講真我明白海靈頓教練既用意。我同賈加華都算識咗好耐，由青年軍到而家都算幾friend下，呢次我都幫佢唔落。
我入咗廁所，一路沖涼仲一路回味緊我同葉佩儀既回憶。
我仲好記得，壁報事件發生咗冇幾耐之後，葉佩儀換咗個髮型，前面留下啲蔭、紮下既辮又有啲變化，又好似識打扮咗少少，雖然都係惡型惡相，但比起之前已經好睇好多。
佢個樣其實本身唔差，換咗個髮型之後即刻順眼咗唔少，不過我果陣仲笑勁佢，話佢就算點變裝都好，都係一個不折不扣既男人。
結果？
手臂都爭啲比佢擰甩啊！
一諗起同葉佩儀既點點滴滴，就忍唔住會心微笑。
我好快沖完涼，然後聞一聞自己身體真係冇酒味，先至行出浴室，返咗自己間房換衫，準備快食個早餐就出門口。
我隨手拎起部電話，睇下有冇人搵過我。
啲豬朋狗友group我唔理喇，有啲仲專門響呢個時候問我拎波飛，我直接無視佢哋，然後click咗入同葉佩儀既對話入面。
…
冇新message。
正當我嘆咗口氣諗住放低電話既時候，電話又震咗一震，竟然係葉佩儀send過黎…
哈，又會咁啱既？我哋算唔算夾呢？
"唉，有時真係頂石生唔順（嬲嬲emoji）"
"搞咩啊？" 我一路行出廳食媽咪整既早餐（其實都係餐蛋麵）一邊問。
"朝早去完廁所開大，搞到成個廁所都係佢啲（屎emoji）跡都唔識清潔返，要我幫佢執手尾！（嬲嬲emoji）"
諗起葉佩儀呢個八婆仔抹屎，我忍唔住食食下早餐都笑咗出黎。
"就咁咋吓嘛？"
"咩咁啊？好嚴重架！"
之後我哋就咁樣傾到我食完早餐，準備出門口。
呢個…其實都係我同葉佩儀之間既日常。
每當佢有唔如意既事情發生既時候，佢就會WhatsApp我、短訊我，甚至乎打比我。
只係…我冇諗到佢向我公佈完婚訊完之後既第二朝就即刻搵我呻啫。
"喂，我要揸車喇"
我有架貨van仔，通常都係自己開車去球場練波，係還返架車比朋友既時候，先會坐公共交通工具代步。
"咁我打比你喇"
"我上車搞掂晒先call妳喇"
"好"
於是我開咗車之後就開免提打比佢︰「點啊？石生冇開車送你返工咩？」
我諗起尋晚葉佩儀上咗石生屋企，尋晚應該比佢砌到腳軟，我個心就隱隱作痛。
唉。
「佢今朝要去見客，所以直接開車直接去客人既公司啊。」葉佩儀仲係氣忿不平︰「搞到個廁所烏煙瘴氣就走咗去！」
其實石生平時份人都幾整齊端正，真係想像唔到佢個廁所有幾污糟。
我覺得係葉佩儀誇大咗啫。
「咁妳而家響邊啊？」我聽到背景既嘈雜聲，估佢應該逼緊地鐵。
「搭緊鐵咋。」果然。
有時都幾佩服葉佩儀，啱啱響咁逼既地鐵入面竟然仲可以咁快覆到我既WhatsApp。
我諗咗一諗，道︰「不如妳響XX站落車，我車妳返公司？」
「但你唔係要練波咩？」葉佩儀問。
「兜埋妳返去再去練波都趕得切，舉手之勞啫。」
「咁麻煩你喇。」啊，葉佩儀老實唔客氣咁回答。
我熟練咁開車去到地鐵站附近既一條橫街之中等待住，唔駛好耐我就見到葉佩儀既身影。
其實我唔係第一次車葉佩儀返公司，雖然次數唔頻密，但係每當葉佩儀唔係幾開心既時候，我都好願意做佢既司機，為佢送出送入。
佢心情已經唔好，唔通仲要佢去同人逼地鐵咩，係咪？
不過…今日其實葉佩儀並唔算唔好心情…只係…啱啱果一刻，我突然好想見到葉佩儀，所以先會提議我車佢返工，亦估唔到佢真係應承。
講起黎我都未試過唔係佢唔開心既時候車佢返工添…今日唔開心既擺明唔係佢，係我…只係，我唔可以比佢發現呢一點。
「上車喇！我check過，應該唔塞既，好快就返到架喇。」我打開車門比葉佩儀上車。
「小心揸車啊你！」葉佩儀坐上副駕，綁好安全帶。
明明佢已經係人哋既未婚妻，但當佢走咗上我架貨van，坐咗響我隔離，我就有種錯覺，好似係一個女人，陪緊佢老公揸車一樣。
哈，咁樣自欺欺人，到佢真係出嫁當日，就真係會唔捨得架喇。
（待續）
一把大叫既女人聲將我從回憶中叫返出黎。
「才仔！起身喇！」係媽咪推開我既房門叫我起身。
啊，頂，成晚響度回憶緊同葉佩儀既中學回憶，搞到自己完全瞓唔著失眼添！
「得喇，媽！」我由床上走返落床，聞一聞自己既身，好大陣酒味，本來想懶少少唔去沖涼，但諗諗下一陣比教練見到我副咁既死樣，搞到聽日場波冇得出場都唔知點算好，所以是旦拎咗啲底衫褲就走去廁所沖涼。
講起因為紀律欠佳比教練罰內部停賽，我響港青時代試過一次，果陣係東亞少盃決賽週去日本比賽既時候，同賈加華去搵一個中學靚女師姐（佢咁啱又去日本旅行，咁啱又住同一間酒店）玩，結果比時任港青教練劉sir查房時發現我哋兩個唔見咗人，爭啲要執包袱返香港。
而家既港隊教練海靈頓，都係崇尚紀律既教練黎，當然我哋而家已經係成年人，大家啲私生活佢都管唔到咁多，更加唔會響作客賽事既時候踢房，不過如果你真係太離鋪既，就算你幾好波都好，佢都係唔會揀你入隊，就好似而家效力緊傑Ｏ既賈加華，最近就因為紀律問題，三番四次練波遲大到，而落選咗今次比賽既大名單。
條友真係夜夜笙歌唔知醒起身練波，但我唔係吖嘛，我只係尋晚因為失戀飲多咗一次咁多，如果比教練聞到啲酒除當咗我同賈加華係同一類人就唔係幾好。
不過佢真係太過份既，最離譜果次試過操練最後五分鐘先施施然咁出現，唔比人踢出球隊就有鬼。
網上有球迷屌海靈頓連賈加華都唔揀係唔識用人，但講真我明白海靈頓教練既用意。我同賈加華都算識咗好耐，由青年軍到而家都算幾friend下，呢次我都幫佢唔落。
我入咗廁所，一路沖涼仲一路回味緊我同葉佩儀既回憶。
我仲好記得，壁報事件發生咗冇幾耐之後，葉佩儀換咗個髮型，前面留下啲蔭、紮下既辮又有啲變化，又好似識打扮咗少少，雖然都係惡型惡相，但比起之前已經好睇好多。
佢個樣其實本身唔差，換咗個髮型之後即刻順眼咗唔少，不過我果陣仲笑勁佢，話佢就算點變裝都好，都係一個不折不扣既男人。
結果？
手臂都爭啲比佢擰甩啊！
一諗起同葉佩儀既點點滴滴，就忍唔住會心微笑。
我好快沖完涼，然後聞一聞自己身體真係冇酒味，先至行出浴室，返咗自己間房換衫，準備快食個早餐就出門口。
我隨手拎起部電話，睇下有冇人搵過我。
啲豬朋狗友group我唔理喇，有啲仲專門響呢個時候問我拎波飛，我直接無視佢哋，然後click咗入同葉佩儀既對話入面。
…
冇新message。
正當我嘆咗口氣諗住放低電話既時候，電話又震咗一震，竟然係葉佩儀send過黎…
哈，又會咁啱既？我哋算唔算夾呢？
"唉，有時真係頂石生唔順（嬲嬲emoji）"
"搞咩啊？" 我一路行出廳食媽咪整既早餐（其實都係餐蛋麵）一邊問。
"朝早去完廁所開大，搞到成個廁所都係佢啲（屎emoji）跡都唔識清潔返，要我幫佢執手尾！（嬲嬲emoji）"
諗起葉佩儀呢個八婆仔抹屎，我忍唔住食食下早餐都笑咗出黎。
"就咁咋吓嘛？"
"咩咁啊？好嚴重架！"
之後我哋就咁樣傾到我食完早餐，準備出門口。
呢個…其實都係我同葉佩儀之間既日常。
每當佢有唔如意既事情發生既時候，佢就會WhatsApp我、短訊我，甚至乎打比我。
只係…我冇諗到佢向我公佈完婚訊完之後既第二朝就即刻搵我呻啫。
"喂，我要揸車喇"
我有架貨van仔，通常都係自己開車去球場練波，係還返架車比朋友既時候，先會坐公共交通工具代步。
"咁我打比你喇"
"我上車搞掂晒先call妳喇"
"好"
於是我開咗車之後就開免提打比佢︰「點啊？石生冇開車送你返工咩？」
我諗起尋晚葉佩儀上咗石生屋企，尋晚應該比佢砌到腳軟，我個心就隱隱作痛。
唉。
「佢今朝要去見客，所以直接開車直接去客人既公司啊。」葉佩儀仲係氣忿不平︰「搞到個廁所烏煙瘴氣就走咗去！」
其實石生平時份人都幾整齊端正，真係想像唔到佢個廁所有幾污糟。
我覺得係葉佩儀誇大咗啫。
「咁妳而家響邊啊？」我聽到背景既嘈雜聲，估佢應該逼緊地鐵。
「搭緊鐵咋。」果然。
有時都幾佩服葉佩儀，啱啱響咁逼既地鐵入面竟然仲可以咁快覆到我既WhatsApp。
我諗咗一諗，道︰「不如妳響XX站落車，我車妳返公司？」
「但你唔係要練波咩？」葉佩儀問。
「兜埋妳返去再去練波都趕得切，舉手之勞啫。」
「咁麻煩你喇。」啊，葉佩儀老實唔客氣咁回答。
我熟練咁開車去到地鐵站附近既一條橫街之中等待住，唔駛好耐我就見到葉佩儀既身影。
其實我唔係第一次車葉佩儀返公司，雖然次數唔頻密，但係每當葉佩儀唔係幾開心既時候，我都好願意做佢既司機，為佢送出送入。
佢心情已經唔好，唔通仲要佢去同人逼地鐵咩，係咪？
不過…今日其實葉佩儀並唔算唔好心情…只係…啱啱果一刻，我突然好想見到葉佩儀，所以先會提議我車佢返工，亦估唔到佢真係應承。
講起黎我都未試過唔係佢唔開心既時候車佢返工添…今日唔開心既擺明唔係佢，係我…只係，我唔可以比佢發現呢一點。
「上車喇！我check過，應該唔塞既，好快就返到架喇。」我打開車門比葉佩儀上車。
「小心揸車啊你！」葉佩儀坐上副駕，綁好安全帶。
明明佢已經係人哋既未婚妻，但當佢走咗上我架貨van，坐咗響我隔離，我就有種錯覺，好似係一個女人，陪緊佢老公揸車一樣。
哈，咁樣自欺欺人，到佢真係出嫁當日，就真係會唔捨得架喇。
（待續）