好戥必哥慘
《我鍾意同妳鬥氣，其實只係因為…》
葉開葉開
354 回覆
88 Like
7 Dislike
暫時節奏仲唔錯
好戥必哥慘
好戥必哥慘
阿必似乎只有一個理由
lm
文藝悲劇男主角
七
其實我冇自己想像中咁堅強。
其實我自己一個真係頂唔順。
其實…我對葉佩儀既感情，遠遠比自己認為既來得深。
我就咁企咗響條街度，由得啲眼淚口水鼻涕係咁流…
好彩石生係泊咗架車響橫街窄巷度，呢個時候都冇乜人經過，或者就算真係有少量人經過，佢哋都留意唔到我。
如果呢個時候有人望住我既樣，佢哋真係可能以為有條癲佬精神病發…可能會報警或者call白車…
不過算喇…如果真係發生咗…比佢哋拉咗、送去青山既，咪送囉…
反正…反正葉佩儀要嫁人喇…
佢真係要嫁人喇…
企咗一陣，我就好似行屍走肉咁行返去停車場攞車。
幾好吖。
而家冇其他認識既人響度咯，我唔駛再扮嘢，想喊就喊、想流鼻涕就流鼻涕、想當街當巷除褲屙屎都得。
去停車場途中，我仲唔小心幾次亂過馬路，爭啲比車撞親。
哈。
其實比車撞死又有乜唔好喎。
我無視住向我投來奇怪目光既途人，冇人拉我、冇人送我去青山，終於平安返到去商場停車場度，上返自己果架問朋友借返黎既貨van，坐咗響司機位發吽哣。
唔得…
我頂唔順…
我真係唔想搵人傾，因為我唔想比人知我對葉佩儀係咩感情，事實上我諗全世界除咗我自己，都冇人知道我其實係鍾意葉佩儀。
我都唔想響呢個時候見任何我認識既人，唔想比人睇到我而家既死樣，亦都唔想響人哋面顯露出自己咁軟弱既一面。
哈，咁同我平時精神奕奕、瘋瘋癲癲既既形象一啲都唔襯啊。
但係…我真係太高估自己既忍耐極限。
我好似就黎爆咁。
我…我諗我真係要搵個人傾下。
我拎咗個電話出黎打比余正熙。
*
「唉，點解你唔一早話比我知？」余正熙問︰「我又唔係冇試過問你，係你自己唔答我，又或者詐傻扮懵大癲大肺咁答埋啲九唔撚柒鳩搭八既答案比我咋嘛，你自己都唔講出黎比我知，話你係鍾意八婆儀既，我想幫你諗計追佢都唔撚得喇。」
之前都有約略提過，八婆儀係葉佩儀響中學時期既花名，因為當年佢個人唔止惡死能登，一遇到啲佢自認為係唔啱既事就會好大聲咁據理力爭咁嘈喧巴閉，所以余正熙覺得佢係一個死八婆，我又覺得幾貼切，於是呢個名係咁樣黎。
「你咁憎八婆儀，我點知你會唔會真係幫我架？」我飲咗啖啤酒。
雖然曾經係同一個圈子入面，但係葉佩儀當年因為某啲事而同余正熙吵咗鑊超大既鑊，所以我做佢哋兩個互相都好憎大家。
應該講，其實佢哋由一開始已經互相睇大家唔順眼。
順帶一提，而家已經係凌晨十二點幾，我同余正熙坐咗響尖沙咀海傍上面啲欄杆上面，一面飲啤酒一面傾心事。
其實嚴格黎講，係得我一個飲啤酒，余正熙買咗幾罐可樂，坐咗響我隔離陪我飲。
儘管我同余正熙都試過嗌大交，然後互不理睬咗一段時間，但係即使我其實係有好多豬朋狗友都好，佢都依然係我心入面最好最好既兄弟，而佢都係唯一一個我唔介意比佢睇到我弱軟一面既好兄弟。
我響貨van入面唔知坐咗幾耐先決定打比佢，原來果陣都已經成十一點幾，佢接聽電話知我想搵佢出黎傾心事既時候，雖然把口用佢既招牌式粗口屌柒我，但係佢都即刻飛的出黎陪我。
你哋可能唔明呢個動作對佢黎講有幾罕見，對我黎講有幾感動…余正熙呢條仆街係果種極級姑寒既人，平時真係一毛不拔，一聽到有人請佢食飯佢有著數拎既時候簡直係會雙眼都發晒光，可以行路就唔會搭車，而佢今次為咗我肯飛的過海趕過黎，連我話揸車過返港島果邊搵佢都話唔好，驚我唔等得咁，我真係好感動，誇張啲講真係有眼淚在心裡流既果種感覺。
更加唔好話佢聽朝仲要一早起身返工、要過埋佢老婆果關先可以出夜街…
余正熙飲咗啖可樂，道︰「幫你喎，點會唔幫啊？」然後又淡然咁望住個海︰「況且…或者我最初識佢既時候我係真係唔鍾意佢既，但其實發生咗果件事之後，佢為咗佢既好姐妹嬲我都好正常喇，我都好體諒架喎，你果陣咪一樣？」
「哈哈…哈哈…」余正熙講返啲陳年往事，我唯有以笑遮醜。
其實…我都唔知咁樣嬲係咪正常，因為講真，發生果件事之後，我諗我好快已經冇嬲余正熙，只係男人最緊要臉（呢句嘢由厚開臉皮既我把口講出黎好似冇乜說服力…），我又點會自己出黎做和事佬果個呢？再加埋果陣葉佩儀又比咗啲壓力我，係咁煽風點火、推波助瀾咁唔比我同余正熙和好，所以一路到後期我同余正熙先至做返朋友。不過呢樣係後話，遲啲有機會再講喇。
「你知唔知，其實好耐之前，淇淇同我講過，佢話覺得你同八婆儀好有默契，覺得你哋遲早發展為情侶。」余正熙開口道。
「唔好講笑喇。同佢發展成為情侶？」我條件反射性咁否認。
「咁你而家係咪鍾意佢吖？」
「…係。」
…
係喎，我而家搵余正熙出黎就係要搵佢聽我呻，我做乜要條件反射咁否認？
「唉，我都唔知點解…我同佢都好有默契咁，當有人話我哋似情侶又或者感情好既時候，總係會同一時間一齊否認。」我苦笑咗一下，道︰「或者係…我哋只有響呢啲時候先至會有默契？」
「其實…你有冇諗過，其實佢都係鍾意你吖？」阿熙問。
「唔好講笑喇，佢如果係有鍾意過我既，咁又點會次次都第一時間否認吖？」我無奈地道。
「咁你咪一樣？」阿熙雙眼堀住我，問︰「你鍾意佢，但有人問親你同八婆儀係咪有嘢果陣你咪一樣唔肯認？」
…
駁唔到。
「旁觀者清，你唔覺得八婆儀對你有意思，係因為你當局者迷啫，果陣淇淇就唔係咁諗，佢覺得八婆儀肯定係鍾意你。」余正熙又說道。
係咩？
先唔好話我唔敢相信呢種講法，就算譚梓淇估得啱又點？都係好耐好耐以前既事。
而家葉佩儀都要嫁人，唔通真係去搶新娘咩？
而且如果佢真係鍾意我，又點會肯同其他人結婚？
所以…譚梓淇所睇到既，並唔係乜嘢旁觀者清，而係佢自己一廂情願既諗法啫。
余正熙見我唔出聲，於是又開口問咗我一個問題。
一個我意想唔到既問題。
「阿必…中四果陣，你同我講過，話其實你係鍾意淇淇，究竟係咪真？」
（待續）
其實我冇自己想像中咁堅強。
其實我自己一個真係頂唔順。
其實…我對葉佩儀既感情，遠遠比自己認為既來得深。
我就咁企咗響條街度，由得啲眼淚口水鼻涕係咁流…
好彩石生係泊咗架車響橫街窄巷度，呢個時候都冇乜人經過，或者就算真係有少量人經過，佢哋都留意唔到我。
如果呢個時候有人望住我既樣，佢哋真係可能以為有條癲佬精神病發…可能會報警或者call白車…
不過算喇…如果真係發生咗…比佢哋拉咗、送去青山既，咪送囉…
反正…反正葉佩儀要嫁人喇…
佢真係要嫁人喇…
企咗一陣，我就好似行屍走肉咁行返去停車場攞車。
幾好吖。
而家冇其他認識既人響度咯，我唔駛再扮嘢，想喊就喊、想流鼻涕就流鼻涕、想當街當巷除褲屙屎都得。
去停車場途中，我仲唔小心幾次亂過馬路，爭啲比車撞親。
哈。
其實比車撞死又有乜唔好喎。
我無視住向我投來奇怪目光既途人，冇人拉我、冇人送我去青山，終於平安返到去商場停車場度，上返自己果架問朋友借返黎既貨van，坐咗響司機位發吽哣。
唔得…
我頂唔順…
我真係唔想搵人傾，因為我唔想比人知我對葉佩儀係咩感情，事實上我諗全世界除咗我自己，都冇人知道我其實係鍾意葉佩儀。
我都唔想響呢個時候見任何我認識既人，唔想比人睇到我而家既死樣，亦都唔想響人哋面顯露出自己咁軟弱既一面。
哈，咁同我平時精神奕奕、瘋瘋癲癲既既形象一啲都唔襯啊。
但係…我真係太高估自己既忍耐極限。
我好似就黎爆咁。
我…我諗我真係要搵個人傾下。
我拎咗個電話出黎打比余正熙。
*
「唉，點解你唔一早話比我知？」余正熙問︰「我又唔係冇試過問你，係你自己唔答我，又或者詐傻扮懵大癲大肺咁答埋啲九唔撚柒鳩搭八既答案比我咋嘛，你自己都唔講出黎比我知，話你係鍾意八婆儀既，我想幫你諗計追佢都唔撚得喇。」
之前都有約略提過，八婆儀係葉佩儀響中學時期既花名，因為當年佢個人唔止惡死能登，一遇到啲佢自認為係唔啱既事就會好大聲咁據理力爭咁嘈喧巴閉，所以余正熙覺得佢係一個死八婆，我又覺得幾貼切，於是呢個名係咁樣黎。
「你咁憎八婆儀，我點知你會唔會真係幫我架？」我飲咗啖啤酒。
雖然曾經係同一個圈子入面，但係葉佩儀當年因為某啲事而同余正熙吵咗鑊超大既鑊，所以我做佢哋兩個互相都好憎大家。
應該講，其實佢哋由一開始已經互相睇大家唔順眼。
順帶一提，而家已經係凌晨十二點幾，我同余正熙坐咗響尖沙咀海傍上面啲欄杆上面，一面飲啤酒一面傾心事。
其實嚴格黎講，係得我一個飲啤酒，余正熙買咗幾罐可樂，坐咗響我隔離陪我飲。
儘管我同余正熙都試過嗌大交，然後互不理睬咗一段時間，但係即使我其實係有好多豬朋狗友都好，佢都依然係我心入面最好最好既兄弟，而佢都係唯一一個我唔介意比佢睇到我弱軟一面既好兄弟。
我響貨van入面唔知坐咗幾耐先決定打比佢，原來果陣都已經成十一點幾，佢接聽電話知我想搵佢出黎傾心事既時候，雖然把口用佢既招牌式粗口屌柒我，但係佢都即刻飛的出黎陪我。
你哋可能唔明呢個動作對佢黎講有幾罕見，對我黎講有幾感動…余正熙呢條仆街係果種極級姑寒既人，平時真係一毛不拔，一聽到有人請佢食飯佢有著數拎既時候簡直係會雙眼都發晒光，可以行路就唔會搭車，而佢今次為咗我肯飛的過海趕過黎，連我話揸車過返港島果邊搵佢都話唔好，驚我唔等得咁，我真係好感動，誇張啲講真係有眼淚在心裡流既果種感覺。
更加唔好話佢聽朝仲要一早起身返工、要過埋佢老婆果關先可以出夜街…
余正熙飲咗啖可樂，道︰「幫你喎，點會唔幫啊？」然後又淡然咁望住個海︰「況且…或者我最初識佢既時候我係真係唔鍾意佢既，但其實發生咗果件事之後，佢為咗佢既好姐妹嬲我都好正常喇，我都好體諒架喎，你果陣咪一樣？」
「哈哈…哈哈…」余正熙講返啲陳年往事，我唯有以笑遮醜。
其實…我都唔知咁樣嬲係咪正常，因為講真，發生果件事之後，我諗我好快已經冇嬲余正熙，只係男人最緊要臉（呢句嘢由厚開臉皮既我把口講出黎好似冇乜說服力…），我又點會自己出黎做和事佬果個呢？再加埋果陣葉佩儀又比咗啲壓力我，係咁煽風點火、推波助瀾咁唔比我同余正熙和好，所以一路到後期我同余正熙先至做返朋友。不過呢樣係後話，遲啲有機會再講喇。
「你知唔知，其實好耐之前，淇淇同我講過，佢話覺得你同八婆儀好有默契，覺得你哋遲早發展為情侶。」余正熙開口道。
「唔好講笑喇。同佢發展成為情侶？」我條件反射性咁否認。
「咁你而家係咪鍾意佢吖？」
「…係。」
…
係喎，我而家搵余正熙出黎就係要搵佢聽我呻，我做乜要條件反射咁否認？
「唉，我都唔知點解…我同佢都好有默契咁，當有人話我哋似情侶又或者感情好既時候，總係會同一時間一齊否認。」我苦笑咗一下，道︰「或者係…我哋只有響呢啲時候先至會有默契？」
「其實…你有冇諗過，其實佢都係鍾意你吖？」阿熙問。
「唔好講笑喇，佢如果係有鍾意過我既，咁又點會次次都第一時間否認吖？」我無奈地道。
「咁你咪一樣？」阿熙雙眼堀住我，問︰「你鍾意佢，但有人問親你同八婆儀係咪有嘢果陣你咪一樣唔肯認？」
…
駁唔到。
「旁觀者清，你唔覺得八婆儀對你有意思，係因為你當局者迷啫，果陣淇淇就唔係咁諗，佢覺得八婆儀肯定係鍾意你。」余正熙又說道。
係咩？
先唔好話我唔敢相信呢種講法，就算譚梓淇估得啱又點？都係好耐好耐以前既事。
而家葉佩儀都要嫁人，唔通真係去搶新娘咩？
而且如果佢真係鍾意我，又點會肯同其他人結婚？
所以…譚梓淇所睇到既，並唔係乜嘢旁觀者清，而係佢自己一廂情願既諗法啫。
余正熙見我唔出聲，於是又開口問咗我一個問題。
一個我意想唔到既問題。
「阿必…中四果陣，你同我講過，話其實你係鍾意淇淇，究竟係咪真？」
（待續）
怕醜真係害死唔少萌芽嘅感情
咁當然其實阿必自己都有啲責任既。
八
之前有提過，我同余正熙、譚梓淇、葉佩儀係中一既時候認識。
嚴格黎講，我認識余正熙既時間，應該係比起其他兩個人早少少。
我由細到大都好鍾意睇波同踢波，爸爸係擁南躉（即係當時香港甲組有隊班霸球隊叫做南Ｘ，果個年代算係最多人捧既球隊），所以小學既時候已經會跟爸爸入旺角場睇波。
我細個既時候雖然只係參加過一啲民間團體所搞既足球興趣班，但係響班上面既實力已經好出眾下，所以響小學既時候就已經加入咗足球校隊，係陣中絕對既主力，不過平時都只係會響學校入面踢波，假日最多係同爸爸去屋企附近既公園仔踢波，除咗小學學界之外，好少去啲真正既球場度比賽。
我認識余正熙，係由我小六升上中一時候既果個暑假。
果陣升中學既時候，都唔捨得小學時候既好朋友，所以暑假既時候盡可能約出黎玩，而我第一次見到余正熙既時候，就係響果個暑假，我同啲小學同學約出黎踢波既時候。
「我搵到個球場，果度成日都有人鬥波架！」講呢句嘢既係我哋小學校隊時既守門員，佢叫做駱天樂Tommy，由於佢全名好橋口，我哋多數叫佢做Tommy，而家佢又手套又護膝又護肘咁又波襪又波boot咁…我開始睇唔透究竟佢係黎打排球定係黎守龍門。
「咁幾好吖，好過我哋幾個響個公園仔度搵個空地擺兩舊垃圾就當龍門自己踢吖。」另一個朋友，佢個名叫做楊啟康，都係校隊成員之一，同我係同班既同學，所以同我都算幾friend。
不過又咁講，我由細個到而家都好，我都係果種好多嘢講，把口又唔收，乜都可以講一餐既人，所以我由小學開始已經識到好多朋友，不過好多都係停留響吹水同埋玩既階段，真係可以稱之為好兄弟既朋友嘛…其實唔算太多。
「不過…個球場…多唔多黑社會架…我睇電影台古X仔電影既時候，見到古惑仔黑社會都係響球場收靚架？」呢個驚驚青青既四眼仔，叫做何志浩，又係我既同班同學，只不過佢就唔係校隊成員。
「好心你唔好睇咁多電視喇，現實邊會有咁多黑社會啊？」駱天樂笑佢。
「果度啲人勁唔勁架？」何志浩問。
「唔知喎，我果次經過望咗幾眼，都冇認真睇。」駱天樂講完之後笑笑口咁指住我，道︰「不過我哋有阿必，駛乜驚吖！」
「哈哈哈哈哈…冇錯，有我呢個足球天才，你哋全部都唔駛驚，就等我帶領你哋去奪取世界盃！」果陣既我多數都係響學校入面踢波，係同年齡既同學…唔係，我覺得自己甚至可以話係全間學校入面踢波最勁果個，所以我講呢句說話既時候雖然有啲啲誇張，但其實我既語氣真係非常之咁有信心。
「冇錯，有阿必響度，我哋駛乜驚吖！邊隊有阿必，邊隊就會贏波！」楊啟康笑道。
呢個係我讀小學時既真理，我哋響學校體育堂踢波比賽既時候，只要分到係同我一隊，果隊係一定會贏波既。
「Go Go Go！」我哋一行七、八個同學仔已經急不及待要大展拳腳…
不過可以話，今次踢波真係乘興而來，敗興而歸…
呢個球場有一隊地膽，係由一班騎騎呢呢既大叔們組成，佢哋年紀大過我哋，好波過我哋都係一件好正常既事，但更加騎呢既係佢哋果隊有一個小朋友，而最唔正常既，係呢個小朋友勁到痴線，結果每一次輪到我哋出場都唔駛五分鐘…唔係，應該話係唔駛三分鐘，我哋已經輸波出返去球場邊從新跟過隊。
而呢隊地膽啲波，全部都係呢個小朋友入既，啲騎呢大叔們就好似好信任呢個小朋友咁，係咁餵波比佢，而佢又真係勁到可以扭黎扭去我哋完全搶唔到佢波，仲下下射門都非常精準又大力，射到駱天樂成個人都頹晒係咁由網入面執返個波出黎。
呢個小朋友，就係余正熙。
真係天外有天，人外有人啊。
不過對手越係強勁，我越係想挑戰！可惜既係，響我啲小學朋友入面，有呢個諗法既，好似只係得我一個…
我啲朋友黎過一次呢個球場之後，唔知係咪次次一跟隊出場就輸到扒街輸到驚，黎過一次呢個屋邨球場之後就好似響呢度見過鬼咁唔敢再入黎，淨係敢去返舊時個公園仔，用兩舊垃圾當係龍門自己友同自己友比賽…
唉，是Q旦喇，咁冇人陪我去果個球場再挑戰人體極限既，我咪…
我咪…
我咪…
我咪同埋佢哋響公園仔踢垃圾囉…
冇計架！足球係團體運動黎，佢哋唔陪我踢波既，唔通我自己一個單挑晒成隊騎呢阿叔咩？
結果，暑假就咁過咗去，我都冇機會再去呢個球場踢波…
就係咁開咗學。
我小學既時候成績其實都係麻麻地，但唔知點解狗屎撞棍派咗去一間區內都算幾出名既地區名校，可惜我啲豬朋狗友全部派唔到，即係我新一年要靠自己去識下新朋友…
果陣諗起係有啲寂寞。
不過…
世事往往就係咁神奇、緣份往往就係咁奇妙…
中一開學既第一日，我一走入我既新課室，你哋估我撞到邊個？
哈哈，冇錯，就係果個小朋友余正熙！
我最初真係以為佢係小朋友、小學生黎架，佢個樣咁幼齒，點知原來佢竟然已經中一，仲要同我同一班！
順帶一提，呢條友雖然話個樣細細個，但好鬼死靚仔，好似網上曾經流傳過既果張BB版陳冠Ｘ咁！
就係咁，我同呢條友既孽緣就開始咗…
利申：非基。
（待續）
之前有提過，我同余正熙、譚梓淇、葉佩儀係中一既時候認識。
嚴格黎講，我認識余正熙既時間，應該係比起其他兩個人早少少。
我由細到大都好鍾意睇波同踢波，爸爸係擁南躉（即係當時香港甲組有隊班霸球隊叫做南Ｘ，果個年代算係最多人捧既球隊），所以小學既時候已經會跟爸爸入旺角場睇波。
我細個既時候雖然只係參加過一啲民間團體所搞既足球興趣班，但係響班上面既實力已經好出眾下，所以響小學既時候就已經加入咗足球校隊，係陣中絕對既主力，不過平時都只係會響學校入面踢波，假日最多係同爸爸去屋企附近既公園仔踢波，除咗小學學界之外，好少去啲真正既球場度比賽。
我認識余正熙，係由我小六升上中一時候既果個暑假。
果陣升中學既時候，都唔捨得小學時候既好朋友，所以暑假既時候盡可能約出黎玩，而我第一次見到余正熙既時候，就係響果個暑假，我同啲小學同學約出黎踢波既時候。
「我搵到個球場，果度成日都有人鬥波架！」講呢句嘢既係我哋小學校隊時既守門員，佢叫做駱天樂Tommy，由於佢全名好橋口，我哋多數叫佢做Tommy，而家佢又手套又護膝又護肘咁又波襪又波boot咁…我開始睇唔透究竟佢係黎打排球定係黎守龍門。
「咁幾好吖，好過我哋幾個響個公園仔度搵個空地擺兩舊垃圾就當龍門自己踢吖。」另一個朋友，佢個名叫做楊啟康，都係校隊成員之一，同我係同班既同學，所以同我都算幾friend。
不過又咁講，我由細個到而家都好，我都係果種好多嘢講，把口又唔收，乜都可以講一餐既人，所以我由小學開始已經識到好多朋友，不過好多都係停留響吹水同埋玩既階段，真係可以稱之為好兄弟既朋友嘛…其實唔算太多。
「不過…個球場…多唔多黑社會架…我睇電影台古X仔電影既時候，見到古惑仔黑社會都係響球場收靚架？」呢個驚驚青青既四眼仔，叫做何志浩，又係我既同班同學，只不過佢就唔係校隊成員。
「好心你唔好睇咁多電視喇，現實邊會有咁多黑社會啊？」駱天樂笑佢。
「果度啲人勁唔勁架？」何志浩問。
「唔知喎，我果次經過望咗幾眼，都冇認真睇。」駱天樂講完之後笑笑口咁指住我，道︰「不過我哋有阿必，駛乜驚吖！」
「哈哈哈哈哈…冇錯，有我呢個足球天才，你哋全部都唔駛驚，就等我帶領你哋去奪取世界盃！」果陣既我多數都係響學校入面踢波，係同年齡既同學…唔係，我覺得自己甚至可以話係全間學校入面踢波最勁果個，所以我講呢句說話既時候雖然有啲啲誇張，但其實我既語氣真係非常之咁有信心。
「冇錯，有阿必響度，我哋駛乜驚吖！邊隊有阿必，邊隊就會贏波！」楊啟康笑道。
呢個係我讀小學時既真理，我哋響學校體育堂踢波比賽既時候，只要分到係同我一隊，果隊係一定會贏波既。
「Go Go Go！」我哋一行七、八個同學仔已經急不及待要大展拳腳…
不過可以話，今次踢波真係乘興而來，敗興而歸…
呢個球場有一隊地膽，係由一班騎騎呢呢既大叔們組成，佢哋年紀大過我哋，好波過我哋都係一件好正常既事，但更加騎呢既係佢哋果隊有一個小朋友，而最唔正常既，係呢個小朋友勁到痴線，結果每一次輪到我哋出場都唔駛五分鐘…唔係，應該話係唔駛三分鐘，我哋已經輸波出返去球場邊從新跟過隊。
而呢隊地膽啲波，全部都係呢個小朋友入既，啲騎呢大叔們就好似好信任呢個小朋友咁，係咁餵波比佢，而佢又真係勁到可以扭黎扭去我哋完全搶唔到佢波，仲下下射門都非常精準又大力，射到駱天樂成個人都頹晒係咁由網入面執返個波出黎。
呢個小朋友，就係余正熙。
真係天外有天，人外有人啊。
不過對手越係強勁，我越係想挑戰！可惜既係，響我啲小學朋友入面，有呢個諗法既，好似只係得我一個…
我啲朋友黎過一次呢個球場之後，唔知係咪次次一跟隊出場就輸到扒街輸到驚，黎過一次呢個屋邨球場之後就好似響呢度見過鬼咁唔敢再入黎，淨係敢去返舊時個公園仔，用兩舊垃圾當係龍門自己友同自己友比賽…
唉，是Q旦喇，咁冇人陪我去果個球場再挑戰人體極限既，我咪…
我咪…
我咪…
我咪同埋佢哋響公園仔踢垃圾囉…
冇計架！足球係團體運動黎，佢哋唔陪我踢波既，唔通我自己一個單挑晒成隊騎呢阿叔咩？
結果，暑假就咁過咗去，我都冇機會再去呢個球場踢波…
就係咁開咗學。
我小學既時候成績其實都係麻麻地，但唔知點解狗屎撞棍派咗去一間區內都算幾出名既地區名校，可惜我啲豬朋狗友全部派唔到，即係我新一年要靠自己去識下新朋友…
果陣諗起係有啲寂寞。
不過…
世事往往就係咁神奇、緣份往往就係咁奇妙…
中一開學既第一日，我一走入我既新課室，你哋估我撞到邊個？
哈哈，冇錯，就係果個小朋友余正熙！
我最初真係以為佢係小朋友、小學生黎架，佢個樣咁幼齒，點知原來佢竟然已經中一，仲要同我同一班！
順帶一提，呢條友雖然話個樣細細個，但好鬼死靚仔，好似網上曾經流傳過既果張BB版陳冠Ｘ咁！
就係咁，我同呢條友既孽緣就開始咗…
利申：非基。
（待續）
幫你諗計追佢都唔撚得喇。
吹大左，扑過唔少女，但條友未媾過女
吹大左，扑過唔少女，但條友未媾過女
開估前係要兜下圈先死人葉開
余正熙應該會鼓勵必哥破斧沉舟式向葉佩儀表白，搶佢返嚟，就算明知不可能成功亦今生無悔!
似了
係希望必哥唔好俾人教壞
咁樣會好爽
但人生就係充滿追悔莫及嘅遺憾
好可能八婆儀都係現實嘅人，唔會應承阿必
但人生就係充滿追悔莫及嘅遺憾
好可能八婆儀都係現實嘅人，唔會應承阿必
佢教都唔識壞
要媾女，應該要搵賈加華
銀行高層，有車又有樓…
九
OKOK，我知呢個唔係BL故，我同余正熙冇基情，你哋應該都對我同余正熙既友情冇乜興趣，但呢條友響我生命入面真係一個好重要既朋友，你哋容許我用多啲時間去介紹下佢喇。
我見返余正熙梗係開心喇，真係唔係搞基啊，而係我又有機會去果個球場踢波啊！
雖然余正熙呢個人一啲都唔friendly，甚至係寸寸貢又冇禮貌，但係初次見面既我就厚顏無恥咁對住佢死纏爛打，成功屈到佢比我坐響佢隔離，又成功屈到佢帶去同班騎呢阿叔踢波，之後仲成為咗一個習慣咁，一得閒就會跟佢去球場踢波，同班騎呢阿叔成為咗忘年之交。
順帶一提，因為班主任史sir好hea既關係冇調過位，最後我同佢做鄰居做足成年。
我同佢既事仲可以有排講啊，尤其是足球果part，所以呢度先暫時停一停，之後回憶到果部份既時候我自然會講。
*
中一返學，對於我黎講樣樣嘢都好新穎，尤其是啲女同學…
而家諗返，我哋間中學既女同學質素都真係非常唔錯，而我既中學時代，堪稱可以話係我人生入面，見過最多靚女既時期。
咁都因為我既職業關係，我無論係正職職業球員又好，秘撈兼職跟車送貨都好，身處既行業都係冇乜女人既。
唔好以為職業球員就好多女人埋身啊，呢度係香港，我踢緊港超唔係英超，加上我份人都好有專業操守，唔似某啲隊友咁嫖飲賭吹欄蒲爛玩，身處既雖然係一間老牌球會，但絕對唔係一間名牌球會，乜嘢marketing staff都冇，見清潔阿嬸仲多過見後生女啊陰公。
入咗港隊之後係好少少既，足總有女職員，甚至有贊助商，佢哋都有啲女同事，不過其他時間，真係見阿媽仲多過見其他女人。
講返中一果陣先，雖然中一既時候大家都稚氣未脫，個個都係戇鳩鳩咁既樣，但總有啲同學係美人胚子，一眼就知道佢哋大個之後會係一條索女。
唔好屌我戀童啊，我果陣都係中一架咋！係個血氣方剛既大好男兒！精液…唔係…係精力無處可發洩既大好男兒，會𥄫同年女孩子係一件十分之正常既事！
而我又好好彩，同班既就有一朵未來既校花！
佢就葉佩儀…
…
…
…
既朋友，譚梓淇！
有件事我冇直接同人講過…我第一個鍾意既女仔，其實唔係葉佩儀，而係譚梓淇。
我係試過響余正熙面前好似亂講嘢咁講過出黎，但我睇得出，因為我講呢句嘢既時候同埋語氣，余正熙其實都唔知信唔信好。
*
「喂，阿熙，你有冇覺得我哋班入面邊個女仔正啊？」最初除咗比我死纏爛打被逼帶我去踢波之外，其實余正熙真係唔係點理我，但我覺得呢個小朋友模樣既同學真係好有趣，所以就算佢唔係好理我都好，我都成日厚顏無恥咁去煩住佢。
「妖，咪煩喇。」小息既時候，余正熙都淨係伏響枱面休息，又唔去行下。
我又點解唔出去？
嘿嘿…
「你覺得女班長點樣啊？」因為我望住響遠處同佢啲朋友吹緊水既譚梓淇吖嘛。
不過余正熙擺到明完全冇聽到我講嘢，佢自己一個扒響度望住門口發緊吽哣。
嘖嘖嘖，我都係唔理呢條友，專心𥄫女先…譚梓淇真係唔錯…
哎呀呀…雖然話我響小學都有暗戀過女同學，不過佢哋都冇譚梓淇咁靚，而且小學雞識鬼乜嘢叫鍾意咩，過咗一個暑假之後我連暗戀果個同學叫乜嘢名都唔記得囉，哈哈！
男人係一種好簡單既生物，只要個女仔生得夠靚，男人自然就會比佢哋吸引到架喇，所有年齡層既男性都唔例外，所以我呢個form 1仔比譚梓淇吸引到係一件好正常既事。
佢當日響班主任堂入面自告奮勇要做班長果日，我就比佢吸引咗。
除咗因為佢靚之外，仲因為佢果份外向主動，就好似一個太陽咁，好易比到人溫暖既感覺。
嘩…真係唔係講笑，佢而家同朋友傾緊計既時候既舉手投足都有一份外向陽光，就好似冬日入面既太陽咁，照耀住響大地上面打緊飛機既我…啊唔係，係響自己座位𥄫緊女既我先啱！
…
…
…
啊！
同佢傾緊計果個女仔突然擰轉頭望過黎，發現到我望住佢哋就好凶神惡煞咁望住我！
而呢個moment都好值得記落黎，因為呢個moment就係我同葉佩儀第一次相遇既一刻。
（待續）
OKOK，我知呢個唔係BL故，我同余正熙冇基情，你哋應該都對我同余正熙既友情冇乜興趣，但呢條友響我生命入面真係一個好重要既朋友，你哋容許我用多啲時間去介紹下佢喇。
我見返余正熙梗係開心喇，真係唔係搞基啊，而係我又有機會去果個球場踢波啊！
雖然余正熙呢個人一啲都唔friendly，甚至係寸寸貢又冇禮貌，但係初次見面既我就厚顏無恥咁對住佢死纏爛打，成功屈到佢比我坐響佢隔離，又成功屈到佢帶去同班騎呢阿叔踢波，之後仲成為咗一個習慣咁，一得閒就會跟佢去球場踢波，同班騎呢阿叔成為咗忘年之交。
順帶一提，因為班主任史sir好hea既關係冇調過位，最後我同佢做鄰居做足成年。
我同佢既事仲可以有排講啊，尤其是足球果part，所以呢度先暫時停一停，之後回憶到果部份既時候我自然會講。
*
中一返學，對於我黎講樣樣嘢都好新穎，尤其是啲女同學…
而家諗返，我哋間中學既女同學質素都真係非常唔錯，而我既中學時代，堪稱可以話係我人生入面，見過最多靚女既時期。
咁都因為我既職業關係，我無論係正職職業球員又好，秘撈兼職跟車送貨都好，身處既行業都係冇乜女人既。
唔好以為職業球員就好多女人埋身啊，呢度係香港，我踢緊港超唔係英超，加上我份人都好有專業操守，唔似某啲隊友咁嫖飲賭吹欄蒲爛玩，身處既雖然係一間老牌球會，但絕對唔係一間名牌球會，乜嘢marketing staff都冇，見清潔阿嬸仲多過見後生女啊陰公。
入咗港隊之後係好少少既，足總有女職員，甚至有贊助商，佢哋都有啲女同事，不過其他時間，真係見阿媽仲多過見其他女人。
講返中一果陣先，雖然中一既時候大家都稚氣未脫，個個都係戇鳩鳩咁既樣，但總有啲同學係美人胚子，一眼就知道佢哋大個之後會係一條索女。
唔好屌我戀童啊，我果陣都係中一架咋！係個血氣方剛既大好男兒！精液…唔係…係精力無處可發洩既大好男兒，會𥄫同年女孩子係一件十分之正常既事！
而我又好好彩，同班既就有一朵未來既校花！
佢就葉佩儀…
…
…
…
既朋友，譚梓淇！
有件事我冇直接同人講過…我第一個鍾意既女仔，其實唔係葉佩儀，而係譚梓淇。
我係試過響余正熙面前好似亂講嘢咁講過出黎，但我睇得出，因為我講呢句嘢既時候同埋語氣，余正熙其實都唔知信唔信好。
*
「喂，阿熙，你有冇覺得我哋班入面邊個女仔正啊？」最初除咗比我死纏爛打被逼帶我去踢波之外，其實余正熙真係唔係點理我，但我覺得呢個小朋友模樣既同學真係好有趣，所以就算佢唔係好理我都好，我都成日厚顏無恥咁去煩住佢。
「妖，咪煩喇。」小息既時候，余正熙都淨係伏響枱面休息，又唔去行下。
我又點解唔出去？
嘿嘿…
「你覺得女班長點樣啊？」因為我望住響遠處同佢啲朋友吹緊水既譚梓淇吖嘛。
不過余正熙擺到明完全冇聽到我講嘢，佢自己一個扒響度望住門口發緊吽哣。
嘖嘖嘖，我都係唔理呢條友，專心𥄫女先…譚梓淇真係唔錯…
哎呀呀…雖然話我響小學都有暗戀過女同學，不過佢哋都冇譚梓淇咁靚，而且小學雞識鬼乜嘢叫鍾意咩，過咗一個暑假之後我連暗戀果個同學叫乜嘢名都唔記得囉，哈哈！
男人係一種好簡單既生物，只要個女仔生得夠靚，男人自然就會比佢哋吸引到架喇，所有年齡層既男性都唔例外，所以我呢個form 1仔比譚梓淇吸引到係一件好正常既事。
佢當日響班主任堂入面自告奮勇要做班長果日，我就比佢吸引咗。
除咗因為佢靚之外，仲因為佢果份外向主動，就好似一個太陽咁，好易比到人溫暖既感覺。
嘩…真係唔係講笑，佢而家同朋友傾緊計既時候既舉手投足都有一份外向陽光，就好似冬日入面既太陽咁，照耀住響大地上面打緊飛機既我…啊唔係，係響自己座位𥄫緊女既我先啱！
…
…
…
啊！
同佢傾緊計果個女仔突然擰轉頭望過黎，發現到我望住佢哋就好凶神惡煞咁望住我！
而呢個moment都好值得記落黎，因為呢個moment就係我同葉佩儀第一次相遇既一刻。
（待續）
我同鄰座靚仔同學的基情
估唔到必哥真係鍾意過淇淇，我仲以為佢鳩噏
