用下體思考啱啱追番正傳
秋兒姐姐係最好㗎
《我鍾意同妳鬥氣，其實只係因為…》
葉開葉開
275 回覆
81 Like
5 Dislike
熙熙都唔係好人用下體思考啱啱追番正傳
秋兒姐姐係最好㗎
用下體思考啱啱追番正傳秋兒姐姐係最好㗎
無淇淇介入，佢地可能一世做姐弟咋
不過感情無分對錯嘅
不過感情無分對錯嘅
之前果D
成熟過班男仔好多
我覺得秋兒都唔係咁好嘅人，講真
超班人物
一早睇穿葉熙渣男
感情上鍾意白咭必，理智上知道跟佢過唔到人世，只適合做情夫
連忍者欣嘅心意都一清二楚
一早睇穿葉熙渣男
感情上鍾意白咭必，理智上知道跟佢過唔到人世，只適合做情夫
連忍者欣嘅心意都一清二楚
我又覺得其實佢一路都係等必哥行出第一步
有啲似求婚大作戰嘅禮
有啲似求婚大作戰嘅禮
可能嘅，不過佢會肯咁樣等個男人十幾年？ 佢自己都鼓勵淇淇表白啦
所以咪等到心淡，搵石生
女人表白唔得？
可以，當然可以，但對象係白咭必，早知結果何必表白
熙熙真係唔係好人黎一朵鮮花插在牛糞上
一朵鮮花插在牛糞上其實關於八婆儀點諗，慢慢就會喺故仔度有間接寫出黎(由阿必角度出發)
四十一
我個人睇落好外向，但其實好封閉自己既內心，就算係好朋友都好，我都唔會輕易表露自己既諗法。
葉佩儀就係有辦法去了解咁樣既我。
不過呢個時候，唔知係咪受到氣氛影響，我都開始主動向葉佩儀講下內心既諗法︰「我冇妒忌過球星…只係我響度諗，如果我果陣冇比教練罰停賽，會唔會連我都有機會去試腳呢？」
關於呢件事，其實後尾球會既青年軍教練陳sir確認咗我既諗法，果間日本球會浦和紅Ｏ既球探加藤先生由亞少盃外圍賽香港對日本開始已經留意到我同余正熙，但因為我哋唔係日本人，而佢哋又唔係歐洲球會咁大愛唯才是用，所以球會高層只係肯比球探響我同余正熙之間二揀一。
咁啱之後我哋殺入咗既東亞少盃決賽週又響日本舉行，變咗一個機會比球探（甚至可能係高層）睇我哋兩個球員比賽既表現，而就響呢個關鍵時候我就因為違反紀律，而比港青教練劉sir罰內部停賽，白白咁錯失咗一個表演既機會。
嗱，我係話我出場既話一定會被選中，畢竟余正熙好波過我，又係當屆比賽既神射手，但有得出場既話，至少我既機會就會多啲啲，就算係輸比余正熙，我都輸得甘心啲。
而且後尾余正熙因為一啲無可抗力既原因放棄咗職業足球，而試腳既結果又…馬後炮黎講如果比我去係應該好啲。
K房雖然比音樂同埋歌聲充斥住，但葉佩儀都好耐心咁聽我講我既不甘，最後葉佩儀少有地向我柔聲道︰「我唔識睇波，但你個叔叔隊友都話喇，相信你係仲有機會外流試腳架嘛，唔係咩？」
葉佩儀講緊既係文叔響球場同我講既說話。
「你個叔叔隊友咁講，一定係既。」葉佩儀笑道︰「我相信你。」
唔知點解，呢句說話就好似一支強心針咁，突然之間，我啲信心返晒黎。
明明係差唔多意思既說話，文叔講出黎既時候，就係冇呢種感覺。
呢個時候咁啱上一首歌唱完，葉佩儀企起身走埋拎起另一枝咪，道︰「啊！呢首我識唱！淇淇，我同妳一齊唱！」
譚梓淇笑住點頭︰「嗯！」
*
今日既葉佩儀認真唔得閒，因為我、譚梓淇同埋鄭海欣三個都好似各有心事咁，佢就響K房入面輪流同我哋傾計。
我唱緊艾粒情歌既時候，眼尾就見到葉佩儀響度同緊譚梓淇傾心事，我諗就好似啱啱同我傾計咁。
其實，葉佩儀真係一個好為得朋友既人。
我中一升中二既時候，因為考試滿江紅要補考，都係全靠好好成績既佢陪我溫書，我先可以勉強過關，如果我中學生涯入面冇呢個女仔既出現，都唔知會變成點。
不過見到葉佩儀同譚梓淇、鄭海欣傾心事既時候，我又明白到佢真係唔止對我一個係咁，個心就好似有種微妙既感覺。
響余正熙試去咗腳果個星期，我哋除咗唱K之外，仲會間中去食飯，仲試過四條友去行山。而不得不說既係，我覺葉佩儀既策略係幾成功，有朋友陪，每一日充斥住充實既活動，我又好、譚梓淇又好、鄭海欣都好，都可以打起精神黎。
冇錯…
有朋友陪…真係好…
*
「你唔駛休息下咩？尋晚我諗你起碼四、五點先瞓喇，聽日比賽喇喎。」
又回到現在時間，回憶令我諗起有朋友陪可以令到自己精神啲，所以港隊晨操之後，我去咗搵余正熙食午飯。
「覺咋嘛，幾時都有得瞓喇！」我笑嘻嘻道︰「但係同余大經理食午飯喎，唔係成日都有機會架！」
笑吖…笑吖…笑多啲，先至會令自己睇落開心啲！
笑吖…笑吖…笑多啲，先至會令自己心情好返啲！
「你食屎喇基佬！你搵我，我咪陪鳩柒你食囉！」條友仲係咁爛口。
「你係咪真係覺係基佬先？」我瞇埋眼望住余正熙。
識我咁耐，余正熙梗係知面皮成尺厚既我想玩啲咩，佢即刻投降︰「唔係、唔撚係。」
「嘿嘿…」
「你廿六歲人都仲係咁…」余正熙失笑道︰「成個白卡佬咁。」
「白卡佬唔好咩？」我哈哈一笑︰「真白卡係痴線既，乜都唔駛諗啊！」
如果我真係白卡，就唔會咁傷心…
如果我真係白卡，而家就唔需要朋友陪都唔會覺得難過…
「喂，嗌嘢食喇！我請！」余正熙遞咗個餐牌比我。
「嘩，咁益我啊？」我將隻手放響余正熙額頭上面，驚訝地問︰「你係咪燒壞腦？」
「屌你老母臭閪，咁你食唔撚食啊？」
「食！食！」
余正熙就算而家響公司做咗管理層，收入一定非常唔錯，但佢一樣係咁姑寒，今日竟然會主動請我食飯？唔係轉死性吓嘛？
不過…
我內心當然知道真正既原因。
余正熙係知道我雖然表面扮冇事，但實際上一定仲係唔開心，所以先會請我食飯，用佢既方式黎安慰我。
對視錢財如命根既余正熙黎講，呢樣嘢其實好難得，叫我點可以唔感動？
（待續）
我個人睇落好外向，但其實好封閉自己既內心，就算係好朋友都好，我都唔會輕易表露自己既諗法。
葉佩儀就係有辦法去了解咁樣既我。
不過呢個時候，唔知係咪受到氣氛影響，我都開始主動向葉佩儀講下內心既諗法︰「我冇妒忌過球星…只係我響度諗，如果我果陣冇比教練罰停賽，會唔會連我都有機會去試腳呢？」
關於呢件事，其實後尾球會既青年軍教練陳sir確認咗我既諗法，果間日本球會浦和紅Ｏ既球探加藤先生由亞少盃外圍賽香港對日本開始已經留意到我同余正熙，但因為我哋唔係日本人，而佢哋又唔係歐洲球會咁大愛唯才是用，所以球會高層只係肯比球探響我同余正熙之間二揀一。
咁啱之後我哋殺入咗既東亞少盃決賽週又響日本舉行，變咗一個機會比球探（甚至可能係高層）睇我哋兩個球員比賽既表現，而就響呢個關鍵時候我就因為違反紀律，而比港青教練劉sir罰內部停賽，白白咁錯失咗一個表演既機會。
嗱，我係話我出場既話一定會被選中，畢竟余正熙好波過我，又係當屆比賽既神射手，但有得出場既話，至少我既機會就會多啲啲，就算係輸比余正熙，我都輸得甘心啲。
而且後尾余正熙因為一啲無可抗力既原因放棄咗職業足球，而試腳既結果又…馬後炮黎講如果比我去係應該好啲。
K房雖然比音樂同埋歌聲充斥住，但葉佩儀都好耐心咁聽我講我既不甘，最後葉佩儀少有地向我柔聲道︰「我唔識睇波，但你個叔叔隊友都話喇，相信你係仲有機會外流試腳架嘛，唔係咩？」
葉佩儀講緊既係文叔響球場同我講既說話。
「你個叔叔隊友咁講，一定係既。」葉佩儀笑道︰「我相信你。」
唔知點解，呢句說話就好似一支強心針咁，突然之間，我啲信心返晒黎。
明明係差唔多意思既說話，文叔講出黎既時候，就係冇呢種感覺。
呢個時候咁啱上一首歌唱完，葉佩儀企起身走埋拎起另一枝咪，道︰「啊！呢首我識唱！淇淇，我同妳一齊唱！」
譚梓淇笑住點頭︰「嗯！」
*
今日既葉佩儀認真唔得閒，因為我、譚梓淇同埋鄭海欣三個都好似各有心事咁，佢就響K房入面輪流同我哋傾計。
我唱緊艾粒情歌既時候，眼尾就見到葉佩儀響度同緊譚梓淇傾心事，我諗就好似啱啱同我傾計咁。
其實，葉佩儀真係一個好為得朋友既人。
我中一升中二既時候，因為考試滿江紅要補考，都係全靠好好成績既佢陪我溫書，我先可以勉強過關，如果我中學生涯入面冇呢個女仔既出現，都唔知會變成點。
不過見到葉佩儀同譚梓淇、鄭海欣傾心事既時候，我又明白到佢真係唔止對我一個係咁，個心就好似有種微妙既感覺。
響余正熙試去咗腳果個星期，我哋除咗唱K之外，仲會間中去食飯，仲試過四條友去行山。而不得不說既係，我覺葉佩儀既策略係幾成功，有朋友陪，每一日充斥住充實既活動，我又好、譚梓淇又好、鄭海欣都好，都可以打起精神黎。
冇錯…
有朋友陪…真係好…
*
「你唔駛休息下咩？尋晚我諗你起碼四、五點先瞓喇，聽日比賽喇喎。」
又回到現在時間，回憶令我諗起有朋友陪可以令到自己精神啲，所以港隊晨操之後，我去咗搵余正熙食午飯。
「覺咋嘛，幾時都有得瞓喇！」我笑嘻嘻道︰「但係同余大經理食午飯喎，唔係成日都有機會架！」
笑吖…笑吖…笑多啲，先至會令自己睇落開心啲！
笑吖…笑吖…笑多啲，先至會令自己心情好返啲！
「你食屎喇基佬！你搵我，我咪陪鳩柒你食囉！」條友仲係咁爛口。
「你係咪真係覺係基佬先？」我瞇埋眼望住余正熙。
識我咁耐，余正熙梗係知面皮成尺厚既我想玩啲咩，佢即刻投降︰「唔係、唔撚係。」
「嘿嘿…」
「你廿六歲人都仲係咁…」余正熙失笑道︰「成個白卡佬咁。」
「白卡佬唔好咩？」我哈哈一笑︰「真白卡係痴線既，乜都唔駛諗啊！」
如果我真係白卡，就唔會咁傷心…
如果我真係白卡，而家就唔需要朋友陪都唔會覺得難過…
「喂，嗌嘢食喇！我請！」余正熙遞咗個餐牌比我。
「嘩，咁益我啊？」我將隻手放響余正熙額頭上面，驚訝地問︰「你係咪燒壞腦？」
「屌你老母臭閪，咁你食唔撚食啊？」
「食！食！」
余正熙就算而家響公司做咗管理層，收入一定非常唔錯，但佢一樣係咁姑寒，今日竟然會主動請我食飯？唔係轉死性吓嘛？
不過…
我內心當然知道真正既原因。
余正熙係知道我雖然表面扮冇事，但實際上一定仲係唔開心，所以先會請我食飯，用佢既方式黎安慰我。
對視錢財如命根既余正熙黎講，呢樣嘢其實好難得，叫我點可以唔感動？
（待續）
必哥太細膽喇
其實…佢真係廢柴
四十二
「喂。」正當我叫到成枱嘢食，仲食得津津有味既時候，余正熙突然拍拍我既膊頭，指住遠處既一枱食客，道︰「你睇下果條撚樣，似唔似中學果陣果條濕鳩陳日朗？」
「陳日朗？」我抬頭望住余正熙手指指既果枱食客，有一個著住西裝、打扮得好事正既男人，向住另一個肥肥地，睇落似係佢個客既男人好落力推咁銷緊唔知係咪保險既嘢。我仔細端詳下果條友既樣，又的確似似地我以前中學既同學陳日朗。
「又幾似喎，」我笑嘻嘻道︰「佢而家做咗保險佬啊？」我向余正熙眨眨眼，躍躍欲試︰「不如我去整估吓佢？」
呃，驚大家唔知，呢條咁既陳日朗響中學既時候，可以話係我同余正熙既死對頭，仲試過出埋啲卑鄙既手段去追譚梓淇。而家去搞搞佢，等佢做唔成單生意，諗起都已經覺得幾過癮。
點知余正熙搖搖頭，道︰「算撚數喇，我哋食飯，唔好搞鳩人。以前中學既嘢，都咁撚耐之前咯，咪由鳩得佢過去囉，反正而家佢又冇阻我哋搵食。」
「唔…」估唔到呢句成熟既說話會出自余正熙把口，結咗婚有家庭既男人真係成熟穩重啲。
見到呢條仆街仔，又令我諗起啲往事。
「你記唔記得中二果陣條撚樣School Picnic既時候成隻恰熟狗頭咁對淇淇啊？」我笑問。
「哈哈，點會唔記得…」
「仲有啊，佢之後仲…」
「係囉…」
...
*
如果話余正熙係黃社既天皇巨星，咁陳日朗就係綠社相對既存在，兩個都係英俊瀟洒、體育出眾，各自係所屬社隊入面既主力。
不過兩個人當然有唔同喇，余正熙係黃社足球隊既支柱，甚至可以話係佢既一人球隊，就算唔識足球，都肯定睇得出余正熙既實力比起其他球員，至少贏十幾條街，而且響學校入面係人都知道，佢係香港足球代表隊青年軍既成員。而陳日朗就係打排球既，雖然都睇得出佢係勁過其他隊員，但都唔係勁好多，不過佢就除咗球類活動之外，仲有玩下田徑，同埋讀書成績都好出眾，比起余正熙熙，佢係更全面、更文武雙全。
但講到最唔同既地方，就係對佢哋兩個對住啲女fans既態度，余正熙永遠都係一副拒人於千里之外既態度，但係陳日朗基本上係來者不拒，隨住一路升班，佢開始變大哥哥、大師兄，佢既妹妹仔fans都越黎越多，加埋本身都有啲師姐幾冧佢，呢個陳日朗真係做到比女圍咁款。
雖然我同佢一樣係綠社，但係我覺得條友只係一個靚仔版既狗公，由一開始就已經唔係幾睇得順眼佢果種自以為係天皇巨星、萬人迷既感覺。
升咗上中二之後，我因為成績太差，所以分咗去2E班（A班係精英班，而E班係最差既班），同五人行其他成員都唔同班，不過就有我兩個綠社既好兄弟陪我。
唔記得佢哋個名？唔緊要，呢兩條粉腸存在感低吖嘛，佢哋係洪偉賢同孫興泰，而且佢哋同我一樣，都非常仇視陳日朗，覺得啲女好似比佢搶晒咁。
「妖，我上個星期想約Cat Cat出街，但佢話要同果個陳日朗去做乜嘢考察project喎！」響課室入面，孫興泰嬲爆爆咁講︰「都唔知係咪既，咁快有project！」
「咁人哋精英班，有多啲校外Project做都唔奇既。」我恥笑孫興泰︰「反而係你，估唔到你對果個Cat Cat有興趣喎！」
呢個Cat Cat個樣就唔靚架喇，普普通通，我覺得仲要係偏差，不過份人就好傾得，好易識朋友咁，同一般精英班入面既書蟲好唔同。
「妖，諗住媾件樣衰衰少少既女，冇咁難吖嘛！」
我點頭道︰「咁都啱既，你副尊容，都淨係適合Cat Cat呢啲女仔。」語氣好認真兼一本正經。
「吖你個仆街仔，你咪仲樣衰過我！」孫興泰指住我屌柒我。
「我呢啲係明星相。」我笑笑口道︰「有冇睇三五Ｏ群？我係阿必，你係阿雞！啱吖，你又係帶眼鏡！」
「妖，成日講埋啲廢話，就睇下你條友幾時媾返條女威比我哋睇！」孫興泰唔忿氣地道。
「超，我要女既話，啲女由旺角排到尖沙咀啊！」我拍晒心口道。
「食屎喇你。」孫興泰擺出一個張學Ｏ既表情出黎。
呢個時候響一邊聽緊我哋兩個鹹濕仔吹水既另一個鹹濕仔洪偉賢嘆咗口氣，道︰「不過如果陳日朗連Cat Cat呢啲質素既女都唔放過，我哋真係冇啖好食喇…」
我諗呢個都係好多男同學睇陳日朗唔順眼既原因之一，余正熙雖然靚仔同寸咀，但唔會主動媾女，對急於求偶既初中生黎講基本上冇傷害力，所以雖然佢冇咩朋友，但大家其實都唔係憎佢；而陳日朗就唔同，佢響男仔面前一啲都冇掩飾過對身邊女仔既興趣，對於送上門既女仔，係來者不拒。至於睇上眼既女仔？哈…
其實我冇同陳日朗同過班，唔知佢既為人係點，只係佢做既嘢真係令男同學覺得乞人憎。但有一樣嘢我諗可以肯定既，就係呢條友（同埋佢身邊啲朋友）對女仔應該好識做戲，亦都因為咁，連譚梓淇、葉佩儀都比佢呃到…
（待續）
「喂。」正當我叫到成枱嘢食，仲食得津津有味既時候，余正熙突然拍拍我既膊頭，指住遠處既一枱食客，道︰「你睇下果條撚樣，似唔似中學果陣果條濕鳩陳日朗？」
「陳日朗？」我抬頭望住余正熙手指指既果枱食客，有一個著住西裝、打扮得好事正既男人，向住另一個肥肥地，睇落似係佢個客既男人好落力推咁銷緊唔知係咪保險既嘢。我仔細端詳下果條友既樣，又的確似似地我以前中學既同學陳日朗。
「又幾似喎，」我笑嘻嘻道︰「佢而家做咗保險佬啊？」我向余正熙眨眨眼，躍躍欲試︰「不如我去整估吓佢？」
呃，驚大家唔知，呢條咁既陳日朗響中學既時候，可以話係我同余正熙既死對頭，仲試過出埋啲卑鄙既手段去追譚梓淇。而家去搞搞佢，等佢做唔成單生意，諗起都已經覺得幾過癮。
點知余正熙搖搖頭，道︰「算撚數喇，我哋食飯，唔好搞鳩人。以前中學既嘢，都咁撚耐之前咯，咪由鳩得佢過去囉，反正而家佢又冇阻我哋搵食。」
「唔…」估唔到呢句成熟既說話會出自余正熙把口，結咗婚有家庭既男人真係成熟穩重啲。
見到呢條仆街仔，又令我諗起啲往事。
「你記唔記得中二果陣條撚樣School Picnic既時候成隻恰熟狗頭咁對淇淇啊？」我笑問。
「哈哈，點會唔記得…」
「仲有啊，佢之後仲…」
「係囉…」
...
*
如果話余正熙係黃社既天皇巨星，咁陳日朗就係綠社相對既存在，兩個都係英俊瀟洒、體育出眾，各自係所屬社隊入面既主力。
不過兩個人當然有唔同喇，余正熙係黃社足球隊既支柱，甚至可以話係佢既一人球隊，就算唔識足球，都肯定睇得出余正熙既實力比起其他球員，至少贏十幾條街，而且響學校入面係人都知道，佢係香港足球代表隊青年軍既成員。而陳日朗就係打排球既，雖然都睇得出佢係勁過其他隊員，但都唔係勁好多，不過佢就除咗球類活動之外，仲有玩下田徑，同埋讀書成績都好出眾，比起余正熙熙，佢係更全面、更文武雙全。
但講到最唔同既地方，就係對佢哋兩個對住啲女fans既態度，余正熙永遠都係一副拒人於千里之外既態度，但係陳日朗基本上係來者不拒，隨住一路升班，佢開始變大哥哥、大師兄，佢既妹妹仔fans都越黎越多，加埋本身都有啲師姐幾冧佢，呢個陳日朗真係做到比女圍咁款。
雖然我同佢一樣係綠社，但係我覺得條友只係一個靚仔版既狗公，由一開始就已經唔係幾睇得順眼佢果種自以為係天皇巨星、萬人迷既感覺。
升咗上中二之後，我因為成績太差，所以分咗去2E班（A班係精英班，而E班係最差既班），同五人行其他成員都唔同班，不過就有我兩個綠社既好兄弟陪我。
唔記得佢哋個名？唔緊要，呢兩條粉腸存在感低吖嘛，佢哋係洪偉賢同孫興泰，而且佢哋同我一樣，都非常仇視陳日朗，覺得啲女好似比佢搶晒咁。
「妖，我上個星期想約Cat Cat出街，但佢話要同果個陳日朗去做乜嘢考察project喎！」響課室入面，孫興泰嬲爆爆咁講︰「都唔知係咪既，咁快有project！」
「咁人哋精英班，有多啲校外Project做都唔奇既。」我恥笑孫興泰︰「反而係你，估唔到你對果個Cat Cat有興趣喎！」
呢個Cat Cat個樣就唔靚架喇，普普通通，我覺得仲要係偏差，不過份人就好傾得，好易識朋友咁，同一般精英班入面既書蟲好唔同。
「妖，諗住媾件樣衰衰少少既女，冇咁難吖嘛！」
我點頭道︰「咁都啱既，你副尊容，都淨係適合Cat Cat呢啲女仔。」語氣好認真兼一本正經。
「吖你個仆街仔，你咪仲樣衰過我！」孫興泰指住我屌柒我。
「我呢啲係明星相。」我笑笑口道︰「有冇睇三五Ｏ群？我係阿必，你係阿雞！啱吖，你又係帶眼鏡！」
「妖，成日講埋啲廢話，就睇下你條友幾時媾返條女威比我哋睇！」孫興泰唔忿氣地道。
「超，我要女既話，啲女由旺角排到尖沙咀啊！」我拍晒心口道。
「食屎喇你。」孫興泰擺出一個張學Ｏ既表情出黎。
呢個時候響一邊聽緊我哋兩個鹹濕仔吹水既另一個鹹濕仔洪偉賢嘆咗口氣，道︰「不過如果陳日朗連Cat Cat呢啲質素既女都唔放過，我哋真係冇啖好食喇…」
我諗呢個都係好多男同學睇陳日朗唔順眼既原因之一，余正熙雖然靚仔同寸咀，但唔會主動媾女，對急於求偶既初中生黎講基本上冇傷害力，所以雖然佢冇咩朋友，但大家其實都唔係憎佢；而陳日朗就唔同，佢響男仔面前一啲都冇掩飾過對身邊女仔既興趣，對於送上門既女仔，係來者不拒。至於睇上眼既女仔？哈…
其實我冇同陳日朗同過班，唔知佢既為人係點，只係佢做既嘢真係令男同學覺得乞人憎。但有一樣嘢我諗可以肯定既，就係呢條友（同埋佢身邊啲朋友）對女仔應該好識做戲，亦都因為咁，連譚梓淇、葉佩儀都比佢呃到…
（待續）
但佢真係好撚好笑
連八婆儀都呃到，佢係有啲料到
所以呢條友真係唔抵幫
後尾呃唔到了
四十三
陳日朗讀書成績好好，所以佢中二既時候係讀精英班既。
而譚梓淇同葉佩儀兩個響中學既時候一樣係讀書好叻，所以升中二既時候理所當然地就係升讀咗精英班，而譚梓淇既外貌可以話係全級之最，所以陳日朗會把握同班呢個機會埋佢身並唔出奇。
呢個時候既我，雖然已經對成功追到譚梓淇呢件事死心，甘心輸比余正熙，但唔代表我會認同其他人追求譚梓淇，更加唔好話果條友係男同學既眼中釘陳日朗，佢除咗有兩、三個男仔朋友之外，就全部都係女性既朋友，真係令人睇到眼火爆。
絕對唔係葡萄！絕對唔係！
不過我有啲估唔到既，係譚梓淇同葉佩儀升咗上2A班之後，似乎都同呢個仆街陳日朗friend咗…雖然我哋依然係好多時候五人行一齊玩，但偶爾我哋都會同我哋各自響班上面新識既朋友出吓去食lunch、玩，我就同洪偉賢同埋孫興泰仲有其他戇鳩鹹濕仔一齊，而葉佩儀同埋譚梓淇，竟然唔知點解會痴咗埋陳日朗度。
嘖，一定係條陳日朗出蠱惑。
*
「喂，妳覺唔覺得陳日朗好花fit，成日都周圍撩女仔？」有一日放學既時候，我問葉佩儀。
葉佩儀向我露出一個鄙視既眼神，反問︰「你係唔抵得人靚仔咋吓嘛？」
我拍下心口，道︰「我要女朋友既話，啲女由旺角排到尖沙咀等我慢慢揀啊！」
葉佩儀反一反白眼，道︰「係啊係啊，你好多女朋友喇，不過你都係唔抵得人哋靚仔。」
我指一指自己，再指指前面同譚梓淇一齊行緊既余正熙︰「要唔抵得，我都唔抵得球星先喇，吓嘛？」然後又道︰「總之我就係睇唔順眼呢個陳日朗成日媾女喇！」
「人哋陳日朗先冇你哋諗得咁衰啊！朋友唔係男就係女架喇，況且我又唔覺得佢係成日媾女喎！」葉佩儀道︰「人哋對女仔好有紳士風度架，好似你咁淨係識激嬲人咩！」
「妳指我對妳咋吓嘛？」我無奈地道︰「咁妳唔係女仔黎吖嘛…」
「你又講！去死喇！」
題外話，呢個時候係中二啱啱開始，所以陳日朗仍然保持住一個紳士兼君子既形象，而升咗上中三之後，陳日朗先至原形畢露，變得好主動甚至去到一個地步係唔理人哋點睇佢咁周圍食女，甚至去到一個程度係有傳言佢係一隻播種馬。
*
由於我同葉佩儀、譚梓淇唔同班，除咗有時離遠見到陳日朗同佢哋傾計，細聲講大聲笑之外，都睇唔到佢哋實際上係點相處既，淨係知道佢哋friend咗咋。
不過，直至去到我上集同余正熙提過既School Picnic時就親眼見到陳日朗係點樣扮晒紳士咁獻殷勤。
話說中二果年我哋全級去咗一個沙灘玩，我哋五人行已經唔同班，所以學校旅行響自由活動之前，都要同返自己班既人響埋一齊。
余正熙同鄭海欣兩個都係讀2C班，但佢哋兩個一個惡形惡相一啲都唔友善，一個就自閉隱形成個忍者咁，所以響班上面都係識唔到新朋友，理所當然地兩個痴埋一齊，但係又兩個都唔講嘢。
就呢樣嘢黎講，其實佢哋都幾合襯。
我就唔駛問係同洪偉賢仲有孫興泰佢哋一班鹹濕仔一齊，而葉佩儀同譚梓淇竟然同陳日朗玩得幾埋，我離遠仲見到佢哋拎住一袋二袋準備燒嘢食，陳日朗扮晒紳士咁拎住好多嘢，兩個女仔想幫手但佢都唔比。
嘖，真係識扮嘢。
好彩好快就到咗自由時間，我一支箭咁標咗去譚梓淇同埋葉佩儀果邊，慎防佢哋比陳日朗呢隻披住羊皮既狼擔咗去。
其實我哋五人行一早就講定如果到自由時間既話，就會睇下有冇機會一齊玩，只係我估唔到陳日朗都會響其中啫。
而且…我都唔知會一齊BBQ喎。
「阿必，你唔係話同我哋一齊買飯盒食架咩？」
「約咗人，係咁先～」同你班痴線鹹濕佬食飯盒，我不如去搵返葉佩儀佢哋仲好。
「阿必你過黎就啱嘞！」葉佩儀指住陳日朗手上面拎住既食物、炭同燒烤叉︰「你黎幫阿朗拎咁啲！」
「妳都痴孖筋！我點解要拎啊？」幫邊個都得，但幫陳日朗呢個男性公敵，就萬萬唔得！
「咁你一陣間唔好食！」葉佩儀道︰「我哋一陣燒嘢食啊！」
「燒嘢食？」我問︰「同佢？」我指一指陳日朗。
咩事啊？點解我唔知既？
呢個時候譚梓淇出聲，道︰「係啊…我哋啱啱諗住打比你同埋欣欣，去附近搵個燒烤爐燒嘢食。我哋都係臨時興起要燒嘢食，所以都冇話到比你哋聽。」
我望一望陳日朗手上面拎住一袋二袋，都幾難想像真係臨時興起要燒嘢食…
但冇理由尋日譚梓淇同埋葉佩儀都冇同我提過要燒嘢食架？唯一可以解釋到既，就係陳日朗自己買齊晒嘢，然後逼班女一齊燒…
不過…黎沙灘燒嘢食，又好似係一件好理所當然既事，除咗我班戇鳩friends話要飯盒之外，其實都好多同學已經霸咗個爐黎燒…
（待續）
陳日朗讀書成績好好，所以佢中二既時候係讀精英班既。
而譚梓淇同葉佩儀兩個響中學既時候一樣係讀書好叻，所以升中二既時候理所當然地就係升讀咗精英班，而譚梓淇既外貌可以話係全級之最，所以陳日朗會把握同班呢個機會埋佢身並唔出奇。
呢個時候既我，雖然已經對成功追到譚梓淇呢件事死心，甘心輸比余正熙，但唔代表我會認同其他人追求譚梓淇，更加唔好話果條友係男同學既眼中釘陳日朗，佢除咗有兩、三個男仔朋友之外，就全部都係女性既朋友，真係令人睇到眼火爆。
絕對唔係葡萄！絕對唔係！
不過我有啲估唔到既，係譚梓淇同葉佩儀升咗上2A班之後，似乎都同呢個仆街陳日朗friend咗…雖然我哋依然係好多時候五人行一齊玩，但偶爾我哋都會同我哋各自響班上面新識既朋友出吓去食lunch、玩，我就同洪偉賢同埋孫興泰仲有其他戇鳩鹹濕仔一齊，而葉佩儀同埋譚梓淇，竟然唔知點解會痴咗埋陳日朗度。
嘖，一定係條陳日朗出蠱惑。
*
「喂，妳覺唔覺得陳日朗好花fit，成日都周圍撩女仔？」有一日放學既時候，我問葉佩儀。
葉佩儀向我露出一個鄙視既眼神，反問︰「你係唔抵得人靚仔咋吓嘛？」
我拍下心口，道︰「我要女朋友既話，啲女由旺角排到尖沙咀等我慢慢揀啊！」
葉佩儀反一反白眼，道︰「係啊係啊，你好多女朋友喇，不過你都係唔抵得人哋靚仔。」
我指一指自己，再指指前面同譚梓淇一齊行緊既余正熙︰「要唔抵得，我都唔抵得球星先喇，吓嘛？」然後又道︰「總之我就係睇唔順眼呢個陳日朗成日媾女喇！」
「人哋陳日朗先冇你哋諗得咁衰啊！朋友唔係男就係女架喇，況且我又唔覺得佢係成日媾女喎！」葉佩儀道︰「人哋對女仔好有紳士風度架，好似你咁淨係識激嬲人咩！」
「妳指我對妳咋吓嘛？」我無奈地道︰「咁妳唔係女仔黎吖嘛…」
「你又講！去死喇！」
題外話，呢個時候係中二啱啱開始，所以陳日朗仍然保持住一個紳士兼君子既形象，而升咗上中三之後，陳日朗先至原形畢露，變得好主動甚至去到一個地步係唔理人哋點睇佢咁周圍食女，甚至去到一個程度係有傳言佢係一隻播種馬。
*
由於我同葉佩儀、譚梓淇唔同班，除咗有時離遠見到陳日朗同佢哋傾計，細聲講大聲笑之外，都睇唔到佢哋實際上係點相處既，淨係知道佢哋friend咗咋。
不過，直至去到我上集同余正熙提過既School Picnic時就親眼見到陳日朗係點樣扮晒紳士咁獻殷勤。
話說中二果年我哋全級去咗一個沙灘玩，我哋五人行已經唔同班，所以學校旅行響自由活動之前，都要同返自己班既人響埋一齊。
余正熙同鄭海欣兩個都係讀2C班，但佢哋兩個一個惡形惡相一啲都唔友善，一個就自閉隱形成個忍者咁，所以響班上面都係識唔到新朋友，理所當然地兩個痴埋一齊，但係又兩個都唔講嘢。
就呢樣嘢黎講，其實佢哋都幾合襯。
我就唔駛問係同洪偉賢仲有孫興泰佢哋一班鹹濕仔一齊，而葉佩儀同譚梓淇竟然同陳日朗玩得幾埋，我離遠仲見到佢哋拎住一袋二袋準備燒嘢食，陳日朗扮晒紳士咁拎住好多嘢，兩個女仔想幫手但佢都唔比。
嘖，真係識扮嘢。
好彩好快就到咗自由時間，我一支箭咁標咗去譚梓淇同埋葉佩儀果邊，慎防佢哋比陳日朗呢隻披住羊皮既狼擔咗去。
其實我哋五人行一早就講定如果到自由時間既話，就會睇下有冇機會一齊玩，只係我估唔到陳日朗都會響其中啫。
而且…我都唔知會一齊BBQ喎。
「阿必，你唔係話同我哋一齊買飯盒食架咩？」
「約咗人，係咁先～」同你班痴線鹹濕佬食飯盒，我不如去搵返葉佩儀佢哋仲好。
「阿必你過黎就啱嘞！」葉佩儀指住陳日朗手上面拎住既食物、炭同燒烤叉︰「你黎幫阿朗拎咁啲！」
「妳都痴孖筋！我點解要拎啊？」幫邊個都得，但幫陳日朗呢個男性公敵，就萬萬唔得！
「咁你一陣間唔好食！」葉佩儀道︰「我哋一陣燒嘢食啊！」
「燒嘢食？」我問︰「同佢？」我指一指陳日朗。
咩事啊？點解我唔知既？
呢個時候譚梓淇出聲，道︰「係啊…我哋啱啱諗住打比你同埋欣欣，去附近搵個燒烤爐燒嘢食。我哋都係臨時興起要燒嘢食，所以都冇話到比你哋聽。」
我望一望陳日朗手上面拎住一袋二袋，都幾難想像真係臨時興起要燒嘢食…
但冇理由尋日譚梓淇同埋葉佩儀都冇同我提過要燒嘢食架？唯一可以解釋到既，就係陳日朗自己買齊晒嘢，然後逼班女一齊燒…
不過…黎沙灘燒嘢食，又好似係一件好理所當然既事，除咗我班戇鳩friends話要飯盒之外，其實都好多同學已經霸咗個爐黎燒…
（待續）
條仆街咁識玩,焗人一齊燒嘢食