《我鍾意同妳鬥氣，其實只係因為…》
葉開葉開
282 回覆
82 Like
6 Dislike
多謝支持
三十六
不過無論余正熙背後有咩原因都好，佢最尾都決定咗為自己既未來而努力，下咗決心去日本進行為期一個星期既試訓。
試訓，當然唔一定成功喇，但係我對呢個好兄弟好有信心，我哋對過日本青年軍兩次，而呢兩次我相信都好足夠令到班日本仔留下深刻印象。
雖然只係暑假去一個星期日本試腳，但係我哋五人行（我、余正熙、譚梓淇、葉佩儀同鄭海欣）呢個小團體都有幫佢餞行，我哋去咗Pizz○ Hu○食飯，不過席間大家好似唔算幾開心（除咗葉佩儀），可能大家都知道余正熙既實力究竟如何，呢行試腳如無意外都一定會成功，所以大家都流露出依依不捨既神情。
唉，去日本咋嘛，咁近，我諗余正熙應該每年既暑假都會返黎啩，唔駛死晒老豆老母咁既款既，於是呢個時候我又發揮不要臉既本色，響度做棟督笑咁搞下氣氛，先令到呢餐飯局升溫返少少。
「不如去食糖水！食完之後球星就順風順水！」食完晚餐之後我提議，始終余正熙試腳成功既話，我哋同佢見面既次數只會越黎越少，今晚趁住farewell佢，不如就玩夜少少。
「好啊。」雖然心情好返少少，但譚梓淇睇落都唔係幾開心。
我哋埋完單行出餐廳門口既時候，葉佩儀走埋黎我身邊，細細聲講︰「我哋同欣欣行前少少，等淇淇同余正熙兩個二人世界一陣喇。」
呢個時候，余正熙同埋譚梓淇仲未拍拖，都仲係處於曖昧既時期。諗諗下，其實佢哋曖昧咗都差唔多成三年，不過唔知係咪兩個都怕醜臉皮薄，所以作為朋友既果一層隔膜始終都未打破到。
我果年升中四，對譚梓淇既愛慕其實響不知不覺間已經減少咗好多，如果佢可以同余正熙一齊既話，我都會好替佢兩個高興，所以當然欣然咁答應葉佩儀既要求，於是我哋三個就特登行快兩步，由得余正熙同譚梓淇兩個響後面二人世界漫步人生路，最多得閒向後望兩眼，睇下會唔會行得太快，離得佢哋太遠。
鄭海欣繼續好似平常咁唔出聲行響我哋隔離，葉佩儀就同我有一句冇一句咁傾計。
「喂，其實你咪唔開心啊？」葉佩儀突然問。
我呆咗一呆，指一指自己，問︰「我？邊有啊？」
「你有。」葉佩儀一本正經地道︰「I know you so well。」
嘖嘖嘖，果陣真係仲後生、仲細個，掩飾唔晒自己面上既表情，仲未係一個「專業」既演員。
當然，果陣葉佩儀未拍拖，其實我都仲未有必要做演員住。
葉佩儀講得冇錯，就好似上一集所講，其實我好羨慕余正熙，自己都好想有機會去日本試腳。
如果唔係果陣衰自己戇鳩被罰內部停賽，可以響東亞少盃決賽週全數出場比賽既話，話唔定我都有機會比班日本仔睇中…
我當下就係為咗呢件事好後悔。
不過果陣我唔知道，往後仲會有一啲令我十倍、百倍後悔既事等緊我…
「扮咩了解我吖。」
葉佩儀好似好慣性咁大大力拍咗我一下手臂，問︰「咁係咪吖？」
「咁我唔捨得球星吖嘛，梗係有少少唔開心架喇。」我道︰「啱啱成枱人得妳一個冇唔開心咋嘛！唉，朋友要走妳都冇所謂咁，冇人性架妳！」
葉佩儀一拳打埋黎。
「嘩，講中咗啫，都唔駛咁大力打人架？妳個暴力女！」我手指指咁指住葉佩儀。
葉佩儀一指咁撥開我隻手指，道︰「喂，我先旨聲明先啊，係你哋當余正熙係朋友，對我黎講，佢從來都唔係我既朋友黎架！」
關於呢點我當然知道，佢哋兩個先係真正水火不容既存在，就算係五人行呢個小圈子，我都唔覺葉佩儀同余正熙有試過二人談話，佢哋兩個真係發嬲互屌就試過。
唔係因為我同譚梓淇，葉佩儀或者余正熙一定唔會共同存在響呢一個圈子入面。
「算算算…」我決定唔再糾纏。
「你真係淨係因為余正熙要走所以唔開心？」葉佩儀又問。
「係啊，煩！」
「咁你自己都識講喇，佢會返黎架嘛，有咩好唔開心？」葉佩儀咁樣算係開解我？「況且你同佢唔係一樣要代表香港架咩？見面既機會比起我哋仲多喇。」
「係係係…其實我冇唔開心，妳睇，我仲笑得好開心添。」我向葉佩儀露出個咧嘴大笑。
「係朋友既，去到邊都仲會係朋友既。」
「係係係…其實我冇唔開心，妳睇，我仲笑得好開心添。」我保持住果個戇鳩既笑容，再向葉佩儀講多一次。
「喂，我同你講正經啊！」
「係係係…其實我冇唔開心，妳睇，我仲笑得好開心添。」
「林必才！」
「係係係…其實我冇唔開心，妳睇，我仲笑得好開心添。」
「你傻咗啊？」
「係係係…其實我冇唔開心，妳睇，我仲笑得好開心添。」
其實…我真係冇唔開心。
我諗，我有既係唔甘心。
（待續）
不過無論余正熙背後有咩原因都好，佢最尾都決定咗為自己既未來而努力，下咗決心去日本進行為期一個星期既試訓。
試訓，當然唔一定成功喇，但係我對呢個好兄弟好有信心，我哋對過日本青年軍兩次，而呢兩次我相信都好足夠令到班日本仔留下深刻印象。
雖然只係暑假去一個星期日本試腳，但係我哋五人行（我、余正熙、譚梓淇、葉佩儀同鄭海欣）呢個小團體都有幫佢餞行，我哋去咗Pizz○ Hu○食飯，不過席間大家好似唔算幾開心（除咗葉佩儀），可能大家都知道余正熙既實力究竟如何，呢行試腳如無意外都一定會成功，所以大家都流露出依依不捨既神情。
唉，去日本咋嘛，咁近，我諗余正熙應該每年既暑假都會返黎啩，唔駛死晒老豆老母咁既款既，於是呢個時候我又發揮不要臉既本色，響度做棟督笑咁搞下氣氛，先令到呢餐飯局升溫返少少。
「不如去食糖水！食完之後球星就順風順水！」食完晚餐之後我提議，始終余正熙試腳成功既話，我哋同佢見面既次數只會越黎越少，今晚趁住farewell佢，不如就玩夜少少。
「好啊。」雖然心情好返少少，但譚梓淇睇落都唔係幾開心。
我哋埋完單行出餐廳門口既時候，葉佩儀走埋黎我身邊，細細聲講︰「我哋同欣欣行前少少，等淇淇同余正熙兩個二人世界一陣喇。」
呢個時候，余正熙同埋譚梓淇仲未拍拖，都仲係處於曖昧既時期。諗諗下，其實佢哋曖昧咗都差唔多成三年，不過唔知係咪兩個都怕醜臉皮薄，所以作為朋友既果一層隔膜始終都未打破到。
我果年升中四，對譚梓淇既愛慕其實響不知不覺間已經減少咗好多，如果佢可以同余正熙一齊既話，我都會好替佢兩個高興，所以當然欣然咁答應葉佩儀既要求，於是我哋三個就特登行快兩步，由得余正熙同譚梓淇兩個響後面二人世界漫步人生路，最多得閒向後望兩眼，睇下會唔會行得太快，離得佢哋太遠。
鄭海欣繼續好似平常咁唔出聲行響我哋隔離，葉佩儀就同我有一句冇一句咁傾計。
「喂，其實你咪唔開心啊？」葉佩儀突然問。
我呆咗一呆，指一指自己，問︰「我？邊有啊？」
「你有。」葉佩儀一本正經地道︰「I know you so well。」
嘖嘖嘖，果陣真係仲後生、仲細個，掩飾唔晒自己面上既表情，仲未係一個「專業」既演員。
當然，果陣葉佩儀未拍拖，其實我都仲未有必要做演員住。
葉佩儀講得冇錯，就好似上一集所講，其實我好羨慕余正熙，自己都好想有機會去日本試腳。
如果唔係果陣衰自己戇鳩被罰內部停賽，可以響東亞少盃決賽週全數出場比賽既話，話唔定我都有機會比班日本仔睇中…
我當下就係為咗呢件事好後悔。
不過果陣我唔知道，往後仲會有一啲令我十倍、百倍後悔既事等緊我…
「扮咩了解我吖。」
葉佩儀好似好慣性咁大大力拍咗我一下手臂，問︰「咁係咪吖？」
「咁我唔捨得球星吖嘛，梗係有少少唔開心架喇。」我道︰「啱啱成枱人得妳一個冇唔開心咋嘛！唉，朋友要走妳都冇所謂咁，冇人性架妳！」
葉佩儀一拳打埋黎。
「嘩，講中咗啫，都唔駛咁大力打人架？妳個暴力女！」我手指指咁指住葉佩儀。
葉佩儀一指咁撥開我隻手指，道︰「喂，我先旨聲明先啊，係你哋當余正熙係朋友，對我黎講，佢從來都唔係我既朋友黎架！」
關於呢點我當然知道，佢哋兩個先係真正水火不容既存在，就算係五人行呢個小圈子，我都唔覺葉佩儀同余正熙有試過二人談話，佢哋兩個真係發嬲互屌就試過。
唔係因為我同譚梓淇，葉佩儀或者余正熙一定唔會共同存在響呢一個圈子入面。
「算算算…」我決定唔再糾纏。
「你真係淨係因為余正熙要走所以唔開心？」葉佩儀又問。
「係啊，煩！」
「咁你自己都識講喇，佢會返黎架嘛，有咩好唔開心？」葉佩儀咁樣算係開解我？「況且你同佢唔係一樣要代表香港架咩？見面既機會比起我哋仲多喇。」
「係係係…其實我冇唔開心，妳睇，我仲笑得好開心添。」我向葉佩儀露出個咧嘴大笑。
「係朋友既，去到邊都仲會係朋友既。」
「係係係…其實我冇唔開心，妳睇，我仲笑得好開心添。」我保持住果個戇鳩既笑容，再向葉佩儀講多一次。
「喂，我同你講正經啊！」
「係係係…其實我冇唔開心，妳睇，我仲笑得好開心添。」
「林必才！」
「係係係…其實我冇唔開心，妳睇，我仲笑得好開心添。」
「你傻咗啊？」
「係係係…其實我冇唔開心，妳睇，我仲笑得好開心添。」
其實…我真係冇唔開心。
我諗，我有既係唔甘心。
（待續）
Miss故咪即係冰故
必哥真係好過癮
我覺得都算係架，雖然佢唔係第一主角，但係第一女主角
三十七
余正熙起程去日本試腳既果一日我哋梗係有去送機喇。
除咗五人行之外，仲有我哋響青年軍比較friend既隊友、余正熙既契家姐佢哋都有黎。
其實要入到機場，葉佩儀係唔想黎架，畢竟佢同余正熙又唔係真係咁friend，不過可能係因為佢都知道譚梓淇唔捨得余正熙，所以都想陪下呢個好姐妹，等佢心情冇咁難受啩。
我唔知其他黎送行既隊友係點睇，但係我望住余正熙既背影，心情真係有啲…複雜。
唔好誤會，我真係一啲都冇妒忌過余正熙，我係真心替佢有得向外發展而高興。我果份複雜既心情，係緣於心入面果種不甘，我覺得如果當日既東亞少盃決賽週，我唔係因為紀律問題而比劉sir內部禁賽，我覺得自己可能都會有個機會去試腳。
或者咁講會好啲︰而家我係連有一個舞台去表現出自己有幾勁黎比人睇既機會都冇，最慘係本來我係有呢個機會（當時唔係停賽既話，我可以話係港青既必然正選），但就因為自己既戇鳩，而令呢個機會白白溜走。
唔係話自己一定得，但如果有個咁既機會，我一定會盡力表現，咁樣就算最後唔得，我都真係無憾。
唉。
余正熙、陳sir（負責陪余正熙）同埋日本既球探加藤鷹先生入咗禁區之後，我哋黎送行既呢班人都散band了。（OKOK，加藤鷹先生個鷹字其實係我自己加既，哈哈）
我同青年軍啲隊友走，而譚梓淇、葉佩儀同埋鄭海欣就三個自己走。
「我哋去打機啊，你去唔去？」青年軍隊友賈加華問。
「唔去喇，我約咗人。」
「咦，機都唔打？約咗邊個啊？」賈加華笑住問︰「女啊？」
我扮作細心思考，然後點頭道︰「冇錯，今日應該係輪到讀3B果個女同學Eva，佢排隊等同我出街拍拖排咗都幾個月，終於都比佢等到，佢話我知佢好緊張好興奮，興奮到濕晒。」
「屌，佢見到你個樣成碌鳩咁梗係濕撚晒喇。」賈加華呢句擺明寸鳩我。
「係啊，所以我一陣就屌到佢生BB！」我拍心口道。
「妖你食撚屎喇！」賈加華笑罵︰「萬年處男！」
我自豪地道︰「錯嘞，如果我要屌女，啲女排到去尖沙咀都排住隊等比我屌，就好似一陣個Eva咁！」
「含撚喇你，拖都未拍過！」賈加華笑罵。
「錯嘞，如果我要拍拖，啲女排到去尖沙咀都排住隊等住媾我，就好似一陣個Eva咁！」
「你老味…」賈加華向我舉中指，道︰「咁我哋去打機先喇。」
「唔好吸毒啊！」
「屌你九唔撚搭八…」賈加華笑笑口咁屌我，再同我道別，然後同其餘幾個青年軍隊友一齊離去。
至於我？
係咪真係走去搵果個乜嘢Eva？
Eva係邊個黎啊？我豬UP咋嘛，哈哈。
咁我究竟有乜嘢做？
其實我心入面真係好唔甘心，我想做職業球員，好想做，好想學余正熙咁外流去增強自己實力，好想響萬人空巷既球場入面代表住香港隊展現出外流返黎既成果。
所以，我自己一條友去咗屋邨球場，搵班騎呢大叔一齊踢波，將心入面果種不甘既情緒，透過踢波發洩晒出黎。
佢哋真係可以話係「足球痴漢」，仲癲過啲職業球員，日日風雨不改都黎呢度踢波。
我試過笑笑口咁問過佢哋，問佢哋係咪拎綜援唔駛撈所以日日都咁得閒走落黎呢個球場踢波，佢哋笑住咁屌鳩我，然後話比我知，佢哋專做啲工業樓、商廈裝修，反而係凌晨先開工，收工就返屋企恰幾個鐘然後先黎踢波。
佢哋咁玩命法，會唔會好快死架？
「必仔，你今日好似特別落力咁喎。」響休息既時候，文叔走埋黎我身邊坐低。
我裝模作樣咁深思起黎，道︰「冇理由架喎，我都冇出力踢過，唔通係我進步得太快，所以周圍既嘢睇起黎慢晒？」
好似頭文字Ｏ咁。
「你係咪想踢埋熙仔果份啊？」文叔笑問。
「佢？佢叻過我好多喇！」我不自禁咁露出個自嘲既笑容道︰「日本喎，我都想去。」
「唔好心急，佢既技術、射術係好過你，」文叔指指自己太陽穴個位，道︰「但你踢波係食腦，講足球慧根，你好過熙仔。」
我沉默起黎，本身想諗啲九唔搭八既藉口推塘過去，但聽到文叔咁講，我一時之間竟然諗唔到講咩好。
「我想講既係，我睇好你哋兩個架！」文叔笑道︰「下個到你架喇！打起精神喇」
…
如果…如果…有個合適既舞台比我表演既話…可能今次可以成行既，就唔止一個人，而係兩個人。
「唏！我不知幾精神，你知唔知我有個外號，叫做精神之鬼！」我感覺自己就快比文叔睇穿，所以唔可以再發吽哣，即時胡說八道起黎。
「哈哈，必仔，我食鹽多過你食米啊！」文叔企返起身拍拍我膊頭，道︰「得架喇，你比心機，外流既機會一定會再黎既！」
「屌，外流？小事喇…世界盃冠軍啊我諗住拎！」
「得喇，我落返去猜幾腳波先喇，你去搵你個朋友仔喇！」文叔笑道。
「朋友仔…？」
「你個女朋友仔啊！」文叔用頭向我身後一指。
我轉過頭去望，葉佩儀唔知由幾時，已經企咗響我後兩行既觀眾席通道上面。
（待續）
余正熙起程去日本試腳既果一日我哋梗係有去送機喇。
除咗五人行之外，仲有我哋響青年軍比較friend既隊友、余正熙既契家姐佢哋都有黎。
其實要入到機場，葉佩儀係唔想黎架，畢竟佢同余正熙又唔係真係咁friend，不過可能係因為佢都知道譚梓淇唔捨得余正熙，所以都想陪下呢個好姐妹，等佢心情冇咁難受啩。
我唔知其他黎送行既隊友係點睇，但係我望住余正熙既背影，心情真係有啲…複雜。
唔好誤會，我真係一啲都冇妒忌過余正熙，我係真心替佢有得向外發展而高興。我果份複雜既心情，係緣於心入面果種不甘，我覺得如果當日既東亞少盃決賽週，我唔係因為紀律問題而比劉sir內部禁賽，我覺得自己可能都會有個機會去試腳。
或者咁講會好啲︰而家我係連有一個舞台去表現出自己有幾勁黎比人睇既機會都冇，最慘係本來我係有呢個機會（當時唔係停賽既話，我可以話係港青既必然正選），但就因為自己既戇鳩，而令呢個機會白白溜走。
唔係話自己一定得，但如果有個咁既機會，我一定會盡力表現，咁樣就算最後唔得，我都真係無憾。
唉。
余正熙、陳sir（負責陪余正熙）同埋日本既球探加藤鷹先生入咗禁區之後，我哋黎送行既呢班人都散band了。（OKOK，加藤鷹先生個鷹字其實係我自己加既，哈哈）
我同青年軍啲隊友走，而譚梓淇、葉佩儀同埋鄭海欣就三個自己走。
「我哋去打機啊，你去唔去？」青年軍隊友賈加華問。
「唔去喇，我約咗人。」
「咦，機都唔打？約咗邊個啊？」賈加華笑住問︰「女啊？」
我扮作細心思考，然後點頭道︰「冇錯，今日應該係輪到讀3B果個女同學Eva，佢排隊等同我出街拍拖排咗都幾個月，終於都比佢等到，佢話我知佢好緊張好興奮，興奮到濕晒。」
「屌，佢見到你個樣成碌鳩咁梗係濕撚晒喇。」賈加華呢句擺明寸鳩我。
「係啊，所以我一陣就屌到佢生BB！」我拍心口道。
「妖你食撚屎喇！」賈加華笑罵︰「萬年處男！」
我自豪地道︰「錯嘞，如果我要屌女，啲女排到去尖沙咀都排住隊等比我屌，就好似一陣個Eva咁！」
「含撚喇你，拖都未拍過！」賈加華笑罵。
「錯嘞，如果我要拍拖，啲女排到去尖沙咀都排住隊等住媾我，就好似一陣個Eva咁！」
「你老味…」賈加華向我舉中指，道︰「咁我哋去打機先喇。」
「唔好吸毒啊！」
「屌你九唔撚搭八…」賈加華笑笑口咁屌我，再同我道別，然後同其餘幾個青年軍隊友一齊離去。
至於我？
係咪真係走去搵果個乜嘢Eva？
Eva係邊個黎啊？我豬UP咋嘛，哈哈。
咁我究竟有乜嘢做？
其實我心入面真係好唔甘心，我想做職業球員，好想做，好想學余正熙咁外流去增強自己實力，好想響萬人空巷既球場入面代表住香港隊展現出外流返黎既成果。
所以，我自己一條友去咗屋邨球場，搵班騎呢大叔一齊踢波，將心入面果種不甘既情緒，透過踢波發洩晒出黎。
佢哋真係可以話係「足球痴漢」，仲癲過啲職業球員，日日風雨不改都黎呢度踢波。
我試過笑笑口咁問過佢哋，問佢哋係咪拎綜援唔駛撈所以日日都咁得閒走落黎呢個球場踢波，佢哋笑住咁屌鳩我，然後話比我知，佢哋專做啲工業樓、商廈裝修，反而係凌晨先開工，收工就返屋企恰幾個鐘然後先黎踢波。
佢哋咁玩命法，會唔會好快死架？
「必仔，你今日好似特別落力咁喎。」響休息既時候，文叔走埋黎我身邊坐低。
我裝模作樣咁深思起黎，道︰「冇理由架喎，我都冇出力踢過，唔通係我進步得太快，所以周圍既嘢睇起黎慢晒？」
好似頭文字Ｏ咁。
「你係咪想踢埋熙仔果份啊？」文叔笑問。
「佢？佢叻過我好多喇！」我不自禁咁露出個自嘲既笑容道︰「日本喎，我都想去。」
「唔好心急，佢既技術、射術係好過你，」文叔指指自己太陽穴個位，道︰「但你踢波係食腦，講足球慧根，你好過熙仔。」
我沉默起黎，本身想諗啲九唔搭八既藉口推塘過去，但聽到文叔咁講，我一時之間竟然諗唔到講咩好。
「我想講既係，我睇好你哋兩個架！」文叔笑道︰「下個到你架喇！打起精神喇」
…
如果…如果…有個合適既舞台比我表演既話…可能今次可以成行既，就唔止一個人，而係兩個人。
「唏！我不知幾精神，你知唔知我有個外號，叫做精神之鬼！」我感覺自己就快比文叔睇穿，所以唔可以再發吽哣，即時胡說八道起黎。
「哈哈，必仔，我食鹽多過你食米啊！」文叔企返起身拍拍我膊頭，道︰「得架喇，你比心機，外流既機會一定會再黎既！」
「屌，外流？小事喇…世界盃冠軍啊我諗住拎！」
「得喇，我落返去猜幾腳波先喇，你去搵你個朋友仔喇！」文叔笑道。
「朋友仔…？」
「你個女朋友仔啊！」文叔用頭向我身後一指。
我轉過頭去望，葉佩儀唔知由幾時，已經企咗響我後兩行既觀眾席通道上面。
（待續）
八婆儀應該真係好鍾意呀必
阿必都好鍾意八婆儀
三十八
「嘩，妳嚇死人咩？」我向葉佩儀誇張咁扮個比人嚇死既表情，道︰「做咩無端端黎球場啊？」我周圍望一望，又問︰「淇淇呢？」
葉佩儀間中都有黎呢個球場睇我哋踢波，但更正確黎講，佢係陪譚梓淇黎呢度睇余正熙踢波，佢只係順便搭單黎望幾眼既啫。
葉佩儀跨過觀眾席啲石級走到埋我旁邊坐低，道︰「佢同欣欣都返咗屋企喇。」
「佢仲有冇咁唔開心啊？」我問。
即使果陣我仲自認對譚梓淇有愛情，但無可否認已經淡咗好多，但作為朋友，我都仲係好關心佢，唔想佢唔開心。
葉佩儀答︰「都係咁喇，實會有唔開心既，始終鍾意果個男仔要走喇喎。」
其實試訓係未開始既，但係我哋識余正熙既人入面，冇一個認為佢係失敗而回。
就連唔識足球既葉佩儀同埋譚梓淇都係咁諗。
只要睇過佢踢波，就會清楚佢踢波既時候散發出既果種感染力。
佢就係咁好波。
「走咗咪幾好，唔駛響度督眼督鼻。」葉佩續道。佢真係好唔鍾意余正熙，五人行既時候佢哋兩個其實都已經冇乜交流。
「得喇得喇，知妳憎佢喇。」我唔想響呢個問題上面同葉佩儀糾纏，講真以前我都已經試過因為余正熙同葉佩儀鬧交。
我諗起余正熙同譚梓淇兩個既感情，道︰「唔知佢兩個…最後會點呢？」
葉佩儀續道︰「其實有時同淇淇講過，女仔都可以做多啲主動架嘛，但講極佢都唔郁，就係激死！」
「咁女仔係面皮薄啲既…反而球星都唔知點。」我聳聳肩︰「明明我覺得球星都鍾意淇淇，又唔行動。」
我咁講唔係冇根據架，響學校入面，余正熙雖然好多女fans，又多女仔想埋身，但係佢都唔show人哋，久而久之，就變咗好似眼看手勿動、高高在上既明星咁。
不過唔知余正熙本人知唔知喇（我覺得佢唔知居多），佢咁既形象反而仲多女同學當佢偶像，連地下fans club都有埋，仲要連非黃社既妹妹仔都好多。
而余正熙對譚梓淇同對其他女仔係唔同，雖然都仲有大男人、倔強既時候，但係好明顯佢對譚梓淇係溫柔、友善得多。
同對佢既契家姐林秋兒一樣。
「都唔知佢兩個都唔知搞乜鬼，再唔行動，余正熙去咗日本就更加唔駛諗。」葉佩儀道︰「我哋儘量幫得到就幫喇！」
「好、好！」
「好喇，唔講佢哋喇，」葉佩儀突然話鋒一轉，道︰「咁你呢？」
「我？」我微微愕然，反問︰「我乜鬼？」
「你唔係因為余正熙去咗日本所以唔開心咩？」葉佩儀望住前面球場，向前伸直手腳，伸咗個懶腰咁。
我一定係有啲眼花，因為我望住葉佩儀呢個動作，突然覺得佢全身好似散發咗一陣少女味出黎。
痴線，男人婆點會有少女味。
見我冇反應，葉佩儀又問多一次︰「咁係咪吖？」
我回一回過神，道︰「我上次咪同妳講過，咁我同佢咁friend，一定有唔捨得架嘛。」
葉佩儀搖搖頭，道︰「唔係呢樣嘢。」
「係喇，係喇。」我扮作唔在乎咁笑出黎︰「係係係…其實我冇唔開心，妳睇，我仲笑得好開心添。」
「痴線，你仲講！」
「係係係…其實我冇唔開心，妳睇，我仲笑得好開心添。」
葉佩儀唔再理我好似上次咁扮戇鳩，直接道︰「你唔甘心余正熙有得去日本，係咪？」
我有啲大反應，連扮戇鳩都唔記得咗︰「痴線，佢有得去我開心都黎唔切，點會妒忌佢？」
真架，我一啲妒忌既心情都冇。
我亦都真心希望余正熙外流成功，成為日職第一人。
「我唔係話你妒忌佢，我係話你唔甘心余正熙有得去日本試腳啫，我講得啱唔啱？」葉佩儀仲係直直咁望住球場。
「梗係唔啱喇！妳唔覺得妳咁樣講好矛盾咩？」我急忙否認。
「冇矛盾喎，你想佢去日本試腳成功同你都想一齊去，可以係獨立既兩回事黎架喎。」葉佩儀仲係望住前面。
「哈哈哈哈哈哈哈哈哈哈哈哈哈哈哈哈！」我大笑起黎掩飾，笑到文叔佢哋都聽到，擰轉頭望過黎，臉上露出個見到傻仔既恥笑。
其實我要掩飾啲咩？
「唔好咁大聲笑喇，耳聾喇。」葉佩儀皺眉道︰「我講得唔啱咩？你都可以係想同余正熙一齊去日本試腳，然後兩個一齊成功架嘛。」
「佢好波過我，佢去係應該既。」我剎停咗笑聲答。
「我聽到你同果個叔叔隊友既對話。」葉佩儀道。
「哦？妳指我同文叔既對話？」我問。
就算係咁又點呢？
葉佩儀點點頭，道︰「係。」
「所以？」
葉佩儀笑一笑，終於擰轉頭望過黎，問︰「冇，聽日一唔一齊出去玩？」
唔知點解，佢呢下甜美既笑容，好似突然之間令我既心跳加速起黎。
（待續）
「嘩，妳嚇死人咩？」我向葉佩儀誇張咁扮個比人嚇死既表情，道︰「做咩無端端黎球場啊？」我周圍望一望，又問︰「淇淇呢？」
葉佩儀間中都有黎呢個球場睇我哋踢波，但更正確黎講，佢係陪譚梓淇黎呢度睇余正熙踢波，佢只係順便搭單黎望幾眼既啫。
葉佩儀跨過觀眾席啲石級走到埋我旁邊坐低，道︰「佢同欣欣都返咗屋企喇。」
「佢仲有冇咁唔開心啊？」我問。
即使果陣我仲自認對譚梓淇有愛情，但無可否認已經淡咗好多，但作為朋友，我都仲係好關心佢，唔想佢唔開心。
葉佩儀答︰「都係咁喇，實會有唔開心既，始終鍾意果個男仔要走喇喎。」
其實試訓係未開始既，但係我哋識余正熙既人入面，冇一個認為佢係失敗而回。
就連唔識足球既葉佩儀同埋譚梓淇都係咁諗。
只要睇過佢踢波，就會清楚佢踢波既時候散發出既果種感染力。
佢就係咁好波。
「走咗咪幾好，唔駛響度督眼督鼻。」葉佩續道。佢真係好唔鍾意余正熙，五人行既時候佢哋兩個其實都已經冇乜交流。
「得喇得喇，知妳憎佢喇。」我唔想響呢個問題上面同葉佩儀糾纏，講真以前我都已經試過因為余正熙同葉佩儀鬧交。
我諗起余正熙同譚梓淇兩個既感情，道︰「唔知佢兩個…最後會點呢？」
葉佩儀續道︰「其實有時同淇淇講過，女仔都可以做多啲主動架嘛，但講極佢都唔郁，就係激死！」
「咁女仔係面皮薄啲既…反而球星都唔知點。」我聳聳肩︰「明明我覺得球星都鍾意淇淇，又唔行動。」
我咁講唔係冇根據架，響學校入面，余正熙雖然好多女fans，又多女仔想埋身，但係佢都唔show人哋，久而久之，就變咗好似眼看手勿動、高高在上既明星咁。
不過唔知余正熙本人知唔知喇（我覺得佢唔知居多），佢咁既形象反而仲多女同學當佢偶像，連地下fans club都有埋，仲要連非黃社既妹妹仔都好多。
而余正熙對譚梓淇同對其他女仔係唔同，雖然都仲有大男人、倔強既時候，但係好明顯佢對譚梓淇係溫柔、友善得多。
同對佢既契家姐林秋兒一樣。
「都唔知佢兩個都唔知搞乜鬼，再唔行動，余正熙去咗日本就更加唔駛諗。」葉佩儀道︰「我哋儘量幫得到就幫喇！」
「好、好！」
「好喇，唔講佢哋喇，」葉佩儀突然話鋒一轉，道︰「咁你呢？」
「我？」我微微愕然，反問︰「我乜鬼？」
「你唔係因為余正熙去咗日本所以唔開心咩？」葉佩儀望住前面球場，向前伸直手腳，伸咗個懶腰咁。
我一定係有啲眼花，因為我望住葉佩儀呢個動作，突然覺得佢全身好似散發咗一陣少女味出黎。
痴線，男人婆點會有少女味。
見我冇反應，葉佩儀又問多一次︰「咁係咪吖？」
我回一回過神，道︰「我上次咪同妳講過，咁我同佢咁friend，一定有唔捨得架嘛。」
葉佩儀搖搖頭，道︰「唔係呢樣嘢。」
「係喇，係喇。」我扮作唔在乎咁笑出黎︰「係係係…其實我冇唔開心，妳睇，我仲笑得好開心添。」
「痴線，你仲講！」
「係係係…其實我冇唔開心，妳睇，我仲笑得好開心添。」
葉佩儀唔再理我好似上次咁扮戇鳩，直接道︰「你唔甘心余正熙有得去日本，係咪？」
我有啲大反應，連扮戇鳩都唔記得咗︰「痴線，佢有得去我開心都黎唔切，點會妒忌佢？」
真架，我一啲妒忌既心情都冇。
我亦都真心希望余正熙外流成功，成為日職第一人。
「我唔係話你妒忌佢，我係話你唔甘心余正熙有得去日本試腳啫，我講得啱唔啱？」葉佩儀仲係直直咁望住球場。
「梗係唔啱喇！妳唔覺得妳咁樣講好矛盾咩？」我急忙否認。
「冇矛盾喎，你想佢去日本試腳成功同你都想一齊去，可以係獨立既兩回事黎架喎。」葉佩儀仲係望住前面。
「哈哈哈哈哈哈哈哈哈哈哈哈哈哈哈哈！」我大笑起黎掩飾，笑到文叔佢哋都聽到，擰轉頭望過黎，臉上露出個見到傻仔既恥笑。
其實我要掩飾啲咩？
「唔好咁大聲笑喇，耳聾喇。」葉佩儀皺眉道︰「我講得唔啱咩？你都可以係想同余正熙一齊去日本試腳，然後兩個一齊成功架嘛。」
「佢好波過我，佢去係應該既。」我剎停咗笑聲答。
「我聽到你同果個叔叔隊友既對話。」葉佩儀道。
「哦？妳指我同文叔既對話？」我問。
就算係咁又點呢？
葉佩儀點點頭，道︰「係。」
「所以？」
葉佩儀笑一笑，終於擰轉頭望過黎，問︰「冇，聽日一唔一齊出去玩？」
唔知點解，佢呢下甜美既笑容，好似突然之間令我既心跳加速起黎。
（待續）
可以諗到八婆儀等左白咭必咁多年都無表示，等到心都死
留名等
八婆像由第一次扭必哥耳仔開始，已經芳心暗許了。可惜必哥一路裝聾扮癲，顧左右而言他，直至…熙仔飛了琪琪，必哥發癲怒吼，表示自己都喜歡琪琪!八婆儀聽到那一刻…死心了。
我估係咁。
我估係咁。
我估你估中開頭，估唔中結尾
八婆儀出手喇
我都覺得似
三十九
除咗心跳加速之外，葉佩儀話題轉得太快，我差啲load唔切︰「吓？」
「我係問，聽日你一唔一齊出去玩？」葉佩儀望住我再重覆一次。
吓，葉佩儀無端端約我出街？
「妳…約我出去？」我問。
「係啊！」
呢個係乜嘢神展開？
傾傾下我甘唔甘心冇得去日本試腳，然後突然約我去街？
葉佩儀喎。
約我二人世界？
我望住佢，佢又望住我，望望下，佢呢個時候個樣精精靈靈咁，其實又…又…幾嗒得杯落…
痴線，葉佩儀喎？
佢嗒得杯落？
我又哈哈大笑起黎，掩飾我唔知諗嘢諗咗去邊既尷尬，大笑道︰「嘩，妳約我二人世界啊？唔通妳鍾意咗我？哈哈哈哈哈！」本來最後果句係唔駛講出黎，我口不擇言咁都講埋出口。
葉佩儀呆咗一呆，突然滿面通紅咁問︰「你傻咗啊死人必？我…我鍾意你？」最後果五隻字變得好細聲。
「哈哈哈哈！」佢咁反問，搞到個氣氛好似仲尷尬，我唯有傻笑。
「邊個…邊個話同你二人世界啊？」葉佩儀急住澄清︰「淇淇同欣欣都去架！」
啊？
屌！原來係我誤解咗個意思？
「你哋幾個睇落都唔係幾開心，我諗住一齊出去玩散下心咋！你…你…以為我淨係叫你一個？」葉佩儀仲係面紅紅咁急住道︰「你…你咁多幻想啊！同你二人世界都講得出！」
屌，我點解會以為葉佩儀係約我二人世界既？
因為葉佩儀響關心緊我既時候問，所以佢問我出唔出去玩既時候，我以為佢淨係邀請我一個？
定係我見到佢啱啱果個甜美既笑容，一時醒唔起佢係男人婆，有一剎那比佢迷住咗？
痴線！
我一定係痴咗線！
不過我就算痴咗線都好，我口頭都唔可以輸蝕！「嘩，乜嘢啊，妳講到我好似未同妳兩個人出過街咁！」
雖然次數唔多，但係我都唔係未試過同葉佩儀呢個八婆仔兩個人單獨出去！尤其是佢叫我出去幫手拎果樣拎果樣搬重嘢既時候，我有邊次係托手肘！
「唔…唔同啊！我…我都唔係你想講果個意思！」葉佩儀急道。
「我講既係咩意思啊？」我帶住恥笑既笑意道，用一種好似惡作劇成功咁既語氣去掩餘我自己係柒咗。
其實…
我自己先係最柒既一個。
「你…你…哼！」葉佩儀突然衝前過黎，我以為佢真係撞邪走埋黎錫我一啖，搞我個心都突埋，點知原來佢係衝前個人黎鍊住我條頸係咁搖，怒道︰「你玩我！你個死人必夠膽玩我！」
就好似自己柒咗老羞成怒而遷怒於我咁，捉住我條頸係咁fing，佢又好似真係出盡全力，搞到我嗌晒救命︰「喂！咳…咳…死人喇…妳再鍊住我條頸我就真係變死人必架喇！」
「玩我吖嗱！玩我吖嗱！」葉佩儀起晒勁咁係咁搖我…好似比起以前任何一次都要大力咁…
搖啊搖…搖到外婆橋…啊…我好似真係見到我果個死咗既婆婆響我面前對住我微笑咁張開雙手黎迎接我啊…
「喂…死人必…你點解塊面好似紫紫地咁既？」搖搖下，葉佩儀見我既表情有啲唔對路，終於鬆開鍊住我條頸既手，然後問返我轉頭。
大姐啊…妳爭啲謀殺咗我啊…
「我…我啱啱好似見到婆婆向我招手…」
「唉，你抖下先喇。」葉佩儀掃下我既背脊，好似我抖抖氣咁。
我乾咳咗幾聲，然後道︰「差啲死…」
我真係抖咗一陣先回到氣，而葉佩儀見我個樣開始冇乜事，就「哼」咗一聲，然後道︰「邊個叫你啱啱咁玩我啊！」
其實我唔係玩，而係我自己都唔知撞咗咩邪諗埋一邊…
「咁點啊？你聽日一唔一齊黎啊？」葉佩儀又「哼」多一聲，道︰「不過你唔出就算，我哋三姐妹girls talk啊！」
「出、出！」同三個女仔出街，其中一個仲要係女神喎，行出黎啲毒撚仲唔羨慕死我？我點會唔出啊！
「嗯，咁聽日見架喇。」
「好！」
不過講完呢句說話之後，葉佩儀冇走，繼續坐響我旁邊。
「妳仲坐響度做乜？」我奇問。
葉佩儀大大力拍咗我手臂一下，道︰「係咪陪下你都唔得啊？」
我恥笑道︰「定係妳太得閒冇嘢做啊？」
「妖，食屎喇你！」
其實我知道，就算唔再繼續我甘唔甘心既呢個話題，葉佩儀咁樣陪我坐，係因為佢感受到我既唔開心、唔甘心，又知我死口都唔會認，唔會同佢傾心事，所以就用自己既方式陪我，為我打打氣。
呢個時候，我哋已經認識咗三年，一齊經歷過唔同既事，都互相幫過大家唔少事情，所以…我諗我同葉佩儀之間都已經產生咗一啲默契，有時好多嘢，都盡在不言中。
只係好可惜…
我對葉佩儀最重要既感情，佢反而一啲都感受唔到…
不過…唔好話係佢，我自己咪一樣感覺唔到？
（待續）
除咗心跳加速之外，葉佩儀話題轉得太快，我差啲load唔切︰「吓？」
「我係問，聽日你一唔一齊出去玩？」葉佩儀望住我再重覆一次。
吓，葉佩儀無端端約我出街？
「妳…約我出去？」我問。
「係啊！」
呢個係乜嘢神展開？
傾傾下我甘唔甘心冇得去日本試腳，然後突然約我去街？
葉佩儀喎。
約我二人世界？
我望住佢，佢又望住我，望望下，佢呢個時候個樣精精靈靈咁，其實又…又…幾嗒得杯落…
痴線，葉佩儀喎？
佢嗒得杯落？
我又哈哈大笑起黎，掩飾我唔知諗嘢諗咗去邊既尷尬，大笑道︰「嘩，妳約我二人世界啊？唔通妳鍾意咗我？哈哈哈哈哈！」本來最後果句係唔駛講出黎，我口不擇言咁都講埋出口。
葉佩儀呆咗一呆，突然滿面通紅咁問︰「你傻咗啊死人必？我…我鍾意你？」最後果五隻字變得好細聲。
「哈哈哈哈！」佢咁反問，搞到個氣氛好似仲尷尬，我唯有傻笑。
「邊個…邊個話同你二人世界啊？」葉佩儀急住澄清︰「淇淇同欣欣都去架！」
啊？
屌！原來係我誤解咗個意思？
「你哋幾個睇落都唔係幾開心，我諗住一齊出去玩散下心咋！你…你…以為我淨係叫你一個？」葉佩儀仲係面紅紅咁急住道︰「你…你咁多幻想啊！同你二人世界都講得出！」
屌，我點解會以為葉佩儀係約我二人世界既？
因為葉佩儀響關心緊我既時候問，所以佢問我出唔出去玩既時候，我以為佢淨係邀請我一個？
定係我見到佢啱啱果個甜美既笑容，一時醒唔起佢係男人婆，有一剎那比佢迷住咗？
痴線！
我一定係痴咗線！
不過我就算痴咗線都好，我口頭都唔可以輸蝕！「嘩，乜嘢啊，妳講到我好似未同妳兩個人出過街咁！」
雖然次數唔多，但係我都唔係未試過同葉佩儀呢個八婆仔兩個人單獨出去！尤其是佢叫我出去幫手拎果樣拎果樣搬重嘢既時候，我有邊次係托手肘！
「唔…唔同啊！我…我都唔係你想講果個意思！」葉佩儀急道。
「我講既係咩意思啊？」我帶住恥笑既笑意道，用一種好似惡作劇成功咁既語氣去掩餘我自己係柒咗。
其實…
我自己先係最柒既一個。
「你…你…哼！」葉佩儀突然衝前過黎，我以為佢真係撞邪走埋黎錫我一啖，搞我個心都突埋，點知原來佢係衝前個人黎鍊住我條頸係咁搖，怒道︰「你玩我！你個死人必夠膽玩我！」
就好似自己柒咗老羞成怒而遷怒於我咁，捉住我條頸係咁fing，佢又好似真係出盡全力，搞到我嗌晒救命︰「喂！咳…咳…死人喇…妳再鍊住我條頸我就真係變死人必架喇！」
「玩我吖嗱！玩我吖嗱！」葉佩儀起晒勁咁係咁搖我…好似比起以前任何一次都要大力咁…
搖啊搖…搖到外婆橋…啊…我好似真係見到我果個死咗既婆婆響我面前對住我微笑咁張開雙手黎迎接我啊…
「喂…死人必…你點解塊面好似紫紫地咁既？」搖搖下，葉佩儀見我既表情有啲唔對路，終於鬆開鍊住我條頸既手，然後問返我轉頭。
大姐啊…妳爭啲謀殺咗我啊…
「我…我啱啱好似見到婆婆向我招手…」
「唉，你抖下先喇。」葉佩儀掃下我既背脊，好似我抖抖氣咁。
我乾咳咗幾聲，然後道︰「差啲死…」
我真係抖咗一陣先回到氣，而葉佩儀見我個樣開始冇乜事，就「哼」咗一聲，然後道︰「邊個叫你啱啱咁玩我啊！」
其實我唔係玩，而係我自己都唔知撞咗咩邪諗埋一邊…
「咁點啊？你聽日一唔一齊黎啊？」葉佩儀又「哼」多一聲，道︰「不過你唔出就算，我哋三姐妹girls talk啊！」
「出、出！」同三個女仔出街，其中一個仲要係女神喎，行出黎啲毒撚仲唔羨慕死我？我點會唔出啊！
「嗯，咁聽日見架喇。」
「好！」
不過講完呢句說話之後，葉佩儀冇走，繼續坐響我旁邊。
「妳仲坐響度做乜？」我奇問。
葉佩儀大大力拍咗我手臂一下，道︰「係咪陪下你都唔得啊？」
我恥笑道︰「定係妳太得閒冇嘢做啊？」
「妖，食屎喇你！」
其實我知道，就算唔再繼續我甘唔甘心既呢個話題，葉佩儀咁樣陪我坐，係因為佢感受到我既唔開心、唔甘心，又知我死口都唔會認，唔會同佢傾心事，所以就用自己既方式陪我，為我打打氣。
呢個時候，我哋已經認識咗三年，一齊經歷過唔同既事，都互相幫過大家唔少事情，所以…我諗我同葉佩儀之間都已經產生咗一啲默契，有時好多嘢，都盡在不言中。
只係好可惜…
我對葉佩儀最重要既感情，佢反而一啲都感受唔到…
不過…唔好話係佢，我自己咪一樣感覺唔到？
（待續）
懷疑八婆儀已經估到
所以講鐘意必嗰度咁細聲
所以講鐘意必嗰度咁細聲
呢個位其實我暗示咗唔少，睇埋落去之後，唔知你哋估到幾多
四十
「喂，乜你唱歌咁耐都冇進步過架！一樣都係咁難聽！」葉佩儀用手指塞住兩隻耳仔，然後用不屑既表情對住我講。
我同葉佩儀、譚梓淇仲有鄭海欣四個去咗唱K。
五人行變咗做四人行，果陣既我心諗，係時候要習慣架喇，因為要余正熙試腳失敗絕對係冇可能。
「你當我是浮誇吧～～～～～～」我完全冇理葉佩儀對我既嘲笑，完全沉醉咗響唱歌之中。
老老豆豆，其實我唔係特別鍾意唱K，但呢一刻唱歌鳩叫出黎，好似有種將心入面果種唔甘心嗌晒出黎咁，個心好似都覺得舒服啲。
而唱浮誇呢首歌，亦唔係我鍾意陳奕Ｏ，而係葉佩儀話過呢首歌好似我、好啱我唱，我覺得如果要鳩叫既話，呢首歌又的確係不二之選。
呼…
唱完之後我拎起枱面上既雜果賓治飲咗啖，然後我就坐定定響梳化上面，欣賞譚梓淇美妙既歌聲。
唔…同五音不全既我唔同，譚梓淇唱歌既歌喉雖然冇黃社既林秋兒同埋我哋綠社既大波潔婷咁悅耳（我哋學校年年都有社際歌唱比賽，呢兩個係當年既大熱門），但係都非常唔錯，而且…今日佢唱歌既時候仲好似帶啲哀愁咁，將啲感情投入埋啲情歌入面，除咗好聽之外，仲會令聽既人好投入其中。
「喂，咁樣唱歌唱晒啲唔開心出黎，心情係咪好返啲啊？」葉佩儀響我旁邊問。
我仲係口硬︰「我邊有唔開心啊！」
我果啲係唔甘心咋嘛！
葉佩儀冇理我，繼續說道︰「其實唱歌真係一種幾好既發洩方法…」然後意有所指咁望住唱得好落力既譚梓淇︰「唱晒心入面既心情出黎，個人都會舒暢啲，唔係咩？」
望住譚梓淇，我真係唔知呢句說話啱唔啱…點解我覺得譚梓淇好似係越唱越唔開心咁既？
「見到淇淇咁唔開心，我都唔好受。」葉佩儀係一個重感情既人，尤其是姐妹情，佢望住譚梓淇︰「我諗住叫淇淇直接同余正熙表白。」
「吓？」
「余正熙試腳成功喇喎，佢仲唔表白就冇機會。」葉佩儀道︰「唔一定要執著女仔等男仔表白架嘛，女仔表白一樣得。」
其實呢個時候余正熙根本未知試腳會唔會成功，不過大家好似已經假設咗佢一定會成功咁。
「哈，要SYK既女神主動向佢表白，球星都真係幾大牌。」我笑道︰「不過…如果淇淇表白既話，實得既！」見佢哋兩個曖昧咗咁耐，如果真係修成正果都唔錯，我話就話自己仲係鍾意譚梓淇，但心入面其實對於佢哋兩個拍拖一啲都唔反感，連妒忌都冇。
大個諗返起，我諗呢個時候其實我都係得把口話鍾意譚梓淇，實際上我已經放下咗佢了。
「就算唔得既話，都叫響余正熙臨走之前表白咗，自己都唔會有遺憾吖。」葉佩儀道。
如果我一早參透咗葉佩儀呢句說話，然後應用響自己身上，你話幾好呢…
「得喇，我相信佢哋是旦一個肯表白，就一定冇問題既。」我笑道︰「佢哋兩個…都係等緊其中一個踏出第一步啫。」
「嗯…希望係咁。」葉佩儀既目光又望返過去譚梓淇身上。
呢個時候譚梓淇唱完一首歌，另一首歌既旋律又響起，今次都係譚梓淇點既情歌，我點既艾粒情歌就仲排緊隊。
「喂。」葉佩儀突然拍我手臂，然後望住我。
…
響K房同埋譚梓淇美妙既歌聲伴奏下，葉佩儀既樣突然間變得好甜美。
就算唔笑都好甜美。
…
我又諗咗去邊？佢唔會係想同我講啲乜嘢啩？
葉佩儀原來係又再將話題帶返去我度︰「你而家都應該冇嘢喇？」
唔知係咪因為佢鍥而不捨咁問我，定係因為唱K個氣氛使然，今次…我再冇口硬，我點頭︰「好好多喇。」
其實我到人大咗之後先了解到，當時我點解感覺會覺得好咗好多，係因為葉佩儀響我身邊，佢知道同明白我既心情，所以會咁樣約晒啲人出黎玩，等我（同埋譚梓淇）唔好亂諗嘢。
「咁咪好。」葉佩儀微笑點頭。
呢個衰妹…唔惡既時候其實都幾好樣…
「唔。」
我哋又稍為靜咗一陣咁聽譚梓淇唱歌。
「不過我唔係妒忌余正熙。」譚梓淇首歌唱到一半既時候，我突然開口道︰「如果球星佢真係外流成功，我係真心為佢高興。」
「我知吖。」葉佩儀完全唔駛思考，就好似本能咁樣回答。
就好似…佢好熟悉我，覺得我咁樣諗係理所當然一樣。
或者響幾年既相處入面，經歷咗唔少事之後，佢真係變得好了解我…
（待續）
「喂，乜你唱歌咁耐都冇進步過架！一樣都係咁難聽！」葉佩儀用手指塞住兩隻耳仔，然後用不屑既表情對住我講。
我同葉佩儀、譚梓淇仲有鄭海欣四個去咗唱K。
五人行變咗做四人行，果陣既我心諗，係時候要習慣架喇，因為要余正熙試腳失敗絕對係冇可能。
「你當我是浮誇吧～～～～～～」我完全冇理葉佩儀對我既嘲笑，完全沉醉咗響唱歌之中。
老老豆豆，其實我唔係特別鍾意唱K，但呢一刻唱歌鳩叫出黎，好似有種將心入面果種唔甘心嗌晒出黎咁，個心好似都覺得舒服啲。
而唱浮誇呢首歌，亦唔係我鍾意陳奕Ｏ，而係葉佩儀話過呢首歌好似我、好啱我唱，我覺得如果要鳩叫既話，呢首歌又的確係不二之選。
呼…
唱完之後我拎起枱面上既雜果賓治飲咗啖，然後我就坐定定響梳化上面，欣賞譚梓淇美妙既歌聲。
唔…同五音不全既我唔同，譚梓淇唱歌既歌喉雖然冇黃社既林秋兒同埋我哋綠社既大波潔婷咁悅耳（我哋學校年年都有社際歌唱比賽，呢兩個係當年既大熱門），但係都非常唔錯，而且…今日佢唱歌既時候仲好似帶啲哀愁咁，將啲感情投入埋啲情歌入面，除咗好聽之外，仲會令聽既人好投入其中。
「喂，咁樣唱歌唱晒啲唔開心出黎，心情係咪好返啲啊？」葉佩儀響我旁邊問。
我仲係口硬︰「我邊有唔開心啊！」
我果啲係唔甘心咋嘛！
葉佩儀冇理我，繼續說道︰「其實唱歌真係一種幾好既發洩方法…」然後意有所指咁望住唱得好落力既譚梓淇︰「唱晒心入面既心情出黎，個人都會舒暢啲，唔係咩？」
望住譚梓淇，我真係唔知呢句說話啱唔啱…點解我覺得譚梓淇好似係越唱越唔開心咁既？
「見到淇淇咁唔開心，我都唔好受。」葉佩儀係一個重感情既人，尤其是姐妹情，佢望住譚梓淇︰「我諗住叫淇淇直接同余正熙表白。」
「吓？」
「余正熙試腳成功喇喎，佢仲唔表白就冇機會。」葉佩儀道︰「唔一定要執著女仔等男仔表白架嘛，女仔表白一樣得。」
其實呢個時候余正熙根本未知試腳會唔會成功，不過大家好似已經假設咗佢一定會成功咁。
「哈，要SYK既女神主動向佢表白，球星都真係幾大牌。」我笑道︰「不過…如果淇淇表白既話，實得既！」見佢哋兩個曖昧咗咁耐，如果真係修成正果都唔錯，我話就話自己仲係鍾意譚梓淇，但心入面其實對於佢哋兩個拍拖一啲都唔反感，連妒忌都冇。
大個諗返起，我諗呢個時候其實我都係得把口話鍾意譚梓淇，實際上我已經放下咗佢了。
「就算唔得既話，都叫響余正熙臨走之前表白咗，自己都唔會有遺憾吖。」葉佩儀道。
如果我一早參透咗葉佩儀呢句說話，然後應用響自己身上，你話幾好呢…
「得喇，我相信佢哋是旦一個肯表白，就一定冇問題既。」我笑道︰「佢哋兩個…都係等緊其中一個踏出第一步啫。」
「嗯…希望係咁。」葉佩儀既目光又望返過去譚梓淇身上。
呢個時候譚梓淇唱完一首歌，另一首歌既旋律又響起，今次都係譚梓淇點既情歌，我點既艾粒情歌就仲排緊隊。
「喂。」葉佩儀突然拍我手臂，然後望住我。
…
響K房同埋譚梓淇美妙既歌聲伴奏下，葉佩儀既樣突然間變得好甜美。
就算唔笑都好甜美。
…
我又諗咗去邊？佢唔會係想同我講啲乜嘢啩？
葉佩儀原來係又再將話題帶返去我度︰「你而家都應該冇嘢喇？」
唔知係咪因為佢鍥而不捨咁問我，定係因為唱K個氣氛使然，今次…我再冇口硬，我點頭︰「好好多喇。」
其實我到人大咗之後先了解到，當時我點解感覺會覺得好咗好多，係因為葉佩儀響我身邊，佢知道同明白我既心情，所以會咁樣約晒啲人出黎玩，等我（同埋譚梓淇）唔好亂諗嘢。
「咁咪好。」葉佩儀微笑點頭。
呢個衰妹…唔惡既時候其實都幾好樣…
「唔。」
我哋又稍為靜咗一陣咁聽譚梓淇唱歌。
「不過我唔係妒忌余正熙。」譚梓淇首歌唱到一半既時候，我突然開口道︰「如果球星佢真係外流成功，我係真心為佢高興。」
「我知吖。」葉佩儀完全唔駛思考，就好似本能咁樣回答。
就好似…佢好熟悉我，覺得我咁樣諗係理所當然一樣。
或者響幾年既相處入面，經歷咗唔少事之後，佢真係變得好了解我…
（待續）
八婆儀有義氣得黎又細心，比起真實年紀成熟好多
呢班人累到熙熙嘅第一個女友唔係秋兒