《我鍾意同妳鬥氣，其實只係因為…》
葉開葉開
189 回覆
76 Like
5 Dislike
因為佢唔淆底就冇呢個故仔
十八
對住兩隻龜費咗一番唇舌，先至可以說服得佢哋，只係有條友失戀，另一個朋友就出黎陪佢飲嘢，然後為咗發洩，先至會對住個海大叫。
雖然我都係解釋唔到果句「我係個仆街死基佬」係點解，不過總算打發咗兩隻龜走。
我望一望隻錶，都成凌晨三點幾，於是我向余正熙道︰「好喇，都唔阻你休息喇，你聽朝仲要返工架嘛，我車你返屋企喇。」
「冇嘢，你想搵人傾，我幾時都奉陪。」余正熙向我伸出隻拳頭。
「多謝！」我今次再冇整蠱做怪，而係伸出拳頭，同余正熙輕輕咁擊一擊拳。
「不過你飲咁多酒，揸唔揸到車架？」余正熙問。
「放心，放心，我飲咗少少咋嘛，100%冇問題！」我道。
喂，呢度提提大家，呢度係劇情需要咋，大家千其千其唔好飲酒揸車，唔止好Q危險，仲係刑事罪行黎架！
「少少？」余正熙擺明唔信。
梗係喇，買返黎啲啤酒都係得我飲咋嘛！
「放心，我冇事！」
「係咪架？」
「呢個時間都冇乜車，我瞓住開車都冇問題！」我拍晒心口好自豪地道。
「唔好…」
「行喇，我哋返上車喇！」我笑道。
*
雖然余正熙個樣好淆，但因為方便又唔駛錢（呢樣最緊要），所以最後佢都係屈服咗，由得我車佢返屋企。
同余正熙傾完之後，我個人係輕鬆咗少少，但係當佢同我道別，我又再次剩返一個人既時候，果種心痛、果種悔恨、果種不甘、果種寂寞又再次襲上我心頭。
我自己一個響司機位呆坐咗唔知幾耐，先至暗嘆一口氣，然後開著貨van引擎，開車返屋企。
「才仔啊，你做咩成晚都唔返屋企啊？」我返到屋企，發覺媽咪已經起咗身，響度煲緊水。
我望一望牆上面個鐘，仲有十分鐘先五點。
我尋晚已經打咗比媽咪，話佢知我會夜返，所以我諗佢唔係因為等我而冇瞓，而係老人家真係早咗起身。
又或者…
其實佢係擔心我先瞓得唔好，早咗起身啩。
「係啊，媽咪，我有朋友失戀，我陪咗佢成晚。」我行入屋，然後行過梳化，走到去神壇前面，拎咗注香點著，再響我爸爸既靈位面前裝香。
「算有你老豆心喇，返到黎即刻裝香比你老豆。」媽咪響廚房望出黎。
「嗯…」我嘆咗口氣，道︰「可惜…老豆睇唔到我而家既成就，證明唔到比佢睇，其實踢波都搵到食，代表到香港都好有成就感。」
搵到食…如果我肯轉會去啲班霸，應該真係搵到食既…
我選擇做職業球員既時候，爸爸係極力反對，甚至一直到佢過身，佢都係冇少少軟化既感覺…至少我感覺唔到喇。
其實果段時間，葉佩儀都有幫我口同爸爸傾計，去開解下爸爸，希望令到佢諒解我既決定，同埋接受我既職業。
係啊…因為某啲原因，我哋兩個都見過雙方既家長，而其實雙方既家長都好鍾意我哋兩個。
不過…僅此而已，我哋仲係朋友。
永遠既…朋友。
媽咪由廚房望出黎望住我，眼光之中充滿慈愛，欲言又止，不過最後乜嘢都冇講，淨係問︰「我煲完水喇，你肚唔肚餓？駛唔駛煮個麵比你食？」
我飲酒飲到成肚水，一啲都唔肚餓，直接走入房，邊行邊道︰「唔駛喇媽咪，我好攰，我恰一陣先。」
「係咪都係要叫醒你去練波啊？」媽咪問。
「係啊，聽日係比賽之前最後一次操練，好似平時咁叫我得架喇。」我已經攤咗上床，不過都補多句︰「唔該媽咪！」
「唔沖涼啊？」媽咪無聲無色咁走到黎我房門口問。
「攰喇，我想休息下先。」我衫都唔換，就咁合埋雙眼。
係啊。
我好攰…
個心好攰…
做咗成晚「演員」，我個心真係好攰…
但係我雖然飲咗酒，又成晚冇瞓過覺，精神上又好疲倦，不過合埋雙眼，我又真係瞓唔著。
唔止瞓唔著咁簡單，一合埋眼，我同葉佩儀既回憶，就好似山洪暴發咁湧出黎，止都止唔住…
*
我如常響練習完啦啦隊之後響學校大門等候我既女神同埋好兄弟。
「阿必，你又甩鞋帶啊？」洪偉賢響學校大門經過我身既時候又問。
第二日我一練完啦啦隊，就會一支箭咁標落學校門口，驚我一遲咗少少，余正熙同埋譚梓淇就會唔等我自己走咗先。
呢個習慣一直維持到水運會完咗唔駛再練習為止。
不過都好好彩，一來每次啦啦隊練習都係綠社早過黃社完結，二來我諗余正熙其實都唔係一個咁冇良心既人，佢唔會掉低我自己一個走咗去既。
只係我每次一支箭標走咗之後，都會響大門見到比遲走既同學，有啲唔係幾好意思，唯有扮綁鞋帶黎遮下醜。
「係啊，呢款鞋帶真係滑喇，哈哈！」我大聲笑道。
「咁我哋行先喇。」洪偉賢同孫興泰一齊行出學校門口。
然後我梗係企返起身，又響度等。
啊，佢哋黎喇喎。
…
唔？唔止譚梓淇，仲有兩個女仔既？余正熙呢？佢又去咗邊？
（待續）
對住兩隻龜費咗一番唇舌，先至可以說服得佢哋，只係有條友失戀，另一個朋友就出黎陪佢飲嘢，然後為咗發洩，先至會對住個海大叫。
雖然我都係解釋唔到果句「我係個仆街死基佬」係點解，不過總算打發咗兩隻龜走。
我望一望隻錶，都成凌晨三點幾，於是我向余正熙道︰「好喇，都唔阻你休息喇，你聽朝仲要返工架嘛，我車你返屋企喇。」
「冇嘢，你想搵人傾，我幾時都奉陪。」余正熙向我伸出隻拳頭。
「多謝！」我今次再冇整蠱做怪，而係伸出拳頭，同余正熙輕輕咁擊一擊拳。
「不過你飲咁多酒，揸唔揸到車架？」余正熙問。
「放心，放心，我飲咗少少咋嘛，100%冇問題！」我道。
喂，呢度提提大家，呢度係劇情需要咋，大家千其千其唔好飲酒揸車，唔止好Q危險，仲係刑事罪行黎架！
「少少？」余正熙擺明唔信。
梗係喇，買返黎啲啤酒都係得我飲咋嘛！
「放心，我冇事！」
「係咪架？」
「呢個時間都冇乜車，我瞓住開車都冇問題！」我拍晒心口好自豪地道。
「唔好…」
「行喇，我哋返上車喇！」我笑道。
*
雖然余正熙個樣好淆，但因為方便又唔駛錢（呢樣最緊要），所以最後佢都係屈服咗，由得我車佢返屋企。
同余正熙傾完之後，我個人係輕鬆咗少少，但係當佢同我道別，我又再次剩返一個人既時候，果種心痛、果種悔恨、果種不甘、果種寂寞又再次襲上我心頭。
我自己一個響司機位呆坐咗唔知幾耐，先至暗嘆一口氣，然後開著貨van引擎，開車返屋企。
「才仔啊，你做咩成晚都唔返屋企啊？」我返到屋企，發覺媽咪已經起咗身，響度煲緊水。
我望一望牆上面個鐘，仲有十分鐘先五點。
我尋晚已經打咗比媽咪，話佢知我會夜返，所以我諗佢唔係因為等我而冇瞓，而係老人家真係早咗起身。
又或者…
其實佢係擔心我先瞓得唔好，早咗起身啩。
「係啊，媽咪，我有朋友失戀，我陪咗佢成晚。」我行入屋，然後行過梳化，走到去神壇前面，拎咗注香點著，再響我爸爸既靈位面前裝香。
「算有你老豆心喇，返到黎即刻裝香比你老豆。」媽咪響廚房望出黎。
「嗯…」我嘆咗口氣，道︰「可惜…老豆睇唔到我而家既成就，證明唔到比佢睇，其實踢波都搵到食，代表到香港都好有成就感。」
搵到食…如果我肯轉會去啲班霸，應該真係搵到食既…
我選擇做職業球員既時候，爸爸係極力反對，甚至一直到佢過身，佢都係冇少少軟化既感覺…至少我感覺唔到喇。
其實果段時間，葉佩儀都有幫我口同爸爸傾計，去開解下爸爸，希望令到佢諒解我既決定，同埋接受我既職業。
係啊…因為某啲原因，我哋兩個都見過雙方既家長，而其實雙方既家長都好鍾意我哋兩個。
不過…僅此而已，我哋仲係朋友。
永遠既…朋友。
媽咪由廚房望出黎望住我，眼光之中充滿慈愛，欲言又止，不過最後乜嘢都冇講，淨係問︰「我煲完水喇，你肚唔肚餓？駛唔駛煮個麵比你食？」
我飲酒飲到成肚水，一啲都唔肚餓，直接走入房，邊行邊道︰「唔駛喇媽咪，我好攰，我恰一陣先。」
「係咪都係要叫醒你去練波啊？」媽咪問。
「係啊，聽日係比賽之前最後一次操練，好似平時咁叫我得架喇。」我已經攤咗上床，不過都補多句︰「唔該媽咪！」
「唔沖涼啊？」媽咪無聲無色咁走到黎我房門口問。
「攰喇，我想休息下先。」我衫都唔換，就咁合埋雙眼。
係啊。
我好攰…
個心好攰…
做咗成晚「演員」，我個心真係好攰…
但係我雖然飲咗酒，又成晚冇瞓過覺，精神上又好疲倦，不過合埋雙眼，我又真係瞓唔著。
唔止瞓唔著咁簡單，一合埋眼，我同葉佩儀既回憶，就好似山洪暴發咁湧出黎，止都止唔住…
*
我如常響練習完啦啦隊之後響學校大門等候我既女神同埋好兄弟。
「阿必，你又甩鞋帶啊？」洪偉賢響學校大門經過我身既時候又問。
第二日我一練完啦啦隊，就會一支箭咁標落學校門口，驚我一遲咗少少，余正熙同埋譚梓淇就會唔等我自己走咗先。
呢個習慣一直維持到水運會完咗唔駛再練習為止。
不過都好好彩，一來每次啦啦隊練習都係綠社早過黃社完結，二來我諗余正熙其實都唔係一個咁冇良心既人，佢唔會掉低我自己一個走咗去既。
只係我每次一支箭標走咗之後，都會響大門見到比遲走既同學，有啲唔係幾好意思，唯有扮綁鞋帶黎遮下醜。
「係啊，呢款鞋帶真係滑喇，哈哈！」我大聲笑道。
「咁我哋行先喇。」洪偉賢同孫興泰一齊行出學校門口。
然後我梗係企返起身，又響度等。
啊，佢哋黎喇喎。
…
唔？唔止譚梓淇，仲有兩個女仔既？余正熙呢？佢又去咗邊？
（待續）
必哥真係幾cute
幾鳩添
十九
當時我認得其中一個女仔係同我同班既，一個就係譚梓淇既好朋友母夜叉（因為佢個樣好惡），另一個…我有冇見過佢？
開咗學都幾個星期，我都開始記得啲同學既名，所以呢個時候，我已經知道咗呢個母夜叉就係葉佩儀，但另一個真係諗極都諗唔起。
「喂，女班長！」我懶熟咁向佢哋大叫揮手，但其實我同佢哋既距離都唔遠，基本上唔駛咁大聲，不過我個係鍾意誇張咁鳩叫啫，哈哈。
譚梓淇作為陽光女神兼女班長，梗係面露笑容咁向我揮揮手打招呼。
「阿熙呢？」我四處張望，問︰「佢去咗邊啊？」
「唔知啊…」譚梓淇個表情變得有少少失望，反而問返我轉頭︰「你知唔知佢去咗邊啊？」
「佢唔係同你哋練啦啦隊架咩？」我問︰「佢又飛機？」
雖然呢個啦啦隊練習係強制性既，但我一直都知余正熙得閒就會放下發機，去搵班騎呢大叔踢波，呢個係佢親口同我講過既。
不過我都唔知佢係咪真係去咗踢波，都係唔好亂答嘞。
「唔唔…」譚梓淇不置可否，換咗個表情，友善地問︰「係呢，阿必，今日阿儀同埋欣欣都會同我哋一齊行啊，你冇問題吖嘛？」
「呵呵呵呵！」我好似個聖誕老人咁大笑起黎︰「冇問題，冇問題，咁多女仔一齊行我無任歡迎添！仲要係三個靚女添！」講嘢既語氣有啲浮誇。
冇計喇，作為張樂怡社長大波無敵同好會創會會長，我本身就係個鹹濕仔黎，鹹濕仔就梗係想比女圍架喇！
咩話？我中一點解就已經咁鹹濕想比女圍？乜中一唔比人做鹹濕仔架？
不過都要講返，當時除咗譚梓淇之外，其實葉佩儀同埋欣欣（即係之前提過既鄭海欣，一個好冇存在感既女孩子）既外貌其實都唔算太出眾，我話有三個靚女，其實都只係客套說話黎。
當然喇，到佢哋開始大少少，換咗髮型，又識打扮下既時候，當然順眼咗好多，但呢個時候唔係，呢個時候我最多只可以話阿儀同埋欣欣都只係一般般，尤其是當時阿儀呢個all back既馬尾look，仲要夾住幾隻髮夾響上面，都幾娘。
「阿必，你真係識講嘢。」譚梓淇笑道︰「我諗你都應該認得佢哋架喇？我哋同班架，佢係阿儀、佢係欣欣，都係黃社既，我哋啱啱練完啦啦隊，所以一齊走。」算係正式介紹咗葉佩儀同鄭海欣比我識。
而我，林必才，亦都係響呢一刻同我人生之中最重要既女人，葉佩儀，正正式式咁互相認識。
話說回來，果陣葉佩儀我都認得係譚梓淇果隻母夜叉朋友，但係鄭海欣我真係完全唔知佢係邊個，我連有個咁既人存在響呢個世界上面我都唔知。
不過我梗係唔會講出黎，我哈哈大笑，然後抱拳道︰「哈哈哈，梗係識喇，久仰，久仰，妳哋三位靚女，在下係非常久仰的。」學埋果陣電視入面啲古裝劇咁向佢哋抱拳作揖。
譚梓淇就梗係笑咗出黎，但係我呢個時候聽到葉佩儀細細聲講咗句︰「痴線！」
哦，佢真係以為我聽唔到架喎！
於是我又露出我既招牌哈哈大笑既笑容︰「哈哈哈哈哈，我就係痴線佬！作為痴線佬有三個靚女陪我行，真係爽死我喇！」
我大聲到連看門口個校工霞姨都聽到我講既廢話，望住我哋既方向忍唔住笑咗出黎，我塊面皮成幾尺厚梗係冇乜所謂，但就搞到幾個女仔有啲尷尬，葉佩儀仲講咗聲︰「唔知醜！」
本來我見佢把口唔收，仲想繼續胡說八道同佢胡扯落去，你哋知我個人痴痴地線，你搞到我時我就真係會厚住面皮咁死纏住爛打落去，但係我呢個時候見到我女神譚梓淇尷尷尬尬咁，我最後都係決定收口，唔好等佢難堪。
出咗學校門口，講起黎都真係巧合，我哋四個都係諗住搭地鐵返屋企，於是我哋就一齊行去搭地鐵。
諗返起，余正熙難得唔響度，本來應該係我同女神譚梓淇獨處既大好時機，偏偏有兩個唔識時務既女同學阻住晒，真係浪費晒呢次既機會。
不過，可以同譚梓淇相處，就算多幾條友響度，都冇乜所謂喇，我決定施展渾身解數瘋狂鳩UP，務求要女神令我留下深刻印象。
其實我冇問過譚梓淇鍾唔鍾意聽我啲難gag，不過佢都真係幾比面，我講咩佢都會笑一餐。
哈哈，其實譚梓淇真係好體貼、好識體諒人哋既心情，因為而家我回憶返，果啲咁既爛gag根本一啲都唔好笑，佢係驚冇人show我令我難受，先會勉為其難咁笑出黎既啫。
不過，當然唔係個個女仔都會咁體貼喇，連佢既朋友都唔例外。
好明顯，葉佩儀就絕對唔係果種會咁體貼別人既女仔。
就響我興高采烈咁講緊爛gag既時候，冷不防佢冷冰冰咁講︰「阿必係嘛？你啲笑話其實好爛、好嘈，仲好煩，可唔可以講下第二啲嘢啊？」
（待續）
當時我認得其中一個女仔係同我同班既，一個就係譚梓淇既好朋友母夜叉（因為佢個樣好惡），另一個…我有冇見過佢？
開咗學都幾個星期，我都開始記得啲同學既名，所以呢個時候，我已經知道咗呢個母夜叉就係葉佩儀，但另一個真係諗極都諗唔起。
「喂，女班長！」我懶熟咁向佢哋大叫揮手，但其實我同佢哋既距離都唔遠，基本上唔駛咁大聲，不過我個係鍾意誇張咁鳩叫啫，哈哈。
譚梓淇作為陽光女神兼女班長，梗係面露笑容咁向我揮揮手打招呼。
「阿熙呢？」我四處張望，問︰「佢去咗邊啊？」
「唔知啊…」譚梓淇個表情變得有少少失望，反而問返我轉頭︰「你知唔知佢去咗邊啊？」
「佢唔係同你哋練啦啦隊架咩？」我問︰「佢又飛機？」
雖然呢個啦啦隊練習係強制性既，但我一直都知余正熙得閒就會放下發機，去搵班騎呢大叔踢波，呢個係佢親口同我講過既。
不過我都唔知佢係咪真係去咗踢波，都係唔好亂答嘞。
「唔唔…」譚梓淇不置可否，換咗個表情，友善地問︰「係呢，阿必，今日阿儀同埋欣欣都會同我哋一齊行啊，你冇問題吖嘛？」
「呵呵呵呵！」我好似個聖誕老人咁大笑起黎︰「冇問題，冇問題，咁多女仔一齊行我無任歡迎添！仲要係三個靚女添！」講嘢既語氣有啲浮誇。
冇計喇，作為張樂怡社長大波無敵同好會創會會長，我本身就係個鹹濕仔黎，鹹濕仔就梗係想比女圍架喇！
咩話？我中一點解就已經咁鹹濕想比女圍？乜中一唔比人做鹹濕仔架？
不過都要講返，當時除咗譚梓淇之外，其實葉佩儀同埋欣欣（即係之前提過既鄭海欣，一個好冇存在感既女孩子）既外貌其實都唔算太出眾，我話有三個靚女，其實都只係客套說話黎。
當然喇，到佢哋開始大少少，換咗髮型，又識打扮下既時候，當然順眼咗好多，但呢個時候唔係，呢個時候我最多只可以話阿儀同埋欣欣都只係一般般，尤其是當時阿儀呢個all back既馬尾look，仲要夾住幾隻髮夾響上面，都幾娘。
「阿必，你真係識講嘢。」譚梓淇笑道︰「我諗你都應該認得佢哋架喇？我哋同班架，佢係阿儀、佢係欣欣，都係黃社既，我哋啱啱練完啦啦隊，所以一齊走。」算係正式介紹咗葉佩儀同鄭海欣比我識。
而我，林必才，亦都係響呢一刻同我人生之中最重要既女人，葉佩儀，正正式式咁互相認識。
話說回來，果陣葉佩儀我都認得係譚梓淇果隻母夜叉朋友，但係鄭海欣我真係完全唔知佢係邊個，我連有個咁既人存在響呢個世界上面我都唔知。
不過我梗係唔會講出黎，我哈哈大笑，然後抱拳道︰「哈哈哈，梗係識喇，久仰，久仰，妳哋三位靚女，在下係非常久仰的。」學埋果陣電視入面啲古裝劇咁向佢哋抱拳作揖。
譚梓淇就梗係笑咗出黎，但係我呢個時候聽到葉佩儀細細聲講咗句︰「痴線！」
哦，佢真係以為我聽唔到架喎！
於是我又露出我既招牌哈哈大笑既笑容︰「哈哈哈哈哈，我就係痴線佬！作為痴線佬有三個靚女陪我行，真係爽死我喇！」
我大聲到連看門口個校工霞姨都聽到我講既廢話，望住我哋既方向忍唔住笑咗出黎，我塊面皮成幾尺厚梗係冇乜所謂，但就搞到幾個女仔有啲尷尬，葉佩儀仲講咗聲︰「唔知醜！」
本來我見佢把口唔收，仲想繼續胡說八道同佢胡扯落去，你哋知我個人痴痴地線，你搞到我時我就真係會厚住面皮咁死纏住爛打落去，但係我呢個時候見到我女神譚梓淇尷尷尬尬咁，我最後都係決定收口，唔好等佢難堪。
出咗學校門口，講起黎都真係巧合，我哋四個都係諗住搭地鐵返屋企，於是我哋就一齊行去搭地鐵。
諗返起，余正熙難得唔響度，本來應該係我同女神譚梓淇獨處既大好時機，偏偏有兩個唔識時務既女同學阻住晒，真係浪費晒呢次既機會。
不過，可以同譚梓淇相處，就算多幾條友響度，都冇乜所謂喇，我決定施展渾身解數瘋狂鳩UP，務求要女神令我留下深刻印象。
其實我冇問過譚梓淇鍾唔鍾意聽我啲難gag，不過佢都真係幾比面，我講咩佢都會笑一餐。
哈哈，其實譚梓淇真係好體貼、好識體諒人哋既心情，因為而家我回憶返，果啲咁既爛gag根本一啲都唔好笑，佢係驚冇人show我令我難受，先會勉為其難咁笑出黎既啫。
不過，當然唔係個個女仔都會咁體貼喇，連佢既朋友都唔例外。
好明顯，葉佩儀就絕對唔係果種會咁體貼別人既女仔。
就響我興高采烈咁講緊爛gag既時候，冷不防佢冷冰冰咁講︰「阿必係嘛？你啲笑話其實好爛、好嘈，仲好煩，可唔可以講下第二啲嘢啊？」
（待續）
八婆儀咁老實
佢個人係咁，不平則鳴，包括對爛gag
二十
吖，葉佩儀妳個八婆，我響度好似政府拼經濟既氣勢（得個講字）去搏取女神一笑，妳咁大聲窒我、寸我？一陣女神對我好感度下降咁點算啊？
「咁妳就唔識貨喇，妳睇下女班長？佢笑得幾開心？」本來想窒葉佩儀，但係佢畢竟係譚梓淇既朋友，我啲說話都冇去到咁盡。
點知我讓一步，葉佩儀就行前幾步，佢嘲笑道︰「咁係因為淇淇佢大愛包容啫，佢對隻狗都好有愛心架！」
「啊，妳話我係狗！？」本來我本住好男不與潑婦鬥既原則，加上妳又係譚梓淇既好朋友，我先忍讓，但比人踩上心口我仲點忍！
「我冇咁講啊，係你自己對號入座咋！」葉佩儀得戚地道。
「哦，咁女班長同妳咁friend，係咪因為妳都係狗乸啊？」我唔嬲、我唔嬲…不過我覺得妳係隻狗乸啫！
「你…！」
「好喇、好喇。」譚梓淇呢個時候出聲隔開我哋，好鎮定咁微笑道︰「你哋兩個都唔係狗，係我既好朋友，唔好為咗啲無聊嘢嗌交喇，好唔好？我希望我哋班上面既同學好好相處，我哋要做最好既一班！」
「好，我比面淇淇，唔同你計較！」葉佩儀擰轉頭。
「OKOK，好男不與雞鬥，我都唔同妳計較！」我都擰轉頭。
「你話我係雞！」葉佩儀怒道。
「我冇咁講啊，係妳自己對號入座咋！」我學返葉佩儀講。
「你…！」
「我哋不如唔好講咁多喇，我哋行快啲喇！」譚梓淇見勢色唔對，於是撟起對住我怒目而視葉佩儀手臂行快幾步 回頭向我一笑。
譚梓淇就係一個咁體貼既人。
果份溫柔，真係會令人產生一種感情。
本來我已經好嗒佢糖，到呢種時候，我心入面更加對佢有好感，覺得佢個人好nice好友善。
我咪講過，就算我慢慢越黎越感受到譚梓淇同埋余正熙互有好感，都可以大方祝福既？對譚梓淇，我係可以好大方，不過，我其實一直都分唔清自己對佢既感情。去到後來，我先覺得果種其實唔係全部係愛情。
男同女可唔可以有純友情？可能得，可能唔得，我自己都答唔上來。
不過我而家已經知道，我對葉佩儀既，一定唔係純友情。
如果我響中學既時候已經清楚自己諗法既話，我同葉佩儀既結局，最後又會唔會唔同？
呢次就係我同葉佩儀正式既相識，雖然唔係好愉快，但係而家諗返起，好有一種苦澀既甜蜜感覺…如果你話可以返到果陣時，等一切都從頭黎過，你哋話幾好吖？
*
時間快轉去到水運會當日。
老實講，雖然我響綠社入面都識到唔少朋友，但友情發展得最快既，都係同余正熙、譚梓淇、葉佩儀同鄭海欣。尤其是同葉佩儀，我同佢日日都響度窒黎窒去，當時只係覺得唔服氣想要講贏佢，但實際上我最初同佢既感情，應該就係由呢啲打打罵罵慢慢開始架嘞。
見到我同班花譚梓淇成日一齊玩，有時我啲朋友都會好羡慕咁問我︰「嘩，點解你可以同女班長咁friend既？」
我會曬命咁答佢哋︰「呢啲就係靚仔既魅力，你哋唔恨得咁多！」
「妖！」
其實講friend，當時又未稱得上係好friend，不過隨住相處日久，我同佢哋四個既感情又真係直線上升咗唔少既。
水運會果日既過程其實就冇乜嘢好講既，我想講既其實係之後同葉佩儀既少許互動。
我本來響日日同佢鬥嘴既過程之中，我覺得大家都真係想鬥贏對方，大家都真係唔係睇大家咁唔順眼既，但果日發生咗一件睇落微不足道既小事，我哋之間既關係好似有少少…少少輕微既變質。
都提一提喇，響張樂怡既帶領之下，我哋綠社係得到四社全場總冠軍呢個榮譽既。
我哋成班就梗係好開心喇，啲社幹事都係，佢哋就算係留低響現場清理垃圾同執返啲物資既時候都笑得好鬼死開心。
不過我離遠望過去水運會只係得全場第二既黃社，佢哋（尤其是啲社幹事）睇落就好唔開心，仲好頹啲。
我既女神又會唔會都係一樣呢？我見好似有啲社幹事安慰緊啲中一既同學仔，當中好似就有譚梓淇。
嘖嘖嘖，你班老粗死幹事恃住自己係高form又同社就走去搶咗原本屬於我既工作。
「好喇，今日辛苦晒大家喇，你哋表現得好好啊！」張樂怡響人堆前面向我哋一班中一啦啦隊道謝。
梗係喇，我哋幫綠社鳩叫咗個啦啦隊第一返黎喎，呢part響水運會總分入面都加唔少分架。
我哋就拍手掌同叫口號黎回應。
「你哋真係最好既！」張樂怡道︰「你哋返屋企先喇，呢度啲垃圾、物資等我哋清理就得架喇！」
話雖如此，但有部份既中一同學留低幫社長手去執嘢。
而我呢個時候見到黃社果面，一片愁雲慘霧咁既面口響度清理現場，其中仲包括譚梓淇。
唔止譚梓淇，仲有余正熙、葉佩儀同埋鄭海欣添，佢哋都響度清緊現場。
講起黎，雖然佢哋水運會係輸咗比我哋，但我都真係幾羨慕佢哋幾個最好既朋友可以一齊享受住無論輸贏都可以齊上齊落既經歷。
就算輸，都可以增進感情。
哈，佢哋都係我既好朋友，就等我黎一齊幫佢哋手喇！
（待續）
吖，葉佩儀妳個八婆，我響度好似政府拼經濟既氣勢（得個講字）去搏取女神一笑，妳咁大聲窒我、寸我？一陣女神對我好感度下降咁點算啊？
「咁妳就唔識貨喇，妳睇下女班長？佢笑得幾開心？」本來想窒葉佩儀，但係佢畢竟係譚梓淇既朋友，我啲說話都冇去到咁盡。
點知我讓一步，葉佩儀就行前幾步，佢嘲笑道︰「咁係因為淇淇佢大愛包容啫，佢對隻狗都好有愛心架！」
「啊，妳話我係狗！？」本來我本住好男不與潑婦鬥既原則，加上妳又係譚梓淇既好朋友，我先忍讓，但比人踩上心口我仲點忍！
「我冇咁講啊，係你自己對號入座咋！」葉佩儀得戚地道。
「哦，咁女班長同妳咁friend，係咪因為妳都係狗乸啊？」我唔嬲、我唔嬲…不過我覺得妳係隻狗乸啫！
「你…！」
「好喇、好喇。」譚梓淇呢個時候出聲隔開我哋，好鎮定咁微笑道︰「你哋兩個都唔係狗，係我既好朋友，唔好為咗啲無聊嘢嗌交喇，好唔好？我希望我哋班上面既同學好好相處，我哋要做最好既一班！」
「好，我比面淇淇，唔同你計較！」葉佩儀擰轉頭。
「OKOK，好男不與雞鬥，我都唔同妳計較！」我都擰轉頭。
「你話我係雞！」葉佩儀怒道。
「我冇咁講啊，係妳自己對號入座咋！」我學返葉佩儀講。
「你…！」
「我哋不如唔好講咁多喇，我哋行快啲喇！」譚梓淇見勢色唔對，於是撟起對住我怒目而視葉佩儀手臂行快幾步 回頭向我一笑。
譚梓淇就係一個咁體貼既人。
果份溫柔，真係會令人產生一種感情。
本來我已經好嗒佢糖，到呢種時候，我心入面更加對佢有好感，覺得佢個人好nice好友善。
我咪講過，就算我慢慢越黎越感受到譚梓淇同埋余正熙互有好感，都可以大方祝福既？對譚梓淇，我係可以好大方，不過，我其實一直都分唔清自己對佢既感情。去到後來，我先覺得果種其實唔係全部係愛情。
男同女可唔可以有純友情？可能得，可能唔得，我自己都答唔上來。
不過我而家已經知道，我對葉佩儀既，一定唔係純友情。
如果我響中學既時候已經清楚自己諗法既話，我同葉佩儀既結局，最後又會唔會唔同？
呢次就係我同葉佩儀正式既相識，雖然唔係好愉快，但係而家諗返起，好有一種苦澀既甜蜜感覺…如果你話可以返到果陣時，等一切都從頭黎過，你哋話幾好吖？
*
時間快轉去到水運會當日。
老實講，雖然我響綠社入面都識到唔少朋友，但友情發展得最快既，都係同余正熙、譚梓淇、葉佩儀同鄭海欣。尤其是同葉佩儀，我同佢日日都響度窒黎窒去，當時只係覺得唔服氣想要講贏佢，但實際上我最初同佢既感情，應該就係由呢啲打打罵罵慢慢開始架嘞。
見到我同班花譚梓淇成日一齊玩，有時我啲朋友都會好羡慕咁問我︰「嘩，點解你可以同女班長咁friend既？」
我會曬命咁答佢哋︰「呢啲就係靚仔既魅力，你哋唔恨得咁多！」
「妖！」
其實講friend，當時又未稱得上係好friend，不過隨住相處日久，我同佢哋四個既感情又真係直線上升咗唔少既。
水運會果日既過程其實就冇乜嘢好講既，我想講既其實係之後同葉佩儀既少許互動。
我本來響日日同佢鬥嘴既過程之中，我覺得大家都真係想鬥贏對方，大家都真係唔係睇大家咁唔順眼既，但果日發生咗一件睇落微不足道既小事，我哋之間既關係好似有少少…少少輕微既變質。
都提一提喇，響張樂怡既帶領之下，我哋綠社係得到四社全場總冠軍呢個榮譽既。
我哋成班就梗係好開心喇，啲社幹事都係，佢哋就算係留低響現場清理垃圾同執返啲物資既時候都笑得好鬼死開心。
不過我離遠望過去水運會只係得全場第二既黃社，佢哋（尤其是啲社幹事）睇落就好唔開心，仲好頹啲。
我既女神又會唔會都係一樣呢？我見好似有啲社幹事安慰緊啲中一既同學仔，當中好似就有譚梓淇。
嘖嘖嘖，你班老粗死幹事恃住自己係高form又同社就走去搶咗原本屬於我既工作。
「好喇，今日辛苦晒大家喇，你哋表現得好好啊！」張樂怡響人堆前面向我哋一班中一啦啦隊道謝。
梗係喇，我哋幫綠社鳩叫咗個啦啦隊第一返黎喎，呢part響水運會總分入面都加唔少分架。
我哋就拍手掌同叫口號黎回應。
「你哋真係最好既！」張樂怡道︰「你哋返屋企先喇，呢度啲垃圾、物資等我哋清理就得架喇！」
話雖如此，但有部份既中一同學留低幫社長手去執嘢。
而我呢個時候見到黃社果面，一片愁雲慘霧咁既面口響度清理現場，其中仲包括譚梓淇。
唔止譚梓淇，仲有余正熙、葉佩儀同埋鄭海欣添，佢哋都響度清緊現場。
講起黎，雖然佢哋水運會係輸咗比我哋，但我都真係幾羨慕佢哋幾個最好既朋友可以一齊享受住無論輸贏都可以齊上齊落既經歷。
就算輸，都可以增進感情。
哈，佢哋都係我既好朋友，就等我黎一齊幫佢哋手喇！
（待續）
今集竟然無𥄫張樂怡對波
證明佢啲注意力已經開始俾淇淇同八婆儀吸引晒
二十一
想做就去做，唔需要理會世俗既目光，厚住臉皮都要做，呢個係我既優點。
於是我就光明正大咁著住綠社件PE衫行過黃社果面既觀眾席，諗住幫下我果班因為黃社失落冠軍而沮喪既好朋友們。
連余正熙都落力咁幫手執嘢，真係難得，我仲以為佢係呢間學校入面少數既異類，對自己個社完全無動於衷既添。
不過我光明正大咁著住綠社件PE衫行過去黃社既大本營，當然有代價要付出…
「喂，林必才，你過黎做咩啊？」呢個黃社既同學，佢叫做周子揚，係我哋班既同學，平時都同我有幾句傾，算係普通朋友，不過佢呢一刻望過黎我既眼神入面，就帶有幾分敵意。
比個賽啫，唔駛真係為自己個社上晒腦吓嘛？
「你著住綠社件衫架喎，你過黎做乜嘢？」另一個我未見過，應該係隔離班既同學，佢一見到我身上件綠社PE衫即刻起晒鋼咁。
「我著緊呢件唔係乜嘢綠社衫，係學校既PE衫，嚴格黎講，係學校既一件校服…」我腳下並冇停步，準備過去開始幫下手執垃圾、清理現場。
「你個二五仔，我哋抬起佢送佢走！」同我friend friend地既周子揚突然間發號司令，然後佢身邊既幾個同學仔就衝過黎捉住我啲手手腳腳將我抬起黎。
「喂喂！你哋用錯字啊！你知唔知二五仔呢個字點解架？」我比人捉住但仲問糾纏埋啲無謂問題…
「將佢送去邊度好啊？」黃社同學問。
「將佢送去出口！」周子揚大聲發號司令。
「係！！」
「喂，你哋應下我喇！二五仔唔係咁解架…」
不過當然就冇人理我喇，於是我就比四、五個黃社既同學仔響周子揚既帶領之下抬咗去泳池觀眾席既出口，然後掟落地，然後真係頭也不回咁走返入去…
「嘩，你班友，真係冇人性…」我自言自語…諗住幫下你哋手啫…
之後我冇返到入泳池，反正張樂怡都叫我哋走咯，而我除咗銀包跟身之外就乜都冇帶，咁我就響泳池出咗觀眾席出口外面既大門hea下，等待我啲friends出黎。
順帶一提，我諗洪偉賢佢哋響我一個獨闖黃社龍潭蜜穴既時候，佢哋已經冇等我走咗。我同佢仲有孫興泰算係幾friend，但比較少一齊放學，因為我呢排放學既時候都係痴埋余正熙佢哋度。
我hea下hea下咁等，黃社既同學都陸續出黎。
周子揚佢哋經過我既時候問︰「喂，二五仔，你仲未走啊？」
我一本正經咁同佢講︰「未，諗住等你哋出黎，教返你哋二五仔既正確用法。嗱…根據康熙字典呢，二五仔呢個詞就係出自孔子既山海經，係要黎形容…」
我都未講完，周子揚就笑住講︰「痴線，唔理你喇，係咁先喇！」
「哦，拜拜！」我即刻換咗副表情愉快地同佢哋道別。
講到尾，雖然大家唔同社係競爭對手黎，但實際上大家最先既身份都係同學仔黎架啫。
又等咗一陣，我終於見余正熙佢哋出黎。
「你仲未走既？」估唔到係葉佩儀一臉好奇咁問我。
佢應該見到啱啱我比人抬走既情景，以為我自己走咗去。
「冇呀，等埋你地一齊走吖嘛！」我望一望過去余正熙果邊，見到佢果邊有個靚姐姐，於是我即刻流晒口水咁走埋去識下呢個靚姐姐，唔好屌我，男人本能，冇計。
原來佢係黃社既副社長林秋兒，余正熙既契家姐。
咁我唔係黃社既，唔識佢都好正常，點知葉佩儀又加把口︰「哼，孤陋寡聞！黃社既副社長都唔識！」
「冇計喇，唔通學妳咁成日記埋啲冇用既野咩？」我即刻反擊。
「喂！你話我記咩冇用既野呀？」
「成日睇埋啲八卦雜誌，仲唔係記住啲垃圾…？」
我哋又開始鬥咀喇。
仲要鬥鬥下先發覺好似身邊啲人走晒，剩返我哋兩個仲響度疊疊不休，而譚梓淇就響一邊同鄭海欣望住我哋。
「咦，阿熙同埋黃社其他幹事呢？仲有個靚女副社長姐姐呢？」我停止所有鬥咀說話，問響一邊等緊我哋既譚梓淇。
「佢哋行咗先喇。」譚梓淇嘆咗口氣，道︰「我哋都行喇！」
啊，等都唔等人，余正熙認真夠老友…
於是平時既五人行就變咗做四人行。
（待續）
想做就去做，唔需要理會世俗既目光，厚住臉皮都要做，呢個係我既優點。
於是我就光明正大咁著住綠社件PE衫行過黃社果面既觀眾席，諗住幫下我果班因為黃社失落冠軍而沮喪既好朋友們。
連余正熙都落力咁幫手執嘢，真係難得，我仲以為佢係呢間學校入面少數既異類，對自己個社完全無動於衷既添。
不過我光明正大咁著住綠社件PE衫行過去黃社既大本營，當然有代價要付出…
「喂，林必才，你過黎做咩啊？」呢個黃社既同學，佢叫做周子揚，係我哋班既同學，平時都同我有幾句傾，算係普通朋友，不過佢呢一刻望過黎我既眼神入面，就帶有幾分敵意。
比個賽啫，唔駛真係為自己個社上晒腦吓嘛？
「你著住綠社件衫架喎，你過黎做乜嘢？」另一個我未見過，應該係隔離班既同學，佢一見到我身上件綠社PE衫即刻起晒鋼咁。
「我著緊呢件唔係乜嘢綠社衫，係學校既PE衫，嚴格黎講，係學校既一件校服…」我腳下並冇停步，準備過去開始幫下手執垃圾、清理現場。
「你個二五仔，我哋抬起佢送佢走！」同我friend friend地既周子揚突然間發號司令，然後佢身邊既幾個同學仔就衝過黎捉住我啲手手腳腳將我抬起黎。
「喂喂！你哋用錯字啊！你知唔知二五仔呢個字點解架？」我比人捉住但仲問糾纏埋啲無謂問題…
「將佢送去邊度好啊？」黃社同學問。
「將佢送去出口！」周子揚大聲發號司令。
「係！！」
「喂，你哋應下我喇！二五仔唔係咁解架…」
不過當然就冇人理我喇，於是我就比四、五個黃社既同學仔響周子揚既帶領之下抬咗去泳池觀眾席既出口，然後掟落地，然後真係頭也不回咁走返入去…
「嘩，你班友，真係冇人性…」我自言自語…諗住幫下你哋手啫…
之後我冇返到入泳池，反正張樂怡都叫我哋走咯，而我除咗銀包跟身之外就乜都冇帶，咁我就響泳池出咗觀眾席出口外面既大門hea下，等待我啲friends出黎。
順帶一提，我諗洪偉賢佢哋響我一個獨闖黃社龍潭蜜穴既時候，佢哋已經冇等我走咗。我同佢仲有孫興泰算係幾friend，但比較少一齊放學，因為我呢排放學既時候都係痴埋余正熙佢哋度。
我hea下hea下咁等，黃社既同學都陸續出黎。
周子揚佢哋經過我既時候問︰「喂，二五仔，你仲未走啊？」
我一本正經咁同佢講︰「未，諗住等你哋出黎，教返你哋二五仔既正確用法。嗱…根據康熙字典呢，二五仔呢個詞就係出自孔子既山海經，係要黎形容…」
我都未講完，周子揚就笑住講︰「痴線，唔理你喇，係咁先喇！」
「哦，拜拜！」我即刻換咗副表情愉快地同佢哋道別。
講到尾，雖然大家唔同社係競爭對手黎，但實際上大家最先既身份都係同學仔黎架啫。
又等咗一陣，我終於見余正熙佢哋出黎。
「你仲未走既？」估唔到係葉佩儀一臉好奇咁問我。
佢應該見到啱啱我比人抬走既情景，以為我自己走咗去。
「冇呀，等埋你地一齊走吖嘛！」我望一望過去余正熙果邊，見到佢果邊有個靚姐姐，於是我即刻流晒口水咁走埋去識下呢個靚姐姐，唔好屌我，男人本能，冇計。
原來佢係黃社既副社長林秋兒，余正熙既契家姐。
咁我唔係黃社既，唔識佢都好正常，點知葉佩儀又加把口︰「哼，孤陋寡聞！黃社既副社長都唔識！」
「冇計喇，唔通學妳咁成日記埋啲冇用既野咩？」我即刻反擊。
「喂！你話我記咩冇用既野呀？」
「成日睇埋啲八卦雜誌，仲唔係記住啲垃圾…？」
我哋又開始鬥咀喇。
仲要鬥鬥下先發覺好似身邊啲人走晒，剩返我哋兩個仲響度疊疊不休，而譚梓淇就響一邊同鄭海欣望住我哋。
「咦，阿熙同埋黃社其他幹事呢？仲有個靚女副社長姐姐呢？」我停止所有鬥咀說話，問響一邊等緊我哋既譚梓淇。
「佢哋行咗先喇。」譚梓淇嘆咗口氣，道︰「我哋都行喇！」
啊，等都唔等人，余正熙認真夠老友…
於是平時既五人行就變咗做四人行。
（待續）
必哥又鳩噏
必哥鳩UP係日常
二十二
平時五人行既時候，其實譚梓淇同埋葉佩儀、鄭海欣係會行得埋少少，方便佢哋女仔之間既girls' talk啩，不過今日就因為由起程果一刻我同葉佩儀已經開始咗鬥嘴，所以反而變咗我同葉佩儀兩個人墮後咗少少。
葉佩儀係要嘲笑吓我︰「喂，你啱啱做乜鬼比人托豬咁樣托咗出門口啊？」
「唉，諗起就心淡，我明明係見你哋執垃圾執得咁辛苦，想幫下你哋清理下場地，點知你啲朋友仔一啲都唔領情，仲要咁對待你哋個大恩人…」我扮出個好無辜好慘既表情。
「恩你個死人頭啊，邊個要你黎幫手啊！」葉佩儀都好明顯係比「社際」呢種競爭意識洗咗腦既同學之一，佢續道︰「你黎曬命就曬命喇，知你哋社贏咗冠軍喇！哼！」
我諗啱啱班托豬同學都係同一個諗法，所以先會將我既良心當咗做狗肺。
我無奈地道︰「講乜鬼吖，比賽第二，友誼第一吖嘛。我著住綠社件PE衫啫，但我哋講到尾都係同學黎，比賽落力，比完賽咪做返好朋友囉。」
我個人好多嘢講，把口唔收，但正正係因為咁，我同好多人都傾得到計，所以我既朋友遍佈四個社，我並唔希望因為「社」呢樣嘢令到我哋之間產生不必要既敵意。
真心架，響社既比賽，我都好投入，我都好想綠社贏，但人哋個社拎咗冠軍，咪走埋去恭喜人囉，駛乜好似啱啱咁托我出去出口掟落地呢？
「哼，鬼同你做朋友啊，曬命就曬命喇！」葉佩儀嬲嬲地咁講︰「貓哭老鼠！」
雖然我果下想反唇相譏，但見到葉佩儀由走出泳池門口開始已經拎住袋垃圾，譚梓淇響我哋前面好似神不守舍咁行緊，而鄭海欣就一貫唔出聲識忍術咁扮潛行，其他幹事一早走得一乾二淨，我一向好憐香惜玉，見到女仔除咗仲要走埋去𥄫佢哋同埋鳩UP引佢哋發笑之外，都唔係好忍心要佢哋做粗重嘢。
我一手將佢手上面袋垃圾搶過黎，葉佩儀一時反應唔切，有啲愕然咁望住我。
我道︰「貓哭乜鬼嘢老鼠吖，袋垃圾比我拎喇，我哋係同學，唔係咩仇人啊。」然後又嘆咗句︰「妳哋黃社啲幹事又係，搞乜要妳一個中一女仔去掉垃圾都有架？唔係同社既人就唔會搵妳笨架，佢哋連啲垃圾應該點清理都冇同妳講，唔通妳真係諗住拎住袋垃拎到返屋企咩？」
葉佩儀好似真係思考緊我講既嘢咁，不過好快就「哼」咗一聲，然後好唔服氣咁講︰「唔好以為咁講嘢，幫我拎下垃圾，我就會感激你啊！」
我都冇佢咁好氣，道︰「鬼要妳感激我咩，我而家就好似見到隻臭蟲好慘冇人理比啲垃圾壓住，我作為一個充滿愛心既人類先至會出手相助，幫下妳手拎垃圾啫！」
「喂，你話我係臭蟲！」葉佩儀突然出手，用力搣我手臂！
我唔會唔記得，呢次係佢第一次出手，同我有身體接觸…
「嘩，痴線咩妳，好鬼死痛啊！」我慘叫咗出黎。
其實真係好痛，但而家諗返起，唔知點解會覺得好甜。
我哋打打鬧鬧咗一陣，我問︰「係呢，袋垃圾應該掉去邊？」
「呃…唔知。」
「吓，我隨口UP吓架咋喎，乜班幹事真係乜都冇同妳講架？」我問。
「妖，駛你理？」
咁講既話，我又真係覺得我哋綠社啲幹nice啲喎！
「咁而家袋垃圾點算好？」我望住手上面袋垃圾問。
「點知你啊？」葉佩儀變咗一副事不關己既表情︰「求其搵個地方掉咗佢啩。」
「唔，有道理！」我望住左手旁邊馬路迎面而黎既一架垃圾車，響佢經過既時候瞄準佢後面既垃圾斗既門口位大大力咁掉過去，點知架垃圾車行得太快，我袋垃圾一嘢掉咗落馬路，後面架私家車嚇咗一跳即刻急剎車，但都轆咗落去。
個著住西裝既司機即刻打開門走落車，大聲鬧過黎︰「仆你個街！屌你老母痴Q線架！」
嘩，有人落車，即撇！
「走啊，有人要落黎捉我哋喇！」我諗都唔諗就即刻起步走。
我行咗兩步，見葉佩儀仲原地咁呆咗企響度，行返轉頭拉佢走。
冇錯…
係我隻手拉住佢隻手咁走。
第二次接觸了…
（待續）
平時五人行既時候，其實譚梓淇同埋葉佩儀、鄭海欣係會行得埋少少，方便佢哋女仔之間既girls' talk啩，不過今日就因為由起程果一刻我同葉佩儀已經開始咗鬥嘴，所以反而變咗我同葉佩儀兩個人墮後咗少少。
葉佩儀係要嘲笑吓我︰「喂，你啱啱做乜鬼比人托豬咁樣托咗出門口啊？」
「唉，諗起就心淡，我明明係見你哋執垃圾執得咁辛苦，想幫下你哋清理下場地，點知你啲朋友仔一啲都唔領情，仲要咁對待你哋個大恩人…」我扮出個好無辜好慘既表情。
「恩你個死人頭啊，邊個要你黎幫手啊！」葉佩儀都好明顯係比「社際」呢種競爭意識洗咗腦既同學之一，佢續道︰「你黎曬命就曬命喇，知你哋社贏咗冠軍喇！哼！」
我諗啱啱班托豬同學都係同一個諗法，所以先會將我既良心當咗做狗肺。
我無奈地道︰「講乜鬼吖，比賽第二，友誼第一吖嘛。我著住綠社件PE衫啫，但我哋講到尾都係同學黎，比賽落力，比完賽咪做返好朋友囉。」
我個人好多嘢講，把口唔收，但正正係因為咁，我同好多人都傾得到計，所以我既朋友遍佈四個社，我並唔希望因為「社」呢樣嘢令到我哋之間產生不必要既敵意。
真心架，響社既比賽，我都好投入，我都好想綠社贏，但人哋個社拎咗冠軍，咪走埋去恭喜人囉，駛乜好似啱啱咁托我出去出口掟落地呢？
「哼，鬼同你做朋友啊，曬命就曬命喇！」葉佩儀嬲嬲地咁講︰「貓哭老鼠！」
雖然我果下想反唇相譏，但見到葉佩儀由走出泳池門口開始已經拎住袋垃圾，譚梓淇響我哋前面好似神不守舍咁行緊，而鄭海欣就一貫唔出聲識忍術咁扮潛行，其他幹事一早走得一乾二淨，我一向好憐香惜玉，見到女仔除咗仲要走埋去𥄫佢哋同埋鳩UP引佢哋發笑之外，都唔係好忍心要佢哋做粗重嘢。
我一手將佢手上面袋垃圾搶過黎，葉佩儀一時反應唔切，有啲愕然咁望住我。
我道︰「貓哭乜鬼嘢老鼠吖，袋垃圾比我拎喇，我哋係同學，唔係咩仇人啊。」然後又嘆咗句︰「妳哋黃社啲幹事又係，搞乜要妳一個中一女仔去掉垃圾都有架？唔係同社既人就唔會搵妳笨架，佢哋連啲垃圾應該點清理都冇同妳講，唔通妳真係諗住拎住袋垃拎到返屋企咩？」
葉佩儀好似真係思考緊我講既嘢咁，不過好快就「哼」咗一聲，然後好唔服氣咁講︰「唔好以為咁講嘢，幫我拎下垃圾，我就會感激你啊！」
我都冇佢咁好氣，道︰「鬼要妳感激我咩，我而家就好似見到隻臭蟲好慘冇人理比啲垃圾壓住，我作為一個充滿愛心既人類先至會出手相助，幫下妳手拎垃圾啫！」
「喂，你話我係臭蟲！」葉佩儀突然出手，用力搣我手臂！
我唔會唔記得，呢次係佢第一次出手，同我有身體接觸…
「嘩，痴線咩妳，好鬼死痛啊！」我慘叫咗出黎。
其實真係好痛，但而家諗返起，唔知點解會覺得好甜。
我哋打打鬧鬧咗一陣，我問︰「係呢，袋垃圾應該掉去邊？」
「呃…唔知。」
「吓，我隨口UP吓架咋喎，乜班幹事真係乜都冇同妳講架？」我問。
「妖，駛你理？」
咁講既話，我又真係覺得我哋綠社啲幹nice啲喎！
「咁而家袋垃圾點算好？」我望住手上面袋垃圾問。
「點知你啊？」葉佩儀變咗一副事不關己既表情︰「求其搵個地方掉咗佢啩。」
「唔，有道理！」我望住左手旁邊馬路迎面而黎既一架垃圾車，響佢經過既時候瞄準佢後面既垃圾斗既門口位大大力咁掉過去，點知架垃圾車行得太快，我袋垃圾一嘢掉咗落馬路，後面架私家車嚇咗一跳即刻急剎車，但都轆咗落去。
個著住西裝既司機即刻打開門走落車，大聲鬧過黎︰「仆你個街！屌你老母痴Q線架！」
嘩，有人落車，即撇！
「走啊，有人要落黎捉我哋喇！」我諗都唔諗就即刻起步走。
我行咗兩步，見葉佩儀仲原地咁呆咗企響度，行返轉頭拉佢走。
冇錯…
係我隻手拉住佢隻手咁走。
第二次接觸了…
（待續）
第一類接觸! 😊
掉向垃圾車，今次唔係扮
痴撚線
必哥咁識玩
拖著八婆儀
必哥咁識玩
拖著八婆儀
葉佩儀係外星人
佢係白卡黎
本能啫
二十三
雖然葉佩儀隻手又嫰又滑，不過後有追兵，我真係唔得閒慢慢研究點解呢隻母夜叉既手會咁似一隻女仔既手，而係捉住佢，越過前面兩個因為剎車聲而回頭觀看既譚梓淇同鄭海欣，快速咁走咗入啲橫街窄巷，再閃咗入一個商場仔避難。
我向後望咗一望，鬆咗口氣，道︰「睇黎冇人追過黎喇。」
葉佩儀比我拉住走到上氣不接下氣，而家先停得低面紅紅咁喘住氣，突然意識到比我拖住隻手，猛然縮開，道︰「喂！你隻手拎完垃圾，好臭啊！」
「袋垃圾我響妳手上拎過黎架喎，咁講妳隻手咪一樣咁臭？」我反駁道。
其實個垃圾袋裝住既都係啲以紙、發泡膠為主做既、已經爛咗既打氣物資，一啲都唔臭，仲幾輕，所以我啱啱掟出去馬路既時候，袋垃圾先因為輕飄飄咁掟得唔夠快，掟唔中垃圾斗既入口位，反而掟咗落馬路，嚇到後面既司機急剎車。
葉佩儀駁唔到，於是佢轉移話題︰「你啱啱係咪傻咗啊？咁樣掟袋垃圾出馬路，爭啲交通意外啊你個癲佬！」
「咩啊，又係妳唔知啲垃圾掉響邊，我見有架垃圾車揸緊過黎先至諗住掉袋垃圾上去啫！點知袋垃圾咁輕掉唔遠架啫！」
「你求其搵個垃圾桶將袋垃圾放響旁邊咪得囉，邊駛將袋垃圾掉出馬路喎！」葉佩儀不滿地道。
我一副一言驚醒洛克人既模樣，道︰「係喎，點解我諗唔到既！」
「正常人應該都係咁諗喇！」葉佩儀擺出一個不屑既樣，道︰「你真係唔正常啊！」
「係啊，我唔正常先會想幫妳手拎垃圾啊！我正常既話就一早學妳哋社啲幹事咁走晒啊！」我不忿地道。
「我…我…」葉佩儀有啲語塞，然後又道︰「我都冇話要你個癲佬…你個癲佬幫我手！哼！」
「哎呀，都話咗我哋只係咁啱唔同社，都係同學黎架嘛，都唔知點解妳同妳啲同學仔係有分黎分去…」
呢間學校既學生，比社呢個概念洗腦，變成狂熱支持者，甚至響比賽期間敵視其他社既同學，我唔係第一次講。對我黎講，投入社既活動、對社有歸屬感當然係好，我自己都好鍾意綠社、好鍾意綠社既獨有產物大波社長………前面對燈，但係，僅此而已。
我鍾意同唔同既人做朋友，包括其他社既，所以我唔認同呢種諗法。大家SYK中學一家親嘛～～
「我…我邊有！」
「哈哈～比我講中咗吖喱～～～？」我響度手舞足蹈咁。
諗返起黎，都幾似傻仔，商場仔啲人都望埋過黎睇下點解有個戇鳩仔響度跳舞。
青春啊！青春啊！呢啲係青春！
「喂！喂！停啊！啲人望過黎喇！」葉佩儀急道。
「嘻嘻～唔停！唔停！」
「你…你個痴線佬！」葉佩儀想扮唔識我，但佢同我企咗響度吹水好耐，已經比拖埋落水…
「嘻嘻～唔停！唔停！」
「你…你…」
「嘻嘻～唔停！唔停！」
就響呢個係人望到都尷尬（除咗我自己）既時刻，突然間有手提電話響，然後葉佩儀就拎咗部手機出黎接聽。
2003年，學生有一部手機其實都唔係乜嘢新鮮事，不過一個啱啱入中一既學生就有，就證明咗呢個學生屋企應該都唔會太窮，或者至少係老豆老母好錫佢。
不過雖然我係公屋仔，但其實我中二既時候都已經有一部，哈哈。
老豆老母錫我吖嘛。
況且分分鐘住公屋先係最有錢啊，唔係咩？
「喂，淇淇？」
淇淇？我停低咗自創既舞蹈，專心偷聽下葉佩儀同譚梓淇究竟講啲乜。
「係呀…我哋去咗…ＸＸＯＯ商場…嗯…好啊…」
葉佩儀一收線，我就問佢︰「邊個啊？邊個啊？」
其實係廢話，我一早知係譚梓淇。
「淇淇啊。」葉佩儀答︰「佢響一間快餐店坐低咗，諗住一齊食啲嘢，問下我哋去唔去喎。」
「去，去！」我笑道︰「梗係去喇！」
女神喎，點會唔去呢？
於是我同葉佩儀就停止咗啱啱既話題。
不過最後行行下既時候，葉佩儀竟然細細聲咁講咗聲︰「啱啱…唔該…幫手…」
「哎呀，我聽唔清楚啊！妳講咩話？」我裝模作樣地大聲問題。
「妖！死人頭！聽唔到就算！」葉佩儀大大力咁打咗我手臂一下…
嘩…我都係果陣先知，原來有女仔打人係可以大力過男仔架…
而經過水運會呢一日之後，就算我同葉佩儀都仲係成日鬥嘴，但係我已經再感覺唔到佢對我既果種真正既敵意。
（待續）
雖然葉佩儀隻手又嫰又滑，不過後有追兵，我真係唔得閒慢慢研究點解呢隻母夜叉既手會咁似一隻女仔既手，而係捉住佢，越過前面兩個因為剎車聲而回頭觀看既譚梓淇同鄭海欣，快速咁走咗入啲橫街窄巷，再閃咗入一個商場仔避難。
我向後望咗一望，鬆咗口氣，道︰「睇黎冇人追過黎喇。」
葉佩儀比我拉住走到上氣不接下氣，而家先停得低面紅紅咁喘住氣，突然意識到比我拖住隻手，猛然縮開，道︰「喂！你隻手拎完垃圾，好臭啊！」
「袋垃圾我響妳手上拎過黎架喎，咁講妳隻手咪一樣咁臭？」我反駁道。
其實個垃圾袋裝住既都係啲以紙、發泡膠為主做既、已經爛咗既打氣物資，一啲都唔臭，仲幾輕，所以我啱啱掟出去馬路既時候，袋垃圾先因為輕飄飄咁掟得唔夠快，掟唔中垃圾斗既入口位，反而掟咗落馬路，嚇到後面既司機急剎車。
葉佩儀駁唔到，於是佢轉移話題︰「你啱啱係咪傻咗啊？咁樣掟袋垃圾出馬路，爭啲交通意外啊你個癲佬！」
「咩啊，又係妳唔知啲垃圾掉響邊，我見有架垃圾車揸緊過黎先至諗住掉袋垃圾上去啫！點知袋垃圾咁輕掉唔遠架啫！」
「你求其搵個垃圾桶將袋垃圾放響旁邊咪得囉，邊駛將袋垃圾掉出馬路喎！」葉佩儀不滿地道。
我一副一言驚醒洛克人既模樣，道︰「係喎，點解我諗唔到既！」
「正常人應該都係咁諗喇！」葉佩儀擺出一個不屑既樣，道︰「你真係唔正常啊！」
「係啊，我唔正常先會想幫妳手拎垃圾啊！我正常既話就一早學妳哋社啲幹事咁走晒啊！」我不忿地道。
「我…我…」葉佩儀有啲語塞，然後又道︰「我都冇話要你個癲佬…你個癲佬幫我手！哼！」
「哎呀，都話咗我哋只係咁啱唔同社，都係同學黎架嘛，都唔知點解妳同妳啲同學仔係有分黎分去…」
呢間學校既學生，比社呢個概念洗腦，變成狂熱支持者，甚至響比賽期間敵視其他社既同學，我唔係第一次講。對我黎講，投入社既活動、對社有歸屬感當然係好，我自己都好鍾意綠社、好鍾意綠社既獨有產物大波社長………前面對燈，但係，僅此而已。
我鍾意同唔同既人做朋友，包括其他社既，所以我唔認同呢種諗法。大家SYK中學一家親嘛～～
「我…我邊有！」
「哈哈～比我講中咗吖喱～～～？」我響度手舞足蹈咁。
諗返起黎，都幾似傻仔，商場仔啲人都望埋過黎睇下點解有個戇鳩仔響度跳舞。
青春啊！青春啊！呢啲係青春！
「喂！喂！停啊！啲人望過黎喇！」葉佩儀急道。
「嘻嘻～唔停！唔停！」
「你…你個痴線佬！」葉佩儀想扮唔識我，但佢同我企咗響度吹水好耐，已經比拖埋落水…
「嘻嘻～唔停！唔停！」
「你…你…」
「嘻嘻～唔停！唔停！」
就響呢個係人望到都尷尬（除咗我自己）既時刻，突然間有手提電話響，然後葉佩儀就拎咗部手機出黎接聽。
2003年，學生有一部手機其實都唔係乜嘢新鮮事，不過一個啱啱入中一既學生就有，就證明咗呢個學生屋企應該都唔會太窮，或者至少係老豆老母好錫佢。
不過雖然我係公屋仔，但其實我中二既時候都已經有一部，哈哈。
老豆老母錫我吖嘛。
況且分分鐘住公屋先係最有錢啊，唔係咩？
「喂，淇淇？」
淇淇？我停低咗自創既舞蹈，專心偷聽下葉佩儀同譚梓淇究竟講啲乜。
「係呀…我哋去咗…ＸＸＯＯ商場…嗯…好啊…」
葉佩儀一收線，我就問佢︰「邊個啊？邊個啊？」
其實係廢話，我一早知係譚梓淇。
「淇淇啊。」葉佩儀答︰「佢響一間快餐店坐低咗，諗住一齊食啲嘢，問下我哋去唔去喎。」
「去，去！」我笑道︰「梗係去喇！」
女神喎，點會唔去呢？
於是我同葉佩儀就停止咗啱啱既話題。
不過最後行行下既時候，葉佩儀竟然細細聲咁講咗聲︰「啱啱…唔該…幫手…」
「哎呀，我聽唔清楚啊！妳講咩話？」我裝模作樣地大聲問題。
「妖！死人頭！聽唔到就算！」葉佩儀大大力咁打咗我手臂一下…
嘩…我都係果陣先知，原來有女仔打人係可以大力過男仔架…
而經過水運會呢一日之後，就算我同葉佩儀都仲係成日鬥嘴，但係我已經再感覺唔到佢對我既果種真正既敵意。
（待續）
非也。第一類係指手對手嘅接觸，第二類升級少少，咀對咀接觸，第三類…係「全身投入」嘅接觸! 
初中生就有手機用，令我諗起援助交際