【你好，天腦】《病港ＩＩ》（８ ３）

係病獵大師

不如墨巴將成篇文出曬喺同一個留言度，咁有人quote文嘅話就會俾系統幫你縮埋

以前見到秦狩呢啲死戰派都覺得好熱血
但自從陳智能佢地共和國嘅共存路線出現左
而家每次見到佢地呢啲場合就感覺尷尬
明明溝通到有得商量都要往死裡打
如果帶港豬佢地黎呢度已經可以安安全全

睇黎我都變左做病者人權組織啲人

咁艾匡都唔廢嘅 始終蕭都仲係人類 仲要上晒debuff

南征部隊一向主張，絕不與病者妥協。
原則，永遠不會改變。
其實，就算有病者共和國嘅出現都只係限於有智慧嘅病者仲要係願意與人類和平共存。
而且香港機場經歷十幾年時間孕育而成嘅超大型病窩，
已經發展出具有一定程度同數量嘅有智慧病者，
仲未計存在住可以統領整個病窩嘅最高領導病者
嗰規模已經等於打多次南征戰爭。
更何況秦狩佢哋經歷過被困係黃埔地鐵站幾年，
日夜都同緊病者戰爭，所以一定唔會同病者妥協。

病共前十年：咩心態嘅人會諗住同病者共存

病港十年後：病者共和國萬歲！！

就好似屋企有個曱甴窩，隻曱甴講平時唔會出嚟搞你但會周不時出現喺你視線範圍

雖然係無害，但係第一印象+長年環境教化下，潛意識已經覺得佢哋係骯髒、邪惡、危險嘅存在，一定要被消除，何況係有智慧識飛嘅曱甴，更加要死

仆街好好睇

今日試吓

新地圖好正

硬係覺得機場呢一戰會慘敗
除非M搵埋陳智能過嚟救亡

明係明，但我已經唔太識分同呢啲病者族群戰爭同人類互片有咩分別
當代入到呢啲病者係有智慧有文明有思想嘅時候
令我對而家病獵嘅行為好有當初不良人嘅既視感都係為左自己利益同目的去掠奪人地倖存區資源，見人就殺，一邊恥笑對方弱小/笨拙嘅同時攻擊對方

打打下真係發覺自己愈諗愈痴線
病者平權組織資深成員係我
嗄...吧吧嗄！嗨！

寫咗幾年 終於成功幫病者平權組織洗白

應該話當病者發展出有智慧有文明有思想嘅時候，係咪就代表人類注定要病者所取代
對於「為左自己利益同目的去掠奪人地倖存區資源，見人就殺，一邊恥笑對方弱小/笨拙嘅同時攻擊對方」，
依一方面，其實病者都係一樣，香港機場被自居係嗰到嘅病者自稱為「巢穴」，病者國度有「人皮大廈」同大量「人體藝術品」，仲有馬爾斯嘅被病者所折磨嘅經歷都一一反映人類係病者眼中就係弱小嘅存在。
而且人類所用緊嘅核能都係首腦研發出嚟嘅核融合反應堆先有無盡嘅能源

認同「病者都係一樣」
有好人有壞人，有好病者有壞病者
唔應該一刀切
病者平權

隻病者係好定壞由M決定

識得M嘅朋友可以免一死

識發明核聚變反應堆俾M，病者倖存區都俾你創立

火炬照亮每隻病者的臉孔，它們以燦爛的笑容直視倉庫內部。

博海德按下開關，置中的航空發動機開啟，渦輪葉片緩緩轉動，隨著啟動聲響加劇，扇葉的轉速逐漸提高，帶動周圍的空氣形成一股強大的吸力。

低沉的轟鳴聲逐漸增強，宛如沉睡的巨獸甦醒當中。

南征部隊眾人站於發動機的後方兩側，舉著盾牌冷冷的盯著前方。

病者油淋淋的頭和污垢被渦流捲起，地面伴隨著輕微的震動感。

這裡有大眼、大鼻、大耳、病牙、病嘴、病童、舌女、腫瘤人、裂聲女、吞肥、竊屍賊、病爪、耆者、病翼、舞者等，它們不分先後地爭相上前……

當它們踏足發動機四米距離前，腳掌立即失去了摩擦力，整個身軀吸飛入發動機的葉片中。

「唰唰唰唰唰唰唰唰唰唰唰唰唰唰──」

血花四濺。

首先被吸入粉碎的病牙不過兩秒時間，就化為千萬塊血肉組織。

其後是一窩蜂湧上的病者，它們被強大的氣流拉向扇葉。

因為物體碎片因為撞擊和高速旋轉而被甩出，沿著氣流被拋向外部，可是被甩出的殘缺碎片又再半秒內給吸回進氣口，進行第二次破壞和粉碎，直至成為血沫。

博海德抱著雙手，胸有成竹地觀望著眼前壯烈畫面。

身為病獵協會中，最高病者擊殺數的病獵名號，再次得到證明。

南征部隊舉著的盾牌，更多是擋住到處橫飛的血跡。

整個維修倉庫好快被染成血紅色，短短半分鐘內，上千者病者數量銳減。

吞肥是眾病者中最為難搞，因為它皮粗肉厚，體積龐大，發動機要完全消化這團肉需要幾秒鐘時間。

這幾秒間已經足夠部份病者突入發動機兩側，南征部隊的要做的事便是把它們推回出去。

一千、兩千、三千？多少隻病者死在扇葉下，沒人能數得清。

航空發動機清理絕大部份病者後，發出低沉的嗡嗡聲，引擎部份冒出了黑煙，是開始故障的前兆。

航空發動機再強，也抵受不住無數物體的捲入。

大量屍塊堵塞下，扇葉的轉動速度開始變慢。

由本來可以切割成肉沫，變成會留有可辨認的殘肢。

南征部隊的軍官站在倉庫貨架上，觀看這場血腥的盛宴。

那個敲著戰鼓引領病者前來的智慧病獸呆在原地，彷彿懷疑著人生。

當它帶來的病者死得七七八八後，智慧病獸身影更顯孤單，它們敗給了人類的科技。

「走！」秦狩對它大聲咆哮，放下狠話：「去講俾你嘅同類聽，再嚟侵犯嘅下場。」

「嘩……嘎……」該名智慧病獸放下戰鼓一腳把它踩爛，繼而按了下身上的背心，然後奮不顧身地衝往仍然轉動的發動機前，最終命運同樣是死無全屍。

大家原本以為只是魯莽的行為，卻想不到是自殺式襲擊，那隻智慧病獸穿上了綁有雷管的自爆背心。

一聲爆炸後整部發動機受到摧毀，扇葉真正地停止旋轉。

倉庫貨架上的范世京和姜河冥立即舉盾保護博海德，以防炸飛的金屬碎片誤傷他。

放下盾牌，眼前畫面除了烈火熊熊外……

剛才的病者大軍更幾乎死盡。

南征部隊取得了勝利！

由於維修倉庫裡已沾滿無數的病者屍體，整個空間骯髒得無法形容，殘渣上充滿了病毒，南征部隊只得轉移陣地，前往鄰近的維修大樓。

「無咗部發動機，如果佢哋嚟多波攻擊咁點？」一位南征病獵提出。

「如果真係再有病者大軍嚟，就唯有全體撤退。」秦狩說。

另一方面，智慧病獸那方的斥候，已經得知慘敗的消息。

機場巢穴內智慧病獸議論紛紛，但最終由一名叫「俠客」的智慧病獸鎮定住場面，它手握自製的獵頭斧行到同胞的面前。

所有智慧病者都注視著它，顯然它有絕對的話語權。

俠客高舉獵頭斧，對了天轉兩個圈，然後指向西面。

它的意思是，親自出動。

較高大的無腦病獸繼續擔當車伕，其餘智慧病獸站在不同的拖車上。

俠客帶了幾名親信，前往著南征部隊所在，當它發現病者大軍屍橫遍野時，不禁想像是什麼怪力亂神造成。

「人類！」懂得說人類語言的字典下車，呼叫著南征部隊。

維修大樓天台上，南征病獵將火把扔到智慧病獸旁邊，方便看清楚它們的存在。

「你哋仲未汲取到教訓。」范世京說。

字典斷斷續續地說：「你……們有何……求？滿足……你……」

范世京不想轉拐抹角：「直接講出你哋嘅來意。」

「只要……你人類……勇士勝出……對決……會答嘎、應條件。」

范世京整合下話語，大概是只要派出一個人跟它們對決，它們就會滿足南征部隊需要的東西。

「號角嗤……聲響……」字典指著手持號角的智慧病獸：「我們全體嗤嗤，出動、圍剿、俘虜……答應！否則……嘎開戰。」

范世京把字典的要求，用無線對講機告訴秦狩。

「佢哋已經係第二次要求一打一。」秦狩留意到。

「佢哋可能有決鬥文化。」博海德插嘴。

「我哋唔會順應病者意願。」因為病者會提出，肯定是對自己有優勢。

「但如果唔派人出去，佢會派所有智慧病獸嚟圍剿……」博海德言語間略有擔憂：「就算係南征部隊，咁多隻病獸，都唔可以全身而退。」

「但如果只係派一個人出去，贏咗就唔洗犧牲一兵一卒。」姜河冥點點頭。

「你哋信病者嘅說話？」輪船上的元蒼也用無線對講機加入討論。

「首先要問問佢哋原因先，點解咁執著一打一，病者講大話無人類叻，可以睇得出端倪。」博海德給出提議。

博海德

唔係黃竹坑定海洋公園站咩？

到底係邊個走入駕駛室感染兩個機師？如果係變咗病者先走返入去嘅話，，即係有意識閂門陰人

有啲病者首領係北部都會區生活過嘅人變成嘅？所以渲染左佢地啲決鬥文化？

公仔很早來到上次的茶餐廳，老闆看見他後馬上作出阻止行為：「我上次已經講明唔歡迎你哥仔……」

「但係……」

「無但係，唔該你走。」老闆說得決斷。

「決鬥！」公仔舉起拳頭。

「咩事啊你。」老闆呆若木雞。

「你唔俾我入，咁咪決鬥……睇下入唔入得。」

「嘩，你都幾無賴喎！」

「出嚟決鬥。」公仔準備行出馬路。

「唉得啦得啦！入嚟喇。」老闆唸唸碎：「真係癡媽筋……」

好掛住公仔一王四后小冒險隊

病者m權