【你好，天腦】《病港ＩＩ》（８ ３）

解開了誤會，騎士們就地解散，繼續各自的訓練。

艾匡領著雲水走去休息區，那裡有茶水餅供應，給消耗量大的騎士們補充體力。

「哇，正。」雲水拿塊白燒餅，大口地嘴嚼：「唔……」

雲水吃得有點急，竟噎住了。

「小心啊你。」艾匡拍拍她的背，又握起水杯給她灌點。

與此同時，蕭梵跟了過來休息區。

「嗯？」艾匡兩眼望住蕭梵。

「係我。」蕭梵開腔。

「佢係蕭師傅啊。」雲水說。

「喔……啱啱失敬。」艾匡點一點頭。

「劍術好似有進步。」

「多謝。」艾匡會心微笑：「但點解你會著住盔甲入嚟……」

「為咗搵個人，一個騎士。」

「咩人？」

雲水拿出素描畫：「依個騎士你有冇見過？」

「小小騎士……」艾匡知道他的名字。

「識佢？」蕭梵問下去。

「佢係我朋友。」艾匡如實地答。

蕭梵和雲水對望一眼，然後由後者說出：「你朋友同病者有柏拉圖式嘅勾結。」

「……」艾匡聽不明白。

「佢係天腦嘅「替身」。」蕭梵直說：「替身係指可以接收到天腦聲音嘅人，甚至係擁有佢嘅小撮腦波力量。」

艾匡望著地下半晌：「我知，我都係。」

「吓？」雲水翻看其他素描畫，但未見有艾匡樣貌。

「不過無咩好隱瞞，依件事鳥嘴先生一早知。」艾匡續說。

「咁即係嗰條友專登抽起咗你幅畫，唔俾你加入依件事。」蕭梵猜中了。

「……係咩事啊？」

「我哋要搵天腦嘅替身出嚟，監察控制住佢哋，防止出現任何危害。」

「咁我洗唔洗？」

「你應該唔洗？M信得過你。」雲水微笑。

「所以你可以用佢嘅力量？」蕭梵問。

「係可以，但我已經好耐無掂。」艾匡答。

「包括啱先？」

「係，之前鳥嘴先生已經警告過我。」

「可以展示一次我睇？」蕭梵提出。

艾匡怔住：「可以係可以……但真係要？」

「拋硬幣，等佢估。」蕭梵示意雲水。

雲水掏出一枚艾幣，輕輕一拋再按住手背遮蓋：「點解要咁做？」

「估。」蕭梵叫艾匡。

艾匡深一深呼吸，集中思緒，閉住眼睛。

數秒後，艾匡猛然睜眼，呈出反白的眼睛。

雲水被震驚到，因為感到凌氣逼人。

「正反反正反正。」艾匡回答。

「吓？」雲水不明白為何有六個答案，但照樣打開揭曉答案。

是正面。

蕭梵倒是有些明白，再叫雲水：「拋多五次幣，即刻打開。」

雲水跟著做，接下來五次結果，按順序是反面、反面、正面、反面和正面，跟艾匡預測的完全一致。

雲水張口結舌，這才知曉預視能力有多強大。

「對我哋有用。」蕭梵點點頭。

「你想我用預視，幫你哋搵其他替身出嚟？」艾匡了解他的想法。

「嗯。」這麼做蕭梵能節省很多很多時間。

「你做唔做到……」雲水問。

艾匡捏著下唇，思量片刻：「應該可以做到。」

「乖女。」雲水輕撫艾匡的頭。

「時候唔早，安排個地方俾我哋休息。」蕭梵幾乎以命令的語氣指示艾匡。

「收到。」

麥霸時間

時候唔早啦，安排多幾篇文嚟睇吓

話說好耐之前搶劫艾寶琳銀行嗰時
好似有個下級騎士幫手拖住之前個騎士長 之後個騎士長叫艾康去睇個下級騎士 佢最後仲有冇出現過？又或者專門寫戲份俾佢做咩？

講起艾康都未蒲頭wor

依個世界都有好騎士

你遲啲會見到

冇預視都劈柒蕭梵？

平時無用開甲打，突然着甲動作慢咗

狂狼·獨臂王: ……

咁本身女王都師承好多人，天賦又唔差，仲後生啲

「你就係貴華？大家都叫你做「氪金騎士」係咩意思。」全職騎士一樣是使用長劍作為武器。

冇記錯香港人叫法係「課金騎士」
艾寶琳唔係北部都會區喎

LM

課金好似無個種非理性洗錢嘅feel

「拋硬幣，等佢估。」蕭梵示意雲水。
雲水掏出一枚艾幣，輕輕一拋再按住手背遮蓋：「點解要咁做？」

蕭梵點知艾匡用到天腦嘅力量=可以預視未來
一黎就叫人估銀仔
btw用天腦力量搵天腦信徒

艾匡捏著下唇,思量片刻:「應該可以做到。」
「乖女。」雲水輕撫艾匡的頭。

加甜

成年冇睇想問吓依家去到迪士尼荃灣沙田元朗嗰邊未

Btw負皮王你漏左

我幫負皮王送多個俾你

有無諗過佢就係負皮王

仲多咗個正皮 負皮王改名叫做蛇王算

我都係負皮王