【你好，天腦】《病港ＩＩ》（８ ３）

但係又話特首同埋解放軍收到風走佬先

咁公仔可以點 就算吸死左M都係會死 只係拖長條命

一直以為係陸路走 會唔會純粹上咗大陸？

之前M同蕭山一齊過南區嗰時唔係入過一個解放軍軍營 入面有一堆自殺解放軍屍體咩

骨折錯位可否醫返好，只係戰力返唔到顛峰，好似蕭梵咁

依個答案都開始浮現出嚟，有咩人可以控制晒成個香港，唔俾人出去

好多有絕症嘅人都係見步行步

搵真菌之神幫下手
食多粒種子

得返34人

我自己喺元朗篇之前
一路都以為係有力場或者有軍隊控制香港邊境之類
但係元朗篇話大陸都有病者同埋有人落嚟走難 好迷
不過墨霸可能two Step ahead

墨說，赤柱軍營可唔可以解讀下或有冇咩故事？

邊一話有講？我印象冇

希望公仔吸吓吸吓，吸晒啲精華就進化

嗰到我印象中無咩故事

辦公室內病者不多，再發現的下隻病者，已是躲藏垃圾膠袋中的耆者。

幸好耆者郁動時塑膠袋會發出聲音，讓南征病獵注意到其存在。

從辦公室區行出去倉庫是個偌大的空間，大量儲存架整齊地佇立著，像倉儲式超市一樣，部份零件需要依靠升降台去拿取，每個儲存架上面標籤了零件類別和型號，只要照著清單按方抓藥，應該可以找齊所有零件。

「范世京，你個隊負責守住出入口。」秦狩指派。

范世京的隊伍馬上動起來，嚴守著所有出入口。

「兩位維修員帶我哋搵齊零件。」秦狩望向聶一凜身後兩位飛機維修員。

「無問題……」兩位飛機維修員開始仰頭張望。

「姜河冥，你個隊負責將零件運上船。」秦狩再下令。

「收到。」姜河冥回答。

「所有人專注自己崗位到！」秦狩聲量提高。

如果沒有飛機維修員幫忙指路，南征部隊敢肯定要在這個倉庫用上兩倍的時間。

部份零件擺放位置很高，需要堆高機協助取下。

這裡堆高機有了，但沒有驅動它的燃料，所以南征病獵只可以用原始的方法，以繩索捆綁貨物吊下來，特別是較大型的。

一部飛機至少有上百萬個零件以上，要像樂高積木一顆一顆精準無誤的組裝和拼砌起來，是件好困難的事，更別說慢慢找齊所有零件。

南征部隊的預計逗留時間，可能超過一星期。

「我諗唔明點解要整嫁飛機。」炎濤搬著引擎零件：「就算喺機場以外嘅地方整完，都無跑道俾佢飛。」

「要跑道可以自己填平塊地。」姜河冥回應。

「但真係要用飛機嘅，每次過嚟機場依到用唔得？咁樣真係都唔知要搞到幾時……」

「飛機起飛同降落都會產生噪音，成個機場嘅病者會俾你吸引過去。」

「我哋預先殺哂病者唔得？」

「得，同打多次南征戰爭無分別，你自己諗下香港機場每日載客量幾多，特別係病毒爆發嗰陣，個個人都湧去機場，人傳人感染一定會發生。」姜河冥望出飛機維修倉庫：「我都唔敢想像客運大樓嗰到，病者數量有幾驚人。」

另一位南征病獵梧成俊插口：「個數量應該等同打多次南征戰爭無分別，未計有咩特殊病者。」

「原來係咁……」炎濤苦笑：「我思維果然唔啱做管理層。」

幸好倉庫內零件全部都保存得宜，很多東西都用金屬盒裝載著。

當小輪的載貨量變滿，元蒼就會駕駛回港島區卸貨。

搬運工程持續了五個小時，大家都感到很吃力。

秦狩讓負責站崗和搬運的人，定時交換崗位以提高效率。

當太陽伯伯準備下山，大家才停下來吃口飯歇歇息。

令人值得高興的是，附近沒有病者大軍，暫時不需擔心安全。

夜晚大家睡覺的地方，是倉庫的辦公室。

緊閉所有出入口，安排人員守夜，然後盡快休息入眠，這就是南征部隊晚上唯一要做的事。

第二天，南征部隊的搜括工作繼續。

經過昨天半日的熟練，大家配合和走位純熟了許多。

推

特首肯定有提早走佬 我試下用ai搵quote

實有D勁 boss

唔係話為左保護舊政府啲高層
所以啲軍事力量先神早縮哂返港島然後斬開哂啲過海嘅通道咩
無咩印象提過特首因為都無咩印象有人討論過計返年份嘅話當時個特首係邊個/係咪架空角色

黎到機場
一想像到客運大樓x病窩個畫面就覺得好正
唔知中間吊起架飛機模型仲喺唔喺到呢

777上咗兩個月