【pH值介乎於7飄浮的愛情故事】《一腳踏兩船》(1)

上回講到許個願先～
冇嘢吹點許？
Jeff就好醒咁開個蠟燭App俾Joanne許願～
Joanne許咗個願就吹蠟燭～佢哋兩個就開餐喇～
食完嘢又行一陣～Jeff總係同Joanne保持一定距離～
又唔係同性相斥！行埋啲啦！
Joanne拉Jeff埋自己身邊！唔准佢再彈開！
Jeff就乖乖聽話啦～
佢哋行去公園玩鞦韆～
原來Jeff唔識㗎！因為細個屋企管得嚴...冇乜機會出街玩...
唔怪之得啦～
咁以後就等Joanne搵Jeff出街啦～仲教埋佢打鞦韆添～
玩咗一陣，都有啲夜，Jeff話請埋Joanne食生日飯～
去咗食日本嘢～Jeff好細心咁照顧住Joanne～
食飽都要行返屋企喇～
就喺Joanne屋企樓下嘅大閘門前...
『你唔問我頭先許咗個咩願？』Joanne打量住Jeff。
「咁...」Jeff諗一諗，「你許咗個咩願？」
『我想...』Joanne諗一諗，『得到一個答案！』
「咩答案？」Jeff望住Joanne。
『你...』Joanne行前一步，『係唔係一直都鍾意我？』
「吓？！」Jeff勁驚訝！
『吓咩吖你？』Joanne行前一步！
「我...」Jeff口震震咁！
『答吖！』Joanne再行前一步！『答我你係唔係一直都鍾意我？』
「我...我...」
『答！答！快啲答吖！』
「我...我...我係鍾意你！一直都鍾意你！」Jeff終於都講出口！
『咁就得喇！』Joanne帶住微笑點點頭，拍拍Jeff膊頭！『咁就做我男朋友啦～』
「做...做你男朋友？」Jeff仲係唔多信眼前嘅事實。
『嗯！』Joanne就搭住Jeff膊頭，『你唔想咩？』
「想！」Jeff塊面勁紅，「想...」
『想就得啦～』Joanne帶住微笑點點頭，『男朋友～』
「女...」Jeff用力咁點點頭，面都紅晒咁，「女朋友！」
從此，公主與王子就過著幸福快樂的日子...嗎？
TO BE CONTINUED
跟住既劇情發展又會係點呢？



準備出文