【pH值介乎於7飄浮的愛情故事】《一腳踏兩船》(1)

『嗯！』我點晒頭！『我搵你你唔可以唔出㗎！』

「嗯！」Jeff都點晒頭！「你搵我我實出！」

『咁好啦！』我一跳就跳返落地！『而家就由我教你打鞦韆啦！』

「你？喂喂...得唔得㗎？」

『梗係得啦！捉穩喇！』

我就喺Jeff背後推～一推再推～不停咁推～

「嘩嘩嘩...」

Jeff俾我越推越高～

「喂喂喂...」

佢仲有啲驚驚地～

『唔使驚喎～捉實啲！自己又Fing前～Fing後～』

唔使幾耐，Jeff自己都識盪前盪後～

我都坐返上鞦韆～同Jeff一齊盪前盪後～盪前盪後～

同Jeff一齊玩，係開心嘅～而且仲好同步～

呢啲係唔係叫夾呢？

我從來都唔知同一個人一齊，需要具備乜嘢條件。

可能都只係好單純咁鍾唔鍾意囉～

但係其實...夾唔夾都係好重要...

夾唔嚟嘅話...就只會多拗撬...

玩到都差唔多天黑喇～夜喇...差唔多都要走喇...

「不如...」Jeff同我行出公園，「請你食埋餐生日飯先返去？」

『嗯！你請我梗係好啦！』其實...我係有啲唔捨得咁快就返去...

Jeff就帶我去食日本嘢～

一坐低，Jeff就點嘢食～

『喂...你唔使問吓生日嗰個想食咩㗎咩？』

「咁我知你鍾意食乜吖嘛～」

『係唔係真㗎？』

「等陣嚟到你咪知囉～」

我都係半信半疑...

Jeff點完嘢食，就幫我抹乾淨埋杯同筷子～

都係咁細心呢～又會細心到幾時呢？

唔知點解...我總係唔敢講永遠...永遠好似好遠好遠...遙又遠...

啲嘢食嚟到...果然全部都係我鍾意食嘅！

究竟一個人要幾重視你，先可以將你嘅全部放入心裡？

呢個問題我諗都冇可能得到答案...

就算要劏開Jeff，拎個心出嚟睇...

呢餐生日飯都食得好開心～甚至係我咁多年嚟嘅生日...最開心嘅生日飯...

而且呢餐都唔係平㗎～對一個中三嘅學生哥嚟講～

『多謝～』不過Jeff話請㗎嘛～咁就多謝晒喇～

「唔使客氣～」Jeff都請得好滿足～好似...完咗多年嚟嘅心願咁～

都真係夜喇，差唔多要返去喇...

喺夜幕之下...暗黃色嘅街燈之間...我同Jeff肩並肩咁行...

大家都冇講過嘢...只係膊頭撞膊頭...慢慢行...慢慢行...

我唔係咁想行咁快...咁快就返到屋企...但行得再慢都好...再長嘅路程都會有行到去終點嘅一日...

「你...」Jeff停下腳步，「到喇...」

就喺我屋企樓下嘅大閘門前...

『你唔問我頭先許咗個咩願？』我打量住Jeff。

「咁...」Jeff諗一諗，「你許咗個咩願？」

『我想...』我諗一諗，『得到一個答案！』

「咩答案？」Jeff望住我。

『你...』我行前一步，『係唔係一直都鍾意我？』

「吓？！」Jeff勁驚訝！

『吓咩吖你？』我行前一步！

「我...」Jeff口震震咁！

『答吖！』我再行前一步！『答我你係唔係一直都鍾意我？』

「我...我...」

『答！答！快啲答吖！』

「我...我...我係鍾意你！一直都鍾意你！」Jeff終於都講出口！

『咁就得喇！』我帶住微笑點點頭，拍拍Jeff膊頭！『咁就做我男朋友啦～』

「做...做你男朋友？」Jeff仲係唔多信眼前嘅事實。

『嗯！』我就搭住Jeff膊頭，『你唔想咩？』

「想！」Jeff塊面勁紅，「想...」

『想就得啦～』我帶住微笑點點頭，『男朋友～』

「女...」Jeff用力咁點點頭，面都紅晒咁，「女朋友！」

從此，公主與王子就過著幸福快樂的日子...嗎？

TO BE CONTINUED

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～

三句預告

[Day 02－五日之後] PART 01

“很感激 喜歡我十年仍不休”

一早就有電話響...

已經將[Day 01－平凡生日] PART 02 Upload上Penana

晚
咁快就表左白呀

好快就一腳踩兩船

又係女仔做主動

一隻手一個

揸𨋢晚
係唔係估我唔到呢

踏吖

怕羞仔都係要等女仔做主動

一個窿一個

冇錯冇錯

你心聲你心聲

今次個故節奏仲快過上次

由經驗累積 學識節奏明快

btw勁sweet真係
不過睇嚟冇咁簡單

暴風雨前夕

早