【pH值介乎於7飄浮的愛情故事】《一腳踏兩船》(1)

同Crystal無無聊聊咁吹多陣...

『終於都到我～』我企起身伸個懶腰，『等我吖～』

「加油加油～」Crystal拍拍我屁股～

加乜鬼嘢油～都話咗冇諗住得㗎啦～

跟住個工作人員行，好快就行到嚟另一間房。

喺房裡面就坐咗幾個，男男女女，唔知乜水...不過其中一個一眼就認得出...係LB！

乜LB都冇份見㗎咩？！

「坐～」工作人員帶我坐喺男男女女面前。

『哦哦...』頭先Crystal又唔講有LB份嘅？！

即係咁...其實我平時都冇留意開LB嘅...久唔久喺YouTube見到佢啲MV就撳入去聽吓咁囉...就唔會Loop嘅...

IG直頭冇Follow到添啦...

好明顯我就唔係LB嘅Fans...

一直都冇乜興趣...冇話吸引到我...

不過而家LB嘅真人就喺正我面前...確確實實用肉眼見到...

雖然坐咗喺度...不過就咁睇都覺得LB唔係高...（肯定就冇193啦...好似話170都唔夠...）

以為高度對一個明星嚟講係好重要...但而家面對面咁睇...又幾Charm喎！

點Charm法？

我都唔知吖...總係好似...帶住微笑嘅眼神就好有種...吸引力？

總係會吸引住你嘅注意...注意住佢對眼...

就算有幾個人坐喺佢身邊都好...你都只係會望住佢...好似就只有佢...冇其他人...

呢啲就係星？

「歡迎你嚟試鏡...」其中一個男人開聲，「我叫Mark...係呢個MV嘅導演。」

『哦你好你好...我叫Joanne...』好彩有呢個叫Mark嘅導演叫一叫我...唔係嘅話我都唔知俾LB吸咗去邊...

「Joanne你好...」Mark托一托眼鏡，睇睇部iPad，「睇你IG都有唔少相...麻煩你介紹一下自己先。」

『哦好好...』介紹自己...要點介紹自己？

講真我一心淨係諗住陪Crystal嚟就講到口都臭啦～都冇諗過原來要好似見工咁自介...

見工吖...工...工...

『我叫Joanne...中文名周頌茵...啱啱十四歲仲係個學生...不過就有做過神秘顧客嘅～』呢啲資料又算唔算有用呢？

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～

三句預告

「神秘顧客？」Mark導同幾個男男女女都好有興趣...當中仲包括LB！

LB對眼...好似閃閃發光咁望實我。

呢啲係唔係叫放電？我又有冇被電倒？

死啦死啦
Come On Jeff啦要

唔好吖 唔好吖
暖男唔應該帽㗎

暖男先要帽

明星嘅吸引力
佢地好多都好淫亂架

帽事嘅

呢個Joanne 係咪之前啲故出現過

咪之前個爛尾故囉

暖男應該要得到真愛

暖男都好有吸引力
貴圈真亂

好綠

係唔係有啲印象呢

好似仲有個㗎喎

唔通另外嗰條船係飛揚

呢單嘢唔關我事
又好似關關哋喎

早

原來斷尾嘅原因就係因為繼續寫落去就會寫到自己個疊

揸𨋢早

千絲萬縷㗎

各位早晨
咁好天氣又好想瞓添