【pH值介乎於7飄浮的愛情故事】《一腳踏兩船》(1)

『嗯嗯...為我好就俾我瞓多陣啦...』

「好喇好喇...瞓多陣好喇...」

『要你攬住我瞓...』

「攬住喇攬住喇～」

『要實㗎喎～』

「實晒喇～」

『錫啖我～』

「啜啜卜～咁起身未吖？」

『嗯～起身喇～』

同Jeff拍咗拖都有三個禮拜～

去到邊個Stage？

都係維持喺拖手攬攬錫錫咋～

係吖～都係Stage 3咋～

唔好話搞喇，摸啲重要啲嘅部位都未試過...

係唔係唔夠主動？

我就唔會主動摷佢囉！但我有冇做啲表示？

都有嘅...

咪又係請吓佢食波餅吖（我小饅頭都請到囉好唔好！）...攬住又貼晒埋去吖...錫嗰陣直頭用下面貼住佢下面吖...

係Feel到佢硬咗嘅！但佢又冇進一步行動囉...

唉都唔知話佢份人太老實好定太過呆好...

或者...可能...大家都係初戀啦～

「記得拎齊嘢喎～」

梳洗完就執袋～

『都冇乜嘢要執啦～』

是旦啦～都係帶返平時帶開嘅嘢～

「銀包呢～」

『有啦～』

「鎖匙呢？」

『係喎！』

「電話呢～」

『電話呢...電話呢...喺褲袋同你傾緊電話㗎嘛！』

「你一陣換完衫記得帶吖～」

『知喇知喇！』

「咁你諗好著咩衫未？」

『都係平時出街衫囉～唔使諗咁多啦～』

「唔使著靚啲？」

『唔使啦～我都係陪Crystal咋嘛～』

今日陪Crystal去邊？

咪就係去試鏡囉～

『一講起佢就Send Message嚟催我！』

「咁你真係遲咗吖嘛～」

『都未夠鐘！係佢預早叫我唔好遲咋嘛！』

「咁佢都好了解你會遲囉～」

『都話未遲咯！』

「係係係～咁你換好衫未吖？」

『換好啦！而家著埋鞋就出得門喇！』

「電話呢？電話拎咗未吖？」

『吖係喎～而家拎埋喇！著鞋喇！』

同Jeff傾住電話咁落樓...去到約定地點都仲係未見Crystal身影！

『我都話咗條八婆冇咁準時㗎啦！』又叫我快啲快啲！自己又唔見人！

「哈哈哈～」Jeff笑咗幾聲，「你真係好了解佢～」

『梗係了解啦！估都估到佢一陣實係施施然咁行過嚟添吖！』次次約佢出街都係遲十五分鐘！仲要慢條斯理咁行過嚟！

俾佢吹脹！

「咁咪我陪你等住先囉～」

『唉見到佢啦！』

「係？咁都唔係等好耐姐～」

『佢吖真係成隻豬咁慢慢行過嚟啦！唔講住喇～走嗰陣打俾你～』

「嗯～咁加油喇～我等你～」

『Bye～』

「Bye～」

收咗線之後，望住Crystal施施然咁行到嚟我面前...

『八婆！』我就唔客氣喇！『叫我唔好遲！你自己就遲！』

「我都冇遲～」Crystal睇睇部電話，「啱啱好吖～我係怕你會遲咋～」

『我好準時囉好唔好！』我同Crystal嘅遲到比例係三比四囉好唔好！

我遲到三次，佢就遲到四次吖！

「係喇係喇～喂～」Crystal打量我全身，「你就咁去試鏡吖？」

『係吖～有咩問題吖？』幾好吖～輕鬆簡約～

「好有問題囉！著好啲得唔得姐？」Crystal Show一Show自己，「去試鏡吖～試鏡！」

『我冇你咁多嘢Show囉～我都叫有Show對腿囉好唔好？』我邊似得Crystal咁大波吖可以露腰再露晒北半球～

我著條熱褲露腿已經好盡㗎喇喎～

「唉你話係就係啦～」

『梗係～咁行得未吖？』

「行喇行喇～去食嘢先喇～」

同Crystal去餐廳食嘢先～

啲男侍應由我哋一行入嚟就喪𥄫𥄫到落完單都仲要繼續𥄫！

『喂你又俾人視姦喇～』我望住Crystal條事業線～

「你冇份俾人視姦～」Crystal踢一踢我隻腳，「你對腳俾人姦濕晒添喇～」

『痴線！喂唔好踢啦！』我冇Crystal咁好氣～

其實平時出街都成日俾人𥄫...都唔知有乜咁好𥄫...

而家Crystal著得咁少布就更加俾人𥄫得多啦～

你問我介唔介意吖？呃......睇吓點𥄫囉...

望一兩眼又冇乜所謂嘅～又唔會少忽肉～

之但係呢...有啲真係好鬼變態㗎嘛！

即係唔好話班靚仔侍應企埋一邊𥄫...又細細聲講偷偷笑喇...

嗱嗱嗱好似對面個大叔咁吖！做得我同Crystal老豆啦！仲係咁𥄫喎！

掃視晒我同Crystal全身...又眼定定咁望住我哋對腳...

喂你會唔會咁樣𥄫自己個女吖？

星期日就係咁多變態大叔食早餐...搞到我周身唔自在咁...

Crystal就好似冇乜所謂喎～定係唔知呢？

我就同Crystal打咗個眼色！

Crystal望咗個大叔一眼，就同我笑笑口又擰擰頭：「唉算啦～」

『睇嚟你都俾人𥄫慣㗎喇～』我就真係唔得喇...

「唔係囉！」Crystal拍一拍我隻手！「只係...唉算啦～」

『你老豆都係咁𥄫你㗎？』

「痴線佢唔會囉！你老豆會嘅？」

『我老豆吖...見都少見啦...』

「喂咁你有冇同屋企人講去試鏡吖？」

『冇喎～講嚟做乜？見面都少...唔係喺房瞓緊就去咗返工...唔係睇門口啲鞋都唔知佢哋喺唔喺屋企...』

「係吖...」

『咁你呢？』

「都係啦...」

『嗯嗯～』

其實我同Crystal嘅屋企都係一樣...都係一樣冇人理我哋...

或者我哋嘅成長都係咁似啦～所以一見如故啦～感情都特別好～

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～

三句預告

面對住啲變態大叔視姦（冇錯唔止一個！啱啱又有個大叔視姦住我同Crystal咁行入餐廳！搵咗個𥄫到我哋對腳嘅位坐低！），都要扮晒冇嘢咁繼續食早餐～

冇計啦～你又唔可以點～佢都係望咋嘛～就算係偷拍吖...我都唔想煩咁多，費事出聲啦...

總之就自己小心啲...唔好走光...望吓對腳都冇乜所謂嘅...

飛揚咪嗰啲變態大叔囉
平時就係咁樣係度視姦啲幻幻

其中一個大叔一定係飛揚嚟嘅
咁大對幼髀好難唔𥄫姐 仲要兩對

拿拿拿大家睇吓
佢終於認喇

腸係咪唔記得轉Account
終於都認啦
我終於都為廣大幻幻做返一件好事

衰妹係咁引jeff仔
睇嚟佢都好想食jeff

欣賞你咁誠實

只要遠觀

遠觀係人之常情
你當我唐僧咩

突然間咁誠實

正常嘅發展
點都有啲身體接觸嘅

一向都唔講大話嘅

從來都唔講大話

咁你又啱