【pH值介乎於7飄浮的愛情故事】《一腳踏兩船》(1)

『快啲排隊買～排隊買啦～』

同Jeff去排隊買吓呢樣又買吓嗰樣～

『我俾我俾～早餐你出咗喇嘛～而家到我俾喇～』

我都爭住俾錢～

「好好～你俾你俾～多謝晒～」

我哋呢種AA模式的確唔錯～

我唔係港女嚟㗎！我唔係只會搵男朋友著數㗎！

買完一堆小食就企埋一邊一齊食～又自拍幾張～

「你又食到成個嘴仔都係喇～」Jeff又用紙巾幫我抹抹嘴角～

『唔該～』我又企定定咁等Jeff幫我抹～

「大頭蝦～」Jeff好溫柔咁幫我抹～

『嘿嘿～』其實唔係我唔小心囉～

其實...我係有心添㗎囉～

可能係因為由細到大，父母都好少理我啦～

忙吖嘛～佢哋兩個都要返工...老豆更加唔使講啦...好少見到佢...見到佢都冇乜機會講嘢，佢就話要瞓要休息唔係冇精神開工...

有父母都缺少家庭溫暖，都唔好講照唔照顧啦...

所以而家有個男仔咁照顧我，我就梗係要有心大頭蝦多啲～俾佢照顧我多啲啦～

Jeff見我有啲熱，就拎埋把風扇出嚟吹添～

對住我嚟吹～吹到我把頭髮都飄揚飄揚～

『好爽吖～』把風扇仔細細又幾好風喎～

「爽吖呢～」Jeff幫我吹吹條頸～

一直都係對住我嚟吹～就算食完嘢拖住手行，Jeff都係拎住把風扇仔對住我嚟吹～

佢自己熱唔熱？我睇佢成頭大汗咁一定好熱啦～

不過佢都冇打算要吹自己喎～都係繼續對住我嚟吹～

『喂喂～落去沙灘玩咯～』過嚟長洲就必定要落沙灘玩㗎啦～

「喂喂...小心吖...」Jeff就俾我拖住咁衝落沙灘！

同Jeff喺沙灘上跑跑跳跳～

「喂喂喂...」

仲跑埋落海邊添！

我就拉住Jeff跑上跑落～避開啲海水又追返落去咁～

「小心...小心吖！」

Jeff就驚驚青青咁！

『花哈哈～好好玩吖～』

我就玩得好開心喇～

同Jeff追咗一陣浪，就坐喺沙灘上～

『哈哈～好好玩吖～』我挨喺Jeff身上～

「又玩到成頭大汗喇～」Jeff又拎紙巾出嚟幫我抹抹～

『唔該～』我拎部電話出嚟，『Post相上IG先～』

我又打返開Jeff個IG，將頭先自拍過嘅相都放上去～

一張不漏咁～張張都影得我好靚～又影到Jeff好呆咁～

『你睇你睇～』我遞部電話俾Jeff睇，『又多咗好多我哋嘅共同回憶喇～』

「係喎係喎～」Jeff都點點頭，睇清楚～

明明影到佢咁呆咁，都睇得咁開心嘅～

「你又冇電喇～」Jeff喺個大斜孭袋摷摷～

『咦係喎...』我都睇睇部電話，『又冇電添...』

尋晚同Jeff傾完電話又唔記得叉返先瞓...

「嗱～」Jeff就摷咗個尿袋俾我～

『唔該～』有尿袋用真係好～

我自己呢～就唔鍾意帶尿袋出街嘅～

咁大舊又重咁多...我個袋仔邊有位放吖仲...

所以有Jeff帶埋俾我用就最好喇～

而我都有一個習慣...就係叉電唔會用電話嘅！

『喂喂拎你部電話俾我～』我就攤大對手板～

「哦...」Jeff又乖乖咁交佢部電話俾我～

『繼續影相放上IG～要放多啲多啲再多啲～』咁就用Jeff部電話啦～

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～

三句預告

用Jeff部電話自拍多幾張～又放上佢個IG～

挨住佢嚟影又有～一前一後影又有～淨係影我哋半邊身嘅又有～

我就靚女～佢就繼續呆～係呆得可愛嘅～

晚

晚

完美演示咩叫兩小無猜

走冰晚

揸𨋢晚

係咪好有Feel呢
我係識寫愛情故㗎

真係啲中學愛情feel返晒嚟！

好Pure好True