［港男迫地鐵被誣告非禮］女人畀假口供都得？

咁我誤會咗你，因為我信佢俾人屈，而支持佢同佢弱唔弱能無關係

依啲人無經歷俾人bully，俾人屈百口莫辯嘅情況

當你親身經歷過咁漫長既程序，特別係係你人生最黃金既時期，如果勝算唔係真係特別高(通常擺得上庭律政司都係秤過，唔係既話一早撤左控)，或者屋企大把錢請出名大律師打，唔係既話同19年既情況一樣，一早認罪1/3，盡快完左成件事重過新生好過，仲有人相信法律？

性罪行案底喎師兄你認真？重過乜嘢新生？

咩料
裁院case都係6成贏4成輸
區院就73比（唔計國安case)
唔好講到未打就一定輸
性罪行點重生
一世社死啊on9
法律從來係有錢人玩具

非禮案好獨特
基本上條女指控某人非禮佢
除非條女話唔告 唔係的話一定會告
因為根本冇野要秤
呢點同其他罪行好唔同
舉個例 律政司要告一個人盜竊
佢需要提出證據證明被告偷左d咩 最直接的證據就係cctv
其他證據可能係喺被告身上搵到唔屬於佢的財物
而非禮案係唔需要任何證據
只要有「受害人」的證供就會告
如果律政司決定唔告的話
「受害人」走去搵東張哭訴的話唔講得笑

由於我朋友發覺好多人睇完29樓嘅summary就覺得了解晒成件事，佢自己整咗以下summary：
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
1. 一名乘客（下稱大隻佬）喺車門正在關閉期間，衝入擠迫車廂碰撞到男事主，並持續壓住男事主。
2. 地鐵開車無耐，男事主感覺到大隻佬郁身郁勢。男事主稍後時間望到大隻佬係面向入口方向嘅車門，因此男事主認知大隻佬曾經轉身，過程一直壓住男事主。
3. 同時有個女乘客（下稱投訴女）話男事主「好近」。
4. 男事主指責大隻佬，成功讓出更多空間畀投訴女。
5. 投訴女要報警，男事主同意報警，並搵大隻佬以及一位女旁人做證。
6. 警察到達後講畀男事主知，投訴女可能告你非禮，話你摸佢。投訴女未落口供，男事主亦唔知女人口供講咗乜。
7. 男事主當場被捕，之後搵律師及保釋。
8. 律師費好貴，幾十萬起跳，令男事主傾家蕩產。
9. 投訴女口供改來改去。
10. 男事主罪成。
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

另外，以下係我朋友想同各位Ching講嘅心聲以及佢誠摰嘅求教：
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
呢四年，我每次細訴事件經過都會遇到一個問題：
所有人都會忽略有人衝門，已經令我懷疑語言同人生。

每個人都淨係勸我要自我反省，然後我深刻反省，但仍然放唔低，我都不明白點解係我。

我甚至懷疑自己嘅語言能力了，我嘅能力就只有咁，我已經盡晒力表達喇。

案發時，各位Ching你哋又會點樣處事？？？
我不厭其煩又問各位Ching，遇到以下情況你哋又會點做呢：
1. 有人衝門撞你兼夾實你，重要轉身郁
2. 同時有人投訴你太近
3. 而你淨係得頭同嘴郁到

我嘅選擇係：
當時周圍嘅人都迫到實，我自然係諗投訴女想要更多嘅空間啦。咁我快啲讓位畀投訴女就應該解決到問題，咁我就滿足佢嘅要求啦。

我反映咗畀投訴女知『你睇睇，我郁都郁唔到』。
我亦都已經指責咗衝入來撞到我嘅大隻佬，不過我撞唔郁大隻佬，我都無計。我咪淨喺識同個女人對望囉。


回應留言

回#116：
如果講「Sorry，好迫」，女人一樣嗰句：「咁樣嘅話我會有陰影。」
咁樣你會講「我冇掂到你」或者「我冇非禮你」嗎？講定先？

各位Ching你哋點樣講返個經過比人知道？？？
當我陳述案情，內容及經過都被忽略同誤會。

當我嘅描述短嘅時候，人哋會對我提出懷疑，好多嘢諗唔明，覺得唔合理。

當我嘅描述長嘅時候，人哋又會話我講好多無謂嘢，最後都係聽唔到我想講嘅重點，事情一樣曲解咗。

當所有人一聽到「非禮」二字，就自動忽略「衝門」同「投訴好近」。
情境唔同，諗嘅嘢都唔同。

我只係順住時序講心路歷程。各位你哋又會點樣講返個經過呢？

有冇試過無端端被人撞?
我唔知點解呢幾年越來越多人唔睇路行。
我亦有見到地鐵車廂多咗人衝門，而且喺月台或者條街度，行行下係會有人無啦啦就撞埋來。(試過令我跌咗個電話)
各位Ching，你哋有冇咁嘅感覺？

另外，如果衝撞你嘅係男人，你可能會鬧，但如果衝撞你嘅係女人，各種Ching又敢唔敢鬧?點樣應對?

我已經無力戰勝呢份恐懼喇，只要出街，我就感到好危險。


判決書內容

裁判官不接納我口供，佢係咁樣講：
1) 根據被告的說法，他沒有看見誰推壓、撞或郁動佢，而只是在被證人1質問時才望到左方一名身形健碩男子揹著背包貼著他的身體，所以便懷疑是該人衝入車廂和轉身時撞到他。可是，依據被告的證供，他根本不知道是否該名男子所為。所以不合理。

當然唔係「不合理」！
我當時係全神貫注諗緊嘢，令到我出現一心三用。
一心三用，即係1) 全副身家面臨損失嘅焦急；2) 有人衝門兼郁身郁勢嘅煩躁；3) 突然有人講嘢，被投訴好近嘅唐突。

有好多人覺得我無端端提及買股票「好跳」/九唔搭八，但買股票呢樣嘢極其重要。

法庭想知道有人衝門、撞人，然後我嘅反應應該係即刻回望，點解唔望啊？
我答當時諗緊重要嘢，所以法庭問我：『你諗緊乜嘢重要嘢？』
所以我先講全副身家買股票嘅事，並唔係想講我買股票被人呃。

我原本任職一間上市金融軟件嘅公司，股票係跟同事買，當日賣係會賺，而遲咗就會損失慘重。
對於第一次買股票嘅人，點會喺呢個重要時刻去侵犯別人呢？而且我本來就唔會侵犯別人。

2) 被告對證人1說『頭先就係佢衝入嚟車廂撞到我』不合理
上一段，裁判官忽略咗有人衝門、撞人，令我大聲指責大隻佬衝門嘅行為，莫名奇妙曲解做「對證人1說」，而我根本無咁講過。

我口供原話係我望住大隻佬，加上用左肩撞，以及非常大聲指責佢，呢啲係同時發生。
短時間遇到咁多情況，講緊十幾廿秒。再面對住投訴女迫切嘅要求，所用嘅語氣、字眼(「會有陰影」)，我已經喺郁唔到嘅情況下，非常盡力咁完成咗投訴女嘅請求，叫大隻佬讓位。
「我讓咗位喇～～～我讓咗位喇～～」

不過呢，大狀咁問投訴女：『你可唔可以形容下嗰啲空間位置係如何呀？』
投訴女話：『我見到佢都褪後到一步，所以個車絕對唔係話好逼好逼。』

各位Ching，如果你哋被要求讓位，係唔係會讓位呢？定係扮做乜都聽唔到？

3)被告對證人1說『不如唔好搞咁多嘢』不合理
我當時一心三用，我嘅思緒、心情極度混亂，說話用詞難免缺乏條理，缺乏恰當。

我觀察到自己無掂到投訴女，我嘅處境都好無助，我背後亦無玻璃窗，只有持續不斷推壓，需要用盡力去企穩，所以我無喺投訴女嘅立埸去為佢著想同考慮。

當我聽到投訴女講嘢，我先望下周圍環境，又向下望確認。
過程令我留意到好多人望住我，佢地嘅神情，特別係目擊整個經過嘅女旁人嘅神情，再加上我郁唔到，呢份恐怖感太可怕喇。
四種情緒加埋，令我不由自主答投訴女『你睇睇，我郁都郁唔到，我趕時間返工，不如你唔好搞咁多嘢』。

4) 控方證據都確認被告嘗試尋找證人，雖然被告沒有舉證責任，但他找不到反駁非禮指控的人
警察到埸，分開我同投訴女問話，我係連留住證人嘅機會都冇，亦唔知道警察有冇搵證人。

警察搵到一名男旁人，唔清楚點解冇搵女旁人。不過警察有記錄男旁人資料。

我每次見大狀都要求搵CCTV片段同搵兩個證人。

而我當日係混亂到完全唔記得男旁人講過乜，亦形容唔到女旁人係點嘅。

大狀無預期傳召男旁人，男旁人亦無出現。

最後係由投訴女講，有位男旁人講過『我幫你做證囉，我可以證明好迫』，另外喺我隔離有個深色攣頭髮嘅女仔。
（為咗讓位比投訴女，我甚至無好好觀察投訴女嘅衣著。）
（另外，根本無發生過投訴女所講嘅「捉手」，所以我當時係望唔到投訴女拎住個手提袋。
我淨係望到投訴女打電話，然後我就去咗搵證人，無再留意佢。直到大狀拎到投訴女衣著相片，我先知佢係咩嘢衣著。）

大狀表現
大狀喺上庭前嘅會議上冇傾過左手右手嘅問題。

律師樓答我：『我哋會有盤問嘅策略，你唔需要知道大狀點盤問對方，你只係一個證人，比口供就得。』

大狀亦無喺會議上各式各樣咁盤問我，無教導我如何改善口供嘅表達及組織，令我嘅庭上口供基本上同我第一日去律師樓嘅一樣咁混亂。
即係話，我嘅庭上口供基本上係受情緒影響＋唔識講嘢＋無組織。

我亦都有同大狀講，我被案發時嗰一種恐懼感嚇親，令我情緒波動同發惡夢，工作已經嚴重出現問題(令客戶出現損失)。

大狀盤問中，得悉投訴女左手同右手一直都拎住嘢，質疑佢根本無用過手袋阻擋。
大狀想問多啲，裁判官以『問咗啦』唔畀問，話題又中斷。

加上喺之前嘅主問階段，大狀係唔能夠插嘴嘅。

由根本無發生過嘅「捉手」，到講為「捉一隻離開嘅手」，再到裁判官引導性問問題，演變成「捉住一隻重摸緊嘅手」。

面對充滿住誤解嘅審訊，氣氛一早被影響咗，彷彿罪證確鑿，我已經覺得裁判官偏袒。

大狀嘅盤問同埋我嘅作供，正如各位Ching所講，係「表達唔好」。
點解唔問「捉手」？點解唔問「重覆描述右手兩次」？我又好難怪責大狀，裁判官都唔畀人問。

而我只係一個小小嘅技工，唔係文科，我唔識得講嘢，要我將思想表達得咁清晰，我好難。
＊＊＊＊＊＊＊＊＊＊＊＊＊

希望各位幫手解答我呢位朋友嘅疑問，順便安慰下佢，感激不盡！

白卡摸完人扮傻

首先比人拉
第一時間搵律師同我無野講
乜鳩都唔簽，因為所有人都想你死

如果比男人衝門撞，我會屌鳩個男人，再用個身迫返佢出車門

正常律師見你講野1999，應該叫你唔好作證，因為被告人無需要自辯，就咁睇你上庭自辯害撚死自己

巴打千祈唔好死，你記得邊個害你，死之前搵佢就得，可能人地兒孫滿堂，到時就有bonus

其實朋友係咪樓主本人?

睇見啲＊＊＊＊＊仲以為係政府新聞稿

其實真係冇得搞
被告的確有權唔作供
問題係非禮案的判決完全冇客觀成份
個官覺得你有做就罪名成立 覺得你冇做就不成立
唔似得其他case咁需要客觀證據支持
你唔作供 個官可能覺得你身有屎先唔作供
你作供時講野一舊舊 個官可能覺得你身有屎
你作供又清晰又有條理 個官覺得你作緊野 唔誠實
到最後都係睇背景睇運

到件事發生係佢身上嗰陣我都想睇下佢點重生

嚴重d咁講 如果間清潔公司有做學校清潔
你有性罪行案例的話想做都唔得
最後只可以做最閪的掃街

無錯，風片案就係你擺上網，最厭女嘅連登仔都會質疑你，狗會assume你有做，你講咩都會雞蛋挑骨頭，無一個人會信你

就呢單case睇
個官都覺得樓主講野1999
送佢入去坐
如果樓主唔自辯
個大狀打多啲疑點
可能就甩到
老實講
有幾多人高壓環境下比人問話
會清晰又好條理
就算係有經驗既執髮人員上庭作供
都比人鋤到1999
何況普通人

ONE?

法官都信個女嘅口供同判樓豬朋友敗訴
邊有得告假口供
就咁睇應該有得上訴 但又要錢 心機 又要時間
一係報仇 不過咁又何必
一係睇開啲 由佢過去

來自內地的被告

全文重點

如果發現身邊有識得嘅人犯咗性罪行
但佢同你講佢係清白嘅
有幾多人會信佢？