【北九州出走之旅】福岡、長崎、熊本、宮崎、大分9日遊記 (極多圖)

其實我見好多人啲旅遊片，都係喺啲影相位，改做拍片由左至右掃或上至下掃咁影。讀旁白可以搵啲屋企人朋友把聲靚嘅幫手。
Btw, 純個人鳩up，只係見到啲相咁靚又做晒功課唔想嘥咗，冇興趣可以直接ignore

但起碼無伏 出餐/嘢食正常？

我對食物要求唔高，正常就得

嚟到高千穗峽，首先係去 千穗之家 食依個 高千穗牛肉陶板燒料理 (KKDay一日巴士遊團包嘅)

千穗之家



高千穗牛肉陶板燒料理，有六塊高千穗牛，配兩舊南蠻炸雞、前菜、麵豉湯、丸子、一盒甜點，以及一盒炒飯


第一舊未掌控好個火喉，就外熟內生，有啲韌，但之後熟手了，就食得出高千穗牛嘅美味 得六舊唔係好夠喉

(想講我一直唔知左手邊果盒係炒飯，我以為係禮物嚟，心諗點解個餐咁細份 然後我手多去拆份「禮物」，我diu原來係炒飯，果時仲要差唔多食完個餐)

我今年四張拎曬 最難係 南同東

我係今年挑戰完四極同登富士山

好珍貴嘅回憶

我睇過其他post ，有個巴打專去水族館，佢都有介紹過鳥羽水族館

好似我咁超級玩命既話 可以3日拎曬2張 但你要識揸車同有心理準備係搭車搭到想嘔

3日搭+揸車 超過20粒鐘

雞皮OK
燒雞肉NG
關東煮OK
雞胸軟骨OK

總結:熊本呢間就不太建議, 因為附近都好多選擇

燒肉冇白飯總感覺差啲

有無可能可以配合全國JR Pass 七日去哂四極？

有無link？想睇

之前去高千穗峽影

七日個JR Pass其實都有機會既 但真係會搭車搭到痴撚左線

Day1 到札幌
Day 2 稚內一日來回 (最北)
Day 3 直沖到根室 住一晚 (最東)
Day 4 夜晚到札幌
Day 5 落返大阪/東京
Day 6 福岡
Day 7 佐世保 住指宿 (最西)
Day 8 佐多岬 (最南)

原則上可行，但一定要直飛札幌先開始呢個全國JR Pass 買10日就一定得 七日既話去到盡既話應該都做到

我四極plan都係用左成3個trip先搞掂

算舒舒服服完成

札幌一日內可以去到佐世堡 day 5 同6可以合併

日本鐵路真係好癲 一日可以橫跨到成千公里

【小說式遊記】14日獨遊名古屋‧中部之旅【名古屋‧福井‧伊勢‧浜松‧靜岡】
https://lih.kg/3717471
- 分享自 LIHKG 討論區

咁坐法 七日完成不是夢

富士山我都想上 不過我獨遊嘅話我唔敢自己上

食完高千穗牛都已經點零鐘，嚟到高千穗緊係要撐船仔啦係咪？ 唏唔洗咁心急嘅，樓豬喺出發前已經喺高千穗峽觀光協會官網到預約咗當日3點半撐船仔

仲有兩個鐘有咩好做？沿住步道欣賞高千穗美景，同埋去咗高千穗神社先咯

記得上網預約



高千穗峽係以前阿蘇火山爆發而噴出嘅火山碎屑流沿住五瀨川流出，經過急速冷卻而形成嘅溪谷，高千穗峽全長7公里，大家除咗可以喺依到坐船仔仰望住「真名井の滝」，更加可以沿懸崖邊嘅步道欣賞高千穗峽嘅岩壁、以及不同嘅打卡位，一路讚歎大自然之美

高千穗峽石碑


久太郎水神社，久太郎水神係五瀨川沿岸供奉嘅五兄弟水神之一，而佢係保護水嘅神社 (亦應該係全日本最細嘅神社？)


成個神社就係得咁多。。。一舊石，加一個納奉箱


沿路行落去，會到達一個觀看「真名井の滝」嘅位置



擰轉頭一望



行前少少有另一樣嘢叫「鬼八の力石」 老實講睇唔出有啲咩特別。。。。


繼續行，就會見到「高千穗三段橋」，即係大正時代嘅「神橋」、昭和時代嘅「高千穗大橋」，以及平成時代嘅「神都高千穗大橋」



路過一影



經神橋可以慢慢行返出行車路，沿住行車路上返斜 (請三思，咁樣行上去要行20分鐘)，就行得到去高千穗神社

有fd一齊行會好d 成班鳩下鳩下咁就登左頂 個feel幾好

吹下水就到頂 同埋如果一個人登 死咗都隨時無人知

最怕係有人高山反應齊唔到人

本身我都plan咗下年登日本一

不過人到中年先爆濕疹

醫生勸我唔好爬

果然有啲嘢真係要趁後生健健康康做

高千穗神社位為高千穗峽嘅上方，你如果搭車/行路去高千穗峽，都必先會經過高千穗神社 如果想行程安排順暢啲，其實可以先到神社，再落去高千穗峽，會省卻不少嘅時間 同埋落斜係舒服好多㗎！

而高千穗神社擁有超過1,900年歷史，係高千穗町其他88座神社嘅總社，依到供奉住高千穗皇神、十社大明神同埋日向三代嘅神靈，係祈求姻緣、豐收、交通安全同埋除厄嘅地方。而神社亦有好幾棵巨型嘅杉木，包括「夫妻杉」同埋「秩父杉」。

高千穗神社 鳥居


手水舍


沿住樓梯慢慢向上走，映入眼簾嘅就係神社嘅本殿



巨樹百選「秩夫杉」


正對面就係「夫婦杉」，兩棵樹嘅根係一齊生長，大家可以同伴侶一齊拖手圍住棵樹行三圈，就可以保佑子孫繁榮、家宅平安


依到亦有好獨特嘅繪馬，兩塊木拼合一齊就會見到夫婦杉


高千穗神社仲有一個神樂殿，每晚都會有「高千穗神樂」表演，不過要去到夜晚先會開放，樓豬無緣欣賞

行到差不多時間就可以沿返車路落返高千穗峽，比大家喺上方望下「真名井の滝」先 有彩虹㗎


撐船仔嘅登記處位於隔離停車場嘅盡頭位置，由於樓豬一早已經 book 咗，所以直接行入去拎我嘅號碼籌就得 而現場係有當日飛售賣嘅，每日數量不同，視乎預約人數，我去當日有45張現場飛，但12點半已賣清光



沿住登記處左邊嘅樓梯行落去登船位置，職員會幫你著救生衣 (千萬唔好整濕救生衣，遇水自動膨漲，需要賠 ¥3,100㗎)


職員會簡單教你點樣划隻船仔，之後就係自生自滅嘅時間



到達「真名井の滝」位置，就睇下會唔會有傻仔撐去瀑布正下方淋水




基本上整個撐船體驗就係比你撐出去睇「真名井の滝」，無其他 撐到後面只係調頭位，慳下力好過


30分鐘，夠你學識如何撐船，睇埋瀑布再調頭，不過又應該唔會真係計時加你錢嘅 不過聽講如果要職員出動救你就唔同講法

撐完船，我地欣賞多次依到嘅美景



撐船嘅壞處就係撐果個背對正前方，然後就會搞到船撞船，就好似咁

識個frd之前第一次上山出事，要身邊朋友拖佢入山屋避險

Btw 身體要緊啊ching