【北九州出走之旅】福岡、長崎、熊本、宮崎、大分9日遊記 (極多圖)

從 Lalaport 門口搭返 44/45號巴士可以返到去博多站，為免再夜啲JR Counter關門，我決定依個moment要拎定我嘅JR 北九州Pass先

JR Rail Pass Counter位於博多站中央改札口隔離，千萬唔好去錯新幹線果邊嘅 Counter

JR Rail Pass Counter


入到去會有指示牌指你依到可以拎到咩Pass



樓豬事前已經喺 Klook 到訂咗2張JR北九州Pass，所以只需要帶定 Passport 同埋 Klook兌換憑證 (記得印出嚟) 交比職員，就可以拎到 JR Pass (如果好似樓豬我咁，一個人買2張或以上嘅Pass，建議寫定個使用Period喺張兌換憑證上面，方便職員處理)

Klook兌換憑證



拎JR Pass嘅同時，你係可以填定紙仔，話比職員知你想預約邊一日嘅邊一班車 (強烈建議填紙仔，一嚟唔洗重新排售票機；二嚟職員劃飛速度快你勁多，兼可以要求全窗口位；三嚟職員劃嘅飛係出日文車飛)

但你需要事先查好哂，1)出發日，2) 出發車站 & 到達車站 ，3)想乘坐嘅列車 4) 列車出發時間
(以上需以日文或英文填寫，列車班次可以用Google Map查到，而車站名請自行google translate)


樓豬我唔坐由布院之森，所以我所有指定席都係在地劃位


指定席大戶 (不過阿蘇男孩我坐果兩日都以全自由席運行，所以唔洗指定席飛)



同埋請各位預留時間拎JR Pass & 劃位，因為依個步驟輕則都要排30分鐘 我夜晚拎，一個counter，得幾個人排隊，我都排咗20分鐘。。。。。。

拎完JR Pass 時間都成8點半，就係時候要搵下嘢食醫下肚

福岡其中一樣出名嘅，就係屋台文化 屋台文化始於江戶時代，係為咗應付離家出遠門、單身赴任人士嘅飲食需要而誕生，而屋台就好似香港嘅大排檔 / 路邊攤咁，食客需要係戶外同比較逼嘅檔口到食嘢，而屋台一般都提供各種日式料理，就好似拉麵、串燒、關東煮等等….

福岡嘅屋台主要集中喺中州、天神同長濱，而樓豬今次去嘅就係位於中州嘅屋台 喺博多站搭七隈線坐一個站去櫛田神社前站，再步行5分鐘到就會到中州屋台


七隈線屬於福岡市營地下鐵，用唔到JR Pass，請拍IC Card



過咗依條橋就會到達 中州無料案內所 中州屋台


中州嘅屋台坐落喺那珂川川邊




樓豬行咗個圈，求其揀咗間合眼緣嘅就排隊



嗌咗一個博多豚骨赤拉麵，明太子奄列，同埋兩杯生啤，作為喺北九州嘅第一餐正餐我好滿意




巧遇中州貓咪


飲飽食醉之後，就慢慢咁搭車行路影下相返酒店休息，準備第二日嘅行程

留名等追Po

不過中州屋台真係唔覺得好，野食貴同迫都算啦，仲要講明只准落一次單，想加單買杯野飲都唔得，完全係想你食完快L D走唔好阻L住既感覺

定係我食個間伏咋.....我食串燒既

我諗應該你運仔差 我食依間無講話只准落一次單，途中我加單叫多杯生啤都無問題

價錢方面，拉麵¥850，明太子奄列¥800，生啤¥650一杯，埋單¥2950，嚟食嘢兼感受屋台氣氛，我覺得依個價錢接受嘅

不過屋台潛規則係真係食完就好走，唔好阻住人地翻枱嘅

Day 2 // 福岡 22 Sept 2024

櫛田神社 -> 博多運河城 -> 東長寺 -> うお田 (明太子丼飯) -> 太宰府天滿宮 -> 海洋世界海之中道

第二日行程開始

唔知點解我book嘅果間酒店，喺我入住果時同我講佢地包早餐 所以一大清早8點我就落樓食咗個靚早餐先

酒店早餐


食完個早餐，就返上房hea一hea，到大約10點零就出發去 うお田 到拎籌食福岡最人氣嘅 明太子三文魚子玉子燒丼 うお田 距離博多站好近，所以行過去就得

悠閒地出發行去うお田




うお田 分三個時段營業，分別係06:30 - 10:00，11:30 - 16:00，以及17:00 - 22:00，而我目標係中午嘅時段，而果日又係星期日，所以我提早一個鐘去拎籌，點知。。。。。

提早咗成粒鐘拎籌，但我前面已經有120張籌排緊，我diu


籌上面嘅QR Code可以比你用電話嘟，就會有個預計等待時間，同埋話你知你前面仲有幾多人等緊，你可以因應時間去行下之後先返嚟


既然係咁，就好好把握下等待嘅時間，徒步行去祇園地區嘅景點先

福岡有好幾個好有名嘅神社，其中一個就係即將要去嘅 櫛田神社

櫛田神社係博多嘅總鎮守兼守護神，供奉住天照大神 (大神宮)、大幡主命 (櫛田宮)、須佐之男命 (祇園宮)。櫛田神社起源自 757年，係伊勢松坂櫛田神社嘅分社。但神社經歷戰爭造成火災損毀，其後喺1587年 (天正15年) 嘅時候，豐臣秀吉喺重振博多之時，捐贈並且建造現時我地見到嘅神社。

而櫛田神社係個祈求長生不老嘅神社嚟，相傳飲咗入面「靈泉鶴の井戶」嘅水就可以延年益壽

櫛田神社 南神門


櫛田神社每年7月都會舉行「博多祇園山笠祭」，身穿傳統服飾嘅壯士會抬起依個重達一噸嘅山笠進行奉納，祈求封印疾病



再行入去就會到達櫛田神社嘅本殿，參拜嘅人絡繹不絕




「靈泉鶴の井戶」，飲咗就延年益壽


櫛田神社 樓門



中間圓型嘅係干支恵方盤


手水舍


櫛田神社 北神門


繪馬


注連懸稻荷神社係櫛田神社境內嘅神社，而依個神社係主祀豐收，係商業繁榮、五穀豐收之神，一場嚟到就行埋啦，有一排短嘅紅色鳥居




樓豬臨走前都喺櫛田神社買咗兩個御守，分別係 仕事守 同埋 交通安全御守 希望順順利利，平安大吉

Lm 好多靚相
我都啱啱喺九州番黎
由福岡玩到鹿兒島，玩咗13日
去埋本士最西最南端

我都想好似巴打你咁去咁多日

挑戰踏破四極？最南端睇落唔易去
有無拎證書先？

Lm
點解快運check in 唔用機

上年11月都係九洲睇紅葉，都睇到，不過無京都咁密咁集中，

高千穗峽陰天，影唔到靚景

Lm 睇圖

哥拉巴園真心幾靚 上年去完 出島就一般般 英式野多

因為用完機都係要排隊寄倉

online checkin條龍仲長過人手checkin

唔去北九州？

我都想睇紅葉
本身九州地域大，唔集中都接受嘅，反而果種睇到嘅感動更大

i mean 景點都好少可以滿山紅

竟然？平時睇相好壯觀㗎喎 巴打你去咗邊個景點，等我地避下伏

屌就好似我櫻花季去京都渡月橋咁，個山頭得小貓三兩棵

我覺得依兩個點 應該同門司港果種西式建築差唔多

北定南？ 南嘅話9日唔夠時間啦

去多三五日應該夠時間攻鹿兒島，見上面師兄攻本土最南端好吸引

北九州市

有自助寄倉的

本身對門司港果邊無乜興趣

喺櫛田神社南神門離開，一行出去就會係川端通商店街，依條商店街除咗餐廳之外，仲有啲平民生果舖

川端通商店街



以一個平民化向嘅生果舖嚟講，我覺得價錢都幾實惠，搞到我想買啲返香港


小弟無深入去行依條川端通商店街，轉而登上咗位於櫛田神社正對面嘅扶手電梯，去邊？咪就係博多運河城

博多運河城喺1996年開幕，係一個綜合咗購物、戲院、劇場、酒店、辦公室等等嘅多用途商業設施。而最為人熟悉嘅，應該就係入面果條長180m嘅「運河」，以及每日都會舉行嘅噴水show

博多運河城外觀



不過好可惜嘅係，樓豬一場嚟到，竟然個噴水池show因維修工程而暫停


無噴水show唯有鳩影下


如果嚟shopping嘅依到應該好啱大家，每一層都係outlet，仲要間間都鬼死咁大


運河城入面有個好奇特嘅電視牆，我稱佢為「洗腦機器」 因為佢所有機都不斷播閃爍畫面




最頂層有個拉麵Station，集合哂不同嘅拉麵店喺到，不過老實講都係唔到十間，我排 うお田 就唔喺依到食嘢了



正門留倩影

11月尾可能時間未係最岩掛唔sure

九洲出名個堆啦都係

有某公司小部分地方係多lor

但同京都一片紅海差得遠

但京都太多人

留名學野
黎緊1月都會去九州