【北九州出走之旅】福岡、長崎、熊本、宮崎、大分9日遊記 (極多圖)

不過衰在我咁多年嚟淨係鍾意影相，唔識拍片
同埋對鏡頭講嘢好老尷，所以我都係睇人地介紹片多，自己拍不了

進入咗依個迷幻世界，留喺到等都唔係辦法 我決定要做個清醒嘅人，起程落山去其他地方

火口接駁巴士班次好疏，嚟到就望望佢時間表先，自己預計下要行幾耐



返到嚟阿蘇山上廣場，有一個喺路邊，好細嘅神社仔，叫做 阿蘇山本堂西巌殿寺奥之院，外面仲有尊寫住「戀人之聖地」嘅牛像 有無人真係會專登上嚟拜戀愛運



樓豬登上返火口線登山巴士，搭兩個站嚟到 草千⾥ヶ浜 草千⾥ヶ浜係阿蘇「烏帽子岳」北面火口遺跡嘅大草原，被指定為國家名勝天然紀念物。放牧緊嘅馬悠閒咁喺草原行走，你亦都可以比錢體驗騎馬嘅樂趣

草千⾥ヶ浜


馬，全部都係馬


塘邊景色



草千里依到竟然有芒草


回頭一望，翠綠嘅山配廣闊嘅草原



阿蘇依到出名食赤牛，所以樓豬都襯火口線登山巴士未到之前，享受一下赤牛嘅滋味 行入依間叫做 「ニュー草千里」 嘅餐廳 (就喺草千⾥ヶ浜停車場最右手邊)，人氣No.1 就係佢地嘅 あか牛丼，選用咗熊本縣嘅赤牛，而依款牛脂肪含量較少，紅肉部分較多，鍾意食肉嘅應該會覺得好正

揀咗個窗邊位，一路望住草千⾥ヶ浜，一路享受眼前嘅赤牛丼


除咗赤牛丼，大家仲可以嘗試食生馬肉丼，又或者嗌其他嘢食都得

LM

食飽補充好體力，就返去排火口線登山巴士返阿蘇站

阿蘇站除咗可以坐火口線登山巴士之外，你亦可以喺到搭到 2號 同 4號 巴士 去 阿蘇神社 坐大概20分鐘就會到


阿蘇神社係擁有超過2,300年歷史嘅古老神社，而依間阿蘇神社係全國450間阿蘇神社嘅總本社嚟。神社祭祀著阿蘇嘅開拓始祖 健磐龍命 同 另外十一尊神明，總稱「阿蘇十二神」。據說只要穿過樓門，健磐龍命化身嘅龍就會斬斷一切災難。

一落巴士就係阿蘇神社範圍，阿蘇神社 南鳥居



樓門前嘅 銘水 神の泉，不老長壽之水


樓門，幫人斬斷一切災難嘅 阿蘇神社 喺2016年熊本地震亦遭受災難，樓門同拜殿都倒塌咗，一之神殿、二之神殿、三之神殿、神幸門等等都有損毀。樓門經過7年幾時間，終於喺2023年尾修復好



「高砂の松」縁結びの松，傳說能夠帶來良緣嘅神木，男仔要向左繞兩圈，女仔向右繞兩圈


「願かけ石」，據講由室町時代開始，啲人就開始摸住依舊神石許願


依舊有繪馬


拜殿


二の神殿，即係參拜 二宮 阿蘇都比咩命 (一宮之妃)、四宮 比咩御子神 (三宮之妃)、六宮 若比咩神 (五宮之妃)、八宮 新比咩神 (三宮之子)，以及十宮 彌比咩神 (七宮之妃)


一の神殿，即係參拜 一宮 健磐龍命、三宮 國龍命 (二宮之父)、五宮 彥御子神 (一宮之孫)、七宮 新彥神 (三宮之子)，以及九宮 若彥神 (七宮之子)


山王社庚申社，1650年喺阿蘇神社內建造，山王社主要供奉大國主命，庚申社供奉猿田彥命，佢地被認為係兒童嘅守護神


阿蘇神社佔地不大，睇完就可以行返出頭先巴士落車位嘅對面，等 1號 或者 3號 巴士返阿蘇站，而樓豬亦都趕住上依程巴士，返去搭回程嘅阿蘇男孩

真心玩咗成2個禮拜，都仲未玩晒

目標去埋北海道拎最東最西

最南有一班觀光車，其實唔算好麻煩，不過係好偏僻

返到嚟阿蘇站，比阿蘇男孩到站時間早咗15分鐘到，竟然無人排車頭 樓豬二話不說先拔頭籌，今次醒目識搵標明「特急あそぼーい」嘅乘車口，由 阿蘇 返 熊本 4號車廂先係車頭

又回到阿蘇站


請認明乘車口標誌 啲人見我排就開始驚，即刻跟隊排


無聊影下阿蘇站環境




阿蘇男孩要入站了


車頭全景座席第二排單人位 啱啱懸空咗，我係排第一名所以坐咗，排我之後果啲全部無位 嚟果轉係睇列車倒後嘅景色，今轉係睇列車前進嘅景色



望到個幾唔錯嘅日落



返到嚟熊本站，嚟睇睇阿蘇男孩其他特色，3號車廂嘅親子席，設計上係白色嘅可旋轉椅



くろえもん 小黑嘅標誌

繼續支持，追緊

基於前一日晚餐食串燒中大伏的關係，我依家只搵大路餐廳

熊本極度出名嘅有 勝烈亭，連九州討論區嘅巴絲打都有推介過



叫咗份 厚揚げ 黒豚ロースかつ膳 (大海老付き)，手掌咁長嘅炸蝦，配上手掌咁大嘅炸豬扒，咬落去鮮嫩多汁 依 ¥3,960 好抵比，必食推介


講樣好笑嘅嘢比大家，日本通常餐廳都有無限量嘅凍水任你飲，但店員唔記得比杯我 然後我搵店員同佢講「カップ」 (Cup，即係杯嘅日文)，佢好似聽唔明咁，要我指住隔離枱隻杯先知發生咩事 差啲無水飲

順便想問下巴絲打，依間嘢食唔食得過？

打鐵趁熱，不如就今個冬天一次過攻最東最北

日本人好鐘意啲野食糯米糍咁
所以成日將啲比較硬身既炸粉落湯度浸淋佢
然後撈埋啲麵黎食

福岡牛腸鍋好多都可以1人食

去熊本唔食勝烈亭？

阿蘇火山開返可以近距離參觀？？

屌失去哂炸天婦羅嘅特色

有無好推介？

LM

Day 6 // 宮崎高千穗 26 Sept 2024

高千穗峽 -> 高千穗神社

嚟到第六日，我地去盡啲，去一個 JR Pass唔到、兼要坐7個鐘巴士嘅地方！宮崎高千穗

講到交通方面，因為高千穗並不能乘搭JR列車 / 新幹線到達，所以樓豬喺出發前喺 KKDay 到 book 咗個高千穗一日遊，由熊本直接來回高千穗，兼包一餐陶板燒高千穗牛午餐

不過話就話係一日遊團，其實佢只係提供熊本<->高千穗嘅巴士、一程的士由高千穗巴士總站去高千穗峽，以及一餐午餐，當中無導遊無領隊，全程自助 不過咁樣仲好，行程自由安排


準時朝早9點到達上車地點：熊本櫻町巴士總站，另外可選熊本站/熊本機場上落車


巴士到站之後，司機會落車同你核對預約資訊，之後就上得車


3.5 hrs 的單程車程，司機會喺南阿蘇嘅高森站稍作15分鐘休息，之後再起行





到埗宮崎嘅高千穗巴士總站，一落車就會見到有司機舉住有你名嘅牌，然後送你上的士車你去高千穗峽

間新時代上星期食過
唔夠東京個間好食

想問樓豬喺熊本火山口係咪留咗20, 25分鐘, 就搭接住嗰班巴士落返去廣場?

Nonono 我留咗兩個鐘喺火山口，搭1點半巴士返山上廣場

唔該晒 無諗過原來要行咁耐!

睇你行到幾遠，如果淨係睇第一第二火口，的確25分鐘有突

但如果你想行埋其他火口 & 砂千里ヶ浜，最好預個零鐘

多謝樓豬解答

日頭相個色調幾靚，但夜景變咗灰矇
呢幾張有冇原相睇下