【北九州出走之旅】福岡、長崎、熊本、宮崎、大分9日遊記 (極多圖)

翻新過
以前係好古典西式嘅房間
但係都大同靚
嗰陣有個bell妹 好可愛
知我係香港人就話佢有計劃去香港
問左我好多野

搵啲有一人牛腸鍋，而又有其他嘢食嘅餐廳，滿足哂兩個人嘅口味

之前行博多運河城4/F見到間叫 うまや 嘅餐廳，有提供一人牛腸鍋之餘，仲有提供和牛壽喜燒 / 定食set (EG: 南蠻炸雞、親子丼etc)

依家依間酒店嘅房與時並進咗唔少，兼應該無其他酒店比依間更近長崎站，隔離仲要有familymart & AMU Plaza 唯一係個廁所較細，但都係靚嘅


嗱有無邀請個可愛bell妹促膝詳談

冇呀
我英文有限公司
今

沿路出返去入口之後，大家可以去埋隔離嘅 櫻之馬場 城彩苑 稍作休息 喺依個重現江戶時代城下町嘅地方，有個歷史文化體驗館、觀光介紹所、有條櫻花小路比大家買下嘢食、手信咁

沿法華坂一路行落城彩苑


天氣實在太熱 忍唔住買杯雪糕消消暑，茶房 櫻ン坂 嘅 南条のこだわり珈琲ソフト，好食到想 encore！！！！！！


櫻之馬場 城彩苑




不過對我嚟講，城彩苑真係只係個休憩地方 食完個たこ焼き就走人了

等睇巴打講大分好悶

又唔係悶嘅，只係啲點超級遠

對別府地獄巡禮完全無興趣，但有諗過去海洋宮殿水族館 / 九州自然動物園 / 杵築城 / 九重夢大橋，但交通極遠之餘，動物園又要朝早去爭晏畫巴士遊嘅飛，太消耗時間

有時間去哂嘅話我諗應該幾正

呢個真，明明由布都多遊客，但火車班次極少，返別府既巴士班次又係好少，其他景點有唔少直頭無公共交通入去我地呢d唔渣車既毒撚都唔知點plan

熊本另一樣極為人熟悉嘅，必定係熊本熊

熊本熊自2010年3月出任熊本縣嘅營業部長兼幸福部長，而熊本熊部長辦公室就位於熊本熊廣場，即係鶴屋百貨店東館一樓。依到除咗係熊本熊返工嘅地方，仲係個宣傳熊本縣觀光同提供物產資訊嘅地方

熊本熊廣場


可惜嘅係，樓豬又無睇時間表，到咗先知星期二係熊本熊部長嘅定休日 唯有望住佢尊像先



不過似乎部長辦公室已被清拆 睇嚟熊本熊要實行hot desk工作


依到可以比你買下熊本熊嘅周邊產品，以及買下手信咁

市電系統認真方便，基本上大部份景點都喺市電系統覆蓋範圍，就好似香港嘅輕鐵咁 所以我地從熊本熊廣場出發，搭市電去下一個目的地

市電A系統 水道町站


落車路過一影



水前寺成趣園，起源自江戶時期，由肥後細川家第一代藩主 細川忠利 喺到建造 水前寺，其後搬走咗水前寺改建成日式庭園。公園入面有個好靚嘅池塘同庭園造景，配合藍天白雲真心好靚

水前寺成趣園入口



持有 九州 JR Pass 買 水前寺成趣園入場券 可以有9折優惠


入到嚟嘅景色令人眼前一亮




庭園嘅北面係 出水神社，建成於 1878年，當時為咗重建喺西南戰爭中荒廢咗嘅熊本城周邊，舊熊本藩家臣就興建咗依座神社。依到供奉住 細川藤孝、歷代肥後藩主同伽羅奢夫人



出水神社 手水舍


「長壽之水」，水嘅源頭來自阿蘇山，飲咗佢就可以得到長壽


出水神社 拜殿



行過少少又會有另一個稻荷神社



行返出去，逆時針咁欣賞下不同角度嘅水前寺成趣園





係同貓貓嘅緣份

其實冇乜特別，可以唔使特登去睇

哥拉巴園本身靚，風景又好 推薦

呢個吹大左

我覺得北九州皿倉山展望台正好多

多謝推薦 下次去果陣會去試下

利申：我影低咗但無去食 唔肯定好唔好食

Day 5 // 阿蘇 25 Sept 2024

阿蘇火山 -> 草千⾥ヶ浜 -> 阿蘇神社

由依一日開始一連兩日，都會經熊本，去附近地區遊覽，第一站就係好出名嘅 阿蘇地區

熊本去阿蘇，大家好多時都會選擇搭「阿蘇男孩」觀光列車，樓豬都唔例外 只需要利用手上嘅 JR 北九州 Pass，就可以免費登上依架觀光列車

不過大家想坐就要睇睇時間表，佢有部份日子係唔會運行 (唔運行就會由九州橫斷特急取代)，而不同運行日子都會有不同安排，樓豬係 25/9 坐阿蘇男孩，當日全車都以自由席運行，唔需要劃飛，你只要夠早去到車站同人爭，就坐到你心儀嘅位置


樓豬當日早咗45分鐘到熊本站排隊，但第一次排隊嘅樓豬好好笑地排錯隊 眼見阿蘇男孩入站，但泊咗喺同一個月台但前好多嘅位置，樓豬心諗：仆街了

阿蘇男孩 車尾位置


有做功課嘅話，大家應該會知 阿蘇男孩 嘅第一同第四節車廂 (即車頭及車尾) 都設有全景座席 當樓豬見到列車泊到老年咁遠，我係即刻跑過去，唔理車頭定車尾，第一時間上車先

好好彩，樓豬上咗車尾位置，全景座席第一排單人位仍然未有人坐！ 真係要還神


依個時候就可以趁未開車，落車欣賞一下依架觀光列車嘅特色



阿蘇男孩嘅代表 「くろえもん 小黑」




這就是全景坐席嘅景色 明點解要搶啦係咪？



巧遇九州豪華環島觀光列車「ななつ星」七星號列車，四日三夜行程最少要 ¥680,000起 (即係港紙 $35,000起)


車廂有啲休憩位可以比大家坐低，觀賞車外景色


一個半鐘嘅車程，由熊本站到阿蘇站

上次去俾人book晒

佢應該仲難搶過由布院之森，由布院之森都有一日三對車，阿蘇男孩就得一日一對

如果我去果幾日唔係全自由席，我應該同你一樣結果

阿蘇站一出，就係登山巴士站上車處，一日乘車券盛惠 ¥1,500，如果你會去火口 + 草千里，依張一日乘車券係化算嘅，但如果你只係來回火口，乘車券係會貴過你比兩轉單程費用

火口線一日乘車券


巴士上車位置


途經米塚，高約50米嘅山峰，形狀就好似倒轉嘅飯碗


火口線登山巴士只會上到阿蘇山上廣場，喺廣場大家需要轉乘火口接駁巴士上火口，另外要比 ¥600



位於熊本縣嘅阿蘇山，擁有著全世界最大嘅破火山口，阿蘇山主要由「高岳」、「中岳」、「烏帽子岳」、「杵島岳」同埋「根子岳」組成，佢地又名「阿蘇五岳」。其中中岳最為活躍，至今仍有頻繁的火山活動，係一座活火山 阿蘇山有4次大規模嘅火山爆發，由於多次猛烈火山爆發，令原本錐形火山頂崩塌，形成現時世界最大嘅破火山口，面積約350 平方公里

以前係有纜車直接到中岳火山口隔離，但2016年熊本地震果時震爛咗，其後喺2018年正式拆除，改以巴士接駁


嚟到阿蘇中岳火口了 為咗預防緊急狀況，喺火山口周邊設有「避難壕」，等遊客可以喺緊急時候入去避難。


中岳火山口不斷冒出白煙




沿住條步道，大家可以一路觀賞第二、三、四、七、五火口 第六火口應該就難啲睇到






感覺啲火口好似就快乾涸嘅水塘咁


行到去砂千里ヶ浜，就突然開始進入迷霧狀態



比大家睇下迷霧成咩樣 能見度得果幾米

支持！

多謝支持

緩慢更新中，一嚟自己好忙，二嚟打每一節都用咗好多時間做research

我而家追到うお田同東長寺果度
啲相同靚同埋有補充返好多背景資料
又精采又豐富
好鍾意啲相嘅Style
靚得嚟唔會重味精
睇得好舒服
其實已經做到咁，差唔多可以整埋YouTube影片，搵人照讀返出嚟同整理吓相同片已經好吸引
慢慢繼續追文