【北九州出走之旅】福岡、長崎、熊本、宮崎、大分9日遊記 (極多圖)

LM睇靚相！

既然無得睇噴水show，樓豬又唔係shopping之人，行咗個圈睇下運河城就算數了

行到出運河城門口，眼見 うお田 仲有排等，依個時候最好就係打開 Google Map 睇下附近有無咩景點

同樣喺祇園地區、距離幾分鐘路程嘅有一個叫做東長寺嘅地方，起源於806年 (大同元年)，從大唐回國嘅弘法大師，為咗推廣佛教而建造 本來東長寺喺喺海邊嘅，但後嚟福岡藩第二代藩主 黑田忠之 將個寺搬到嚟依家依到

漫步由運河城行過去，觀察福岡街道



東長寺 山門



五重塔


正殿


六角堂


東長寺有一座由1988年 (昭和63年) 開始興建、歷時四年完成嘅「福岡大佛」，號稱日本最大佛像，比 ¥50 就可以參觀大佛同下面條「地獄•極樂巡禮」 我自己無入去就唯有網上借圖



講到福岡藩第二代藩主 黑田忠之 搬咗東長寺過嚟，大家又知唔知其實第二代藩主 黑田忠之、第三代藩主 黑田光之，同第八代藩主 黑田治高 嘅墓地都喺到？

第二代藩主 黑田忠之 公墓


臨行再留倩影，係時候慢慢行返去 うお田

靚相lm

lm

LM
黎緊會北九州跨年
plan緊佐賀、長崎行程
參考下先

うお田 中段營業時間係 11:30 - 16:00，而我咪話我10點半已經拎籌希望中午食，但前面有120張枱嘅

好啦依一刻我要揭盅了，依一餐飯我係等咗足足4個鐘㗎 本身我預12點半有得食，到頭嚟要2點半先入到去 (老實講有點失預算)


うお田 門口，大大塊牌show碗明太子三文魚子玉子燒丼嘅相，唔驚搵錯門口



入到去個氛圍幾好feel，木造結構外觀



上枱啦，福岡最有名氣嘅 明太子三文魚子玉子燒丼


明太子同三文魚子嘅咸香，配搭暖粒粒嘅飯，同埋淡味嘅玉子燒，成件事係 balance嘅，不過略嫌玉子燒唔夠滑，如果煮嘅時間短少少會好好多

味噌湯、漬物、水都可以喺外面自助bar無限添加，但想添飯就要搵職員幫手

如果你問我，值唔值等4個鐘時間食一碗 明太子三文魚子玉子燒丼？

好似我咁，有利用等嘅時間去行其他景點嘅話，不妨一等，個丼飯係好食嘅，價錢亦都唔貴，只係 ¥2,530，百零蚊港紙有高質丼飯

但如果你話要企喺門口等4個鐘，就絕對唔值得 所以好好規劃下等嘅時間有咩好做


好啦，食完依個 lunch 都接近3點，好快少少起行去太宰府天滿宮，如果唔係再晏啲人地商店街就全關門了

如果你夾到時間，大家可以乘坐太宰府觀光列車「旅人」號，但每日由天神直達太宰府嘅班次少得可憐，所以通常大家都會好似我咁，先去天神站，搭 西鐵天神大牟田線 去 西鐵二日市站，再轉 西鐵太宰府線 去 太宰府站

西鐵太宰府線



太宰府站，成個車站設計都好有神社feel




出車站向右行就會進入商店街範圍



太宰府名物，梅枝餅，樓豬唔食紅豆所以不了


商店街人山人海


行到商店街盡頭就會進入天滿宮範圍


御神牛像，全個天滿宮有11座御神牛像，相傳只要摸下個牛頭，就可以增加智慧


太鼓橋，由三橋組成，分別代表「過去」「現在」「未來」 (啲人話記得唔好倒轉嚟行)



過埋橋就正式到達 天滿宮 樓門，準備進入御本殿

出島你當博物館咁睇就算
無咩吸引

太宰府天滿宮嘅主祭神係菅原道真，又名「天神」，即係學問、文化、藝術之神，而太宰府天滿宮係全國12,000座天滿宮嘅總本社。嚟到天滿宮當然要祈求考試合格、考運亨通

不過太宰府天滿宮每 25 年都會舉辦一次式年大祭，2027 年的大祭適逢供奉嘅天神菅原道真逝世 1,125 週年，所以其中嘅御本殿正進行大規模的整修計畫

計劃由2023年中開始，整修將會歷時3年時間，所以依家大家見到嘅並唔係原本嘅御本殿，而係臨時本殿「仮殿」，由建築師藤本壯介、設計師黑河內真衣子共同攜手打造

天滿宮臨時本殿「仮殿」



大家都祈求考試合格


天滿宮境內地圖，天滿宮境內範圍其實好大，包埋後山範圍


其中位於御本殿右手邊嘅，有供奉住和菓子之神 田道間守 嘅 中島神社




我地沿住御本殿後面嘅路前行，就會開始進入後山範圍，其中吸引到我上山嘅，係山中嘅天開稻荷社

上山前先探望下日本貓貓


正式前往天開稻荷社，依到只係山下入口



由依到開始就同御本殿果邊氣氛好唔同，人煙稀少，聽到嘅再唔係無窮無盡嘅人聲，而係大自然嘅聲音，蟬聲同樹木圍繞住人



不過上到嚟天開稻荷社個本殿就無乜特別


如果有睇過樓豬上一個關西櫻花遊記，我有提過「狐狸」係神明嘅使者，所以基本上去稻荷神社都會見到狐狸



行返落山返去天滿宮嘅御本殿，咁啱就遇到正在進行「神幸式大祭」嘅準備工作。「神幸式大祭」係神社秋祭嘅一部份，亦係由1101年開始延續至今嘅莊觀遊行，旨在紀念菅原道真，為天王同國家昌盛繁榮祈福，並且就著豐收酬謝神恩。

遊行正正喺依一日嘅夜晚7點開始，依家參加者身穿神主服飾，將依座精雕細琢嘅神輿抬過嚟仮殿，準備晚上嘅遊行。神輿入面承載住菅原道真嘅靈魂，由天滿宮出發抬去2.5km外嘅 榎社，即係菅原道真嘅故居，然後下一日就相反方向送返去天滿宮



樓主無留低等遊行嘅開始，所以再望望仮殿嘅全貌就需要離開了


出返商店街範圍 (你話啦太鼓橋唔倒轉行點返出商店街？)，不同舖頭售賣各式各樣產品，EG: 御朱印帳、頭巾、考試打氣產品




相信大家都有興趣嘅 太宰府Starbucks


不經不覺都行到5點半，又要準備搭車出發去下一個行程了

拎JR Pass嘅同時，你係可以填定紙仔，話比職員知你想預約邊一日嘅邊一班車 (強烈建議填紙仔，一嚟唔洗重新排售票機；二嚟職員劃飛速度快你勁多，兼可以要求全窗口位；三嚟職員劃嘅飛係出日文車飛)

唔好意思，樓豬有啲資料要改改

我之前話排Counter劃飛係出日文車飛，但我睇返啲車飛似乎係英文車飛

上面果張飛，係我喺自動售票機，以日文介面情況下劃嘅 JR 音速 指定席車飛
而下面果張，係Counter職員幫我劃嘅 JR音速 指定席車飛
大家可以見到 日文車飛 同 英文車飛 嘅分別 如果好在意一定要日文車飛，請大家排售票機

人手出嘅話如果跟足SOP係會出英文車飛
出到日文飛係好彩

東長寺嗰邊50yen抵俾 我入咗去睇 個佛像好壯觀

原來係咁 不過我反而覺得日文飛有點空虛，我個人會鍾意英文飛果隻排版

睇大家偏好想揀填紙定售票機了

我依家都有啲後悔點解唔入 $2.5港紙就有得睇，何樂而不為。。 蝕底咗

黑到仆街 感唔感受到地獄嘅感覺？

NEVER BUY ANY JR PASS OR TICKET THROUGH KLOOK

有得揀都係官網買pass+劃位
正常可以早一個月劃位

九州pass 冇得網上免費劃位

有 仲要熱到仆街 嗰陣日間34-35度 條路密閉空間冇風冇冷氣 真係落地獄咁

LM

Lm

跟住落嚟嘅行程距離太宰府都有好大段距離，亦都因為起點喺太宰府所以需要轉好幾次車先會到

但依個點係我去旅行必定會到嘅地方，就係水族館！2019年拜訪過沖繩嘅 美麗海水族館，2023去過大阪嘅 海遊館，到今日2024年我就要嚟參觀福岡嘅 海洋世界海之中道

搭車路線好迂迴曲折，西鐵太宰府線返 西鐵二日市站，轉西鐵天神大牟田線返 天神站，轉機場線入 貝塚站，再轉西鐵貝塚線去 西鐵和白站，最後搭香椎線去 海之中道站 (其實某啲位搭巴士會更方便，唔洗轉咁多次)

天神站內嘅 Lawson，幾有feel


西鐵貝塚線


香椎線


海洋世界海之中道就在眼前 (由於秋分日嘅關係，閉館時間由1730改咗做2130，大家去要check清楚閉館時間)



海洋世界海之中道喺1989年4月開幕，喺1995年同2016年都曾經翻新成為依家嘅樣貌，而佢亦係全九州最大嘅水族館，展示近350種、30,000隻海洋生物，有海豚、企鵝、海獺、鯊魚等等

一入門口就比依個半拱型嘅水箱震懾到



沙丁魚？


好有沉船feel


水族館總有令人著迷嘅地方



穿過依條咁七彩繽紛嘅隧道就會開始主軸

九州嘅劃位用嚟賭熱門車

如果要坐由布院之森特定位 (EG: 車頭)，官網買pass好大機會劃唔到位

官網買pass時間同劃位時間同時間開放，人地klook買可以早3個月買定飛，夠鐘即刻劃飛，官網仲慢慢比緊錢買pass，點同人爭

進入水族館主軸環節，九州の外洋大水槽，鯊魚又有魔鬼魚又有 永遠都係人山人海




然後我地嚟認識一下九州深海嘅魚類先




睇完大魚，去睇睇細隻嘅水母同珊瑚礁





魚魚魚 bububu



由於我夜晚先去，所以基本上所有表演都已經完場，唯有望下啲海豚自high下


海獺懶洋洋🦦


認真如果早啲去，有其他表演睇嘅話，海洋世界海之中道係可以參觀半日，不過受行程所限走馬看花，但有得睇都已經好開心

行返返去 海之中道站，就起程回歸市中心，去尋找美食填飽我餓到響緊嘅肚