【北九州出走之旅】福岡、長崎、熊本、宮崎、大分9日遊記 (極多圖)

我喺永安book果時啲評論都話好舊

但佢好似近年翻新過，我入到房果下真係嘩出嚟，比預訂網啲相靚太多

樓豬啲相幾靚

想問用咩影的

同埋有冇拍片

Canon R6M2 + 1635 + 24105 + 70200

我淨影相，好少拍片，得 Day 8 睇 玄界灘花火大會 果時拍咗少少片，因為我無帶腳架做唔到Long exposure出唔到花火個效果

Book好咗當晚最後一班接駁巴士，就可以慢慢碌去食晚餐

九州有一樣嘢食好出名，就係牛腸鍋，但好多時啲餐廳要求最少要二人份，對樓豬依啲獨遊撚好唔friendly 但好好彩喺長崎搵到間一人牛腸鍋，位置仲要喺酒店隔離嘅 AMU Plaza，就直接行過去開餐啦

博多もつ鍋おおやま


最重要就係佢果句「一個人來說也是可能的」


樓豬嗌咗最平嘅「博多三味套餐」，除咗有牛腸鍋，仲有四個前菜，然後另外叫多咗杯 Highball


樓豬對於有好多韮菜表示歡迎 (割你韮菜) 不過牛腸鍋實在好肥，食一兩舊係幾過癮，但食哂成煲嘅牛腸鍋就略嫌肥得制。剛上菜食嘅牛腸入口好正，一咬就斷，但越滾得耐牛腸就越開始韌，所以上枱就請盡快食，以免錯過最佳食用時間

結論就係，一試無妨，再試投降

牛腸鍋真係好食
一個人好難食到咁大份量

filter到d色

所以都係留返有幾個人一齊先好食

師兄不如分享下 Lightroom 調色技巧？ 洗耳恭聽

遮色片點落？HSL點調會靚啲？曲線最好拉幾多？

加埋成3 4 kg
好有毅力

見到你行程都覺得悶

依到已經算好少 今年換咗新相機，輕咗1kg

咁我本身唔shopping，比較鍾意睇啲好有日本特色嘅景點
相反放shopping點我都會覺得悶，所以我獨遊我開心就好

我見你之前用1D X
你應該真係會覺得輕好多嘅

我之前換機都諗緊繼續Apsc定FF，FF鏡重，不過最後換咗FF拎出街都唔會覺得極重

後悔點解唔早啲換 1DX重撚到，配埋70200/2.8堅係舉鐵mode

Btw睇你用緊邊間廠，Sony嘅話有大把輕身副廠FF鏡
Canon就。。。再等下。。等下。。。會有嘅。。

最後買左Sony a7c2 同T20-40
個焦段係奇怪啲，但用落就幾好用，不過去旅行如果要一機一鏡，可能都會換支2070，但就犧牲大光圈

支2070旅行神鏡嚟 去旅行唔洗太在意大光圈，f4已經好夠用

九日去到咁多地方???
宮崎仲要冇新幹線

宮崎我淨係去咗高千穗，無實際入宮崎市市中心
熊本坐3.5hrs巴士去高千穗，返熊本再坐多次3.5hrs

其餘全靠 JR 北九州 pass 做得到

差唔多到預定時間，就喺酒店門口等免費接駁巴士嘅來臨



嚟到山腳嘅纜車站，放低 1250大元 買好來回纜車飛，就踏上纜車登山 (上落山有兩種方法，一係纜車，二係軌道列車，好似海洋公園咁)
(不過記得留意落山時間，miss咗尾班落山纜車 / 軌道列車，你就要行路落山了)




稻佐山觀景台依到可以觀賞被譽為「價值千萬美金」嘅長崎夜景。2021年 嘅時候 長崎、摩洛哥同上海 被評為「世界新三大夜景」，而 2022年 長崎 更被認證為「日本新三大夜景」



望向西邊可以望到大橋，以及燈塔夜色



唔知大家有無發現，依個長崎夜景收埋咗個彩蛋？




相信香港人對於夜景依回事已經見慣見熟，不過樓豬我係幾鍾意望有內港海灣嘅城市景嘅

搭返纜車落山，登上返預約咗嘅接駁巴士，輕鬆返到酒店休息



留喺長崎得一日時間，如果有多啲時間喺長崎，都想學下上面 #32 果位巴打咁，挑戰下日本本土最西端嘅神崎鼻，依個會係好難忘嘅回憶 睇下將來有無機會挑戰下四極先

Day 4 // 熊本 24 Sept 2024

熊本城 -> 熊本熊部長辦公室 -> 水前寺成趣園 / 出水神社

長崎同熊本直線距離其實唔太遠，但就偏偏隔住咗個有明海 所以如果你唔係搭船嘅話，都會要好似我咁，先坐 西九州新幹線 海鷗 返上去 武雄溫泉站 (朝早時間無辦法坐到回程嘅 雙星4047)，轉坐 JR接力海鷗 去 新鳥栖站，再等坐 九州新幹線 櫻 到 熊本站


再遇依架 西九州新幹線 海鷗




「踏上這無盡旅途」


轉坐 JR接力海鷗，不過今次要喺新鳥栖站落車，千萬唔好坐到返博多


新鳥栖站，大概會有30分鐘轉車時間，可以hea下先





九州新幹線 桜 主要都係會遇到N700系嘅列車




見到熊本熊就即係已經到熊本啦

熊本同長崎一樣，各自都有電軌系統去城市不同地方，所以樓豬先搭 市電A系統 去酒店放低行李先 今次酒店位於熊本城隔離，行過對面街已經係熊本城行幸橋

比較陳舊嘅電軌列車


熊本城行幸橋 & 加藤清正銅像，加藤清正係肥後熊本藩第一代藩主，並喺1599年至1606年督造咗熊本城




買咗入場券，第一樣望到嘅，就係受損仍未修復嘅建築「数寄屋丸」 2016年4月16日 熊本県 發生黎克特制7.3級大地震，造成熊本城建築倒塌、城瓦破損、石垣崩落，經歷6年時間成功修復好熊本城主體，但其他地方未完全修復，預計2036年完成


好天就係去到邊都靚



熊本城 闇り通路，以石垣建成嘅地下通路


熊本城有好幾個噴水降溫嘅地方，個個都好有興趣衝入去玩




熊本城，又叫做銀杏城，係日本三大名城之一，1606年築城完畢之後，喺1625年遭遇強烈地震，導致火藥庫爆炸引發大火，其後喺1635年開始長達10年嘅修復。去到1877年嘅西南戰役，一場意外嘅大火又燒毁咗城樓，去到1960年先由熊本市籌款重建

熊本城正面



步入熊本城內，入面現時係個展覽館，詳細講解由加藤時代建城，去到細川時代嘅管治，再去到近代明治維新，至到天守閣重建嘅歷史





西南戰爭天守炎上歷史


上到最頂，有一個觀景台，可以比你企喺熊本城頂飽覽熊本市景色



如果大家有興趣支持熊本城重建，又想買啲有特色嘅御守，我推薦大家買依個 熊本城瓦御守，入面裝住嘅係 2016年熊本地震時，熊本城掉落嘅屋頂瓦片。御守有「永不再墜落」之意，部份收益亦會支援熊本城重建

次次去福岡都想食牛腸
隔離果個又唔食內臟就放棄左

呢間酒店真新正
17年嗰陣住過
又新又大又平最緊要近地鐵站