(中亞遊記)獨遊吉爾吉斯+烏茲別克（多圖少字）

Day 14 最終目的地- 撒馬爾罕 samarkand

經過兩個國家七個城市洗禮, 終於黎到最後一個城市, 亦係其中一個我最期待既景點 - 比比哈努姆清真寺。 黎之前我剩係識呢個地方, 黎到之後再慢慢睇google map發現仲有幾個地方都好出名 , 而比比哈努姆清真寺都唔係呢個地方最出名既景點! 出發!


一朝早起身就去買張電話卡先, 好方便就咁比passport一陣就搞掂,幾十蚊一張一星期data任用


民以食為先, 一早就去食呢個串燒加肉湯 , 呢間餐廳係我成個trip最岩我口味,呢兩日最少食左3次



第一次睇到呢個雷吉斯坦廣場真係比佢驚豔到, 睇返google呢個廣場由三個伊斯蘭學校組成, 亦係三個唔同時期建造而成, 係門口影幾張就買飛入去, 普通飛好似50蚊左右,有相機加20蚊(有分professional), 但之後D景點都有咁分, 但我無再拎過相機出黎了, 原來普通影相係無人會買相機飛





入面基本上都係手信店 同 埋博物館, 而三間學院都各有特色







天陰, 人少D仲好, 慢慢影


對我黎講呢個金殿最吸引


雖然影得好開心, 但係親眼睇先感受到果種宏偉感





呢D小金碟係佢地手刻出黎, 我覺得幾有特色都買左幾隻當手信


影左個令鐘就去下一個景點了, 路經見到呀妹好可愛又影幾張



步行距離大概10分鐘左右就去到下一站夏伊辛達, 同上一站經學院有少少似, 感覺但佢再大D, 單一建築物



呢邊只有一個寺無咁多野行同睇, 好快就閃人去下一站


見時間都幾充足就決定行半粒鐘過去


中途路經有個寺就影幾張啦


然後就去埋今日第三站沙赫靜達陵墓群 Shah-i-Zinda, 亦係我覺得影相最靚既地方, 可惜我無model


感覺就係用錢砌出黎既建築物


我鐘意呢張, 抄人人地點影


雖然天氣陰, 但最後又開始有靚色日落睇, 超黃



然後出到門口叫車10分鐘就去埋今日最後一站天文台


睇左一陣無咩歷史文化氣息既我 15分鐘就收工走人


夜晚專登搵左間抓飯食, 點知勁伏


跟住又返左去食晏就好好味既串燒, 加埋今次叫牛湯


夜晚的廣場 , 影左幾張就行路返hostel了, 5分鐘路程勁方便!

完!聽日最後一日!

好睇

謝 差一日貼晒啲相了

lm

完啦

撒爾馬罕係咪女真果個

唔好考我歷史 我唔識嫁

撒爾馬罕（Sarmakhan）是指位於中國東北的女真部落的一個分支，這個地區在歷史上與女真族有著密切的關係。女真族是一個古老的民族，主要分布在中國東北地區，尤其是在滿洲一帶。

女真族在12世紀至17世紀期間對中國歷史產生了重要影響，最為人所知的是他們建立了清朝。撒爾馬罕作為女真族的一部分，與其他女真部落共同構成了這個民族的整體。

終於睇晒

得相 應該好快睇晒多謝支持

如果樓主呢排先去烏茲別克
可以睇五人足球世界盃

賭波不睇波

d 相好靚

地區靚點影都靚謝謝

呢個Registan Square 就係我想去嘅地方

去到先知有啲咁既野 鳥g無咩特別plan不過幾靚好宏偉同以前印睇果啲泰姬陵有啲似

好鐘意你喺吉爾吉斯影嘅相，真係好靚
攪到我都心郁郁想去

去烏茲別克

一定要食餐廳入面嘅煎餃
同市集入面嘅牛肉包


撒馬以罕真係超靚

現場睇靚到痴線

古代中原d人行到嚟呢度肯定好有異國feel

想問下樓主點問佢地影
我對呢啲相幾有興趣但就咁影好似好尷好奇怪咁

癡撚線樓主Day 14 撒馬爾罕嗰座清真寺靚到癲樓主有幸親歷其境爽到爆

心動不如行動機票唔貴6千幾飛十幾粒鐘請5日假一星期趕少少玩到3個city 真係好靚人少+真係純天然未開發

無食過印象最好食都係果間串燒

拎住相機慢慢行，見到想影既就快狠準，但你見我好快已經發現左我影佢地 同埋要面皮厚預食檸檬

你都可以去近過歐洲其實同我幾年前印度睇泰姬陵有啲似，印度啲建築都好屈機