(中亞遊記)獨遊吉爾吉斯+烏茲別克（多圖少字）

話咁快已經Day6,已經黎到吉吉既尾聲, 今日又係重頭戲之一Kol ukok, 雖然尋日又搭唔到車 又落晒雨好狠話咁快已經Day6,已經黎到吉吉既尾聲, 今日又係重頭戲之一Kol ukok, 雖然尋日又搭唔到車又落晒雨好狠狽, 但完全無影響今日既行程! 出發 !



尋晚因為黎到已經黑媽媽, 今日一出門口已經係大景, 見到真係嘩一聲


Hostel離tour guide center好近, 行左唔夠10分鐘就到,去到就同老闆吹兩句買左幾舊餅,交埋騎馬錢,盛惠300蚊唔駛 200馬仔錢 100蚊牧民錢


上車出發


見到馬馬了, 咁就一人一隻, 加埋牧民總共三人出發




講真我對騎馬興趣真的不大, 今次仲要騎咁長時間我都知大獲,所以相機都無帶,沿途都係同法仔吹兩句 睇下風景,而沿途都係見到兩三Pair情侶行入去,鐘意行山去吉吉真係無死.郁D就十幾K單程


騎左差唔多4粒鐘,終於入到黎,我就攰到散, 真係唔好再叫我騎馬


雖然個湖仲比雪遮左, 但都係咁靚, 入面仲要凍到hihi 勁大風, 印象係0-5度左右






stay左15分鐘左右就回程,又騎返4粒鐘出去


第一次親眼見人騎驢仔



出返去就同法仔去左食下當地出名既餃子, 好似尼泊爾d momo


最後返到hostel原來都只係4點左右,咁多日都無睇過日落, 即刻問下老闆娘邊到有得睇, 佢就幫我call左車去附近睇



岩岩醒起原來我有帶長鏡去, 因係到到有一兩張係長鏡影, 個山景真係靚到癲


最後睇完日落就周圍散下步睇下有咩野食, 點知關得7788,咁就事但食左個fast food kehab收工


我發覺吉吉周圍都係呢D拳擊機, 同埋真係會有人玩, 前戰鬥民族份子唔係講笑


門口手機影下星


一返到hostel緊係探下個女先


返到房除衫先發現今日曬到著晒火 , 話晒都3000海拔

5Dmark4+35.4 重到仆街

風景真係現場睇先震撼，成日睇返相好似縮細左

是，所以我手機拍片多，相差太遠，由其大景果種比景色包圍既感覺唔會影到

亞美尼亞 喬治亞都好多拳擊機

樓豬去到咁深入，點plan景點

話時話，5月咁快溶晒雪？我覺得去呢啲啲山要有啲雪先岩feel

因為都係蘇聯成員之一 佢地應該都有相似地方

都係上網睇 跟住再搵下hostel / local tour guide拎下料，唔算深入啦 我見啲朋友去旅行有excel plan埋時間

我反而想睇有顏色既花花草草，吉吉有雪好多地方都未開，遲一兩個月去應該好啲

Day7 因為比預期早左玩晒本身吉吉既行程， 所以問完hostel老闆，同埋旅行社姨姨之後決定落Naryn行下，即時搵下果邊有咩睇第朝出發，一早就出去搵share taxi




好快就搵到啲車係邊，留個位去食個burger先，最後等左成粒鐘先齊人開車



坐左兩粒鐘就到左， 都係十一點到，去左guest house check in先，呢個地方一間hostel都無， 呢到都係人地屋企黎， 好似就咁係個大廳放左張床收下日租咁



落到黎周圍行下散下步，順便睇下有冇旅行團plan定睇下聽日可以去咩地方。旅行團就話依家淡季只可以一人包車，個價勁貴。咁A行唔通就即刻諗可唔可以租車自駕，點知呢個城市係無咩旅遊配套，巴士都難搵


最後無聊係城到食下野，食完坐低左同個Frd吹下水，竟然去旅行去到無野做 幸運既係，旅行團無啦啦wtsapp我話我知有個旅客聽日會去某個景點，比左佢number我，我即時wtsapp問佢地會唔會一齊去，佢地即刻話可以比我跟車，但可能唔會返黎呢個城市，我緊係話事但係任何城市放低我都OK！咁就搞掂聽日既行程了


安排好聽日行程就返屋企早啲訓Lu，回程仲有啲搞笑事，就係10分鐘回程路途中急屎，最後忍唔住就咁搵間屋去拍門問可唔可以借廁所開門係個廿幾歲既女仔知我想借廁所就即刻帶路，真係人間有愛


夜晚就繼續係個城周圍行，但基本上得返supermarket有開，照行下 九點每就上床準備聽日行程


聽日補返啲相機相，雖然呢日都無點影相 無咩野好影

D景好正
想問下成個trip用左幾多錢？

唔計機票基本上都係坐巴士，的士，順風車，火車，夜巴，住Hostel，食通常得夜晚先有時間揀間好啲既食，門票最多都係幾十蚊。 16日我估5千蚊咁上下最貴都係騎馬用左300蚊

鐘意純天然既景真係好值得去 人煙稀少 建議兩條友以上自駕遊最岩

好睇！！！

文筆唔好 多多見諒 其實真係好多有趣既事寫得唔夠生動

女仔自己一個去安全嗎？

我覺得安全過大部分東南亞 做足功課無咩野 景點大而且人煙稀少可能我去果陣岩岩開季

但係其實可以點樣做功課

旅遊書暫時只有lonely planet

但又好似好複雜

網上啲旅遊資料又唔多

樓主請問有冇介紹

就咁google 遊記，我都睇左幾篇，跟住睇下入面啲野岩唔岩玩同埋順唔順路，好快就有大概點行既概念 再唔係跟我呢個行，如果會租車自駕/租司機，可以濃縮行程，我都有幾個湖未開無去/唔夠時間去，有機會睇下可唔可以再去自駕遊

最後plan好就上網google當地導遊問下行程行唔行到

巴打用咩相機
頭個幾張好靚

5d mark4 + 35/1.4一鏡走天涯 極少時候會帶埋70200

我真係鐘意影人 影動物多過影景感受照片溫度 ， 景色要去實地先感受到

有冇被人歧視?

完全無 吉爾吉斯人會當左你係當地人講當地文 ， 鳥就睇得出你係遊客撩你傾計 去咁耐旅行印象得一次係以色列比人鬧chinese pig 之類可能我少去歐無咩比人歧視