(中亞遊記)獨遊吉爾吉斯+烏茲別克（多圖少字）

啲相好靚
冷門國家水遊記 要推

用咩機影

Day 1 Karakol 動物市場 + 往Ala kol既internation park
一早起身就叫車去動物市場，呢個動物市場係中亞其中一個最大既動物交易市場，只會係星期日朝早開，市場入面主要交易羊，牛同埋馬，呢到係我成個Trip影得最多人像相既地方，基本上當地人都好Nice，十個人有七個都影得

謝

mark4 35.4走天下以前會帶埋小白，但今次好多山行知道少用棄左

一直以為中亞會同其他東南亞窮啲既地方差唔多，但反而原來同歐洲大街差唔多，路大屋小咁。

一朝早行完動物市場就係google map搵間最高分既餐廳食個Lunch，啲野食真係唔係講笑，勁大份，一串串燒$30蚊港紙左右，呢餐食左差唔多一舊水，係到黎講算好豪，食飽就準備去行Internation Park

留名
計劃下年中亞

去到internation park門口影都無隻就知中伏,但今日已經無其他行程,又已經兩點,決定事但入去行個圈有咩就掉頭走,門票盛顧$30


落車之後仲要行5分鐘先去到門口


基本上全程只見到有車經過下


沿途風景都好舒服


識左個朋友仔一齊行,因為水都無帶既關係,去左佢主人屋企飲左兩杯水先繼續行


行左個令鐘之後發覺唔對路,行左入人地條村發覺好似唔對話,就問下路,跟住被推薦上山去個頂到影相,但我又無跟google map諗住抄小路,點知斜到頂唔順,最後行返google map推薦既路,好快就到頂




最後用左3個鐘即是五點左右去左呢到睇下風景就走左,因為好大雨,7點就日落,趕住落山




落山時候見到既村民


沿路出返去都見到花


夜晚簡單食左個麵,湯,同雞肉就返屋企訓覺了

學定幾句俄文差好遠
利伸:唔識

點解會係oman出發？ 玩埋oman?

Day 3 今日簡簡單單得一個地方去七牛岩峽谷(Seven Bulls),



Check好巴士時間就起身去食個早餐慢慢搵車



隨便入左間local餐廳食左個包,有D似kebab, 食飽問好路就去等巴士, 餐廳老闆娘仲要勁比心機係咁google左勁耐再寫紙仔比我,驚我唔識去咁, 但等左半個鐘都等唔到車, 用google translate問左巴士站司機可以坐第架車去村口, 然後再入去, 最後就村口搵到順風車入去, 係呢D無咩旅遊配套既地方旅行真係唔簡單, 但最後都順順利利入到去



最後都順利入到黎睇石頭,石頭就係條村隔離





見到有村民咁就緊要又影下相 , 影左一陣石頭發覺今日已經無行程跟住google下有咩景點,發現行幾公里再深入D會有個大草地,咁就開始慢慢行,點知行左幾分鐘頂唔順就跟左人地順風車又繼續去


沿途既游牧民族, 隨時都會係地下野餐, 我搭順風車個司機都渣渣下車join埋佢地一齊食面包 飲可樂



游牧民族既狗同馬








車行果然開心過人行好開,唔夠半個鐘就入左黎大草地,係到hea左個幾鐘先捨得走,同window wallpaper無咩分別



hea完兩個鐘就慢慢行返出去, 係到真係日行最少15000步,最多果日差唔多4萬步 呢到D小朋友細細個就放牛放羊, 佢地既游牧特色


行到出七牛石又要諗點返屋企, 諗住等順風車, 點鬼知等左半個鐘等一個後生仔車住條女肯車我返出去, 但要收我成舊水, 我入黎先用左20蚊 ,叫我出返去要100蚊緊係無比, 跟住又繼續邊行邊等順風車, 最後上左個識英文既男仔(乘客)車, 點知原來係我hostel同房黎,佢識俄文book左司機一日遊




跟住好快唔駛一個鐘就返到hostel 已經晏就四五點就又係城到散下步食下pizza 行下supermarket睇下local有咩做




夜晚走去食馬肉, 同埋hostel隻喵幾可愛撚左一陣, day3 完!

做野，做完野玩左一日算唔算玩

LM

中亞好撚多泡菜，同埋果邊都有朝鮮族，打杖時移民過去

樓豬唔去Song Kul Lake騎馬

果陣仲未融晒冰，去唔到同埋係kol ukok騎左一日 騎到屎忽痛，騎唔慣長途頂唔緊

好難搵人識講英文 除左室友

有料

有狗既夠我玩一日

留名支持 烏茲別克尤其想去
巴打係咪住hostel？有無搵到人一齊報本地團，或者至少一齊搭車去玩？

大景就是正有機會要再自駕遊就真，沿途勁多影相靚地方

留名等追，希望唔好爛尾