(中亞遊記)獨遊吉爾吉斯+烏茲別克（多圖少字）

地鐵站真係幾靚

所有國家俄系嘅地鐵站都靚

包括莫斯科，St. Petersburg, Kiev, Almaty, etc

想坐西伯利亞鐵路

不過係你攝影技術精湛

構圖優美

每張相每個人都有不同theme

帶出不同韻味同vibes

Day 12 沙漠城希瓦

烏茲別克既火車同東南亞同火車既硬卧都大同小異,而我買左高一grade所以一間房就四張床Google 指出希瓦位於該國西部，始建於2,500年前，曾經是花剌子模及希瓦汗國的首都。海拔高度109米，是烏茲別克的第一項文化遺產。講多無謂, 起身出發!


一出火車記錄一下先


有話指示牌話我聽首都幾遠,同埋最後一個目的地 Samarkand有幾遠



因為唔想比門口D的士佬賺錢, 呢到叫車APP又叫唔到車, 決定行2,3公里返Hostel, 行行下見到個鬼妹吹左兩句就一齊行下, 行左唔夠半粒鐘已經係主城門口了, 再行多5分鐘就返到hostel擺低D野先



放低左野見今日同聽日都係主城到行, 時間好充裕, 咁就搵個靚Lunch食下先, 見到對面老人家couple好恩愛又影下佢地


買飛入城!



張飛包左幾個景點可以去,都差唔多成舊水, 入左黎緊係影多幾張相


D小雕刻都幾靚仔



入面仲有好多手工野賣


其實入面好細,我估就咁行 個令鐘咩都行晒, 但真係好靚, 你諗唔到D古人點樣可以2千幾年前起到咁靚既野


每個博物館都有D好好人既姐姐係到守門口睇飛, 大部分都好好笑容



呢個係其中一個要門票既館, 好靚下


入面都有一D大街既小表演, 有D館亦有收費表演






主要都係分十幾個景區, 每個景區相隔幾分鐘路程咁上下




大街係攤位, 館入面亦有檔攤, 某程度上其實都已經好商業化下


而城入面都有大約1/5位置係民居, 所以好多小朋友影






行到咁上下發覺都行得7788, 聽日仲有機會再黎, 所以就諗住上塔頂睇下日落, 點知6點就收工, 真係唔識做生意!


回程時候外面影下, 見到狗狗又撚下




見呢間熱狗係主城門口又幾高分就試下佢, 食飽就返hostel休息一陣






夜晚無咩野做就周圍再行下, 去到11點仲有D小朋友係到小型遊樂場到玩, 係咪唔駛訓呢?

今日基本上都係個城中心行, 唔駛坐車, 但其實呢個City仲有D沙漠城去, 但要包車去一日咁, 但係我聽日晏就就走, 所以趕唔切無去到, 下次有機會可以再去下! 完 !

題外話, 今晚住hostel個老細先廿幾歲, 呀哥係主城入面開左間再靚D既Guest House, 父幹呀呀呀呀呀!

好中意你影佢地做手工藝品D相

唱錢方面，係咪都係去銀行換？聽過人講黑市高好多，但唔知搏唔搏得過。同埋樓主你唱咗幾多錢，想參考下

上個月都去咗吉爾吉斯 靚到癲
前幾年又去過烏茲別克同哈薩克
真係好掛住中亞

你再讚我飛嫁啦btw 多謝

有冇靚相睇，我五月好多山湖未開 同埋仲好多雪同埋啲湖多唔多人？

btw有機會都想再去自駕，吉吉同新疆西藏一樣最靚既景都係路邊仲要我5月果陣去吉吉無咩人，真係爽到痺

聽日再搵啲你睇，手機仲有啲！ 吉吉係車站唱左一次，銀行換左一次，匯率低啲，1美金換8x ，大部分我見都係差1-2蚊到。 黑市唔識

鳥勁少地方有得換，係銀行換左一次，但大部分地方收卡，我估唔計機票都係用左300-400美現金+100美信用卡？ 總數唔計手信16日 應該5千樓下 果啲地方駛費同大陸三線地市咁上下，抵到爛

啲相真係色彩繽紛鮮豔

構圖豐富，個個手工藝民族公仔向緊你笑

為我們帶來無限歡樂

Day 13 向終點出發

今日會係希瓦Stay到晏就, 跟住坐火車去最後一站Samarkand睇最靚既寺! 咁時間未必好多, 咁就決定去local market, 姐係類似街市 市集咁,周圍行下, 叫Hostel老細幫手叫的士, 出發!




一落車就開波影下相


烏茲別克人比起吉吉人更加熱情, 更多笑容














由室內由到室內, 佢Dmarket連住晒 , 都幾大下, 十個有7-8個人都比影, 所以邊行邊影, 瘋狂影相mode


影到咁上下, 見到有D細細間餐廳, 見有串燒就試試佢


野食真係麻麻地, 但係人情味濃, 去到邊都有人撩你吹水


影完呢個街市再開google map發現呢個都好似唔係最大果個街市, 跟住就開google map再搵本身想去再D果個, 行幾K過去!



差唔多到了


就咁擺D魚係到唔會臭咩


好多種子賣, 雀仔糧咁, 我見周圍D雀飛埋黎食得勁開心


岩岩食左野,唔係一定幫襯佢, 睇落好好食



影影影影影


見到呀叔捉棋咁咪睇下, 佢地會好熱心比埋凳仔你坐低吹水, 仲問我捉唔捉, 係好熱情下


呀妹一見我舉機就嚇到另埋一面, 好彩媽媽幫手先有得影下


去旅行我都幾鐘意去街市 體驗下人地平時既生活 不過通常個景點唔夠多景點先會有時間去呢D地方








繼續影!


影到差唔多晏就返行路返去景點散多次步, 中途見到佢抱住BB幾可愛想影相, 佢抱埋BB比我一齊影, 真係幾Sweet



welcome back, stay多一陣就要返Hostel執野去火車站



尋日無上城牆上面行, 今日補返數, 上到上面再睇呢個城又另一翻風味






呢兩個呀妹太可愛, post多幾張啦

無位了, 下面繼續

入面真係好多呢D特色野賣



行路返hostel嘆個最後午餐, 等上火車


hostel老細叫左朋友車我去火車站, 所以時間都好鬆動下, 距離15分鐘內, 呢到其實都好多巴士坐, 但我主要都係圍住景點行, 所以都無點坐過車去其他地方, 應該仲有好多地方可以探索








只要有心, 真係無語言障礙, 係火車上面識左個法仔, 係咁估火車上識既人講咩, 佢地用單字英文+ 大量烏文 , 我見到佢勁有心機去同人傾計, 真心十分佩服, 而佢地亦真係好熱心去share佢地既生活, 係咁比相薄入面既屋企人相我睇, 有愛既communication真係好窩心


食下薯片時間好快過



坐左八九個鐘 零晨就到了, 落車就影下個車站, 跟住叫車返hostel, 夜媽媽無咩車坐左20分鐘左右就到左, 但條路黑媽媽明明落車就係Hostel最近個位,搵又用左15分鐘, 最尾去到本身book左間Hostel敲左15分鐘又無人應, 最後見到有個鬼佬問下佢, 佢係另一間hostel但都無人應, 佢等等下都走左, 但佢走左之後hostel老闆就問我有冇見過個鬼佬, 最後佢叫左我入去坐下先, 等左10分鐘左右之後鬼佬都無返黎, 我就訓左佢個位了, 終於有個安心既位可以休息, 果陣講緊已經朝早4點幾5點

好似去到烏茲，人係最美

你成日幫手推post咁比面，鳥g人係幾靚（個心，都好鐘意幫人）得返兩日寫埋就沉底，可能搵返冰島啲相出黎寫定寫新疆

咁你啲相係靚

我客觀陳述咋

冰島啦

冬天都有巴打絲打去嘛

咁你幾時去, 岩岩睇你去西班牙

啲色有無tune?

小小啦 唔識執相

影得好靚

多謝

快出

樓豬影人前會唔會問吓定舉機比signal算

lm

你咁問我都要諗一諗，睇場合睇距離同埋人地個狀態 一開始會問，影順左就無問咁多，通常舉機你都知人地比唔比影，人地耍手擰頭就點一點頭離開