(中亞遊記)獨遊吉爾吉斯+烏茲別克（多圖少字）

補啲手機相

好

謝謝

隻腳伸咗出嚟

唔著住對襪瞓覺

暖啲嘛

有冇想幾時去 到時上黎update下 ig好多果啲tour page可以攞下料

襯仲未比亞洲人開發快啲去，吉吉簽證對大陸人黎講算貴仲未被侵佔，但鳥已經算多遊客

邊有人著襪訓覺痴線嫁 男人腳都岩呀

都係要check 吓先

謝謝

因為哈薩克斯坦去咗

好想去埋呢兩國

再加阿美里亞及格魯吉亞

好想識樓豬

係見到你啲腳趾好長

利申： 非腳板控

哈薩克好無玩走之前我都有問過之前旅行識既哈薩克frd，佢地都叫我睇自然景色就吉吉正啲哈風土人情多啲

btw我果陣都係高加索三國同吉吉揀，揀左吉吉，有緣再去高加索

識左啦我係死癲佬Nice to meet you

腳膠巴你好 可惜我有J

Day8 奇妙卡關日
一朝早法國既朋友仔約左九點黎我guest house 接我, 咁我緊係早5分鐘8:55已經準備好等佢地,最後佢地9點半先到今日目地的就係Tash Rabat Caravan Palace, 帶齊架餐, 出發!



一上車我都尷尷地, 跟住法國妹都撩下我吹水, 吹吹下warm up 完就三個人吹下水, 傾下法國既生活 香港既生活, 大家都有大家既苦啦, 外國人係外國旅行都會覺得貴, 所以佢地長假黎左吉吉(佢話法國一年40日假左右), 法仔揸揸下車仲比左女朋友揸, 雖然棍仔都叫揸得幾順, 但都係法仔揸得順好多



揸揸下急取就地解決, 所以其實外國人都會隨地便溺








話好快就到左呢個傳說10年紀既佛教寺院, 作為一個無咩文化既人叫到此一遊. 呢到D廣闊感又係十分強, 留左大約20分鐘佢地就問我想唔想跟佢地繼續玩定隨便一個城市放低我, 咁我見依家先十一點左右, 咁就緊係跟佢地繼續玩, 有的是時間就繼續跟佢地去D佢地睇書見到好靚既景點!


第一個新增點係Chatir Kol, 本身話結晒冰去唔到, 佢地都照揸入去話試下, 咁我抱住冒險精神, 當然係跟! 大不了搞唔掂就行返出黎! 點知揸左十分鐘左右地下積雪太強要調頭, 咁就Plan B去第個景點(唔記得左個名了)







睇下架車就知佢地有料, 有經歷的車和人, 佢地既旅程一定好豐富



而去緊下一個景點我地選擇左條short cut既路,快一半 , 而入面既大景真係變幻無常, 超級靚, 分分鐘靚過好多之前專登去既大景, 行左成粒鐘都係見到一兩隻馬, 條路仲有D雪咁











而佢地都知我鐘意影相, 行一陣就會同我講想停隨時可以停得比我影相, 真係好sweet, 咁我都唔做freerider 幫佢地影多D相


而往往緣份就係咁, 行到一條泥路好死唔死卡死左, 搞左成粒鐘又攝野鏟泥都食死左出唔返去, 最後法仔跑左20KM出去求救, 真心好佩服佢, 果一下真係超級型仔, 咁法仔走左之後我都同法妹吹下水, 佢真係超級擔心有咩事, 我係咁同佢講如果法仔返到黎你真係要嫁比佢, 呢個男人真係嫁得過! 咁果陣每次有咩聲法妹都好期待係咪法仔返黎了, 不經不覺就過左四粒鐘到, 最後遠處見到有車黎, 我地滿心希望係法仔救兵返黎, 不負眾望法仔坐住個local車返黎救我地,果下真係好感動 最後吉仔控車,搞左唔駛半個鐘勁輕易就整返架車出黎, 咁我地就係咁咦每人比左百令蚊港紙佢, 佢都開開心心收錢一齊揸車調頭出返去~ 全程吉仔都唔識英文 , 完全靠body language溝通救車, 所以法仔真係好勁, 咁都搵到救兵返黎救我地 最後我地原路折返, 去返Naryn收工, 係回程既時候我係咁讚法仔真係一個好有擔帶既人, 絕對嫁得過, 而法妹都係咁講好想嫁比佢, 大家都笑到死左 而佢地都係咁同我講Sorry 搞到我無左一日之類, 我係咁話呢D都係旅遊既一部分都係我地既experience ,係回憶,我一定會記得我同你地渡過左咁樣既一日, 希望你地到時結婚會請我去飲


救車救到成身都係泥


最後佢地車我返去巴士總站等我有車坐返去首都, 而佢地都繼續佢地既旅程, 祝完佢地safe trip 就講88了


而我又開始坐share taxi 係呢條漆黑既馬路上飛馳 司機師傅揸緊車果陣又飲野又玩手機傾計揸120,一開始都有D驚, 不過好快習慣, 我發覺外國人揸車好多都係咁癲,香港紅跑相比之下有D失色, 飛左四個鐘左右, 我兩三點就安靜地入住hostel(提前同定hostel老闆講late check-in)

是日又完! 已經去到吉吉尾聲, 同我當時心情一樣真係有D唔捨得

留名
睇到我心郁郁想去

去完之後發覺原來唔難去,香港人假少請2放九扣頭尾兩日坐飛機,玩7日都OK, 不過一定比去開既泰日台難少少

btw心動不如行動

Day9 吉吉Last Day

來回又折返終點亦是起點, 最後又返到黎第一日無停留既Bishkek, 因為返黎坐夜巴去烏茲別克, 所以尋晚返到黎, 今日一朝早就出發去埋個比較大眾既Ala Archa National Park, 行完山夜晚就坐車去Toshkent


今日住呢間hostel都好大,幾靚, 基本上我住d hostel 大約都係60-80蚊咁上下


幾個城市都有雪山景睇



係車站食個抓飯早餐, 買完車飛就安心出發, 返到首都又可以用返叫車app 去到公園門口勁方便, 大約廿幾公里收左好似80蚊左右


果邊D電車, 係真係有線電巴士


上網睇要收門票, 但去到門票得車會停, 人行又無人理, 可能剩係收車既門票, 無理無人叫停就照行過, 之後發覺仲要行成4公里先到公園山腳, 咁又要發揮順風車之手, 最後截左幾架車就截左架全男班入去野餐話可以車埋我, 個個拎住包薯片又問我食唔食, 雖然語言唔係好通, 但佢地都會盡力同我傾計, 又問下我邊到黎(基本上個個人都會問) 同埋用後生會google translate 同你傾計


唔夠15分鐘就到, 放低左我就講聲唔該晒88



呢到應該係我成個吉吉trip見到最多遊客既地方, 不過基本上都係當地人自己黎, 好似香港人行龍脊咁熱鬧


全程印象中好似大約4-5公里, 但要狂上斜都唔簡單, 而當地人竟然可以專登行山上黎踢波玩足球, 成個feel勁chill


我岩岩上山已經有人開始落山



已經遠眺到我今日既終點瀑布




最後我估行左大約兩粒鐘就到了, 抖抖下發現開始毛毛雨,咁緊要即閃





最後濕鬼晒, 落到山腳飲左兩杯熱茶, 盛惠4蚊雞, 飲完茶就又要周圍截下車, 最後截左架收50蚊車我返城,咁凍到就結冰即上車閃了


返到hostel比左一半房錢沖左個熱水涼stay到夜晚就搵左間吉吉比較出名既當地餐廳食最後晚餐, 飲杯welcome drink 先啦衰鬼





呢餐應該係成個trip食得最貴, 好似加埋2百幾, 餐廳靚野食好味, 叫左勁多野食,飽到想嘔


食飽見仲有少少時間, 呢到叫車又方便, 決定市中心影幾張夜景再走, 都叫到此一遊咁


影完好快閃人, 提早10分鐘搵定巴士, 準備開始烏G之旅了! 吉吉完

Lm

Day 10 Bye吉吉, Hi烏G


第十日晚係巴士到渡過又慳返一晚房錢, 我由吉吉去烏要經哈薩克再入境所以我要過兩次海關, 第一次入境哈既時候已經卡關, 佢地完全唔知香港passport入境係免簽, 係咁同我講中國人入境要E-Visa, 係語言不通既情況下我拎左本BNO出黎比佢地話我有兩本護照, BNO應該免簽, 最後佢地收走左我本Passport去check, 果陣已經搞左大約15分鐘以上, 而我勁驚我miss左架巴士, 佢地係咁同我講巴士會等埋我, 跟住就同我閒話家常問我結左婚未,幾多歲之類, 都係用google translate吹水, 最後搞左我估半粒鐘先過到關, 而我出到去等車果陣, 我架巴士仲未到! 咁等巴士果陣我就問下路人邊到廁所, 佢竟然好好心問我有冇烏幣, 已經預知我無錢幫我比左廁所錢,仲買左支水比我, 好多謝呢位姨姨, 祝你身體健康, 最後順利等到車上返巴士






係哈入烏既關門可能已經有哈既簽證, 所以十分方便, 循例關口都有check下有幾多現金, 同埋相機有咩相,問下黎做咩之類


咁好快就到左終點, 仲要叫車返hostel, Tashkent係我叫車叫得最多既地方, 呢日差唔多叫左6,7次, 都唔駛一舊水, 平到癲


黎到hostel諗住擺低D野出去開始行程, 點知講多兩講老細比我提早11點左右check-in, 最後訓左兩個鐘左右先出去行


行路緊係要有力, 去左個大眾食堂食飽先出發


天氣晴





雖然我個人無咩藝術氣息, 但呢個art museum好似要黎打一打卡咁

打住咁多先

正 終於到烏

鳥好短 得三個city 下星期應該打晒

ALA機場入啲border 知特區免簽

旅遊台，好多連登仔去過

唔介意睇殘體字嘅話可以睇馬蜂窩/屌紅書
中國人d攻略幾詳細

小紅書真係最多攻略同埋最新