(中亞遊記)獨遊吉爾吉斯+烏茲別克（多圖少字）

尾二一站有去

估唔到咁多巴打去過吉吉 成日係IG睇到鬼佬post 想去好耐

留名

極光果到有畫面，人地山長水遠黎睇夜高樓大廈，我地就去睇森林冰山

你有冇食呢啲包

Khiva真係好有feel

俄妹

話咁快講到離開AraShan之後, 俄妹放低我係hostel附近咁我就返hostel休息下, 返到去就見到個傻9印度佬係hostel開住部notebook做野就吹左兩句,原來佢係邊玩邊做野,IT仔交齊功課就可以出去玩果類, 咁岩佢都就完工就問我想唔想出去睇日落,咁我還掂無野就9fingfing就say左ok出發


第一站俄羅斯正教會的教堂, 跟住就開始搵巴士去睇日落果到, 最後問左4,5個人先去到, 搭車真係唔容易


上車見到BB好靚又影下


由一出門就同印度佬吹水, 吹下工作 , 生活環境(佢係杜拜大+做野), 有同我講移民比人歧視拒簽之類, 又傾下佢地點樣識女仔, 價值觀咩都9up下都幾好吹, 好彩無帶相機, 佢一講停唔到基本野無咩機會影相


回程時候等巴士有D街邊村民小朋友又過黎吹下水(俄仔識兩句英文, 印度佬又識兩句俄文) 都叫吹左幾句, 最後等左差唔多成個鐘巴士等唔到諗住叫車又叫唔到, 跟住截左架順風車(但要收幾十蚊車我地返城市), 我地覺得咁短路程有D貴就善意拒絕左, 點知佢揸走左架車又兜返返黎叫我地上車同我地講唔駛錢,真心勁好人, 所以落車我地都決定比返本身佢想收果舊錢佢, 但今次到佢唔收 最緊要係佢係專登車我地返城, 佢放低我地之後我見佢揸返車返我地睇日落果個方向, 旅行成日遇到呢D窩心事真係回憶在心頭


最後同印印揀左間又係多人食既local餐廳食晚飯,都幾貴,人頭印象都要成舊水, 食食下仲要撞到同hostel一個馬來西亞佬, 就坐低一齊食但食物分返開, 傾傾下計佢見我地叫左咁多野食, 印度佬就笑笑口話我叫, 馬來佬就笑鳩香港人好有錢叫咁多野食(係咁話HK kid is rich,明明我都3張野) 聽完真係得啖笑, 食飽就搭的士返去(十蚊八蚊)2公里里, 馬來佬又串9我咁近都要坐車,我話好攰我請廢事理佢, 最後同印印自己返去, 馬來佬話食飽要散下步再返去, 是日完

其實我去烏G 係為左比比哈努姆清真寺, 先專登揀係samarkand作為終點回程, 但事實網上照片真係不能盡信, 雖然都好靚

藍眼真係好靚, 我係咁讚佢地隻眼勁靚,貓眼咁

如果一個女仔去自由行嘅話，會否建議？

睇你點玩, 講真我覺得安全過我之前去東南亞果D(緬,越,印) 呢到D人起碼好少唔會無啦啦聊你搞你望住你, 好多時都當我local同我講local語言

btw 如果鐘意原始大自然真係好值得一去,吉吉除左交通唔方便都無咩野, 有機會再去我一定自駕遊,唔會慳果少少錢, 時間可以用得好好多, 唔駛好似我就plan定晒邊日要stay邊到, 日日要捕住巴士時間(有D好疏) ,有時間剩無車走咁

不過一路上都什少見人一個人玩,通常起孖

遲啲會去烏茲別克，想問有無喺Tashkent住宿推介？

我住Safarov's Family Hostel, 大間樓底高幾靚新同乾淨, location未必最靚, 但叫車出去都係2,3公里既事, 同埋老細英文麻麻地。 但我第一日坐完night bus勁眼訓, 未夠十一點已到hostel, 講講下佢都比我提早check in

住左兩晚

c朗入波未

謝樓主 佢地唔太識英文嘅話，可以點溝通？用Google translate？認真諗住學定幾句俄文傍身，佢地好似都多人識俄文

唔駛客氣，普通check-in程序無咩問題，如果深入少少要問路就要靠自己，基本上所有當地人都識俄文。

鳥基本上我去啲大景點全部都好近市中心同好集中，我係Toskent坐左坐日的的都係幾十蚊，跟住又坐下地鐵站續個續個站影下相，無咩特別野玩

我都係plan頭尾兩晚Toshkent，然後中間去Samarkand同Xiva, 加埋一星期多少少。見好多人都話Toshkent無咩野做，諗住市中心行下，搭下地鐵

Yes 頭尾兩日夠做，我係第一日早車到，第二日晚坐night train去Xiva， 兩日都係個城行黎行去，係咁google map到search景點，地鐵站幾靚，夜晚去左個無機動遊戲類似迪士尼既地方行下，勁多local，跟住就返左歸了

不知不覺已經Day5, 整個trip既三分一, 岩岩先開始沉醉係吉吉到, 而今日要去既景點都係一個比較出名既景點Fairytale canyon(童話峽谷)。可能呢到可以車直到。 而我覺得呢到比我係張掖睇過既七彩丹霞仲靚, 呢到仲要0保護可以任踩任影,真心癲


今日要離開karakol 咁就要揹埋個20L背囊起行


今日都預早左起身, 同埋今日得一個景點, 可以食埋專登去搵D早餐店食埋先起行


今次好順利,好快就搵到架車, 問完司機幾點起行就去附近睇小朋友踢波,跑步


本身話九點開車,最後好似等到差唔多十點先開,坐左一個鐘就到了, 因為差唔多全程都圍住伊塞克湖玩, 一落車就影左張靚相就開始行入去峽谷



門票印象好似$30左右, 熱到要著背心行, 沿途邊行仲有幾架車經過, 真係好想叫佢地車埋我, 不過都係行2KM左右, 我自己黎, 頂得順!






入到去真係嘩一聲, 超大個峽谷 , 基本上行唔晒, 大部分人連落都無落個峽谷, 就咁係山頂影幾張相就走左, 咁我今日都無咩野做就緊係入去行下, 本身仲諗住攻頂, 但揹住太多架餐好笨重,登左1/3就放棄左了, 最後係行下坐下感受左大約兩個鐘就走了


出返去果陣中間又問下有間hotel既老細點搭車去我下一站,佢剩係比左個轉車站我, 咁我知道個方向就去大路等車了, 好快就上左車去Balykchy


食完個早餐全日都無食到野, 去到Balykchy即刻補充食物啦, 因為仲要搵車去Kochkor, 所以好快食少少野就走左了



出到supermarket 開始開定google map問人點去Balykchy,問左幾次, 幾次都唔同答案, 搞到行黎行去都搵唔到, 最後問到一個識英文既local, 佢地車左我去個share taxi stop, 跟住幫我講好價就上車等齊人先開了, 呢次亦係我第一次坐share taxi, 雖然驚驚地, 但應該都無既野, so far 最後當然都無野啦, 唔係我都唔會係到打緊文


開車之後仲要坐兩粒鐘先到,個天都已經黑晒了, 去到hostel企左係門口落緊大雨敲門敲左成5分鐘都無人應,果下就真心驚驚地,附近已經無第間hostel, 成條街黑媽媽, 好彩最後10分鐘後左右有個女人開左門比我終於可以入去, 夜晚+落雨真係凍到hihi

咩相機影？色調好靚

入到去hostel 緊係沖涼換衫先, 跟住女屋企叫左我過去佢屋企食飯, 真心好warm, 好似融入左佢個family同佢個女玩, 玩到唔知以為係我個女

食完飯就返左房準備聽日行大山Kol ukok! 本身諗住問下同房可唔可以跟佢地一齊行, 佢地會係湖入面camp, 因為路程又係單程十幾公里, 但佢地係咁同我講好易行, 介紹埋D 行山app叫我跟住自己行, 之後我先醒水知佢地原來係一pair先 ! 真心屌, 女屋主仲同我講佢地唔識! 好彩最後同房介紹左個法仔我識, 法仔都會聽日會騎馬入去, 我好快就打左去 join埋個local 騎馬團了! Day 5 完!

之後仲有冇佢地戲份

無啦比多幾張你睇