想去吉爾吉斯好耐，想去睇下佢Ｄ靚景，今年咁岩有機會清下假就揀左佢，最後當然無失望貼幾張我鐘意既人像相再慢慢打
而今次出發點係阿曼＞阿布扎比（轉機）＞Bishkek（吉爾吉斯首都）＞（Karakol)＞（Kochkor）＞(Naryn)＞Toshkent（烏茲別克首都)＞（Xiva)＞（Samarkand），計埋頭尾16日，岩岩好星期六到星期一朝早返到香港
明明只係五月既事，依家已經唔記得晒D地方名，要開住Iphone睇住D相搵返個名先講得出個名
去呢兩個地方基本上唔需要任何裝備，最緊要係上到網就ＯＫ，全程都要用Google translate，因為當地人基本上無人識英文，只識俄文＋當地語言，所以要做好功課先去，當地好多Tour 可以Join，但都幾貴，所以基本上我都係做好功課坐巴士＋順風車去玩（當地好興）
今次我係阿曼出發，坐左兩程廉航計晒轉機都要十幾個鐘先到達吉爾吉爾首都，星期五既零晨機，星期六晏就兩點到吉爾吉斯
阿布飛吉爾吉斯既相
機場都幾細個下
落機天氣陰，一落機就已經要趕巴士去巴士總站坐車去Karakol，係車站換左100蚊美金慢慢駛，大部份地方都係收Cash，大間少少既餐廳先會收卡
第一餐揀左D串燒同抓飯食，同之前去新疆食既野都大同小異，但串燒係超大份，同埋只係十蚊廿蚊一份，物價係極低，但你睇返吉爾吉斯人均只係$1000到，所以對佢地黎講應該已經算貴
基本上第一日都係坐飛機坐車，呢個係去緊Karakol 路程上中間休息時影既相，最後到目地的已經係十一點既事，落車前就識到我旅程上第一個朋友仔Karina，當地Local，去左杜拜做野幾年，咁岩返鄉下一齊坐一架巴士，靠佢打電話比Hostel問地址，再落車幫我同司機講Hostel地址，我先可以無驚無險返到屋企，第一日完
離開左karakol得返順風車 / 小巴坐/share taxi坐
亦係我既回憶
我上年12月都行左一轉北疆，都開始多人造野
謝
