連登仔被捕自救手冊

打字打到有啲攰，晏啲再講被捕之後你應該點做

原來連仔係清白

過來人留名, 多謝樓主出post教人點做

雖然我到而家都好驚畀人拉多一次，但係我覺得我有責任去救人，不XX毋XX

希望大家幫手推post畀更加多人睇到

推

我係上面多謝你都比人負皮
睇來長官已經入左來

直接早啲quit連登算啦

冇理由因為咁要自我閹割，連登真係而家少有仲可以自由畀香港人講下嘢嘅平台（當然你要小心畀人拉，因為連登都係重點照顧嘅平台）

幫推
一早都講過上連登講少啲自己野
呢個post 爆住邊，嗰個post 爆返工，另一個post 又爆用咩銀行，同送資料俾狗冇分別
有班連登仔唔保護好自己乜都屈admin俾資料，冇撚得救

所以所有有關自己既野喺連登鳩吹就算

被捕過程同埋你可以做啲咩去保障自己

首先據我所知多數人都係喺街畀人搶電話，係你行行下冇留意突然之間有人行埋嚟搶你電話嗰隻，你係冇反應時間

所以你可以做嘅就係喺連登或者telegram等等嘅高危軟件設定登入保護（連登有一個登入保護係你輸入一個錯嘅密碼之後可以自動登出，呢個功能可以救你一命，當然如果你係用緊連登畀人搶咁就真係冇得救）

你畀人拉咗之後網絡罪案調查科就會開始迫你交密碼，佢哋會用各種威迫利誘嘅方法（例如同你講佢哋可以破解到你部電話，到時候你仲大鑊，你如果而家交密碼就反而冇乜嘢）

所以第一個重點，唔好交密碼，唔好交任何資料，就算你驚都要頂住壓力，你唔配合佢哋一定會搞你，但你配合你就死緊

之後就會塔你上去你屋企。所以記住電腦，其他入過連登嘅設備都要做同樣嘅保護，當然如果只係手機有登入就更加好

喺你屋企攞曬所有資料之後佢哋就會帶你返警署，喺警署你係冇得打電話冇得搵律師（佢哋會用各種方法阻止你）呢段時間你最緊要就係要令自己冷靜，最多都係拘留你48小時

如果你配合佢哋其實好快就有得去錄影，錄完就會走得，不過代表你已經成功自殺

如果你乜都唔認又做好曬所有保護措施，律政司係唔夠證據charge你，因為證明唔到個account係你，就算你爆過啲個人資料你記住，你啲個人資料可以係人哋上網搵到之後發上去，唔代表帳號就係你本人，你嘅個人資料並唔係得你一個人知道

據我所知連登係冇交過任何人嘅ip同埋電郵上去，所以而家死嘅連登仔全部都係認咗嘅，佢哋會氹你話冇乜事大家只係做場戲，你單嘢我睇咗，我哋搵唔到你有其他犯罪嘅事，你好好配合我哋好快就可以放返出去冇事

幫手推post畀更多人睇到唔該

幫手推下post，p牌仔推唔郁

除咗連登個app，記得留意下自己有冇多手電話登入埋連登網頁版

點解你會知呢d內部野？

因為我有藤本（之前控告我提堂嘅證據）

聽過好多庭審，做咗好多功課

同埋問過好多律師

push