原來咁多人有牙科問題,應該大多數都係啲唔急嘅嘢所以懶得去睇
多謝晒樓主咁有心
想問下 有一日突然發現左面最入嗰兩隻大牙(上下都係)崩咗,粗略估計大概無咗25-30%左右,好似apple logo咁不過再深少少,但係冇去到最中間。完全no idea點樣發生,連啲碎片都冇見過。
google過下,好似話係淨係崩咗但冇穿到,所以牙根冇露出就唔會痛。
發現到依家都差唔多兩年,嗰個位都冇惡化過
平時食凍嘢嗰個位都唔會特別敏感或者痛。而家手頭緊,係咪可以keep住每日刷好牙,唔好比食物殘渣停留喺個崩位,就唔使驚佢惡化住,可以以後再去補?會唔會話等太耐有風險會繼續侵蝕入去咁?
咁長篇大論唔好意思,再唔該多你一次先