賓紀文今季由黑龍江冰城轉投蘇州東吳,但因膝傷關係,曾缺陣超過1個月,至今各項賽事僅曾上陣6次。今場對延邊龍鼎Clement獲安排後備上陣,更在79分鐘憑一次右路傳中,造就隊友射入,帶領球隊大勝5比0,賽後這名28歲後衞受訪時,顯得十分開心:「自己早幾個星期前已經好番,但球隊最近走勢好好,教練唔想陣容有太大變動,所以爭唔到正選位。好開心今場可以交出助攻,仲幫球隊以零失球姿態贏波,希望自己表現繼續進步。」
Clement在上年7月已領取特區護照,並有份入選亞洲盃41人集訓名單,惟至今仍在等待其地標戰,剛傷愈復出的他表示現階段會先集中在球會身上:「香港隊暫時唔會諗太多,自己會集中喺球會先,始終要踢到好表現先有機會入選。
自從主教練安達臣離開後,暫時足總都未有人揾過我,希望依個情況可以改變,代表香港上陣一直係我夢想。」
外流港將 傷愈獻助攻 賓紀文:踢好球會再諗港隊
https://hk.on.cc/hk/bkn/cnt/sport/20240709/bkn-20240709132155388-0709_00882_001.html