究竟歐陽炳強有冇殺過人？

不過安美員工個個都話冇見過個紙盒，電視盒可能係垃圾站執嘅

佢個樣都幾撚陰濕 後生時賊眉賊眼咁

估唔到會引到啲無謂人

好老實講我睇咗好多呢單案嘅資料
而到咗今日
話歐陽炳強係兇手嘅理據
係合理&多過
話佢係冤枉嘅理據
因為今時今日都話佢冤枉嘅理據
有d資料係不實（例如品格證人係工廠工人，比人話咗係同學）
而有d係唔算好大嘅疑點（例如點名簿唔見，但唔見前警察已經查過，加上有班長作供）
又或者係d 可信性存疑嘅論點（例如匿名信）

所以好理解當時點解陪審團會一致裁定歐陽有罪
但有時世事嘅嘢
都有可能成件事嘅推論係合情合理
但原來真係唔係佢

理性討論 理性思考
無論認為佢係有殺定冇殺
都可以和平討論

明明你係傾向歐陽於係兇手
但只要提出歐陽可能唔係兇手的理由就比人屌

紙箱可以接埋放上車？

之前睇到一個comment
歐陽炳強去跑馬地雪糕店返part time 係為左識學生妹
因為佢本身居住柴灣，點解會去跑馬地返工，重要係返part time
著西裝都係為左識女，西裝係當時好貴重，所以事後唔捨得掉

咁就解釋到點解死者指甲中的纖維與歐陽炳強查獲的西裝上衣上的纖維相同。
死者身上發現的269條纖維中有7條纖維與歐陽炳強上班穿着的西裝吻合。

當然以上橋段只係幻想

跑馬地d學生妹特別d？

跑馬地，彎仔，cwb 果邊的確好多女校名校

我都好無奈
d point 都係為咗啟發思考
而且因為唔多人知，所以講出嚟

事實上都講過炳強唔係第一嫌疑人, 之前已經重點查左佢同校男同學 + 前男友, 曾經懷疑過, 亦都因為冇證據放左佢, 係兇案發生左3個月後先鎖定佢 並唔係坊間傳一開始就煮死佢

12月17日發現屍體
1月3日拉左歐陽？

因為佢地可以親身睇埋證據 聽哂2邊既理由 去埋現場睇多次案件重組+解說, 咁佢地比一般人知既野多左, 爭論範圍都細左 咪容易有共識

退一步講, 你都係想spin去14個人俾人收買哂既可能性姐, 老實ICAC成立咁多年, 香港回歸咁多年, 連炳強都死埋啦, 點解冇當年陪審團人跳出黎話當年俾人逼先投有罪? 講緊係14個人都冇一個人咁做喎

柴灣去跑馬地有叮叮搭 平啲掛

但佢坐左咁多年都都仲話自己無做過，既然判咗而有做過點解唔直接認

佢正職返觀塘做文員仔喎，著正式d都正常呀

仲有佢西口西面咁唔覺得佢會識到女

玩誤導?

12月17日發現屍體
1975年1月3日扣捕了歐陽炳強。
由於查不出確切證據，幾天後歐陽炳強被釋放
1975年3月，警方再拘捕案發時在安美飲品公司公司工作的歐陽炳強

後面唔打埋?

雖然我都唔認為陪審團被逼／收買
但假如陪審團被收買都冇可能企出黎講
因為等於承認自己妨礙司法公正

「兇案發生左3個月後先鎖定佢」
邊個誤導？

同埋都伸咗咁耐冤，出到黎唔爭在繼續，分分鐘自己呃埋自己

好似話果個年代D男人好多以為自己著住西裝D女已經濕左一半

唔係政府文職post咩

睇段野唔明個二五仔點解突然靈機一觸覺得工場係第一現場

曾經懷疑過, 亦都因為冇證據放左佢 我呢句又唔理?
事實果3個月期間不停問其他人 搵其他證據(WIKI: 曾查問逾800名可能與案有關係的人物)又睇唔到? 貝亞3個月內心心念念就係要屈死佢 有冇咁鐘意佢呀

本身住得遠+生活冇交雜
砌死佢係捨易取難喎

上面應該係話佢受訪時有講過: 我唔想殺佢
但係佢咁講, 有人話係佢想申請假釋, 所以要扮有殺而有悔意. 佢講完"我唔想殺佢" , 之後一年, 佢申請假釋失敗

係可以只係得佢老婆一個講個可信性真係唔高，佢仲講過有人係係234菜館見過死者添

講到食嘢，法醫話死者死前三小時有進食，但胃入面嘅食物又符合午餐食嘅嘢。有冇資料係大約食過d咩，因為一般人有得揀唔會食兩餐一樣，除非係d好平常嘅嘢