唔好吓吓瀨天瀨地瀨政府啦香港人
你本土個巿場環境氣氛的確會影響成個城市嘅創意發展心態
特別香港本身市場已經細
你自己人都唔proud of土炮嘢
一味識得踩
人哋仲有冇信心投資精神時間金錢走去創新先?
有錢都走去炒炒賣賣搵吓快錢好過啦
調返轉你睇吓人哋日韓嗰啲幾proud of 自己品牌幾信任自己啲MIJ/MIK國產嘢先啦
你一個地方啲嘢連自己本土人都唔buy(甚至踩
)點衝得出國際點說服人哋去欣賞你先?
你睇返香港又真係唔係冇試過成功例子㗎喎
8,90年代娛樂電影已經係啦
當年香港人自己大力支持
電影好似成龍動作片嗰啲紅到日本歐美
樂壇有張國榮(連IU都翻唱)四大天王韓國人都識Beyond倫伯紅到去日本紅白都上埋
全部到今日外國都仲有人識
但你本土冇人再支持冇再產出就沒落㗎啦
調返轉睇返而家香港有啲咩啲人又唔支持甚至proud of 自己唔支持
做得好就話人唔夠外國好話人抄
好似連登仔呢啲又鐘意逢紅必反
有咩熱誠創意未成功就都俾你哋呃殺晒啦
邊個仲有心情投資落去出心出力做好嘢先?
最後咪得返啲唔日唔韓嘅男團女團再唔係啲咩無限翻炒福祿壽扮女人嗰啲出嚟搵快錢囉