微整，下至hifu botox，上至抽脂 (5)

咁你會唔會再做？一次其實要幾大劑量

係可以嘅，我黑眼圈好勁，連鼻樑眼蓋好黑，今年3月開始，每月1次laser打眼黑眼圈，打到第3次開始明顯見到黑眼圈淡咗好多，
化妝時由要用好橙色遮瑕膏調色，再上膚色遮瑕，再上打亮色，到而家淨係用膚色遮瑕膏遮1層就OK

我係醫生打，打laser過程好痛好痛，好似火燒皮膚咁，打完成個眼圈起曬沙，要1個星期先退，
另外因為我打埋眼蓋，要帶保護眼球嘅con，
con加laser，價錢係貴架

最後，真係決心打就要有恆心，唔好打1，2次就放棄，要慢慢先會見到效果

係咪真係會反光咁？
兩隻一齊打洗唔洗都要打三支先keep 得耐d?

而家感覺係皮膚飲飽水有種通透感，皮膚又平滑左加埋出少少油睇落係幾靚，化妝比素顏係更加睇得出個分別，個妝感係靚左唔少，但我有一粒個幾月嘅石頭瘡嘅暗粒仲未出到黎

我覺得juvelook係長期效果，始終佢係生膠原，主要改善毛孔同皮膚飽滿度，好似酒店羽毛枕變做記憶棉枕頭嘅感覺，我希望打完三支我啲凹凸洞可以平到70%

麗珠蘭就for你急救保濕光澤，佢話可以消炎同改善水油平衡呢方面我就未太感受到，話就話要打幾支先last耐啲，我都打算打足三支睇下會唔會爆少啲瘡，但我估計光澤感應該都係得2-3星期貨仔，有budget嘅話係可以keep住打但我冇錢

Keep得耐唔耐睇你係想target啲咩問題，同埋想做到咩效果

好詳細既分享 多謝你呀
我都比較想打juvelook 多d
聽完你講都想試～
希望唔太痛捱得住啦

我喺B記指定搵 dr yu (呢個醫生特別貴d)
平均每次眼部laser約$2000另加每次$1000買個保護眼球嘅con