佛誕日 不如講吓佛陀
水之道
349 回覆
345 Like
10 Dislike
我對seafood既教導唔了解所以比唔到意見，但見到咁群情洶湧就知唔「野少」
1)一世說生命觀-->人死如燈滅，所以緊迫感特別強-->及時行樂，不吃眼前虧，利己主義，我鐘意點就點。
2)二世說生命觀-->基督徒與中國古人生命觀，現世行為對祖宗負責/未來永久的天堂生活，一種可觀的投資回報來約束自己。二世說，現世行為基督徒對上帝負責，中國人對祖宗負責。
3)三世說生命觀-->印度人的生命觀，後來佛教傳入中國，影響了中國人。-->「十八年後一條好漢」。三世說，心識流轉相續，現世行為對輪迴負責，對自己負責。
三大類生命觀中，你認同那種?對生命的不同理解，決定了對當下現實生命狀態的感受和信仰選擇。比如在決定一件事情做還是不做的時候，相信一世說的人就選擇做了，相信二世說的人就選擇不做。面對著一種生活境遇，可能相信一世說的人會感到很快樂，而相信三世說的人可能會感到很痛苦。
佛陀的教法分為四個層次：
1)不能夠認同三世說生命觀的人，可以把佛陀教法當作知識文化去學習；
2)認同了三世說生命觀但生不起出離心的人，學習佛陀的人天乘的法:「五戒十善，人天果報」；
3)認同了三世說生命觀又能约生起出離心，但生不起菩提心的人，學習佛陀的小乘教法「四諦無我，涅槃寂靜」；
4)能夠認同三世說生命觀，能夠生得起出離心，同時還能生得起菩提心，佛陀為這樣的眾生講了大乘佛教的法。
2)二世說生命觀-->基督徒與中國古人生命觀，現世行為對祖宗負責/未來永久的天堂生活，一種可觀的投資回報來約束自己。二世說，現世行為基督徒對上帝負責，中國人對祖宗負責。
3)三世說生命觀-->印度人的生命觀，後來佛教傳入中國，影響了中國人。-->「十八年後一條好漢」。三世說，心識流轉相續，現世行為對輪迴負責，對自己負責。
三大類生命觀中，你認同那種?對生命的不同理解，決定了對當下現實生命狀態的感受和信仰選擇。比如在決定一件事情做還是不做的時候，相信一世說的人就選擇做了，相信二世說的人就選擇不做。面對著一種生活境遇，可能相信一世說的人會感到很快樂，而相信三世說的人可能會感到很痛苦。
佛陀的教法分為四個層次：
1)不能夠認同三世說生命觀的人，可以把佛陀教法當作知識文化去學習；
2)認同了三世說生命觀但生不起出離心的人，學習佛陀的人天乘的法:「五戒十善，人天果報」；
3)認同了三世說生命觀又能约生起出離心，但生不起菩提心的人，學習佛陀的小乘教法「四諦無我，涅槃寂靜」；
4)能夠認同三世說生命觀，能夠生得起出離心，同時還能生得起菩提心，佛陀為這樣的眾生講了大乘佛教的法。
所以呢？
見到佛教同其他宗教/學說對生死睇法既分別
晚星下，雙駒馬不停蹄咁前進，直至黎明來到，曙光輕灑落兩人身上。
面前嘅阿奴摩河 (Anoma) 水聲潺潺，兩人騎住馬，喺淺水位置渡江，越過釋迦國 (Shakya) 邊境。悉達多由馬背跳落嚟，撫摸犍陟嘅頸背：「辛苦你喇，犍陟。」
悉達多拎出短劍，削去髮髻，再搭着闡陀膊頭：「闡陀，多謝你一路陪伴！之後嘅路，就要由我自己行。」
闡陀潸然淚下：「多謝殿下一直以來嘅照顧，還望他日成道，毋忘初衷，保重了！」
悉達多強忍淚水：「你都要繼續好好生活，我哋會再見。」
悉達多目送闡陀帶住兩匹馬，漸漸遠去。
離別，總係沈重。從新出發，又有一種輕盈。
話說，悉達多隻身上路，嚟到森林，遇到一個獵人，着住修行人嘅服裝。發現佢係想假扮沙門，等獵物唔會有太大戒心，方便射殺佢哋。
悉達多靈機一觸，就話：「不如我哋交換衫着啦。」
獵人見到，心諗：「乜咁傻嘅人都有嘅？」
悉達多見佢猶豫，就講：「你可以拎去變賣，以後就唔洗殺咁多動物為生。」
獵人聽到，即刻𦧲飯應。悉達多亦因此有咗件袈裟
失去：皇家行服一套
獲得：沙門服一件
話說，悉達多隻身上路，嚟到森林，遇到一個獵人，着住修行人嘅服裝。發現佢係想假扮沙門，等獵物唔會有太大戒心，方便射殺佢哋。
悉達多靈機一觸，就話：「不如我哋交換衫着啦。」
獵人見到，心諗：「乜咁傻嘅人都有嘅？」
悉達多見佢猶豫，就講：「你可以拎去變賣，以後就唔洗殺咁多動物為生。」
獵人聽到，即刻𦧲飯應。悉達多亦因此有咗件袈裟
失去：皇家行服一套
獲得：沙門服一件
後來，悉達多遇見另一位沙門，得知當時一位高僧叫做阿羅邏伽藍(Alara Kalama)，住喺毗舍離城 (Vesali)以北嘅淨修林，就決定出發去參學。
行呀行，過咗個幾禮拜，悉達多終於嚟到阿奴波村(Anupiya)附近，阿羅邏嘅淨修林！
呢個道場，規模一啲都唔細，眼見有四百幾位師兄，一言不發咁坐喺度，聽緊一個七十歲老人家開示。
開示結束之後，悉達多就走上前：「老師，我想跟你修行，請收我為徒！」
阿羅邏了解咗悉達多嘅背景同志向，好快就答應咗。
「師父請受徒弟一拜！」悉達多高興咁跟從古印度習俗，向師父行足禮。
幾時更完
一生二，二生三，三生萬物。
Sor，由出家到證道嘅部份，牽涉婆羅門、沙門、佛門嘅義理，所以呢排研究緊，寫得慢咗
唔緊要，有時幾隻字睇唔明搵解釋我都睇好耐，仲要慢慢消化衰在成日無入腦
衰在成日無入腦巴打有冇睇開邊啲經書
不錯
延伸問題：印度各大宗派，都以涅槃為究竟目標，佛陀嘅涅槃觀，同其他有咩分別？
延伸問題：印度各大宗派，都以涅槃為究竟目標，佛陀嘅涅槃觀，同其他有咩分別？想去Varanasi
無特別睇開，只係屋企人日日去佛會，有時係屋企讀經或者播啲咒， 我就好奇啲咒嘅字係咩意思就上網搵解釋，比較隨緣最近就成日播藥師咒
最近就成日播藥師咒live左 支持
梵文作為印歐語系之一，用拉丁文做載體去學習字根字義，有時覺得好過漢字：
namo bhagavate bhaiṣajya-guru vaiḍūrya prabha rājāya tathāgatāya arhate samyaksambuddhāya tadyathā: oṃ bhaiṣajye bhaiṣajye bhaiṣajya-samudgate svāhā.
namo bhagavate bhaiṣajya-guru vaiḍūrya prabha rājāya tathāgatāya arhate samyaksambuddhāya tadyathā: oṃ bhaiṣajye bhaiṣajye bhaiṣajya-samudgate svāhā.
用BNO可能得 中国passport好似唔批
當晚，悉達多被安排喺一間茅屋度瞓，雖然好簡陋，但悉達多就一覺瞓到天光
第二朝，悉達多瞓醒嗰陣，發覺一眾師兄已經做完早課 (坐禪)，於是就跟佢哋持缽，去毗舍離城乞食。
悉達多逐家逐戶去乞食，其間學識點樣着袈裟、持缽、行路、接受食物、祝福答謝。
佢修習守護根門 — 眼、耳、鼻、舌、身，從中放下貪愛、瞋厭，用平等心接受供養，或者面對拒絕。
返到嚟寂靜林，大家坐喺樹下，開始止語進食。佢哋知道，進食並唔係為咗娛樂，佢哋只係食足夠份量，讓身心有營養去體悟大道。
第二朝，悉達多瞓醒嗰陣，發覺一眾師兄已經做完早課 (坐禪)，於是就跟佢哋持缽，去毗舍離城乞食。
悉達多逐家逐戶去乞食，其間學識點樣着袈裟、持缽、行路、接受食物、祝福答謝。
佢修習守護根門 — 眼、耳、鼻、舌、身，從中放下貪愛、瞋厭，用平等心接受供養，或者面對拒絕。
返到嚟寂靜林，大家坐喺樹下，開始止語進食。佢哋知道，進食並唔係為咗娛樂，佢哋只係食足夠份量，讓身心有營養去體悟大道。
金剛經開始
食完野之後，大家就坐禪。
阿羅邏大師指導悉達多：「坐禪嗰陣，pat pat坐喺墊嘅前半邊，兩邊膝頭貼地，用三點支撐着個人，先會坐得穩、唔會腳痺。可以雙盆、單盆，或者散盆，總之舒服就得。雙手放喺大脾，或者喺腹前結印。腰背垂直，而唔僵硬。雙眼可以合上，或者垂視近處。」
悉達多細個都有坐禪，自然非常掌握師父講嘅野。
阿羅邏又繼續講：「之後，我哋將注意力放喺呼吸，有啲人觀察胸腹嘅起伏，有啲就感受鼻尖嘅氣息。吸氣嗰陣覺知吸氣，呼氣嗰陣覺知呼氣。呼吸係身體嘅工作，我哋要做嘅只係觀察，唔需要參與或者干預⋯⋯」
「入⋯⋯出⋯⋯入⋯⋯出⋯⋯」悉達多嘗試繫念呼吸，但慢慢，腦海又浮現耶輸陀羅嘅畫面，無法集中精神。
阿羅邏見到就話：「老師知你仲好掛住屋企人，而且仲有唔少疑惑。思緒就好似風咁樣，吹動水面波浪，令心浮動，唔得清明。呼吸係我哋嘅錨，讓心唔會飄走。如果心不在焉，毋須怪責自己，只需要將注意力放番喺呼吸就可以。當跟隨到入息出息，就可以覺察氣息長短深淺，甚至整個身體⋯⋯」
悉達多聽從老師嘅指導，呼吸同心念，開始形影不離，而且毫不費力，身體變得鬆弛，內心輕安喜悅。少量念頭，偶然仲會出現同消失，但由於心繫呼吸，念頭就好似溪澗嘅流水，完全唔打擾岸上觀者嘅安穩。喺嗰刻，悉達多感受到，一種前所未有嘅定境。
阿羅邏大師指導悉達多：「坐禪嗰陣，pat pat坐喺墊嘅前半邊，兩邊膝頭貼地，用三點支撐着個人，先會坐得穩、唔會腳痺。可以雙盆、單盆，或者散盆，總之舒服就得。雙手放喺大脾，或者喺腹前結印。腰背垂直，而唔僵硬。雙眼可以合上，或者垂視近處。」
悉達多細個都有坐禪，自然非常掌握師父講嘅野。
阿羅邏又繼續講：「之後，我哋將注意力放喺呼吸，有啲人觀察胸腹嘅起伏，有啲就感受鼻尖嘅氣息。吸氣嗰陣覺知吸氣，呼氣嗰陣覺知呼氣。呼吸係身體嘅工作，我哋要做嘅只係觀察，唔需要參與或者干預⋯⋯」
「入⋯⋯出⋯⋯入⋯⋯出⋯⋯」悉達多嘗試繫念呼吸，但慢慢，腦海又浮現耶輸陀羅嘅畫面，無法集中精神。
阿羅邏見到就話：「老師知你仲好掛住屋企人，而且仲有唔少疑惑。思緒就好似風咁樣，吹動水面波浪，令心浮動，唔得清明。呼吸係我哋嘅錨，讓心唔會飄走。如果心不在焉，毋須怪責自己，只需要將注意力放番喺呼吸就可以。當跟隨到入息出息，就可以覺察氣息長短深淺，甚至整個身體⋯⋯」
悉達多聽從老師嘅指導，呼吸同心念，開始形影不離，而且毫不費力，身體變得鬆弛，內心輕安喜悅。少量念頭，偶然仲會出現同消失，但由於心繫呼吸，念頭就好似溪澗嘅流水，完全唔打擾岸上觀者嘅安穩。喺嗰刻，悉達多感受到，一種前所未有嘅定境。
當悉達多坐起身嘅時候，已經係黃昏。佢向老師匯報自己嘅經歷，阿羅邏尊者聽到之後，非常高興，就慢慢教佢更深入嘅數論 (sāṃkhya) 義理同埋修習：
地水火風空、眼耳鼻舌身、色聲香味觸，語、手、足、生殖、排泄器，一切存有同變異，都係來自原質 (prakṛti 自性)。另一方面，苦樂背後嘅感知者，係神我 (puruṣa 原人)。
無始以來，無明愛欲，令自性同神我交纏，衍生覺 (buddhi)、意 (manas)、我慢 (ahaṁkāra)，乃至以上種種，流轉不息。
數論瑜伽，旨在修攝五根，平等心住，精勤行禪，放下對「事物係我」嘅錯誤執取，洞悉萬物背後，不生不滅嘅真我，從而擺脫世間束縛，梵我合一，達致解脫 (mokṣa)。
求道心切嘅悉達多聽到之後，法喜充滿，開始更精進修行，務求親身體證老師所講嘅境界！
延伸閱讀：
《佛所行讚 • 阿羅藍欝頭藍品》
https://cbetaonline.dila.edu.tw/zh/T0192_003
《Sankhya Yoga, Bhagavad Gita》
博伽梵歌 • 數論瑜伽
https://bhagavadgita.io/chapter/2
《Katha Upanishad》
https://arshabodha.org/wp-content/uploads/abc/teachings/Kathopanishad/kathaTrans1.pdf
《Sankhya Karika 數論頌》
http://www.kouroo.info/kouroo/transclusions/18/37/1837_SankhyaKarikaHTColebrook.pdf
《Mokshadharma Parva (Chapter 174–365), Shanti Parva, Mahabharata》
https://archive.org/details/mahabharataofvya122unse
《Encyclopaedia of Indian Philosophies, Volume IV : Samkhya》
https://dorshonshiksha.com/wp-content/uploads/2020/09/the-encyclopedia-of-indian-philosophies-vol.-4_-samkhya-a-dualist-tradition-in-indian-philosophy-pdfdrive.com-.pdf
P.S.: 了解古印度思想，有助拿捏佛陀，點樣基於當時已經百花齊放嘅精神文明，汲納前人教導，定義自己獨特嘅法門。從中亦可以見到，有啲教導喺古瑜伽/婆羅門一早已經流傳緊，但未必係佛陀本人採納嘅，隨着時間，呢啲思想逐漸滲入佛門，演變成後期佛法。
地水火風空、眼耳鼻舌身、色聲香味觸，語、手、足、生殖、排泄器，一切存有同變異，都係來自原質 (prakṛti 自性)。另一方面，苦樂背後嘅感知者，係神我 (puruṣa 原人)。
無始以來，無明愛欲，令自性同神我交纏，衍生覺 (buddhi)、意 (manas)、我慢 (ahaṁkāra)，乃至以上種種，流轉不息。
數論瑜伽，旨在修攝五根，平等心住，精勤行禪，放下對「事物係我」嘅錯誤執取，洞悉萬物背後，不生不滅嘅真我，從而擺脫世間束縛，梵我合一，達致解脫 (mokṣa)。
求道心切嘅悉達多聽到之後，法喜充滿，開始更精進修行，務求親身體證老師所講嘅境界！
延伸閱讀：
《佛所行讚 • 阿羅藍欝頭藍品》
https://cbetaonline.dila.edu.tw/zh/T0192_003
《Sankhya Yoga, Bhagavad Gita》
博伽梵歌 • 數論瑜伽
https://bhagavadgita.io/chapter/2
《Katha Upanishad》
https://arshabodha.org/wp-content/uploads/abc/teachings/Kathopanishad/kathaTrans1.pdf
《Sankhya Karika 數論頌》
http://www.kouroo.info/kouroo/transclusions/18/37/1837_SankhyaKarikaHTColebrook.pdf
《Mokshadharma Parva (Chapter 174–365), Shanti Parva, Mahabharata》
https://archive.org/details/mahabharataofvya122unse
《Encyclopaedia of Indian Philosophies, Volume IV : Samkhya》
https://dorshonshiksha.com/wp-content/uploads/2020/09/the-encyclopedia-of-indian-philosophies-vol.-4_-samkhya-a-dualist-tradition-in-indian-philosophy-pdfdrive.com-.pdf
P.S.: 了解古印度思想，有助拿捏佛陀，點樣基於當時已經百花齊放嘅精神文明，汲納前人教導，定義自己獨特嘅法門。從中亦可以見到，有啲教導喺古瑜伽/婆羅門一早已經流傳緊，但未必係佛陀本人採納嘅，隨着時間，呢啲思想逐漸滲入佛門，演變成後期佛法。