佛誕日 不如講吓佛陀

真係成左佛個時睇到所有人事物都係佛身佛智，所有野都係平等平等，眾生同佛都係平等平等，佛同眾生既對立無左，無佛可成無眾生可渡，唔會再有搵佛既念頭

多謝居士巴打
但其實想問
修密宗 禪宗 天台宗等等
或者邊個宗都好
其實都只係一種法門？
不必太拘泥個形式？

諗起以前會考考佛學
G持

想知會考d咩題目😂😂

印象分為四部份

甲 基本佛教概念
乙 佛教歷史
丙 經文題
丁 新聞題 佛教概念應用

任選兩部份作答
好似係

乙同丙都好似唔易答，概念題就可以吹水9up

無錯
最簡單係甲+丁
吹水兜到就得

小弟當年拎A

其實上堂係學d咩

要讀幾年 詳細唔太記得
大概都係由佛陀出世開始
講佢點解出家 成佛
佛教點樣發展 有咩派別
解釋基本概念
(因果業報 輪迴 涅槃 之類）
佛教有咩影響之類

我覺得幾好嘅
學校唔會強逼你信佛
當聽故仔咁幾得意

仲記得啲terms
四聖諦 八正道 十二因緣
有興趣自己GOOGLE
廢事講錯

出家人教？

普通教師
有無皈依就唔清楚

carousell見到有教科書賣
有興趣自己搵嚟睇吓

咁都比你搵到

除左學理論會唔會教打坐

有教禪定
你當普通MEDITATION

經文題考咩經

唔記得啦好多年前
我無揀嚟答
最難係呢部份

明嘅

三個宗派既理論同修行方式都唔同，有緣入到邊個宗派就應該跟返佢個傳承既要求黎做。形式係比學人更加容易明白修法既目的同內容，有跟隨既必要

天台宗既止觀修行好有次第，係如來禪同祖師禪既基礎

禪宗由達磨傳落後到五祖弘忍之後分左南北二宗，北宗大佬係神秀，佢地禪法有如來禪味道。南宗大佬係慧能，禪法係後世所謂既祖師禪，主張不立文字見性成佛，呢個主張誤導後世人令狂禪口頭禪出現，其實禪宗d祖師大部分都係飽讀詩書滿腹經綸，禪定功夫深湛，有呢啲功夫打底先可以學好祖師禪。發展到南宋大慧禪師開始提倡參話頭，一直沿用至今

密宗係三個系統入面次第最分明既一個，修行方式豐富，儀軌繁複，標榜即身成佛。大圓滿最後了手階段修法與禪宗有異曲同工之處

經過永巴和水巴的淨土宗導讀，有個佛經學習地圖，一定要感謝你們。

近排學生開始睇「有宗」「空宗」嘅書，希望可以完整d 了解大乘思想。想請教一下，禪宗也會涉獵他們的經論。直觀覺得這些大乘宗派界線好模糊，只係大家看事物出發點有d 唔同。又或者「唯識」「中論」係基本要掌握的學問?

大乘精深奧妙，係各部派嘅智慧結晶。

主要包含着重空性嘅中觀派、研究轉識成智嘅唯識宗、提倡本心是佛嘅如來藏學派 (禪宗)。

天臺宗尊崇嘅法華經，係般若思想嘅延伸。華嚴就係更加精彩特別嘅後期大乘。每種學說，都發展自早期佛教。

話雖如此，個人主張，由最根本嘅《雜阿含經》入手，掌握咗五戒、守護六根、四念住、慈心禪、出入息念、身分觀、七覺支、八正道、五蘊無我。打穩基礎，先坐大乘出海，可能會無咁易迷失

大哥謬讚，我都係整理前人既口水尾再分享出黎，一d自己見解都冇連管見都談唔上，睇完如果覺得有疑惑一定要再去求證尋真🙏

我同意水之道學佛應該係從阿含入手，將基礎打好，再去接觸大乘或密咒乘會更有效率同無咁疑惑

真係想了解大乘思想有宗唯識同空宗中觀都必須要研究，兩宗義理詮釋既切入點唔同所以讀落難免會覺得有出入，但我覺得個目的係一樣，佛法係圓融既，就睇學人可唔可以黎個「華麗轉身」，將所學既野（比喻為點點）用條般若線串連起黎，將理論同功夫打成一片💪

禪宗祖師好多都通三藏，旁通儒、道同陰陽學等等，所以前人話禪宗係中國文化既結晶，如果唔通文學就睇唔明禪宗典籍呢個係真話….曹洞宗既參同契、寶鏡三味等既經典、五位君臣既修行方法就係最好例子，唔通易經真係好似睇天書咁樣😂，對後世學禪影響係正定負就另外一回事

唯識方面如果了解左「百法明門論」或「大乘廣五蘊論」對觀眾自己心念應該會有好大幫助，另外對讀其他宗派既典籍幫助亦十分大！中觀就真係太深奧，我能力有限講唔到d咩，如有因緣接觸到絕對贊成瞓身研究，了解左之後對萬物既觀察力應該係幾何級既增加

對唔住樓主 再騎劫一下
想問下咁多位居士
三（四）法印可唔可能嚟反駁到台灣個啲感謝seafood 讚嘆seafood背離佛教教義

謝兩位巴打🙏🏻🙏🏻🙏🏻
好同意每種學說都發展自早期佛教，以佛陀說法為基楚。
我明白巴打意思，除了哲理上理解大小乘，更要在福、慧資糧下功夫，心性上有所調整，咁先係完整的一套，而非一半。因為當中牽涉到「現行」與「習氣」相互轉換薰染。

Lm

坦白講，又唔係追求刺激新鮮感
只不過做咗幾廿年人
一路都係不可知論者
或者有少少唯物主義
要一下子相信
真係好難