佛誕日 不如講吓佛陀

Lm

件印尼妹子幾靚

Live

第二年秋天，悉達多同耶輸陀羅結婚了。由於事關兩個邦族，所以當日非常之熱鬧。相傳淨飯王仲送咗幾座宮殿畀悉達多添。

點解印度妹子要戴鼻環咁mk?

結婚日嚟MK吓

結婚之後，悉達多自幼認識嘅馬夫闡陀(Channa)，駕駛馬車，載住兩人四處遊歷。



過程中，佢哋更深入接觸到各種民間生活、疾苦、死亡。


又親身體會到，喺種姓制度之下，權貴同埋婆羅門享有尊貴嘅生活，但就令窮困嘅草根階層，受盡剝削壓迫。諷刺嘅係，即使貴為王子，悉達多亦無力扭轉官僚主義嘅腐敗。


耶輸陀羅更積展極開慈善工作，悉達多非常欣賞呢份愛心，對老婆好支持鼓勵，但有時見老婆因為救助唔到他人，感到沮喪、無力，亦觸發佢思考：到底乜野先係真正解除人心苦困嘅方式？

推

快啲更新 收藏左先

悉達多又遇見一啲苦行者，見佢放棄安穩嘅居所，全程投入修習，止息內心嘅貪瞋。悉達多因此更清楚，唔係所有宗派，都認受婆羅門嘅絕對權威。

「世人苦困嘅解脫，身心安寧之道，會唔會可以透過呢個途徑揾到呢？」悉達多又陷入沈思⋯⋯

一日，耶輸陀羅同悉達多講：「老公，如果我哋有BB，你想要男定女呀？」

悉達多一臉茫然：「瞿夷 (Gopi)，你⋯⋯有咗？」

耶輸陀羅微笑點頭：「將來我哋嘅細路，一定會好似你咁聰明、仁愛。」

悉達多攬住耶輸陀羅，感到喜悅無比，同時有種莫名嘅擔憂：「係男係女都好，只要有你嘅慈悲智慧就好喇。」


悉達多同耶輸陀羅，過住幸福美滿嘅生活，十個月好快過去。


根據傳統，女人大肚，就要返娘家生仔，再返來同老公住。但耶輸陀羅呀媽Pamita皇后，本身亦係釋迦族人，而且當時亦住緊喺迦毘羅衛城，所以耶輸陀羅就決定留喺度生了⋯⋯

最大嘅大佬軟飯王你都冇講到

係唔係假和尚

好洗腦

https://youtu.be/4xWPZg7IfME?feature=shared

留名

呢日，耶輸陀羅腹痛加劇，佢知道係時候了。侍婢扶佢入寢宮內室，準備生仔。悉達多喺牆外，聽到耶輸陀羅嘅叫喊聲，焦急咁等待⋯⋯


過咗唔知幾耐，耶輸陀羅冇再叫喊。悉達多打開門，走入內室，見到老婆嘅笑容，同埋順利生咗個B出來，係一個男仔


「就叫做羅睺羅(Rahula)啦。」悉達多抱住個仔，心入面百感交集：一方面，做人老豆好興奮，但睇住眼前脆弱嘅生命，同所有人一樣，無辦法脫離老、病、死，佢就更想為世人尋找徹底解脫嘅方法

未完待續？

繼續G持樓豬

日子過去，耶輸陀羅好快復原，全心全意咁照顧羅睺羅，而悉達多嘅內心掙扎就越多越多。


悉達多自細就學習婆羅門一生嘅四個階段，年輕嗰陣研讀《吠陀》，長大結婚生仔，履行社會職責，第三階段係退休，投入宗教修行，第四係出家修行。但佢始終覺得，老咗先嚟修行，未必能夠修成正果。

呢段時間，淨飯王已經指導緊悉達多參與朝政，揾佢一齊出席好多重大會議。悉達多非常留意政事，亦對經濟、社會有深入了解。

只係，佢發覺喺呢個制度之下，官僚趨炎附勢，明爭暗鬥，不擇手段咁樣，取得更多權利。人民嘅福祉，只係次要考慮。即使係王子，亦身不由己，只能夠隻眼開隻眼蔽。

多謝支持

其實佛陀故事都係兒子的故事

LM

Lm